嘉樂冰廳 (U PLACE) (已結業)

老朋友成功上車搬去土瓜灣，新居入伙後，今日放工過去探吓佢，晚上去咗樓下嘉樂冰廳食晚飯，冰廳新開不久，裝修新淨，燈光明亮，有懷舊風味！主打的一系列茶記美食。港式什扒：豬扒、雞扒、腸仔火腿配沙嗲汁和飯：豬扒和雞扒都夠大塊又夠厚，肉質唔會鞋，配沙嗲汁好惹味。鮮蝦雲吞麵，雲吞皮薄滑口，餡料鮮味，鮮蝦爽口，生麵彈牙。南乳豬手河粉加魚片頭，豬手入味又夠林，南乳味道濃郁。魚片頭爽口彈牙，河粉滑溜。超厚夠吋雞蛋治，蛋治超多蛋，蛋睇得出好滑嫩，熟度剛剛好，嫩嫩地食落濕潤啲。紅豆雪糕西多士，西多係麵包加入蛋漿炸成，口感厚身且不太油膩，中間還有一層花生醬餡，吃起來香氣十足，面層再配上綿密的紅豆和甜美的雲呢拿雪糕球，簡直完美的配搭。鹹檸七味道鹹甜交雜，冰涼可口。雪糕紅豆冰，紅豆冰味道清甜，配雪糕更香滑。

好幾年前去過荃灣總店朝聖，一直好掛住佢個厚蛋三文治，知道佢喺土瓜灣開左分店，終於揾到個機會嚟食返回憶嘅味道🤩✨超厚夠吋鹹牛肉滑蛋治 - 識食梗係要加$2 烘底😎蛋嘅厚度無人能及，咬落去熱辣辣，蛋香滿滿，鹹牛肉如果多d就perfect😋✨脆爆華田西多士 - 砌到成座山咁幾吸睛，面頭滿滿阿華田脆脆，西多入面夠多花生醬，食落好邪惡但又好滋味~✨大滿足火腿奄列 - size比想像中大，佔晒成隻大碟，同埋好足料，入面夠多火腿，夠晒口感🤤✨酥炸菜肉雲吞 - 勁耐冇食過炸雲吞了，新鮮炸起係唔同d, 一咬脆卜卜👍✨豉油皇雞翼 - 個汁估唔到咁入味，令雞翼食落甜甜地，好惹味😻✨阿華田脆脆 - 阿華田底再加阿華田脆脆放面，味道濃郁香甜，大人細路都啱🥰✨好立克脆脆 - 好立克底都幾夠味，亦比阿華田脆脆冇咁甜, 配埋脆脆冇得輸！

喺土瓜灣拜完年，見閒著沒事，提議先到區內四處逛逛，然後再去 U PLACE「嘉樂冰廳」嘅新分店吃頓 late lunch。餐廳早於 1978 年開業，屹立荃灣超過 40 年，絕對稱得上係香港嘅老字號。而土瓜灣呢間新店嘅佈置亦別具特色，門前設有懷舊主題打卡位，戶外露天茶座更可以讓顧客與寵物共同用餐，打造寵物友善場所。餐廳採 QR Code 形式自助落單，非常方便，而且價錢貼地，全日不設加一。先嚟一客餐廳名物，超厚夠吋滑蛋鮮牛治 ($33)，果然好足料，估計用咗多達 6-7 隻雞蛋，食落蛋香味勁濃郁，牛肉新鮮嫩滑，入口啖啖肉汁，令人食慾大增。大滿足火腿奄列 ($35)  亦做得好有水準，Size 超巨型，比坊間嘅茶記足足大 2 倍有多，絕對係真材實料，煎蛋火候適中，入口蛋甜腿香，+$3 仲可以配多份多士👍酥炸菜肉雲吞 ($23)  雲吞即叫即炸，上桌時熱辣辣，外皮超級香脆，菜肉比例亦啱啱好，點埋個酸甜汁食，堅好味！另外仲點咗碗菜遠柱侯牛腩飯 ($52)  牛腩質量高，又腍又入味，牛筋爽滑煙韌，咬一啖已有膠質嘅感覺，充滿住家風味，用嚟送飯一流。跟餐 +$9 可以配杯蛋白杏仁茶，好香滑，杏仁味

