嘉多利餅屋

营业中

休息中

好味指數😋😋😋😋😋回頭指數 ⭐️⭐️⭐️⭐️開心指數🤗🤗🤗🤗🤗呢間人氣店，我一直都未試，因為我實在唔鍾意排隊。住響呢間店附近嘅朋友話，呢間店係比較少人，我非常感謝朋友為咗令我試到，下晝 2:30 就碌咗去買，佢話有幸唔使點排隊。本身想試一個焗返熱，一個用返室溫食，但係摸到個法包已經軟咗，可能會韌，所以焗完一個後都係決定焗埋另一個食。用氣炸鍋200⁰C 翻熱3分半鐘，個法包焗到好脆身，布甸面可能因為遇熱會有層膜，切開之後勁流心，一啖咬落去非常爆漿，食到成手都係！試過其他店嘅布甸麵包後，果然呢間係最好食，佢嘅 custard 好香濃好滑，單純用custard 作比較，的確比其他店優勝！凈食時甜度比正常係甜咗少少，但配埋冇咩味嘅法包一齊食係啱啱好，如果唔使點排隊，絕對值得再食！至於要排隊呢，15分鐘內嘅都會排嘅，如果超過半個鐘呢，我都應該唔會。

唔係有好多地方有賣老公餅所以買個嚟試吓（$7）雖然佢有寫係紅豆餡但估唔到同普通紅豆酥冇分別……　個皮好厚好實雖然有好多層但冇酥脆同食唔到層次嘅感覺　至於紫薯麻薯包（$7）個包係咸包而且食得出有化學味可能係發起麵包嘅膨脹劑同埋張相都見到個包係扁嘅個餡係唔靚嘅番薯有浸奇怪嘅味（日本梅酒嘅味）中間嘅麻薯都冇好煙韌或者出色純粹有舊黏黏地口感餡喺度　以上嘅產品都可以唔使買 建議加多兩蚊買芋頭酥嚟試吓可能仲開心…….

夏日炎炎，去何文田探朋友，咁啱喺佢屋企附近見到有人大排長龍，仲有個阿叔拎埋櫈仔！真係好誇張！原來係一間餅店，外表睇落都有返咁上下歷史，好懷舊嘅感覺。 原來依間餅店每日下晝2:30左右就會有新鮮嘅麵包布甸出爐，既然一場嚟到，相請不如偶遇，咁我梗係排埋一份啦😎😎麵包布甸$15個，買兩個係冇得平嘅， $30😆😆拎上手都幾重手，有返咁上下份量，即刻趕住衝去朋友屋企一齊試試佢。味道方面，蛋味都幾濃郁，因為凍凍地，感覺都幾清新，至於個麵包，口感煙煙韌韌，都幾過癮㗎，整體都唔錯，唔怪得知咁多人排隊啦

其實都食過嘉多娜個法式布甸麵包幾次而家抄到周圍都係了香港人真係好有效率既姐雖然日日咁多人排咁大需求佢地都堅持唔會量產製作每日指定時間出爐覺得佢地水準真係保持得好好有心機做既野食真係感受到 ܸ.  ̫ .ܸ  每次買到番屋企都有再焗番熱食個法包外脆內軟 絕對唔會咬唔開個布甸再焗都唔會失色暖暖地 一樣勁滑我覺得可以減dd甜 不過可以接受既仲可以食到蛋香其實呢個價錢呢個size呢個手工呢個味道真係無得投訴啦買個空氣包都要

平日經過呢間餅店，見仲有想試嘅中式糕點，所以就買左黎食，全部一買返黎都係暖笠笠嘅。台灣3Q餅- $9外面有黑白芝麻，係用一般中式酥餅皮，皮薄餡多，內餡有紅豆蓉、麻薯、蛋黃同肉鬆。麻薯口感唔太岀，太軟，同紅豆蓉融左一體咁。整體鹹甜鹹甜咁，都ok。椰汁芋頭酥- $9內餡係芋頭蓉，整得好滑同綿，仲有一啲芋頭嘅顆粒感，整體唔太甜。如果我要再買，就會揀呢款！鹹蛋酥 -$7同一般蓮蓉月餅嘅味一樣，只不過佢係酥餅，所以一般啦。

