喜點

营业中

休息中

今日三點鐘去到見到個包櫃只係淨返幾個包，問個比較後生嘅女店員仲有咩包？佢完全唔想理我咁， 只係悔氣地重複我既問題俾另一個年長啲嘅同事，嗰個年長啲嘅同事先答我，完全唔想做生意咁！後生員工收錢嗰陣唔講幾錢，唔問用咩方法俾，又唔講多謝，全程無同我講過一句野，即係算點？！我坐低食果陣見到佢同其他男士(黎押款同埋商場員工)好好笑容傾唔停！食物方面，南瓜包算鬆軟，裏面嘅南瓜好香亦都好甜，但放落個紙袋度痴住晒啲皮，想人點食？！結果我要拎返底下張麵包紙夾住食。整體十分差極度需要改善！

自己本身不嬲都幾中意食中式包，公司搬左黎呢附近之後發現到有呢間包點原本都幾開心但係上次下午5點左右好肚餓諗住黎買個包食，結果全部款都賣晒。。。諗住今次早Ｄ去買實無死，下午一點幾去到想買流沙奶皇包，點知又賣晒。。。。🙄得返其他5-6款，結果我揀左未食過既雞球大包試下～話明雞球大包所以都真係特別大個，佢要$18其他都只係賣$10（其實$10都比起出面貴$2-$3一個, percentage黎講都貴幾多。。。但係佢堂食都有幾個位坐，可能貴在呢度吧）大包既外層麵包唔算好鬆軟，裡面有鹹蛋黃，臘腸，雞肉同一舊草菇～鹹蛋黃唔係特別香亦無乜漏油，普普通通臘腸唔算肥，但蒸得太耐好淋一Ｄ都唔香，我食左一啖就掉左。。。雞肉就ＯＫ既，口感滑同調味適中草菇好薄身爽口但唔香，同冬菇既香味相差好遠整體其實好一般但又不至於難食咁囉，可能只係無選擇之中既選擇😅