嘉樂冰廳 (新村街)

营业中

休息中

某天在荃灣轉車去火炭，經過街市，見到間不太顯眼的茶餐廳，本想著醫肚快快吃完就走，但原來餐廳臥龍藏虎，很多街坊幫襯，幾乎滿座，最意料之外的是食物質素和價錢，性價比非常高。下午茶套餐48-58元，凍飲才加3元，超值。豬手湯麵配鹵水豆腐餐：麵彈牙有口感，豬手燜得有嚼勁，豆腐入味，真的不錯。大滿足火腿奄列配酥炸雲吞餐：奄列所用的雞蛋可能有2隻雞蛋之多，淡淡蛋，真是大滿足！酥炸雲吞非常香口，好吃。豉油皇雞翼：雞翼大大隻，肉厚汁多，鹵得入味，如果甜一點點就更好吃。脆爆華田西多士：簡直是減肥的敵人，賣相精緻，多士豐厚，華田爆脆，就算多飽都能吃完。

荃灣有間”嘉樂冰廳”係好出名，連遊客都會去，在場都見到非本地人排隊。特色嘅超大份火腿奄列、炸雲吞、超厚蛋牛治、華田、西多，全部都大份又唔貴。味道上係炸雲吞比較好，用上鮮蝦又炸得鬆脆，其餘嘅嘢都係噱頭居多。其實佢最大嘅優點係室內好暖，冇開行個冷氣趕你走。當然佢環境係幾麻麻，坐得好迫，地下好多垃圾。服務一般，搭枱不在話下，食客嘅節奏都好急速。最後要留意佢好多嘢食有分半份/一份，就咁叫嘅話佢會當係一份，咁就可能太多。

1. 酥炸菜肉雲吞：外層酥脆的雲吞皮包裹著豐富的菜肉餡料，咬下去時能感受到香脆的口感和濃郁的味道。雲吞內的菜肉餡料鮮嫩多汁，與外皮形成了絕佳的口感對比。這道菜肉雲吞可以作為小吃或開胃菜，絕對能讓你一試難忘。2. 爆脆華田西多：爆脆華田西多是一道令人垂涎的料理！這道華田西多以其外層酥脆的口感著名，入口後爆出濃郁的華田味道。華田內部的配料豐富多樣，作為下午茶的點心，爆脆華田西多都會成為你的味蕾享受。3. 超厚夠吋滑蛋鹹牛肉三文治：三文治的麵包層厚實柔軟，充滿了濃郁的麵包香氣。內部的滑蛋和鹹牛肉層層疊加，給你豐富的口感和美味。滑蛋的質地綿軟順滑，與鹹牛肉的鮮嫩口感完美結合，給你足夠的能量和滿足感。4. 凍奶茶脆脆：凍奶茶脆脆是一種令人驚艷的飲品。凍奶茶口感濃郁順滑，帶有微妙的茶香，結合了冰涼的口感，非常適合夏天享用。脆脆則增添了口感的層次感，讓整個甜點更加有趣。5. 凍阿華田脆脆：凍阿華田脆脆是一道令人愉悅的飲品。阿華田的滑順口感和濃郁香味，搭配上脆脆的脆度和口感，形成了絕佳的組合，給你一個令人愉悅的味覺享受。

因有傳媒介紹懷舊茶餐廳，所以想試下，之前通常見好多人排隊，今次去見唔洗排就試下鋪頭細，得幾張枱，座位比較窄價錢唔平唔貴，但只可單點，下午人均60+蚊，食物正常，三文治係幾足料，不過唔特別好食，正常，但服務態度好差，樓面呀姐要求我轉枱，唔梗要，但佢無改單，啲野食等極都無，個呀姐仲要問係咪食完，好似想叫我走，等咗成30分鐘先發現我叫嘅野俾人食咗，最後45分鐘先等倒個西多，試過就夠，漏單仲好似係客人嘅問題

40年老字號茶餐廳🙌🏻一入到去好似瞬間置身80年代電影，但係繁忙時間一定要搭枱，想冇甘逼就要閒日黎啦😖❥︎ 夠厚夠吋滑蛋鹹牛肉三文治金黃炒蛋有兩節手指甘厚，中間保留半熟蛋液🐣同鹹香牛肉相互交織，味道係幾融和滋味嘅🤤❥酥炸鮮蝦雲吞皮脆到咔咔聲，豬肉鮮蝦餡好夠鮮美同Juicy😆可以一試嘅❥爆脆華天西多士花生抹得足，蛋香味有蒲頭，係一份合格嘅西多😋糖漿落得吾多嘅，甜味大多來自個華田脆脆，所以甜度就自己斟酌啦🤣❥豉油王雞翼雞翼望落飽滿，雞皮閃令令又有D彈，不過調味就係好普通嘅鹹味，以豉油王汁黎講，層次相對單調

