喜喜麵館 (已結業)

車仔面其實就最方便，可以任選自己想食既野。咁我選左米線，豬骨湯，即炸雞排，蠔皇冬菇，生菜，蔥花，炸蒜，秘制辣汁小小辣。推薦大家試下即炸雞排。首先，其實都唔係間間車仔面都有即炸雞排呢類即炸選擇，通常都係啲雞翼、午餐肉之類，選擇上比較特別。其次，佢呢個炸雞排既質素都唔錯。佢實係即炸，唔呃你，會要多小小時間整。拎到上枱熱辣辣。而且份量好多，一碗仔滿滿既，以9蚊既價錢黎講真係唔錯。其他配料黎講，冬菇係好食既，相當入味。但怕辣既朋友要小心啲，我本身叫左佢既小小辣，諗住有啲特色咁食下，但發現佢真係好辣。推薦好辣既朋友黎試下佢更高境界。但係個人認為有個湯底係伏既，就係喇沙湯底。我試左我朋友點既，好重椰奶味，完全唔係你想像中辣辣地，好爽口既個種感覺，反而好似好膩咁。唔會想點喇沙湯底。

見到呢間有好多小食，為左佢個豬紅而來結果，豬紅一般但車仔麵料好足，吾會每樣餸得少少咖哩三寶好食香茅雞翼都好食出菜時間有d長都差吾多等左20分鐘我諗佢主要都系做街坊生意為主

麻辣好入味，車仔麵嘅餸又多選擇，麵嘅份量有剛剛好。$45一碗車仔麵，夠哂平民價！兩個哥哥仔服務態度又好。良心小店值得推介。如果去開土瓜灣真係要過嚟試吓，真係幾好味嘅車仔麵！

位於紅磡"食街"既喜喜麵館應該係新開無幾耐，間面裝修都幾靚，下午茶試吓新店。太多選擇，結果都係選左車仔麵，好緊要既係佢有辣菜圃，正。# 即炸雞扒豬腩肉油面 # ********* 8/10好味。雞扒即炸夠Juicy，好大塊。豬腩肉甜甜地又鬆化。個面配左腩汁、咖喱汁、少少辣沖。估唔到少少辣其實係勁辣，食到我一個鐘之後仲feel到個肚好辣好熱。但碗面係正的，下次唔會落辣汁。# 即炸豬扒麻辣豬肚油面 # ******** 8/10豬扒又係即炸，好鬆化，配油面，正，不過份量比雞扒少。豬肚夠爽。# 雞翼尖 # ********* 9/10好入味，煮得好夠冧，甜甜地，亦有啲蒜蓉味，好啱送面。食多幾碗都得。# 麻辣牛肚 # ***** 5/10喜歡辣既解友應該ok，但我覺得太辣，亦都唔麻。牛肚比較硬，我喜歡冧少少。冷盤feel.... hmmm，雞翼尖完勝。# 辣菜圃 # ********** 10/10無野好彈。甜甜地唔太辣。無左佢點得。好味既街坊小店，2個人食到好飽，啱啱好100蚊埋單，每人50。一定會再黎食。

門面幾靚裡面環境乾淨整齊特式麵同小食餐牌，相片幾吸引叫左車仔麵麻辣湯米線🍜，蠔皇冬菇，紫菜及響鈴賣相幾靚味道唔錯既，碗麵好香，麵質不軟不硬，冬菇好入味，麻辣味香不過咪精幾重，食完口乾埋單$40（唔使加一）雖然好食，但味精稍重。間唔中黎食下ok

紅磡有條好出名既食街，係崇潔街，一條短短既內街有成十零間食店，有港式，韓式，日式，印度，中式既餐廳等等，今日揀左港式地道車仔麵試下佢Menu 除左可以自己劃餸，亦有部分已經Preset 左餸既麵比我揀，我發覺嗌Preset 既麵仲抵喎今次揀左大雜燴麵，$45有六樣餸，有雞翼，牛腩，大腸，牛肚，魚蛋同生菜，樣樣都係我鐘意既，配油麵同埋加辣汁湯底好深色，味道好濃，唔似出面車仔麵果啲味精湯，飲完冇口渴大腸有3~4舊左右，厚身，滷得入味，唔un牛腩偏瘦，但好香，肉唔會柴，如果半肥瘦就更好牛肚偏幼，如果大舊啲會好啲，但味道爽口好食魚蛋同雞翼不過不失，合格既，雞翼都大隻另外仲有辣菜甫，隨便你加總結喜喜價錢真係平，而且見到食物出品係有質素，我會成日去幫襯

