影片
以上资料只供参考，请与餐厅确认详情
自從這幾個月來到北角上班後, 午飯時總愛周圍試新店, 不過點心的話只有一人吃總是覺得不能試得太多這天正好有朋友相伴, 就決定來附近這家喜點試試幸好來到不用等位, 但搭枱就免不了的點了幾款點心味道都算不錯但驚喜度不大再點個土魷肉餅蒸飯打算兩人分看見上來的肉餅色水真的嚇了一跳!! 竟然是灰水的顏色友人看見後也禁不住說有點反胃不過既然點了總不能浪費試吃了一點肉餅, 味道又幾正常, 不過亦未算是好吃但至少沒有看起來那樣差不過有時外觀真的會影響食慾, 希望店方能改善一下.
继续阅读
2月28日, 是晚約咗朋友喺天后食飯, 相約咗食呢間點心, 呢度嘅好處係點心可以逐件叫, 咁我地3個人就唔駛下下每籠凸一件, 仲可以跟各自喜好去點~::: 豉汁蒸排骨飯套餐 :::套餐包括小菜、白飯同老火湯~ 老火湯似係一盅一盅咁燉, 夠晒火喉~ 入口都幾清甜, 應該冇落味精嘅, 料有黃瓜同瘦肉咁, 都幾足料, 除咗屋企飲到嘅湯, 呢度嘅都唔錯~蒸排骨上枱, 其實同一籠籠咁上冇分別, 只不過係轉咗碟上同份量大d~ 排骨偏肥味道則較淡, 調味雖然健康但係都未免太輕手. 要讚係個份量多到2個人食都可能覺得太多~::: 蝦餃 :::蝦餃好漲, 用料豐富, 食到啖啖爽彈蝦肉, 個皮唔厚得嚟亦唔黏口, 唔錯~::: 燒賣 :::燒賣同樣都好足料, 幾大粒, 蝦肉爽口d豬肉餡都好夠味~::: 棉花雞 :::棉花雞較淡, 雖然豬皮索晒d汁, 但係都唔見得豬皮好有味... 雞肉可能蒸得太耐, 肉地頗嚡, 無甚驚喜之餘亦都唔好食...::: 椒鹽豆腐 :::豆腐脆口好惹味, 尤其剛炸起嗰種香口感, 好熱氣但係好吸引~ 豆腐本身冇乜味, 但係加咗椒鹽, 點埋個喼汁就味十足美味~::: 煎蘿蔔糕 :::蘿蔔糕反而煎得唔夠香口, 唔夠燶欠缺脆卜卜嘅質感...::: 叉燒包 :::叉燒包係普通料, 味道同其他酒樓一色一樣, 食落冇乜特別...::: 灼菜芯 :::菜芯應該都係幾新鮮, 入口清甜, 爽口唔會霉下霉下~ 之但係一條菜冇剪開, 一大條咁有d難進食.夜晚一路食都唔見太多人流, 坐得唔係咁舒服可能係一個原因. 儘管食物味道一d好一d麻麻參差不齊, 不過少人又或者夜晚想食點心, 都可以考慮下呢度~
继续阅读
午市蒸飯套餐頗抵吃，不過剛剛加價，早一個月好像是＄28／＄30，今天加到＄32。蒸飯味道不錯，份量也足，只是有時可能放太久，飯會比較濕。鳳爪排骨味道跟平常的差不多，一夜情咸魚肉餅用上只醃一晩的魚片，比較特別。配的點心以山竹牛肉最抵吃，一份三件。牛肉咬下去軟軟不死實，不過有時味道會過咸，看彩數。
继续阅读
食過呢度好多次都幾好，唔知點解今次咁失水準，有兩款點心出事。自從有人話牛丸冇牛之後，以後有免治或攪碎牛肉，都明可能會有一定份量的豬肉加入去，這做法可能是平衡口感及味道，但這碟牛肉腸粉，內裡竟有一粒仔豬骨。另外又叫了糯米雞，已經等了好耐都未來，千呼萬喚來到，可惜中心仍是凍的，攪乜鬼？雖然最後取消了單，但這是巧合，還是真的keep唔到？
继续阅读
一個餐，有齊湯，點心，蒸飯，都只係五十五蚊。套餐內之點心叫咗咸水角，熱騰騰，但略嫌硬，居然有三個，一個人份量，實飽，一句講哂，十分街坊價。而且係即叫即做，抵讚。食品是不錯的，分量賣相也吸引，唯一強差人意的，是咸魚蒸肉餅飯，居然唔係咸魚，而係一片鯇魚，貨不對辦。至於收三元茶錢，係車仔茶包，如早些說明會好些。總括也是不過不失的。
继续阅读