見到多間媒體及foodie介紹，慕名而來不假思索， 直接order名物。1，華田西多西多和華田碎，無話夾唔夾，擺落口都係分別食到2樣嘢。2，大奄列一堆好大碟嘅炒蛋，老過阿婆，無蛋味，唔滑溜。3，咸牛肉蛋治繼續係阿婆蛋，咸牛肉味罐頭直出。座位非常舊式嘅裝修，全部4人卡座，有一邊牆係大風吹到XX。服務由2位重普通話嘅姐姐做樓面，感覺對普通話人嘅服務更親切。總結，食咗一堆唔知乜嘢唔知乜嘢出名感謝同枱都係香港人賜下標題慕名而來嘅中伏😒😒

蛋果然夠厚哩間老牌冰室系荃灣好多年，系香港都好出名，尤其是個蛋治。開關前行過差不多日日排隊，今日去買餸經過見無人咪買個外賣食嘍。裡面環境真系懷舊，但睇到好乾淨，感覺OK咖。真老店又保持到，所以咪高分小小叫左出名的蛋治加烘底，但$31真系好似貴過大部分茶餐廳。返到屋企，未打開個袋都聞到蛋香，再睇個蛋厚度有其他茶餐廳的三，四倍，而且蛋帶些調味，好似系鹽，但已經幾好味。可能哩個就係佢夠膽賣咁貴的原因啦！都真系值得一試。

菜式評價：- **咸牛肉三文治**：我品嚐了咸牛肉三文治，這款三文治的每一層都經過精心的搭配。薄薄的蛋皮帶來了豐富的口感和香味，與咸牛肉完美融合。咸牛肉本身味道鮮美，調味得恰到好處，不會過於鹹膩。而烤過的麵包底部帶來了香脆的口感，讓整個三文治更加美味可口。每一口都是一種享受，整體組合十分完美。- **檸檬茶**：我同時品嚐了他們的檸檬茶，這杯茶清新怡人，帶來了一股清爽的味覺享受。茶的風味濃郁，帶有微微的酸味，與甜美的檸檬相得益彰，非常適合搭配美式料理。喝起來不僅解渴，而且清爽怡人，是一杯令人愉悅的飲品。

(蒼海遺珠)荃灣楊屋道街市買餸，先見到喜樂冰廳, 歷史悠久...完全不起眼豬肉店旁！我們以前普通舊港式茶餐廳，餐牌食物驚人！追得上潮流！有脆爆華田西多士、豉油王雞翼、超厚夠吋滑蛋咸牛肉三文治、大滿足火腿奄列、龍鳳奶昔、蓮子冰、黑牛……我們2個女仔叫了2個套餐大滿足火腿奄列配酥炸鮮蝦雲吞火腿奄列中心蛋汁半熟而且有勁量火腿絲，像火山一樣好大份！完全超出我們想像……酥炸鮮蝦雲吞好鮮味，自己包材料新鮮有成3隻蝦仔肉幾彈牙好鮮味豬扒湯烏冬豬扒炸得不錯軟綿綿，醃得幾入味，很易咬又大塊！烏冬是滑身口感, 後悔選了湯烏冬, 有些吃不下, 名付其實眼闊肚窄脆爆華田西多士半份好彩我們選半份，原來一件好厚，中間有粗粒花生醬，配上牛油煉奶，加上阿華田脆脆上面賣相吸引而且好精緻甜品感覺。味道甜絲絲脆粒粒口感好喜歡！豉油王雞翼味道不咸，像住家味道有少少甜味但不是瑞士汁甜味，雞肉一啜就甩好滑，個人很喜歡滷水豆腐1件  外皮有炸過再浸滷水，中間白色豆腐好嫩，皮煙韌吸了滷水像懷舊小食。蓮子冰和紅豆冰 紅豆冰有椰汁味，所以花奶加椰汁的。對蓮子冰情有獨鍾，因為很少地方可以飲到，蓮子好軟有椰汁甜咪好滋潤感覺。那天不知道為什麼

