喜聚火鍋雞煲專門店

营业中

休息中

我食4號餐，冇限時任食，食物正常既，刺身都可接受，畢竟3xx幾蚊又邊爐又雞煲又刺身，冇咩好投訴，但個冷氣真心唔掂，食到出哂汗，野飲又唔夠凍，搞到冇咩胃口食耐d.就算呢個價錢都唔會有下次，打邊爐打到出哂汗真係搞唔掂

今日之前食過，食物質素同服務都幾好，有80分(滿分100)。今日帶埋屋企人去食生日飯，坐係個場中間位，屋企人(女生)穿著背心都食到出汗。食物特別是牛肉質素甚佳，普通的肉同油花好靚，蜆也美味。個場已加開風扇同小型吹冷風機，但主要是雞煲同打邊爐，個個開著個爐炒雞同淥嘢食，熱氣騰騰，個場熱到好似係室外，猛對凍飲也擋不住汗水係髮邊同頸後流出。我哋食無限時，到晚上10點後，隔離枱開始走，無開爐情況下，仍熱辣辣，整晚成個人馨住，食得不自在，想快啲走，早知食限時兩個鐘。* 生日有88折，平日有優惠。@ 坐一頭一尾會正常有冷氣，好好多。# 真心希望老闆快啲攪攪個場的冷氣。

新開火鍋店。選擇了不限時的4號套餐$298，可由1730到0100。圖一牛小排，牛滋香給力，雪花紋平均。點了5次。圖二牛板腱，牛味十足。圖四精選刺身拼盤。點了5次。圖十一1664生啤任飲。飲品區有多達10幾款飲品，包括韓國樂天飲品，啤酒都有三款。小食都有幾款，不能盡錄。火鍋店剛開沒多久，各樣硬件配套，服務質素都不錯。推薦推薦。

服務態度非常好 雞煲既雞可以任加 味道都好食 同埋職員驚你d雞會燶 會主動keep住過黎幫你攪d雞 提你d雞熟未 牛都高質好食 吾似d勁cheap既牛 雖然配菜少 但整體都已經好好👍😝

旺角區既雞煲但唔算好多人, 特別想講佢地既服務態度真係一流 所有員工都好留意舖面 仲會幫手煮雞防炒焦 執碟快之外仲會好貼心收骨 味道above good, 仲可以無限加雞 任飲真asahi 同 1664 生啤呀 又有得食下刺身無咁寡 飲品種類都好多, 仲係coca cola 系列汽水而唔係什麼百事之類既汽水試業開始到依家各方面既質素都係有升無跌 座位距離好闊 唯一就係冷氣唔算好涼 但周圍好乾淨企理但價錢十分合理 任食雞煲+刺身+ 生啤top3 之選

路經豉油街，有一間雞煲專門店，以為淨係食雞煲，原來有茶飲便入去試試。我們柯打個點心拼盤加一個網𢇁鮮蝦腸粉，都係60蚊。拼盤有蝦餃、燒賣叉燒包、潮州粉果、創了搞燕麥糕各一 件。新鮮蒸起，味道都唔錯。鮮蝦網皮腸粉，好脆口、蝦好爽、粉皮都幾滑，唔錯還有少少蟹子喺面。還柯打了另一套餐HKD53.8，荷葉鳳爪排骨配上生菜一碟。生菜一般酒樓水準。荷葉鳳爪排骨飯冇諗到原來蒸籠都有八吋，但係好淺，熱辣辣剛剛蒸起，都幾好味。

這附近火鍋店選擇特別多😆這家新開而且點心下午茶有優惠🤭特意來朝聖🤣夜晚會變成打邊爐，早來就吃茶點。茶點普遍味道不錯，價格不算太高，很多街坊都來吃🤭春卷挺脆甜薄撐皮有啲軟這個有驚喜，墨魚丸口感

離地有點遠，大約行10分鐘，入口比較難搵公司開年飯一行約20人，訂左一間獨立房硬件新淨，分左3枱坐，每枱有兩個爐我果枱揀左雞煲，其他都係養生人，竟然無人食辣點左澳洲A5，又比相像中好食WO 刺身款食OK ，都正正常常，正常過極上大XX放題好多，定係果間太差....唔係賣廣告 🤣3百呢個價係幾抵嘅大堂人唔多，所以d野食都ok 唔會比人搶哂 勝在有獨立房可以開Party ，呢個比較難搵，又唔想book酒樓呢間係唔錯嘅選擇

