嚐融Hub

营业中

休息中

今日經過上水中心，見到間舖頭話係慈善基金贊助，就入去試吓啦。點知入到去，間舖頭室溫非常高，一啲冷氣都冇🥵🥵諗住唔緊要啦，就叫嘢食，餐廳係用有特殊需要嘅人士做賣點，個收銀都係一個非健全人士，佢幾好笑容，不過就收錢比較慢。唔緊要，慢慢等😐叫咗碗牛腩米線，啲湯鹹到一個點！個老師傅，仲口多多，我叫米線，佢竟然話唔好，鼓勵我叫飯食，話佢啲飯好好食😳😳！其實客人，食乜，關佢乜嘢事呢？🤔另外，唔知點解，廚房員工完全冇衛生常識，整嘢食嘅時候，竟然連手套都唔帶手套🤦‍♀️🤦‍♀️！不過，值得一提，餐廳裏面有位女士，非常好笑容，而且指導有特殊需要員工非常細心。 總括嚟講，只要餐廳注意一下食物味道，水準，同埋員工嘅衛生常識，依間餐廳，都可以試吓嘅！否則，免了！☹️

呢排行過上水中心見到有間社企新開張主力做外賣，有魚蛋燒賣，又有炒粉麵飯，仲有好多款手拉腸粉！今日終於搵岩時間試下啦！師傅多才多藝，乜都有得食，今日就叫左個星州炒米同咖哩大魚蛋，再用特價加樽金茶王奶茶試下先！星州炒米（$45）：即叫即炒，好有效率，仲好有水準！炒得好乾身而且份量十足，啲配料食極都仲有！咖哩大魚蛋（$10有6粒）睇見都流晒口水，個咖哩汁好夠味只係小小辣，大家食唔到辣的話都可以放心試吓。順帶一提，店鋪其實係志在提供工作機會比有需要人士，希望大家都黎支持下啦！

最近都知道呢個位會開新鋪，昨晚太太就買左梅菜叉燒腸粉(20蚊)外賣回家食，都幾好食，腸粉皮夠薄，叉燒香口，所以今日收工返屋企時入去試食左咖喱魚蛋豬皮三寶，魚蛋都大粒，味道正常，咖喱汁唔錯，同老板娘佢地傾左一陣計，最後再買左份香茜火鴨絲腸粉返屋企食，下次會再試佢啲炒粉麵飯！