嘉樂冰廳是老字號茶餐廳長期有捧場客周不時都見到有人排隊舊同事也讚過雞翼非常好吃成日出開荃灣都會買外賣豉油王雞翼回家加餸所以今次經開荃灣決定試下坐低環境真的好有懷舊feel望一望餐牌好多都想試下但胃就得一個哈哈最後揀了同事必推的豉油王雞翼酥炸鮮蝦雲吞大滿足火腿奄列加一杯凍檸茶第一樣嚟到係大滿足火腿奄列真係非常大碟蛋超級高裏面嘅餡料非常足蛋做得好滑唔會過火老得滯火腿多到差d包唔住之後就係聞名已久嘅豉油王雞翼一上枱已經聞到陣陣嘅豉油香味雞翼皮爽肉滑唔會太咸肉質好嫩好juicy怪不得同事比十粒星果然好味我覺得係必點推介酥炸鮮蝦雲吞我叫細碟有五粒新鮮炸出來好香脆鮮蝦用料都好足又唔會炸到好多油好食😋最後凍檸茶都不錯茶底濃而不澀又唔會太甜不過下次會試下奶茶對面個姐姐杯奶茶都好吸引總括來說食物同飲品質素都好好價錢又合理怪不得長期有人排隊來朝聖一下下次順路都會再嚟

芝士撈公仔麵好少咁嬲但真係頹到爆炸就咁鋪返芝士喺度然後瓊實咗聽聞以前係冇賣呢覺得如果有心賣就整溶啲芝士溝個醬出嚟啦…呢個三文治就好抵食起碼個蛋係超厚咬落好有滿足感挽回啲分數

作為一位港女 我好鍾意食香港地道美食間中會去茶記嘆返杯奶茶有日去咗荃灣名物 - 嘉樂冰廳哩度裝修保持到7-80年代風味今次叫左名物 「超厚夠吋滑蛋咸牛肉三文治🥪」脆脆麵包、鬆軟厚蛋、滿滿嘅咸牛肉口感好有層次 好滿足！哩度有米線食酸菜腩肉米線 出奇地好好味😋甜甜酸酸微辣嘅酸菜好爽口腩肉滷到入哂味我好喜歡❤️！小食方面滷水雞翼好出色咸咸甜甜好濃郁 又入味而且大隻多肉滷水豆腐綿滑、豆味濃炸雲吞脆口唔油中間有爽甜蝦肉同豬肉值得一試！叫左熱奶茶、柯華田脆脆2款都沖得夠濃我喜歡奶茶茶底夠濃 口感滑。

超厚夠吋滑蛋鹹牛肉三文治 $31好味指數 4/5 🍭🍭🍭🍭{外層麵包微微烘過 入口香軟 炒蛋超厚 入口蛋味很香 鹹牛肉鹹度適中 整體好好味}脆爆華西多士 (半份）$24好味指數 3.5/5 🍭🍭🍭🍬{半份有兩件 兩件都很厚 西多士中間沒有醬 旁邊配上一兜華田脆脆 可自行灑上表面 店員早就淋上煉奶 令入口有脆又有甜}酥炸鮮蝦雲吞 (半份）$22好味指數 4.5/5 🍭🍭🍭🍭🍬{即叫即炸 外脆內軟 餡料新鮮 咬開有很多肉汁}西冷奶茶(熱）$19好味指數 3/5 🍭🍭🍭{茶味香濃 奶較少 適合喜歡濃茶既人仕}

講起茶記應該冇乜人未聽過嘉樂冰廳呢個大名， 喺荃灣楊屋道街市附近屹立咗幾十年，係正宗香港老牌冰室✨✨ 而家喺香港老牌冰室真係買少見少， 好值得支持下🫶咸牛肉厚蛋治咸牛肉厚厚一層搽喺麵包上面， 再加上超級厚滑蛋😍😍 滿滿嘅人情味， 濃厚嘅香港情懷盡在美食當中✨豉油皇雞翼豉油皇雞翼滷得幾入味👍 內裏嫩滑😋鹵水豆腐鹵水汁好香， 夠入味， 豆腐內裏好遠滑✨酥炸鮮蝦雲吞推介必點菜式， 雲吞皮好薄， 炸起嚟特別鬆軟👍 肉質彈牙😋華田脆脆西多新舊嘅融合， 傳統港式西多炸得香脆， 配上 阿華田脆脆同埋煉奶🥰 好味就係咁簡單✅如果想感受香港傳統冰廳情懷， 荃灣嘉樂冰廳絕對係不二之選👍👍👍

今早辦理完私務，時間差不多到中午，便急急腳前往這裡，好掛住雞蛋奄列同豉油雞翼，去到門口未有人龍並順利進入，坐下來即落單。雞蛋奄列～少少失望，份量細咗，蛋唔夠滑豉油雞翼～保持水準，好香豉油味，好滋味鮮蝦雲吞麵～雖然無雲吞麵店既專業水準，但佢既麵底好有彈性，雲吞內既蝦肉有彈性，味道幾好。奶茶及鴛鴦保持水準，茶味香濃，又唔會蓋過咖啡味還想點咖哩豬扒麵及炸雲吞，但因為趕時間而放棄，唯有下次叫齊人再來大快朵頤。