今次同老婆黎幫襯喜喜麵館，由於老婆大人點咗我想點嘅米粉，於是乎我轉食河粉，希望河粉質素唔錯啦！今次幫襯有個驚人發現！竟然有個極罕見係車仔麵店餐牌上嘅餸菜"竹笙"！即點！先飲啖湯底先，我點嘅豬骨湯底極鮮甜，味道依舊，正！竹笙係比較吸味嘅食材，擔心吸得太多湯味令味道太重，但入口之後發現擔心係多餘，竹笙爽脆嘅口感真係食極唔厭，吸收咗鮮甜嘅湯令竹笙又鮮甜又爽口，推介！另外點咗一個又係極罕有嘅餸"魚肉炸豆卜"，外脆，魚肉如果加入蔥花更啱我口味.河粉係另一個欣賞環節，河粉幼薄，入口嫩滑，同米粉質素同樣出色，下次幫襯又多一個好選擇！老婆話要我埋單，唔埋單就埋我單！成日蝦我！嗚嗚嗚嗚..... ~~>_<~~

朋友聽到我意見，知道喜喜麵館味道唔錯想試吓，於是乎帶埋佢一齊去試吓！滷水豬大腸，𧐢皇冬菇同炸雞中翼係必食，今次試咖哩豬皮同響鈴。另外次次都食米粉，今次轉轉口味，點米線。平時食咖哩豬皮都係無咩咖哩味，今次唔同，咖哩味香濃，驚喜！米線麵身彈牙，不過我自己都係中意米粉。問問朋友意見，佢都話唔錯！安慰。

以后落崇潔街食車仔麵，睇怕都要轉場，幫襯喜喜麵館鳥, 原因係....1, 我唔怕食其他車仔麵腥味重嘅豬腸，但相比起喜喜麵館嘅滷水豬大腸，滷水處理嘅豬大腸更啱我口味，更甚嘅係，喜喜滷得出色，而旁邊嘅豬腸，真係好鬼腥！係我食過最腥嘅豬大腸。2, 喜喜嘅米粉特別幼細。3, 蠔皇冬菇比旁邊嘅鮮冬菇，味道更濃更啱自己口味。4, 湯底清甜，亦都係最好味。5, 崇潔街嘅車仔麵，只有喜喜提供我中意食嘅炸香蒜。今次幫襯，蘿白同牛腩係失色地方，蘿白無清甜嘅味道，牛腩肉質韌咗。香茅炸雞中翼外脆內軟入味，超正！如果有豬軟骨提供就好囉！

崇潔街又新開一間車仔麵，哩條街嘅車仔麵都食過哂，又睇睇哩間新開嘅車仔麵質素點先？鋪頭唔係好大，冷氣就.... 啱啱好啦！由於夜晚約咗朋友食海鮮，所以 Lunch 唔點太多餸，羅白，蠔油冬菇同滷水豬大腸，多蔥，多蒜！未講添，我要嘅麵底係米粉。相比起崇潔街其他車仔麵嘅豬大腸，喜喜嘅豬大腸更啱我口味，豬腸更入味更冧，掂！除咗豬大腸之外，我亦都欣賞佢地嘅蠔油炆冬菇，同一條街嘅車仔麵，冬菇無用蠔油煮，令冬菇偏淡，喜喜嘅蠔油冬菇夠入味，如果冬菇大粒d更理想。米粉係最滿意一環，米粉特別幼細，有d似麵線嘅口感，Like!湯底飲得出落咗唔少功夫，雖要肥膩咗d但味道鮮甜，係崇潔街車仔麵中最好味嘅湯底！有時間一定會再黎幫襯！

喇沙麵湯底夠濃， 當中配料又足，車仔麵的湯底特別惹味濃郁， 車仔麵的配菜亦都選用比較好質素嘅配料，不像一般的車仔麵店，其他小食 在外面車仔麵店亦比較少有，特別但係炸釀豆卜，同埋咖哩魷魚，都好好味，希望能繼續維持質素

魚餅幾好食，但糖心蛋一般，未如預期！麻辣米缐都可以既！湯底好普通，唔知撈面會唔會有驚喜，都會試下個馬來喇沙，睇下好唔好食，價錢都公道既！$32蚊都食得飽肚。ok啦！

住喺附近，依間係一間新開有質素嘅車仔麵店。我夠膽講，呢間車仔麵店喺美食街入面，數一數二好食嘅一間餐廳，雖然餐廳地方唔算話好闊落，但係都絕對足夠。至於食物方面，無論係湯底定係面，都非常之有質素，湯底味道很好，其他全部配料都係心機之作，服務員認真和友善的態度都非常值得欣賞，整體來講係真係好唔錯。有一個給食客嘅小小意見，湯底加腩汁和芫荽，會好食好多，另外豬大腸同豬紅，如果夠膽食內臟嘅食客，都值得一試，其餘我都未試過，有機會經過大家試吓，今年真係少咗好多質素嘅餐廳。

無意中試左一間新開麵店，本來以為只是一間普通車仔麵店，但見店員話許地個喇沙做幾好，見他個樣都唔似吹水，返正未試過，就試一試，結果真係幾好，個湯有椰漿味得來唔會太over,因為有時係出面食，如果唔講，我以為自己食返椰奶麵，但這個有海鮮味有椰汁味又有少少辣，味到洽到好處，所以直得一食啊！我重加多兩個涼拌小食，同樣有一定水準啊！比較我之前食果d高出一班