影片
电话号码
92648438
营业时间
今日营业
15:00 - 00:00
星期一至日
15:00 - 00:00
以上资料只供参考，请与餐厅确认详情
呢間甜品自從佢哋上年開咗之後都食咗幾次，小朋友最鍾意食佢哋嘅窩夫！呢間嘅甜品款式多，份量足～真係大人細路都鍾意～ 總有一款啱心水！今次試咗呢幾樣！#開心果奶蓋窩夫 配雪糕 $75超～級多開心果奶蓋喺面😍重開心果味👍但無苦澀味，仲有啲開心果碎喺面添～雪糕仲有得揀味道！雲呢拿、朱古力 、土多啤梨、芒果、曲奇、榴槤+$2呢個我哋揀咗雲呢拿味雪糕！窩夫份量多，食食吓可以食粒奶凍平衡一下👍#榴槤飄雪 $72呢個有牛奶雪花冰、甜煉奶、D24榴槤、椰果、海藻珠、小丸子、榴槤雪糕D24榴槤蓉+榴槤雪糕，超級濃郁😍仲有大量小丸子同椰果，好重手下🤤牛奶雪花冰好食之餘，咬咬下食到海藻珠有畫龍點睛感覺👍#糖不甩丸子窩夫 配雪糕 $65小朋友個個窩夫都話想食😌最後揀咗呢個，應該係睇中咗有芋圓同小丸子！雪糕揀咗曲奇味，小丸子上面灑咗黃豆粉同杏仁片，呢個幾特別👍#波波拼盤 $49有炸魚旦＋炸燒賣＋炸花枝丸＋薯條有得揀原味鹽酥 / 麻辣味我哋揀咗原味鹽酥～份量都多，滿足🥰另外佢哋嘅下午茶其實都幾抵，有時下午茶都會去食～大大份窩夫+嘢飲都係$58，可以去試吓～推介🙌🙌
继续阅读
今日係聯和墟附近食飽飽😆跟住就黎左呢間甜品店食甜品🍮😋發現聯和墟呢邊唔止美食多，價錢仲全部都好抵添！真係經過開都想試多幾間😍呢間嘅裝修同布置都好多貓貓元素，又可愛又温馨😻＊＊＊＊＊🍡🧇糖不甩丸子窩夫（配雪糕） $65🍫🧇岩鹽拖肥Oreo鮮忌廉窩夫（配雪糕） $65🍑🍼白桃乳酸 +$8🌹🍵養生玫瑰烏龍 +$8呢間甜品店最出名嘅係窩夫🧇，我地就叫左兩款黎share～佢比足一個完整嘅窩夫超級大份，另多仲有一球雪糕🍨，我地揀左芒果雪糕🥭、朱古力雪糕🍫兩個味☺️窩夫外脆內又好鬆軟，好重蛋香味😍💚🥣開心果西米露 $36呢個熱嘅開心果西米露，除左個西米露有好濃郁嘅開心果味之外，仲另外配左一兜開心果碎，又香又有口感☺️🐥🍟小食拼盤 $56🍢鹽酥花枝丸 $36 / 8粒原味椒鹽🧂 / 麻辣味🌶️ +$1另外叫左啲小食share，估唔到甜品店嘅小食都咁好味😻＊＊＊＊＊
继续阅读
住喺小社區有時搵嘢食都真係幾艱難😩由細到大都叫做習慣咗，不過每當有新食肆進駐嘅時候都會有一種莫名其妙嘅期待感🤣今次等到嘅係一間甜品小食店🍨千祈唔好睇小佢喺小社區嘅威力🫢可以造就好多人嘅宵夜㗎😎店舖雖小，但係款式夠多，無論小食或甜品都有好多款選擇😋🪐 BBQ蜜糖雞翼🪐 炸燒賣燒雞翼～我鍾意食🤓的確，喺呢啲咁地道嘅甜品舖食小食係會有另一番風味😋雞翼塗上一層蜜糖，引得大人細路都想食🤤燒賣又炸到粒粒都脹卜卜，面頭仲加咗啲椒鹽🧂好惹味喎👍🏼§🪐 OREO 曲奇奶昔係非常濃郁嘅Oreo味🍪奶昔打到好creamy，我呢啲咁鍾意飲奶昔嘅人表示有100個心心眼😍味道亦唔會話太甜，加埋個雪糕球係雙重享受😎§🪐 開心果奶蓋窩夫基本上呢期去到邊都會見到開心果😆而同時亦都會出現喺我哋張枱😂呢度嘅窩夫係好厚身同大件🧇如果係飯後嚟食甜品嘅就要留意返🤭開心果奶蓋相對上會比較甜啲🤏🏼亦都毫不吝嗇咁俾好多你，大件夾抵食👍🏼§🪐 焦糖布甸椰皇由椰皇鮮奶燉蛋白加焦糖布甸組成嘅一個甜品🍮椰香味十足，完全喺個燉蛋度呈現出嚟🤩加埋布甸會多一份甜味同會有唔同嘅口感👍🏼建議佢可以考慮出一個淨係椰皇燉蛋白🥥天氣凍嘅時候食就非常正🤓身為街坊嘅我表示好滿意有甜品舖🥳以後霎時之間想食甜品都無問題喇🤩🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼8️⃣🌟
