嘉餸

营业中

休息中

食開幾年，味道OK，鋪頭老細都OK，但系鋪頭個黑色T短頭髮50左右男人款嘅阿姐黑口黑面陰陽怪氣玩嘢乍癲扮傻實際上系趕客，唔知鋪頭老細知唔知自己嘅阿姐夥計一邊出糧一邊倒緊米，同埋菜式品種變化少咗d，煎炸嘢多，容易熱氣，青菜基本上系四五樣，但系都ok新鮮嘅，選擇相對冇更豐富，雖然菜式品種單調但系間鋪嘅例湯系好有誠意，足料足味同自己屋企入邊煲湯一樣。綜合黎講系一個選擇但系都系一個美中不足嘅選擇，如果有改進提升或者生意有機會再好d。

喺大圍附近返工， 晏晝食咩好係一大煩惱。 喺隆亨見到呢間舖頭， 餸嘅款式好多， 而且價錢親民。我猶豫咗好耐，好多款餸都想食， 諗緊叫三餸飯定兩餸飯好。 但最近好似餐餐都大魚大肉， 所以都係叫兩餸啦。我叫咗咕嚕肉同菜雙餸飯， 菜同飯份量特別多！

叫兩餸剩餸。肉餅，生炒骨。兩塊肉餅，半飯碗生炒骨。少到一肚氣。$39頭先去到叫生炒骨，之後叫肉餅。當聽到係肉餅，減返一半生炒骨。仲衰過食大家樂，如果要加料，入街市買冇咁嬲。

極差體驗，希望唔好再有受害者！這店舖開在屋邨內，在街市旁邊，名為嘉餸，收工回家沒時間煮飯，就黎諗住買盒淨餸享用，見到店內都唔少餸可揀，有肉有菜，但比較有特色既餸就好少，見字$39 兩淨餸，正常理應會比$29 兩餸飯更多餸，咁叫佐椒鹽肉排同煎肉餅，見到呀姨一夾餸手勢就知不妙有咩理由會咁樣鋪排架？$39 兩餸就同 $29兩餸飯餸量一樣，咁樣筆餸同欺騙無分別，唯獨味道正常名為「加餸」實為「減餸」，希望其他街坊買之前慎重考慮一下，免得一肚氣P.S太遲睇到其他街坊食評，附上兩張相為證

小妹今日lunch就諗住平平地27蚊買個兩餸飯食，點知就好似有啲bad trip(◐‿◑)一入去見到好多款既餸，以為會幾好食見到佢放左碟細細地既雲耳蒸雞就點黎試試～點知佢淨係俾半碟…仲要食完發現皮同埋骨多過肉！啲肉比佢切到好似肉丁咁…另外叫左個羅漢果齋就還好… 不過就豆卜多過菜～ 鍾意豆卜既人應該會幾鍾意呢味菜！飯就冇咩特別，不過個人覺得佢啲飯比較乾最大問題係佢份量細… 男仔一定唔夠飽！！ 利申：叉燒係自己加料👉👈

今日一如平常放工後唔知食乜，咪去嘉餸加餸啦。 叫一盒淨餸，叫左豆卜豬肉和豬扒。 平時份量都ok正常。諗住俾多10蚊 35蚊叫兩淨餸應該餸會多過25蚊既兩餸飯。 平時都好正常，點知今日一個帶眼鏡肥肥地既阿姐（應該新來）之前未見過。佢俾左淨餸份量係兩餸飯 既餸既份量。 我駛乜俾多10蚊買淨餸，想多啲餸碼。如果一早知係咁 我叫兩餸飯都得啦。 我覺得佢哋無劃一份量標準。新來唔識就俾咁少。 講真 你俾得人選擇兩餸飯和淨餸。就應該有唔同量。 俾多10蚊，但份量同兩餸飯一樣。仲少左白飯tim. 咁同欺騙有咩分別。 下次都係唔再幫襯。 街坊們，幫襯前要慎重諗諗。 食老麥仲飽過佢。😡😡😡

天天都在排隊的店舖，但夾餸姐姐們非常有禮貌，讓我慢慢挑選，收銀員又成日叫我明天見。講真，25蚊 又有30幾個餸揀，最近仲有梅菜扣肉，都係加5蚊，邊都去搵。冬日滋補湯，7蚊個，好飲好滋潤。但係成日一日沽清。一句講哂，呢個大家敢困難時間，真係多得嘉餸老板的堅持，令我地班打工仔有飯食

