喇沙王 (已結業)

總之要用筷子食既, 我就當中式. 比較少吃其馳名之黃姜飯. 通常都是叫一些港式飯.這兒勝在夠大份, 每次都要叫少飯. 味道不俗. 有時中午都要排下隊.全阿嬸服務班底, 有時老闆娘也在, 下午茶到訪更有說有笑.

昨日早上和男同事去食早餐,牛肉好滑!好香!整得好好正!

個賣相又得,好多配料,食物又夠熱,有味道,又唔係太咸太淡,我覺得幾好食喎, $30 一個福州魚丸油麵包凍飲,仲想點....總之一定唔會難食,食完唔會口乾要狂飲水,係佢杯飲品差d, 次次飲都唔同味,相差好遠

唔想食飯,所以試下這間點左魚皮餃喇沙湯底都算香,但太稀,唔似正宗喇沙料幾足,味道一般

之前食早餐時, d 麵都未淋既依家煮淋左先上桌,仲有佢沖咖啡既奶,唔係係咩牌子,我次次飲都痾,不過我又冇所謂,當清腸胃朝早趕時間黎呢間食最好,因為唔駛等位,d 野又快上

喇沙王實在唔掂.喇沙湯底認真麻麻, 檀島茶餐廰的外行喇沙比"喇沙王"的更好味, 所以點可以自封為王呢? "喇沙王"配福州魚蛋同魚皮餃感覺有d奇怪, 配海鮮或蝦或牛肉先正常,m而家好似係將喇沙街坊化. 服務態度一般, 食物服務都唔得, 從此將佢列入黑名單.

月前在機利文新街有這間新舖，離遠還以為某名校舊生開的舖頭，原來是賣喇沙的。趁是日天氣濕濕的，沒什胃口，就來吃一吃喇沙。呢度地方幾細，檯擺得密，客人亦不少，所以很容易出現「背貼背」的情況。吃喇沙，幾喜歡吃人家以招牌為名的喇沙，因為應該係最掂的一味，如不是也不想被「拆招牌」吧，就叫了招牌海鮮喇沙，可選米線、銀針粉或油麵，我當然是選後者。先喝湯底，這裡聲稱是「印尼喇沙」，椰奶味好重，香料味淡，亦不太辣，有少少甜味，都算過得去。招牌海鮮的配料有蝦一隻、青口、魚蛋兩粒、假味龍蝦丸及豆卜，統統麻麻，其實叫番普通配料無咁嬲。份量不少，吃完夠晒飽。連凍啡一杯，埋單37蚊，都算係唔貴。在中環電車路附近想吃喇沙，又好似得呢一間，不過可以行遠一點去到上環的話，都有不少選擇的。

喇沙湯底淡而無味, 又唔地度, 又唔好坐, 青lemon soda 好似水一樣, o係中環食lunch又唔洗等位要份外小心