继续阅读
去到粉嶺嘆甜品鮮雜果🍉🍈🫐🥭忌廉窩夫🧇配榴槤雪糕🍧窩夫🧇散發好香濃既雞蛋味同牛油既香氣，口感外脆內軟，配搭新鮮既水果最爽，so fresh! 忌廉好軟滑，🍧榴槤雪糕既味道香甜，食落真喺齒頰留香。台灣紅豆🫘、甜奶丹麥吐司🍞配朱古力雪糕🍨丹麥吐司酥脆，配搭甜蜜台灣紅豆、甜奶，口感更加豐富，so sweet!朱古力雪糕，啖啖清新冰爽口感。玫瑰烏龍茶☕ 散發出迷人既玫瑰芳香，令人提起精神既感覺心太軟跟雜果🍉🍈🫐🥭暖笠笠嘅朱古力漿就流出，朱古力甜度適中，配雜果唔會覺得太膩。芝麻糊黑芝麻糊是傳統美食，口感細膩且味道醇香，具有很高的營養價值。南北杏木瓜燉雪耳🍲木瓜雪耳滋陰潤肺，保護嫩滑肌膚，喺廣東料理中經典既糖水。紫米露芋圓🍡紫米露香甜軟糯，超煙靭口感，食完暖笠笠。炸粗薯條🍟 & 玉米片雞塊🧆薯條粗身，食落有厚實且帶薯香; 玉米片雞塊沾上玉米脆片再烤，雞塊外皮金黃香脆，口感超美味。
继续阅读
【北區】【嘆甜品】舊同事複姓哥搬咗去北區，搵佢食嘢就梗係喺返北區搵，唔使煩。知道粉嶺聯和墟新開咗間餐廳，有嘢食得嚟，甜品仲幾高質，就梗係夾埋佢去試。先試 $30 五隻嘅 「BBQ蜜糖雞翼」，肥美得嚟好味，得喎。跟住試埋 $32 嘅「港式懷舊咖喱三寶」，足料。佢有燒賣、魚蛋各四粒加四件豬皮，好夠食，複姓哥甚至覺得佢哋咖喱好正。跟住試 $49 嘅「小雞拼盤」，有炸雞軟骨、鹽酥雞粒、香脆玉米片雞塊，配合原味椒鹽味道，好邪惡。食咗啲小食已經飽飽哋，所以我哋就直接試佢哋嘅甜品，始終本身係甜品店。必試嘅係 $65 嘅「榛子朱古力石板街窩夫」，配球朱古力雪糕喺面，畫龍點睛，好好味，窩夫本身勁香，配搭埋啲材料真係好似食緊 Rocky Road 雪糕咁。跟住複姓哥試 $36 嘅「西瓜西米露」，係鮮西瓜汁底做，加 $6 加埋三色芋圓，成件事就完滿晒，好食嘅。我就試 $28 嘅「大小團圓」，有三粒芝麻湯圓加小丸子，清得嚟口感幾豐富。嘢飲方面，我試 $33 嘅「Oreo 曲奇奶昔」少甜少冰，佢試 $35 嘅「雪糕曲奇奶昔」，兩杯都係邪惡肥仔水，好飲。呢一餐又食嘢，又食甜品，又飲嘢，埋單 $314，差不多啦。。。（地址：粉嶺聯安街1-7號地下B號舖）@tandessert#1amfoodie #hkig #foodiehkgirl #hk #hongkong #topcitybiteshk #hkeat #foodgasm #followforfollowback #love #hkrestaurant #香港 #香港吃貨 #thatfoodiething #食物 #globaleats #1am北區 #粉嶺 #嘆甜品 #甜品 #foodie #高質 #粉嶺美食 #香港美食 #香港甜品店 #香港甜品 #麻糬 #麻糬控 #榛子朱古力石板街窩夫 #大小團圓 #BBQ蜜糖雞翼 #港式懷舊咖喱三寶 #小雞拼盤 #Oreo曲奇奶昔 #雪糕曲奇奶昔 #1am1488 #1ambackup
继续阅读