正所謂而家百物騰貴，自從新翠邨啲餐飲食肆俾大財團壟斷，基本上你想食經濟實惠嘢基本上冇。而走去呢間鋪頭（隆亨）算係唯一選擇。平時都有買開佢三餸飯（30蚊），唔但求好食基本都算過得去，勉勉強強夠填飽個肚，大大話話喺呢個乜都貴既環境之下算係噉……但若果嗌個35蚊凈餸雙拼就好大鑊了，真係好似上邊某個負評一樣，阿姐真係會就住就住畢走佢……（笑）第一盒：豬扒小魚柳各四件，豆卜三粒……第二盒：小咕嚕肉五粒，切件小肉餅兩塊……咕嚕肉見到個阿姐畢開佢，畢到咁準確我都呆左。´_>`圍返開，其實都17.5一個餸，呢個價格買幾粒KFC巴辣雞粒大小既咕嚕肉……究竟係乜玩法？個Size係點大家睇圖吧埋單70蚊，聽到收銀話：聽日再見我唯有心諗：不了怪不得近期咁多人幫襯番新翠美心MX…

去到時因人多擠擁在店內，因我怕疫情關係我門外等候，侍不太多人才進入。因沒有特定排隊位置，到我揀飯餸時，突然有人插隊，而店員亦冇阻止，令我十分無奈。終於都我揀餸，我是買兩盒雙餸飯。。。肉類選擇唔多炸野為主，其他餸都是大部份齋菜，有蒸肉餅，炸豬扒，炸魚，炸雞翼。其餘都是炒菜，茄子，瓜類，豆類。而番茄雞蛋比較經典，大部份是番茄，幾乎沒有炒蛋。留意到店員在裝餸時會計住計住，覺得“不"得多會“不"返走。但我眼見番茄炒蛋，已經冇咩蛋（只可叫蛋碎），番茄三小件，4份1個茄都冇= =。到炸魚豆卜，店員又是十分計較，炸魚得兩小件，兩件豆卜，豆卜乾到柴皮咁完全食唔到豆腐。。。

最近放工，見附近開左間三餸飯。價錢相宜，三個餸加白飯都係30蚊！平時一個碟頭飯都唔止啦！平得黎，又好多選擇！全部餸都好入味！最鐘意食蘿蔔/南瓜/肉餅/魚香茄子/豬皮薯仔咖哩魚蛋！每次買都裝到滿一滿咁，大滿足！😋😋😋如果買淨餸菜，番屋企加料，都係35蚊。。。實在諗唔到唔幫襯佢嘅理由😂😂有時晏左去買，有好多都已經賣晒！所以如果想多啲餸菜選擇，一到食飯時間就好落去買！試過2點幾去到，得番一半餸揀，好彩都揀到心水嘢！

在大圍一區，相對經濟實惠的飯餸店，印象中沒幾間。嘉餸新開不久，前身也做小食，後來轉手做類似的飯餸，但不多久就關門了，現在輪到嘉餸，租金不便宜吧？他們說營業到七點半，晚一點來還有餸的話都會賣。可配飯或單買餸，價錢實惠。先後來了兩次。第一次點了辣子雞，肉片勝瓜，家常菜。辣子雞，是炸雞球再炒點辣椒花椒，味道上算不上辣子雞，但附近頗多長者街坊，味道有所調整也合理。肉片勝瓜，肉片只有一兩片，是豬腩片，勝瓜全去皮 味道清淡。第二次來，點了雞翼和辣子雞。辣子雞味道和上次吃到的相同。雞翼也差不多同樣味道，但四五隻份量也多，好餸飯。整體而言，味道上稍欠，但性價比超高，35元滿滿一盒，對街坊來說是好優惠。而且店員好禮貌，基本上都不能挑剔，希望能經營下去。

新開張一星期左右！雙餸飯先$25，唔洗自己煮真係超抵超方便佢有成十幾款餸俾人揀，真係日日食都可以唔撞款丫飯量好多，餸都滿滿我加左$5要個湯飲下，都幾多料幫襯夠指定金額有野送個茶包係甘既，不過我未飲，唔知味道係點

試過一次之後，真係回味無窮，個肉餅真係一試難忘，非常之好味，就算返到屋企夜D再煎返熱，都保持到質素。店舖話佢每日只係限量出100件，一出就好快賣晒，應該要做多D，因為太美味了。