全新裝修的放題火鍋，吃了一個$278（+1）牛小排兩小時火鍋餐。自助QR code點單，另有冷熱盤飲品自取區。優點：卡位和服務令人舒服，帶位送餐及收銀有禮貌、說話前後都會鞠躬，見到每位客人走後，都會把整個火鍋盤拿出來抹，調料區吃了兩小時，至少看到他們把每款調味拿出來抹了二次。沒有漏單，雪糕和食物都排列得整整齊齊，令人身心舒暢，贊。有生啤仼飲，正。缺點：食物款式較少，同區同價位有更多選擇。熱盤（如魚蛋、豬大腸）雖入味，但因為缺乏熱度所以凝固，賣相一般。有個單個花腩豬肉串，太乾不好吃。

前一日book位享有88折優惠. 食5:30~7:30PM. 我們揀了套餐3安格斯牛小排放題二人枱幾細下 . 除左少量出菜外 . 其他都係自助式,連加湯都係自己黎封門柳牛味濃,牛小排牛味排第二, 跟住是牛板腱和牛肩舺 套餐3有鮮甜象拔蚌刺身送 (優惠期間) .份量八片左右花膠雞湯底夠濃 . 但有胡椒味 . 味道上有小小似胡椒豬肚雞湯 . 飲左兩碗有DD 飽任食海鮮類聖子仔同沙白有沙, 其他海鮮還可以.有比較貴價的龍躉片 (厚度夠) . 鮑魚 . 蟒片 . 花膠片任食不錯有八款刺身任食 A 不過麻麻 O有即炸響鈴 . 炸魚皮 . 有少量熟食 . 生果 . 雪糕任食飲品任飲蝦滑彈牙有蝦味 .五錯但以食物種類黎請性價比還是幾高

新店開張不但有八八拆，還送上象拔蚌刺身，牛肉包括牛小排、牛肩胛質素不錯，食物種類多選擇，海鲜台有藍花蟹、沙白、青口等等任食，還有八品刺身任食；飲品亦種類繁多，有多款冷泡茶、各式罐裝飲品，仲有生啤任飲。性價比高，適合良朋共聚，下次可以再來！

之前睇了youtube上面的介紹 ！知道新開了這一間雞煲火鍋 ， 便約了今天和朋友一起去喜聚火鍋食嘢， 諗住 youtube推介都唔錯， 應該唔會中伏！ 點知！🤣🤣🤣 都係中伏！ 刺身唔新鮮， 只用一隻碟裝器， 碟底居然唔放冰，容易滋生細菌！🤔🤔🤔 枱子實在太細了！ 😑兩個人一張枱可以！ 兩個以上就不能， 枱與枱之間實在太接近！ 令人覺得好擠迫！ 店員實在太忙， 沒有時間收拾！ 其實成間舖頭只有三四個人加上經理！ 可以理解！🙄🙄 我應該唔會再去食！ 我覺得個價錢不值得去吃！ 不值得推介！

最近見推介此餐廳並通知早一天前致電定位有優惠（食3及4號餐有88折及有象拔蚌）但電話是一直斷線不能打通。見很像不錯便直接去試，選了3號餐的牛小排是不錯而且上菜都是快的，1664啤酒也不錯，飲品選擇還可以，但海鮮一般及出貨少（8點後沒有蟹再出，蠔仔有幾隻是有異味），刺身也是一般（只有三文魚好點），熟食今天只有豬頸肉比較好，其他完全不吸引。菜的選擇也不多。如沒有致電定位及沒有優惠，以同一價格計會有其他更好選擇。

啱啱做緊優惠，試吓唔錯嘅,最平嗰個餐脆肉鯇都非常好, $200唔使又有雪糕同埋啤酒,出邊仲有海鮮,竟然連象拔蚌都有供應,熟食嘅滷水同炸三文魚都唔錯,不過掛住食最終發覺冇乜影相添,下次可以再試有刺身嘅.