嚐仙

营业中

休息中

店有室內同室外，夜晚望住外面啲樹，配搭埋微風同柔和嘅光線，好chill好舒服。☺️可以同三五知己食完飯傾吓偈。食埋甜品有個完美嘅句號。喺商場入面一個好relax嘅角落。😚小丸子一號 $45匙羹會另外放糖漿自己落，落晒都唔會好甜。全部都好QQ ，👍🏻每一啖都好彈牙。小丸子、芋圓、珍珠都有唔同嘅口感，小丸子就最軟熟，珍珠中間亦都唔會硬。好味！紅豆🫘都大大粒，起沙，好jeng!🤩

今日難得入元朗影燈籠，食完飯之後就去行形點一期，行到攰有啲口渴俾我見到呢間嚐仙，佢主打係芋圓嘅甜品另外都有好多唔同款嘅飲品。我哋今次叫咗芋見桂花綠茶椰果（ $36 ）呢杯幾好飲清清地，主要飲到綠茶嘅清香味，加上有椰果同埋有粒粒嘅細芋圓，芋圓煙煙韌韌味道好清新。我再嗌咗一杯芋泥紅豆鮮奶（ $32 ），呢一杯有三層嘅顏色，顏色三層好分明，呢杯就比較甜，係紅豆冰嘅味道不過多咗啲芋頭味呢個味道都唔錯！下次可以試埋佢啲芋圓嘅甜品。

好喜歡食仙草芋圓之類的食物！嚐仙就係我最喜歡的糖水店，滿足哂我的要求！黑糖味剛好，不太甜，芋圓煙韌，加埋綿滑的紅豆，還有芋頭茸，再加上牛奶！ 一碗透心涼的甜品令炎熱夏天帶來冰涼感覺！正！

台式甜品舖像雨後春筍，今日經過元朗，見到這一間，未計會外地方已經有七至八張枱。唔洗等位。工作的都是年輕人，手腳快。雙芋系列：雙芋仙草奶凍 （芋頭泥、仙草凍、珍珠、紅豆粒、鮮奶油、芋圓）$45.00可以選擇甜度，走奶油，多奶油。不是太肚餓所以一份二人食，餐廳不設最低消費，十人食一份都可以🤪。芋頭泥口感可以但又有煮過頭的味道，珍珠烹調煮食得剛剛好，彈牙可口。芋圓粉和其他的配料比例剛剛好，本身的味道不算突出。大致上過得去冰融得很快，要快手吃完。出餐時間適中。

今日食評✍🏻 嚐仙@yoho mall 試食指數⭐⭐⭐店舖衛生⭐⭐⭐侍應態度⭐((每項5⭐️為滿分)) ·首先要反映下呢間舖嘅cashiser嘅對客態度甜品店menu選擇多作為戶客不了解配搭好正常我：呢款新嘅冰係二人份量？店員：我哋全部都係一人份量，不過呢款大碗啲。我：邊款甜品多啲紅豆？店員：所有甜品都係一人份量，可以加錢加份紅豆我：我意思係我鍾意食紅豆🫘想問下邊款甜品多啲紅豆？店員：（語氣不耐煩）都話所有甜品都係一人份量，加錢咪加份紅豆囉我：😕ok見到店員背稿回應，又跳晒制咁，我只可以求其點咗個紫米紅豆湯配芝麻湯圓俾自己真係好求其的點餐我都未了解自己想食啲乜But anyway事件係針對個別店員嚐仙的甜品我係俾👍🏻·建議堂食同外賣可以分兩條lines目前係同一櫃檯落單外賣在店外等堂食攞點餐後的牌子入店自助搵位店員送餐時都搵唔到堂食客戶張枱就咁攞住碗甜品遊走全店每張枱再入廚房搵單再出嚟搵多次疫情下會令堂食客人擔心衛生情況。·599.Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

🍽 餐廳：嚐仙(元朗）📍 地址: 元朗元龍街9號形點1期1樓1091號舖🍧五色牛奶冰（$56）筆者誤解為綿花冰，原來牛奶冰是冰塊再加上牛奶而成。自選台式配料，款式多樣，份量十足，飯後甜品之選😌芋圓有彈性，糯米軟口，仙草香滑，幾款配料配搭得宜。😅此店長期多人，要排隊入座，而筆者住所不遠，所以選擇外賣自取急急回家吃😋如果外賣有折扣會更好。

一直有聽人介紹食嚐仙，所以今次咁啱去元朗食下( ´▽` )ﾉ同埋好想食芋圓。叫左個雙芋仙草奶凍，天氣熱熱地食凍野好爽。坐出面又可以hea下。啲芋圓幾煙韌，仙草就普普通通冇咩特別。不過以個價錢黎講都差唔多，正正常常。

有一日同屋企人係yoho 食完飯,之後想食甜品就上網揾,見到有呢間就入咗食😙坐位唔係太舒服但以甜品舖黎講都ok嘅💁🏻‍♀️雙芋仙草奶凍🍮 $45甜品裡面有芋泥,珍珠,芋圓,仙草同紅豆😚而下面係冰🧊好豐富😙仲有煉奶可以加埋落去😋芋泥好足料✨芋圓都好煙靭🥰而其他就正正常常🙌🏻黃金地瓜泥豆花🍠 $45呢個認真就麻麻😣地瓜唔係好食到地瓜味😑豆花都係唔係好掂但都可以接受嘅🥴而紅豆珍珠都係正正常常🤥得芋圓好食嘅😌