呢度唔只得布甸包賣架 其實佢仲有好多特色麵包賣！佢哋嘅鬆餅真係超級抵食 幾蚊大大過 平時冇$20都買唔到🙈有提子同咖啡兩隻味 兩款嘅口感都係外面硬脆 入面就鬆軟 不過就唔夠鬆化 口感有啲似麵包 而且冇乜牛油香 反而蛋味幾香😂

聽聞呢間布甸麵包好耐，一直想試但聽講要排一至兩個鐘隊，今日假期經過何文田，竟然唔洗排隊比我買到去到店門口，見到話會分時間派籌，以為無機會。不過都入去間鋪睇睇有咩買，竟然睇到布甸麵包！係用膠帶將兩個布甸麵包裝埋一袋，買4個就會用盒裝，一場來到，就買左4個試下試左凍食同熱食，熱食係微波爐叮左之後，個皮好脆，布甸嫩滑可口，又有蛋香，好味跟住又試左凍食，好似出面果d甜品🍮，但15蚊就買到！如果唔洗排隊，一定會再去買

📍嘉多娜餅屋（何文田店）食物：🍮🍮🍮🍮🍮/5 （法式布甸）服務：🍮🍮🍮🍮/5衛生：🍮🍮🍮🍮🍮/5環境：🍮🍮🍮🍮/5抵食：🍮🍮🍮🍮/5回頭頻率：可以一星期食一次係甜品應該要凍食，不過凍食個包真係好韌 😅 亦偏甜有啲漏。最後我冇理到，雪一晚後，烘咗一下個底，個皮脆咗，個餡仲凍，個人覺得超好味，好味過即買即食。都可能因為餓咗一晚做早餐，完全唔覺得漏 😆唔似佐敦店，何文田店呢間買兩個都有個紙盒裝 👍🏻 令個包同餡保持飽滿，唔會撞崩。平日下午三點幾都有得賣喔。

位於何文田的嘉多娜麵包店，每日下午時份都會有人排隊買麵包，所講的當然不是雞尾包、吞拿魚等……而是人氣熱潮都未退過的法式布甸麵包，🍞🥯🍳約2：30pm出爐，我剛早10分鐘排隊，有6、7個人已排緊，可是都要遲多15分鐘先開始可以購買，因為店員正在忙於包裝麵包入盒，每人可限買4個法式布甸麵包，每個$15，店員話可以存放雪櫃內。😄可是此分店沒有京都抹茶紅豆麻糬嗰款，🍵今次唯有試下品嚐原味，個雞蛋漿好流心也澎湃，本身是凍食，有朋友教路返到屋企可以用焗爐烤焗下會效果更佳，麵包會更脆香，😆可是家中沒有焗爐。不要緊都不妨試下凍食的口感，入口個蛋漿質感好稀身略帶甜，凍冰冰且好creamy ，🥯似食緊吉士般，同時蛋味晤夠重，室溫的麵包咬下煙韌要點力撕開，帶嚼勁，覺得試一次都可以，但回頭的次數不會多，感覺一般，沒太大驚喜。😏

下巴仔評分（5星為最高）此次為外賣自取體驗味道：🌟🌟服務：🌟🌟🌟🌟抵食：🌟🌟🌟重點推介🤤👍🏻 法式布甸麵包挖空左法包既中央 注入法式布甸漿 就成為呢個令大家吹捧 日日排長龍既布甸麵包🥖布甸偏甜 雲呢拿味道比較人工 但呢個價錢能夠食到creamy 又有蛋香既滑滑法式布甸 我覺得ok🙆🏻注意事項⚠️- 呢款麵包只會於星期一至六14:30開售 每日只售一轉 而星期日係停售❌- 好多客人都慕名而來排隊購買 想食就要早D去啦😊

