嘉湖吉吉燒

营业中

休息中

之前嚟過，感覺無咁差講真，距離地鐵站好遠，本身喺市區入去嘅誘因已經唔多，點知家下收費唔算平只包一罐汽水或一小枝水，包6小時俾一小袋炭，食物加左勁多味精迫你狂買嘢飲。講真，以後唔會再專程幫襯

態度超級差，炭又唔夠，包炭勁碎勁細粒，野飲又貴，美孚都包一枝水一枝野飲，呢到水都唔送🤦🏼‍♂️廁紙又冇，出面過d最粉都比一卷廁紙，蜜糖都用勁cheap既，出面係比一枝獨立包裝既，呢到係一大枝倒比你，仲要用完一次拎返個舊既碗出去先比你，唔係要另外收錢，垃圾中既垃圾，樣樣都計足錢，2百幾約三百好多選擇，好多間都好過佢，呢個價錢我出去食韓燒好過。永遠唔會再幫襯，唔怪之得連假日都勁小人真係食到一肚氣🤬🤬🤬🤬🤬🤬

假日 $280 一位若全包的話其實唔錯，因為又唔使自己預備任何野，去到即燒嘅話都無乜好彈但係首先去到飲品唔係無限，每人只限一罐 (小仲要係維他細size)講真呢個假位寧願去打邊爐好過另外炭都唔係無限我地十幾人2個爐佢陣係俾得2包碳網架果D又要另外再俾錢紙碟又係薄e e 果陣，裝幾隻雞翼已經被啲油浸淋晒基本上諗住好方便咁燒結果要咩無咩餐具果啲都好鬼孤寒燒野食用嘅蜜糖要你拎返原本個 cheap cheap 膠具去裝大老，成 set 野痴立立好心就重新俾一 set 新一件膠都唔使你 5毫子 la ......唯一抵讚係佢都係用錫紙dull 裝娃娃菜俾你燒同埋雞翼叫做多口味但整體黎講呢個價位可能去打邊爐開心啲我地人多 total 課左 over 3千講真自己去沙灘果啲公共爐，買齊所有工具連食物$1500都有找人少少去呢啲地方算係咁人多真係唔建議

入埸費貴過人，服務態度差過人，加錢Book房冷氣又唔涼，電動麻雀枱壞又唔整，淨係舖張麻雀板上去變手推，麻雀牌啲污漬多到得人驚，電視又壞，乜設施都差！雞亦太辣，唔係個個啱食！入埸包一枝飲品，連平價嘅蒸餾水都係最細枝，真係兩三啖飲曬！ 汽水重要賣十蚊罐兼唔凍，真係貴到離譜！

平日黎BBQ。。。無乜人。好多位。 野食還可以。唔算難食。正常。紙巾唔夠要俾錢自己買。我們一行三十人。俾得兩卷廁所用既size 既紙巾咁少。場內的人唔知係咪都係比較年紀大的原因。都無乜禮貌。場內好嚴謹唔俾帶野飲。一定會收左你支飲品。一係就一支罰$20 就俾你飲。就算我朋友係大肚婆，自己帶支唔凍既飲品入黎。都無得例外。好嚴謹一定要收左你支野飲。仲有場內好多风扇都係壞既。好多都開唔到。又無整返。下次寧願去其實BBQ場。唔係得佢一間選擇。

復活節假期最好去BBQ❗️一早訂定位❗️12:00-6:00pm $240/位包一罐汽水❗️如果咁嘅價錢我覺得包多支水會好啲❗️不過比起農曆新年已經平咗❗️我哋一行八人包2 1/4包炭❗️今日唔太多人坐得算OK❗️但唔明點解其實個場咁多位都要迫埋幾班人向同一區域❗️可能方便佢哋運作但如果可以分散啲坐會更好唔知點解佢冇提供紙巾🧻好彩我哋自己有帶所以無特別問❗️食物方面都係一般雞翼，腸仔，猪/牛/雞扒❗️值得一提係有脆肉瓜茄子🍆👍🏻尖椒👍🏻同菠蘿🍍仲有多款麵包🥯👍🏻

想燒嘢食，幾個friends一齊聚埋一齊，我覺得呢度最好就係可以泊車免費，好大個爛地係出面，不過要留意係個埸係泥沙場，仲要琴日定係朝頭早落過雨，搞到成條車轆都係泥，又要洗車啦😂😂😂不過免費就算啦嘢食方便都算多，環境好乾淨，中間有個湖，我見到嗰刻仲覺得大獲一定係蚊子放題，點知成晚都無蚊咬真係。好好彩！👏🏻👏🏻👏🏻任食嘅燒嘢食呢度真係算多野食，有雞牛豬扒，雞翼都成四五隻口味，有辣又唔辣。入味係好味嘅。仲有蒜蓉牛油可以擦落個麵包度。正！不過每人$190我又覺得貴咗少小🫢

今天團伙聚會，book了這在河邊、自助餐形式的燒烤場，環境不俗，還有小孩遊玩設施，不錯。由於燒烤時段三時開始，這等於今天午、晚餐都在這𥚃解決了，但又由於這是任食任飲的BBQ，我連早餐也沒吃，來給它拼了 ... 但很肚餓，所以一開始要先來一輪急攻 ... 名式香腸，琳瑯滿目，這裏不但有cheap cheap的雞肉腸，還有相對比較貴，不同口味的香草豬肉腸。團伙有幾個雞翼怪，拿了不同口味雞中翼，又急攻了一輪 ... 雞翼醃得入味，正！丸，當然也少不了，更特別的是，除了普通方包，它還提供法包及蒜蓉牛油，正呀。除了一般豬牛雞扒外，它還有很多特別食材，如圖中的 菠蘿、尖椒，及無法一一盡錄的魷魚、羊架、豬髀、雞腎、盒裝雜菜、番薯等，各適其適 ，絕無低檔食品，用心。

