影片
开饭介绍
新派越南餐厅，主打一系列糅合传统及创新的越南菜。火车头汤粉相当足料，汤底用牛筒骨、牛腩及十多种香料熬制超过18小时而成。
继续阅读
营业时间
今日营业
11:30 - 21:30
星期一至日
11:30 - 21:30
以上资料只供参考，请与餐厅确认详情
有关奖赏计划
以越南嘢嚟講，呢度唔算特別標青。一般嚟講都算係合格，呢度嘅食物都算係新鮮，食得出廚房係認真做嘢，只係調味有少少重手，不過我試過佢嘅海南雞飯就真係食到牙都軟，雞肉煮到比較老，食到人唔係咁開胃。但係整體食物質素都算係可以一試，始終越南嘢酸酸甜甜，感覺比較討好。而且呢度可以話係冇其他越南野嘅選擇，所以我都算係經常嚟食。但係我真係好想講吓，佢哋嘅服務態度，本來喺呢個商場食都算係少少高級，消費係比較一般平民大眾食肆較高，所以服務都算係比較認真，但係我就試過一次，見到佢裏面都幾滿人，一個人嚟食嘅時候店員帶我入去，跟住有個領班咁嘅人就好惡咁大聲叫我喺出邊等吓先，我諗佢當時做緊嘢好忟，亦都盲咗見唔到係個職員帶我入嚟，但我覺得作為一個客人，你點都唔會有理由呼喝我，叫我出去等，起碼你都問吓我先啦，嗰次之後我停咗幾個月都冇再去食，係因為我真係好嬲。
继续阅读
同一商場食上海菜經過這間越菜，大家都話下次要來試下。下次終於來了，用Openrice apps 訂枱好方便☺️這裡好似食車仔麵咁tick紙仔。午市套餐超過10款比你選擇，可以加配小食、甜品、特式飲品。海南雞菜飯加雞湯浸蘿蔔～雞既份量okay，有新鮮雞既味道的，菜飯略嫌份量少咗D，男人士可能會唔夠飽。咖喱雞配白飯～咖喱好惹味，好香，有新鮮雞既味道，薯仔入味又夠淋。順化鮮茄牛腩河粉～鮮紅色蕃茄湯香甜，可以引起食慾，牛腩夠淋又不會散晒，正，紅蘿蔔大大件又夠淋。連湯都清埋。加配了越式炸蝦餅～香脆外皮，蝦餅彈牙豬耳扎肉手撕雞湯河～扎肉好味，份量剛剛好
继续阅读
好中意 What the Pho 既 fusion 菜式。今次叫咗豬頸肉湯檬+炸蝦餅。一樣無令人失望。呢度嘅食物同服務一向唔會令人失望豬頸肉唔會好油好柴皮，炸蝦餅個粉唔會厚，亦都唔會好油。 而且份量好ok。而且最緊要嘅係呢度嘅服務態度好好，個個都好有禮貌，食完嘢唔會吹你走。最怕有啲餐廳，一食完就用會用唔同既方法吹客走又會主動派濕紙巾，呢啲小小既行為就已經係好warm另外，佢哋嘅咖哩牛腩同埋炸雞翼都好好味，炸雞翼個粉漿好薄又脆
继续阅读
跟友人相約見面， 還是第一次來到V walk，我們2人也不知食什麼才是好，看了好幾家店，有些超出預算，有些很多人排隊，後來行到此店～ 沒太多人排隊，便在門口看看，突然友人看到特色飲品買1送1，而且也看中了生牛肉河粉，及海南雞🤗 這家越南餐廳也是坐滿的～ 正好是下午1點左右的時間，眼看背後開始有人排隊，便決定這一家了～ 坐好之後叫了生牛肉河粉（約78），和叫了海南雞河粉（約98），😋😋😋😋 特色飲品叫了相同價錢，都是48的，因為買1送1，計貴的那一杯🤪🤪 一杯是龍眼冰，一杯是紅豆冰～ 另外是需要加1，2個人埋單是約250蚊，都比較貴的😆😆😆😆但味道真的不錯😋😋😋
继续阅读
今日同朋友lunch去南昌食飯，我哋點咗個咖喱牛腩飯，蒜蓉包同埋火車頭嚟試下，好驚喜地，三樣嘢都好好食，好啱我哋口味。咖哩嘅甜味同辣味啱啱好，牛腩好嫩，薯仔好爽口。另外，蒜蓉包嘅蒜蓉量同埋硬度都好適中，點買咖喱汁一齊食非常咁夾。火車頭好足料，牛柏葉好腍，丸都好彈牙同爽口，同員工傾偈嗰陣都好有禮貌，仲比咗張意見卡我哋填，仲同我介紹下其他菜式下次食。評分填晒五星！埋單都加埋兩杯嘢飲先二百零蚊埋，十分抵食！
继续阅读