好耐冇去土瓜灣，探完朋友感恩她身體安康，心便滿足了，便順道去土瓜灣食個晚飯，差不多30年冇嚟喇，環境好大改變啊！有好多地舖亦不見了，有點可惜。也見到一啲舊街坊地舖還在努力營業。👏👏經過U Place地方好光猛又光潔，打卡一流👍而且都好多食肆價錢亦都好街坊價，我哋便進入"嘉樂冰廳"食晚餐。這兒環境光猛又光潔，地方又寬敞，侍應生好有禮貌招呼，今日有少少涼涼地，餐牌有一人窩心暖意，好吸引，晚餐好豐富呀，我同朋友每人叫一客。一人鍋心暖意套餐$78配美國1bp安格斯穀飼雪花/拼盤/港式特濃雞湯。飲品~跟餐加$12凍咸檸七一人份量其實真係好豐富，有六粒丸/一粒水餃一粒雲吞/ 仲有烏冬/生菜金菇粟米等等。當然唔少得1bp安格斯雪花肥牛啦，肥牛好滑呀份量也不小啊！肉質唔錯又唔鞋口，個湯底都唔錯喎，特濃雞湯好濃郁。朋友嘅湯底係特濃沙嗲湯 ，濃濃嘅沙嗲味好香。推介👍一人窩心暖意套餐$78配美國1bp安格斯穀飼雪花/拼盤/特濃沙嗲湯。飲品~跟餐加$12黑牛 朋友話好耐冇飲黑牛喇，好大球朱古力雪糕而且好凍呀，火鍋飲呢就啱曬佢喇。我哋發現重有驚喜添👍👏 fb/ig只要Nike"嘉樂冰廳"便free 滷水豆腐或酥

今日去左土瓜灣參加工作坊，要填左個肚先出發。 咖哩牛腩撈意粉 - 薯仔有少少生，林d會更好。咖哩意粉味正常。牛腩夠林，如果有少少牛筋就好啦。 雞蛋鹹牛肉三文治 - 全熟蛋，啱啱好熟，不過應該唔係日本蛋。趁熱食好食，包焗得夠脆，鹹牛肉略嫌唔夠多，推介鐘意食齋蛋治既朋友。不過一個人食晒就有點heavy，同埋個咀冇咁大既朋友都要諗下計點樣成個放落口。 煎豬扒 - 少少鬆肉粉味，腌得入味，唔會好鹹，個皮都脆，堅厚。 鹹檸7 - 鹹檸比較硬，唔係咁易篤，鹹檸唔算好夠味。正常。 中上級茶記，2個2埋單146蚊值得一讚係門口可以同狗狗一齊食， pet friendly餐廳。

️ 值得去的茶餐廳，爸爸媽媽表示自從有咗我之後好耐冇去過茶餐廳。呢間茶餐廳除咗嘢食好味之外，裝飾擺設簡直係滿分 💯 價錢同普通茶餐廳一樣，冇得預訂位置。所以大家有機會要等。餐廳職員特別好！超級超級好的服務☺️

老實說，菠蘿包每間餅店也能買到，但能真正做到出色的，確實寥寥可數！如喜歡吃菠蘿包的粉絲，嘉樂冰廳的菠蘿包真的必食，不能錯過！價錢非常親民，質素性價比高！菠蘿包的精髓就是它的面皮！面皮10分香脆乾身，十分香口，焙得剛剛好，味道不過甜，而麵包質地亦鬆軟，脹身軟熟，並沒有其他人工香料味！如外賣的話，店員會用紙袋盛裝，避免用膠袋，外皮焗至變腍，失去口感。

