善衡書院學生飯堂

营业中

休息中

識食一定禮拜四去善can食lunch,因為每逢禮拜四，善can都會有特價燒味飯--燒/蔥油雞脾飯，只係$14一個，而平時要$21 ga!今日食既係燒雞脾飯，隻雞脾好大隻!!賣相都好吸引!而且肉質鮮嫩，一d都唔會硬，值得一讚!而且燒汁都唔錯，尤其係淋落d菜到食，令本身冇咩味既烚菜都變得好食起黎。美中不足既係d飯唔知係煮得太耐定係放得太多水，太軟身啦。

之前係善衡canteen食早餐，叫左碗火腿通粉同豬扒雞蛋三文治，仲有杯熱奶茶，都係廿零蚊咋!不過火腿通粉太重調味料味，搞到好似飲緊味精湯咁………不過豬扒就炸得好香脆好好食，令我頓時醒一醒神，但雞蛋就一般水平啦。總括而言，呢份早餐都不過不失啦。

善衡中午時份總是食客如鯽，但下午茶時到來的人卻少之又少，這卻方便我這種希望能夠'嘆茶'的人，於是我點了一個黄金磚配薯條。黄金磚近一吋厚，呈金黄色，賣相不俗。其咬下口感鬆化，極有嚼口，中間一層花生更是可口。薯條方面，其除了炸得金黄外，更摻了味粉在上面，辛辣可口，配以一杯凍飲，冷熱交錯，成為了下午的最佳享受。

朝入中大探朋友，去左善衡書院既餐廳食早餐，聽講善衡餐廳其實係某大快餐集團經營，唔知早餐味道會唔會同出面一樣？或者價錢會唔會同外面同價呢？畢竟入中大食野我係expect食學生價既餐。開估，其實都係學生價，我嗌左雞扒炒蛋配多士，再加多隻炒蛋，即係total 3隻炒蛋，再加杯熱檸蜜，只係$20.5咋，真係抵到爛！而且餐廳鄰近火車站，只係一出閘行5分鐘就到，我相信好多人都會選擇黎呢度食野！講下隻炒蛋先，其實炒得唔滑，不過就好香奶味，奇怪，落左奶又炒得唔滑。同時佢裡面都幾有空氣感，應該打蛋時打左好多空氣入去，再加豆粉炒成，可惜炒得太老，QC做得麻麻地。雞扒煎得太耐啦，肉質唔夠嫩，食落完全冇肉汁，但雞皮又唔夠脆，比汁浸到腍哂，真係唔合格喎！

今天點了這裏的燒味，本來想要吃口水雞，但是遲來了所以售罄。因此我點了叉燒油雞飯，多薑蓉。這裏燒味的質素有時落差挺大，有時肉質滑嫩，有時給的雞背沒有肉，但今天的質素不錯。叉燒軟，而且挺香，油雞不會太肥，而且肉質挺滑嫩，薑蓉及豉油拌飯好吃。凍檸茶就不過不失。價錢公道。