今日行吓行吓比我見到呢一間餐廳，都有好多人排隊喎，於是就走咗入去試吓！叫咗幾件Q餅！上面嘅芝麻味道好香，而且外皮真係非常之酥脆！中間入面仲有紅豆麗同埋肉鬆！好好食，非常煙銀嘅口感！

又係呢間多次回購嘅高質麵包店啦☺️佢地強調麵包唔落咁多添加劑 食得健康D🥳對佢地嘅用料都食得好安心😋價錢又平又好食🤪☕️咖啡朱古力鬆餅💲8️⃣除咗咖啡朱古力味仲有普通原味提子鬆餅〰️不過見見呢款多啲人買 就一於試下先😋首先 就咁嗅都幾香🤩 咖啡味都幾濃鬆餅內外仲有啲朱古力粒粒🍫鬆餅外層都幾脆 入面個口感唔似蛋糕個種鬆軟反而算有啲似脆脆地嘅曲奇🍪？ 不過我都係鐘意食法式麵包布甸多D🤤❤️

法式布甸麵包 $15聽說 每人只限買4個聽說 要排隊 就算排隊都未必買到話說 有位朋友成日都食到成日 喺唔同嘅平台放毒仲要 私底下WhatsApp小編🤨🤨我已經 同佢講咗好多次 好想食但冇機會走到咁遠排隊買黎食🤰🏻真係好唔方便 。今天 我受寵了不用排隊 閨蜜速遞成件事好有愛。唔想食凍 想熱食但家中沒有焗爐只可以用煎pan慢火慢慢咁烘熱佢烘熱後法包鬆脆最表面嘅布甸有少少凍但裡面係微溫如果呢個方法 烘熱黎食咬第一啖嘅時候要小心因為布甸 好creamyyyyy一咬 好易流出黎係幸福嘅感覺😍值得一試ge~但要我排隊買 就未必等熱潮過咗先。Btw 甜度 覺得甜咗少少如果減返少少就更好

🥠台灣3Q餅(肉鬆麻糬酥)💲8️⃣餡料好豐富😍入面有肉鬆麻糬豆沙鹹蛋❗️食落去嘅味道鹹鹹甜甜咁 好特別🤪不過我就覺得佢嘅豆沙偏甜 同埋整體嘅份量佔最多 如果可以有多啲肉鬆就好啦😋但係我呢個麻糬我嘅份量好少 所以就唔會話好有煙韌嘅感覺🥲見有啲人食評入面係有勁大嚿😭不過佢係酥皮餅皮 仲要鋪滿滿滿嘅芝麻😆整體食上嚟層次同味道都好豐富💕

【嘉多利餅屋💛|必試法式布甸麵包😍】想試好耐的法式布甸🤤🤤今次喺何文田嗰間買 唔需要排隊亦都冇限購🙈...🔸法式布甸麵包🍮🥖($15/個)試咗兩種食法 分別係室溫食同加熱後食👅麵包室溫食會較煙韌有咬口 中間嘅布甸都幾creamy同滑溜🤤不過略甜 加熱後食麵包會較鬆脆 布甸餡會更加流心 會一路食一路流出嚟🙈而且蛋香味更突出💛個人鍾意加熱食多啲(️👧🏻自己額外加咗砂糖係面 輕輕用熱匙羹整成焦糖 不過效果唔太靚🤣)聽聞仲有第三種食法🤣係放入雪櫃雪凍食 會更似布甸嘅質感🍮下次會再買來試吓😆－－－－－－－－－🍴食物：4/5🏝環境：N/A🛋服務：N/A💲價錢：5/5💥翻兜指數：4.5/5✨CP值：5/5