荃灣40年老字號～嘉樂冰廳，竟然在土瓜灣開了分店，發現得太遲，立即相約土瓜灣之友來探店，裝修設計新穎又保留了老冰廳的味道，枱上玻璃不礙客人看餐牌，懷舊波波燈加舊式字體招牌，打卡都一流啊。大滿足火腿奄列是必點名物，果然真係名不虛傳，爆料火腿配上香濃蛋包裹住，味道十分匹配。小食必點的～豉油皇雞翼，香煎厚豬扒，兩款都做得很出色，雞翼入味，豬肉厚切，既淋又有肉味。不過難得來一次，必定要多試試其他，主食點了是日晚餐～柱候牛腩飯，牛腩夠軟腍濃味，送飯一流。朋友不吃牛肉，點了一客一人前火鍋(美國穀飼豬梅肉)，實在太多元化了，可能飲食競爭太大，做飲食都要好好加油才能捱過逆境。整體味道不錯，跟原店味道不相伯仲。

八月搬到瑧尚，樓下剛好有這間茶餐廳，比起大家樂來說當時餐品和飲料都比較好。因為就住樓上而且打包有優惠所以就經常來打包。十月份左右打包的餐具變差了，買豬排飯有時候都沒給餐刀。最近還發現菜量變小了品控也差了，飯裡配的菜心經常不熟，更想不到的是咖哩牛腩飯是直接把柱侯牛腩加上咖哩⋯另外，他們已經連續兩次漏了我的小吃了。有一次我發現漏了小吃的時候還發現店員在吃外賣餐盒裡面同樣的小吃，在我說明情況後愣了一下才說再給我做一份我不知道為什麼服務和菜品會下滑成這樣，總之他們失去了一個常客

土瓜灣半日遊🥰🥰見好耐都冇去過土瓜灣啦，今日第一站去完九龍城之後就去土瓜灣搵野食😁見網上有人介紹哩間嘉樂冰廳，好似幾唔錯，就試試佢！2個人叫左菠蘿油，阿華田脆脆，炸雞髀薯條，火腿奄列。由於太睇得起自己嘅食量，真係食唔晒😅先講人氣火腿奄列，真係超有份量，又厚又大碟，仲比埋美極個汁我地自己落，可以睇口味自己加減，都幾底食🥰炸雞髀好食，好香，細細隻，炸得岩岩好，唔乾又唔柴，推薦👍🏻（豉油王應該都唔錯），留反下次菠蘿油- 就唔算太突出🫢阿華田脆脆-好夠味，唔會太淡🥰總結都冇介紹錯，可以再試下其他野食☺️

一心過嚟土瓜灣UPlace打卡，有好多燈飾，真係滿有氣氛呢個Uplace可算是一條食街，比唔同嘅餐廳包圍住！中、日、西都有齊連價錢平民化嘅冰室都有，呢間冰室枱局傳統得嚟帶有特色 充滿設計感‼️見到有得打邊爐，即刻被吸引左「雪花肥牛片一人火鍋」🍲我叫左壽喜燒湯底，甜醬油與牛脂融合埋一齊，簡直係perfect肥牛片色澤很不錯，肉質有啲咬口，但一啲都唔鞋如果配料有埋洋蔥&大蔥就正「酥炸鮮蝦雲吞」見到店內有幾張poster推介呢個炸雲吞，咁就叫嚟試吓啦果然值得推介最欣賞係一啲都唔油膩，雲吞皮非常鬆脆餡料蝦隻大細剛剛好‼️常餐：吉列豬扒蕃茄意粉蕃茄茸嘅濃湯即時加哂分有新鮮蕃茄嘅酸甜味道吉列豬扒外層炸衣夠哂薄肉質非常軟彈，又厚肉「阿華田脆脆」