天嘉湖吉吉燒，因為聖誕假期，我們上個月已有Book 定，地方又大又舒服，無論大人和小朋友都適合，仲有小朋友設施😃，食物有好多選擇，特別推介我哋最愛麻辣雞翼，燒豬髀，牛肉粒，蒜蓉包…….燒菠蘿……..物超所值。正呀

Boxing Day去BBQ本來係好開心 心諗依家通常燒燒下都會由用叉變成用網一次過燒 就叫朋友買定燒烤網 去到朋友話用唔到燒烤網 我問點解 因為個爐大過個網 咁買網會有人幫你裝埋燒烤架 原來燒烤架都係要俾錢買 咁你一係打埋個價錢落個網到咪無咁肉酸囉；之後因落雨問題帳幕承受唔住穿咗 諗住搵人搞搞佢 終於搵到工作人員佢叫我問出面 出面又叫我問番入面 咁究竟係邊個負責呢？其他燒烤場梗有一個工作人員係附近 嘉湖呢間想搵人都幾難 又無檯號 入場後嘅爐、檯安排係零 要自己霸位 超級混亂 無下次！極負評

仍在疫情下，點解仲可以咁迫，為了賺多D,唔洗攪到任何一個空間都放燒烤爐，所謂社交距離，蕩然無存。明明環境都算不差，攪到人頭湧湧，超恐怖，唔知咁樣，有無人捉呢……食物麻麻，可能人太多了，起碼over 1000人，以前朋友話吉吉燒唔差，今次真係一鋪清袋，以後唔會再嚟，仲連那卷大陸厠紙都要10元卷，一般都包埋，嚇親我，仲要收190元位。

依家假期真係唔知做咩好， 呢個夏天又咁鬼死熱， 周圍都咁多人好辛苦😣。 朋友話天水圍有度 BBQ 幾正嘅， 咁就入嚟燒下嘢食啦😍。原來係吉吉燒😎，以前好鍾意同朋友去美孚嗰間燒嘢食， 估唔到而家天水圍都有分店， 呢度好似環境仲更加寬敞， 旁邊仲有個人工湖，真係好有郊遊嘅感覺🤗。呢D咁方便嘅BBQ樂園，真係啱晒我呢D懶人，帶個人行入黎就得，幾好呀😚。黎得呢D地方，正常對食物都唔會有太大期望😂😂。不過又估唔到食物種類都幾多，豬牛雞魚羊，丸類，麵包蔬菜， 應有盡有， 同埋啲味道又醃得幾好喎，至愛巴辣雞翼，喜歡食辣既一定要食，夠刺激，正😋😋😋。難得假期可以遠離市區，去郊遊BBQ都係唔錯既選擇。

一家四口去天水圍吉吉燒，本身都心情愉快既，開完爐諗住去買個燒烤網可以方便燒烤，行到去問職員就係場內士多用40蚊買個燒烤網，當時店內個大叔職員既態度麻麻地，問多佢兩句都好似阻住佢玩手話咁，跟住燒完第一輪就覺得點解d野食野會咁燒燶，望下隔黎左右~原來就係差個燒烤架！咁我就跟手拎埋原先塊燒烤網去沖洗下再返士多拎個燒烤架返去啦~點知我返到去個爐位放低個燒烤架，個士多大叔就追到上黎搶走個燒烤架，話因為我個燒烤網唔係佢度買，話係我地自己拎入場，就唔用得佢地既燒烤架…我心諗你咩事呀…果個大叔既態度真係十分惡劣~佢開工就顧住玩電話，轉個頭就屈人係自備燒烤網入場…咪玩啦…你個燒烤網都係40蚊啫~我唔會比唔起嘛？事件經另外一位目睹整個過程既年輕職員了解後，就叫個大叔返番去~今次真係燒個野食，都比條廢老激親~有呢D咁既員工係度，我一定無下次，甚至都叫天水圍既街坊同朋友都唔好去幫襯~天水圍又唔係得你一間燒烤場~

天氣涼涼地 最啱同屋企人朋友一齊去燒嘢食有次搭車經過見到有好靚嘅紅燈籠今次終於有機會嚟食呢啲唔使自己帶嘢食嘅燒烤場就最啱我啦食物都算齊全 丸類 扒類 雞翼都好多口味都有少量海鮮 例如多春魚 魷魚 魚柳等等豬仔骨同羊架就每人限一份炭就按人頭分發 用完就要自費加購不過都好夠用飲品汽水每人一包 部分支裝飲品要加錢環境好寬敞 附近好開揚 啲煙唔會焗住晒都有房間可以包房唱K打麻雀小朋友都有遊樂設施可以玩 仲有小動物 帶埋小朋友黎都唔會悶

好吃，雞翼有超多口味，還有醃魚什麼的，味道真的很好👍🏻有八種味有辣有唔辣，其實挺想全都試試，但真的冇咁大個胃😂醃魚個人覺得辣的好吃一點。個人覺得這燒烤場的醃肉真的幾好吃，下次去應該會多試一點其他味道的，有太多東西都冇試😅那裏除了飲品不可以，可以自由帶食物進去進這點也很好。而且，那裏的人還挺好的💕那兩隻貓也超可愛，小小的一點都不怕生也挺少見的。最後又在池裏有隻鴨，給了很多麵包它吃😂差點忘了那裏的豬仔髀同羊架也很好吃💕