店舖環境寛敞，仲有室外露天位置選擇，可以望到唔同植物，而食物款式多元化，有芋圓、沙冰、仙草、牛奶冰、野飲等🤓-✍🏼食評❞ 🔸五式牛奶冰🍧 | $55可以任選五款配料，今次就揀左芋圓、地瓜泥、布丁、嫩仙草同花生，夠晒大碗架🤤芋圓夠煙韌但得少少甜味，而且份量相對少，上面既地瓜泥口感都綿密😋布丁味道唔夠重，牛奶冰則唔係入口即融，相對上比較硬同大舊，上層係食落冇味咁，係淡而無味既冰，要配埋附加既煉奶先有啲甜味🥲整體質素麻麻~

❤講到食甜品🍮真係任何時候都適合架😍嘆下午茶嘅時候可以食甜品❤想食宵夜個陣又可以食甜品🍮今次我試咗一間勁豐富嘅甜品鋪😍豐富到我可以當埋佢係我嘅正餐添😋一啲都唔誇張😛好大碗❤飽飽又大滿足呀😋😋🍮五式牛奶冰 $55：呢個五式牛奶冰可以自己揀五種不同嘅食材☺️我今次揀咗芋泥、嫩仙草、紅豆、綠豆同埋花生🥜除咗真材實料之外🍮賣相又靚啱晒打卡📷仲夠曬大碗添😋食完之後已經飽飽嚕👍🍠芋見芝味紅茶$37 芋泥軟綿綿❤好香好滑😋而且味道就唔會好甜😍鍾意芋頭嘅你一定要試吓喔👍推介推介❤️❤️.☕️黑糖神仙奶 $29：呢杯黑糖神仙奶裏面充滿着嫩仙草🍀我係超級仙草控❤呢杯真係🈶️好多好多仙草🍀🍀大滿足呢🈵️🚩嚐仙 ..📍元朗元龍街9號形點1期1樓1091號舖

美景陪美味嘅甜品，打卡一流，味道一流！芋圓非常之煙韌彈牙，珍珠亦非常q彈可口，搭配上清爽的涼粉，同甜糯的紅豆。口感非常之多層次豐富。上面加上真材實料嘅地瓜蓉。整個搭配睇得又食得非常之美味又可以影相打卡。

—芋泥鮮奶($29)自從有日口渴幫襯 經開都會想買嚟飲堂食嘅話會見到杯嘢飲層次分明半滿紫色芋泥坐落於玻璃杯中攪勻之後變得fluid 綿滑之後飲過加咗西米露嘅熱飲版本 見到店員會一路加熱一路攪勻芋泥飲落幾似糖水🤣🤣 又唔會好甜芋圓係細細粒黏黏地 食完都幾飽肚用網上外賣平台嗌會平少少同埋最緊要去到就有得拎—————————————————————嚐仙 T-fresh元朗元龍街9號形點1期1樓1091號舖

台式甜品🥰like 呀！黎呢間食全因有幾位在學既小妹妹推介。難得聚聚舊，傾起雖然放假時間，仍要忙住沒日沒夜地補習溫書，做學生真係有做學生既辛苦呢😟加油丫🔥食個甜品充充電先☺️✨雙芋仙草牛奶冰 $45三色芋圓Q彈煙韌，仙草凍「滑脫脫」，紅豆綿密，珍珠軟糯。可惜芋泥稍乾，需要刻意用牛奶浸泡才吃。✨五色黑糖冰 $55個人更喜歡五色黑糖冰，有13款底料可以選擇，也更大碗（建議2個人分享）。特別選了黑糖果凍，第一次食非常驚喜，又香黑糖味又滑🥰全碗再淋上黑糖漿，香甜十足。布丁🍮也不錯！Ps. 雖然食甜品係有第二個胃，但有份量又足料既飯後甜品，點都要VIP地留肚食🙈真係幾飽！回頭率：⭐️⭐️⭐️⭐️/5

冬至晚上六點幾提早吃完晚餐🙄感覺未滿足🤔應該係欠咗個湯丸甜品😅🤭經過多次都見到擠滿人要排隊入座😵難得今次時間尚早大把位😄趁機會試吓先，餐牌推介新上市"薑湯系列"(冬日限定)，相片中介紹多款配料...好似樣樣都想試🤤就揀咗個"薑湯五式豆花"...還以為有齊咁多款😅原來收銀姐姐話就係揀"五款"配料🤣雖然有些選擇困難症，也只好急忙地決定了最想試嗰五款...😂😂原來份量都頗大😳足夠二人分嚐👍🏻🤭薑湯味道夠，不太甜又不太辣👍🏻飲了兩啖有些暖喉嘅感覺，吞下去應該更加暖胃😅🥰小丸子、芋圓口嚼煙韌...幾好chew😚湯丸有三粒，黑芝麻流沙🤤也好味😋紅豆、薏仁配搭清甜滋潤，原來相當配合👍🏻都冇選錯😅🧐只是豆花沒有想像中的滑口🙄不夠滑溜，有點美中不足吧！🤔整體尚算ok，不會過甜，有機會可再試吓其他口味...🤨😬

今日抱住好期待嘅心態諗住試下點知買到番屋企未試過咁失望！！！拎返嚟嘅時候已經見到水水哋有啲伏點知一打開仲嚇死好似鼻涕咁！係成碗都係鼻涕！我叫燒仙草，但係無仙草，變左水成碗都唔食得！d仙草溶哂！仲要等左超過15分鐘！好失望！第1次食咁難食既野！等唔係一個問題，但至少可以食得落口如果整衰左你可以整過一碗新既而唔係一pat野俾人食囉今次認真地嬲左除左個仙草有問題，d配料ok希望你地可以正視下個問題從來無諗過會寫食評都忍唔住要寫