這天晚上我約了朋友在土瓜灣吃晚飯，經過網上的介紹，我們便決定來到這間餐廳試一試，店內環境非常寛敞和清潔衛生雜菌肉碎銀針粉($36)生菜爽口微彈，茹菌彈牙，銀針粉軟彈煙韌，湯底是用魚湯，魚湯熬得很入味招牌厚切豬扒包($36)香稔軟嫩的豬扒十分厚身，包焗得很脆口，份量十分多紅豆雪糕西多士($42)紅豆煮得很淋，雲呢拿雪糕味道恰到好處，不會太甜，花生醬西多士外脆內軟，賣相很吸引，非常豐富煲薑檸樂($21)大量的薑絲加可樂，煲完再焗，十分暖冑，非常適合這個寒冷的天氣飲用超厚夠吋滑雞鮮牛治($33)雞肉香稔軟嫩，牛肉嫩滑細密，三文治軟綿綿，十分大份，十分豐富，非常抵食整體來說，食物的質素非常高，食物的選擇足夠多，食物的份量非常多，食物的用料非常新鮮，食物的賣相十分吸引，食物的定價相對合理，而店員亦有良好的服務態度和親切，所以我認為這間餐廳是值得再去惠顧

荃灣區街坊對老字號嘉樂冰廳一定唔陌生，全新形象嘅嘉樂冰廳進運土瓜灣。多款主打招牌菜仍然保留。店內懷舊裝修配合創新AR技術，掃一掃店內QR code 牆上嘅小鳥會唱歌，窗外嘅景色會移動，非常有趣。巨型火腿奄列 🍳每次去一定會叫嘅超巨型火腿，賣相同以前一樣巨型，但火腿嘅份量就明顯比從前少。豉油皇雞翼（3隻）🐔$23阿華田奶昔/好立克奶昔 🥛$30另一款餐廳名物豉油皇雞翼，滷得十分入味，咬落好juicy 一啲都唔乾，不過雞翼size 就偏少。柯華田奶昔同好立克奶昔都係必點，唔係好多地方都有得飲。記得以前荃灣店老闆娘話奶昔哥無返工就無得飲𠺢啦。咖哩牛腩撈意粉🐮$56牛腩炆得好淋，充滿港式咖哩嘅味道。

位於在土瓜灣全新朝食商場瑧尚U PLACE，有間始創在1978年的老牌新店「嘉樂冰廳」，是我們今晚的食堂。「嘉樂冰廳」是地舖，進入大堂前有個位置是70年代小康之家的擺設，是客廳與飯廳，當年的家電俱備，是個豐足又温馨小家庭的畫面。餐牌中竟夠有很懷舊的飲品~保衛爾牛肉汁，可能基於時代的進步，再沒有滾水蛋了！新舊共融美味此中尋：阿華田套餐：脆爆阿華田西多士&阿華田脆脆凍飲~脆爆阿華田西多士造型佳，也能飽眼福，味道層次豐富。酥炸鮮蝦雲吞~可以在冰廳吃炸雲吞，那些年是不可能，香港人與時並進，一口特飲一口香酥炸雲吞是沒有不可能。大滿足火腿奄列~這份超大火腿奄列一定要分享，份量、營養與味道實在也是大滿足！超厚夠吋雞蛋鹹牛肉三文治~鹹牛肉和滑蛋是很合拍的味道，但超厚夠吋的滑蛋的確是過份超厚，但也見識了！吉列厚豬扒&香煎厚豬扒~吉列厚豬扒脆漿較薄沒有太油膩感，香煎厚豬扒則有油香，兩款一大塊厚片豬扒，不同烹調，吃到兩份味道。鮮蝦雲吞生麵加鮮牛肉~頗有新意的配，雲吞麵加鮮牛肉絶對可滿足愛吃肉的客人，而且還有配搭菜心，生麵非常爽滑冇鹼水味。鮮牛肉針粉~很有家的味道，湯底色澤乳白口感幼滑，味道像腐竹湯底。特飲：

This is my 3rd attempt to submit the review. If it is not approved, I’m not going to submit any more review in openrice. The food is ok. Usual cha chan ten but the place is excellent for pet. There are two tables outside where you can bring your pet. We went there few times. Staff are nice and food is acceptable. Highly recommend to bring your pet. But sometimes, the tables are occupied and we need to wait outside. Uplace is great for pets.Hopefully there are more pet friendly restaurants like t