囍運冰室 (鴻祥大廈)

营业中

休息中

未到三點三，個胃已經準備好食個light 下午茶，依間叫 「囍運冰室」嘅茶餐廳，個餠櫃內嘅包餅也挺吸引，就入去速食。店員都吾夠，上手食完嘅野都未執走，叫左兩次先有人理…….阿姐入單後，先上杯央，個蛋撻要再催多次先送到。酥皮蛋撻 $6雖然非新鮮出爐，但酥皮輕盈不油，層次略少，但酥脆十足，蛋香細滑，不錯。熱央$20茶、啡味道平衡，不苦，奶足、溫度足，杯鴛鴦有水準。收銀員有點燥底，態度麻麻。

點完餐問我飲乜嘢，然後我問佢有乜嘢飲，佢話咪就係正常茶餐廳架野飲，之後我無叫。轉頭個呀姐發脾氣囉個餐牌出嚟。個老闆真慘，咁貴租仲要比錢請左個趕客呀姐返黎趕客，唉

個炒蛋又凍又鞋 阿姐話換咗批師傅 佢哋點整我管唔到 我哋啲炒蛋係炒定 同埋鞋口 我哋知道就算幫你換都係照筆返啲凍蛋俾你食 佢哋覺得難食好正常 投訴好正常個豬膶枸杞公仔麵超鹹發誓永遠都唔嚟 離晒譜

晚餐唔多好胃口，所以唸住食常餐，點知個炒蛋多油到。。。我最後係無食過D蛋，個瑞士汁雞翼煮得有啲耐，肉質就麻麻。反而set dinner 牛扒夠份量，都juicy，唔係平價牛扒單薄一片，黑椒汁係好地道的港式味道。

經過這裏，見到他有新鮮出爐麵包，便進舖頭試食下蛋撻。點知個酥皮完全唔係酥皮咁樣（是一舊很實，沒有鬆化感的皮), 然後咬咗一啖先知出事⋯⋯入邊幾乎冇蛋咁樣，然後苦苦地，原來個底仲要燶埋。未食過咁恐怖嘅茶記蛋撻，唔會夠膽再試。

前天晚上，在這家冰室用餐，豈料吃了一肚子氣！！實在不吐不快！！🤬🤬🤬話說我在網上平台購買了這家店的常餐優惠券，所以我當晚步進餐廳後，便馬上向其中一位女侍應表示想使用此優惠券，然後她告訴我要先到收銀處出示憑證，讓收銀員掃描憑證上的二維碼。我照著辦，豈料那位操流利而不純正廣東話的女收銀員皺著眉、狀甚不滿地說：「我們餐廳已經沒有再與該平台合作了，幹嘛仍然有客人來使用這些優惠券？！」另一位女侍應聽到，又附和著說：「是呀，今天下午也有一個！」接著，那位女收銀員極不情願地為我掃描憑證上的二維碼，又粗聲粗氣地問我何時購買此優惠券，最後以極不友善的態度替我落單！！！其實我可是真金白銀付款惠顧的，但那位女銀員卻給我看臭臉，彷彿在施捨乞丐般！！至於食物方面，上菜速度很快，味道也算正常，但如此待客之道，即使食物質素有多高，恐怕也彌補不了！！！總的來說，這次用餐體驗極差，以後也不會再光顧！！永久列入黑名單！！🤬🤬🤬丹麥多士不夠熱，只有微溫，不夠香脆。3.6牛乳炒蛋炒蛋炒得夠滑，但近乎沒有味道。沙爹牛肉公仔麵公仔麵煮得過稔，沙爹汁尚算香濃，但牛肉完全沒有肉味。

#旺角 #囍運冰室 好掛住焗飯，就黎咗呢間食晚餐E同晚餐F，跟餐仲有湯同野飲，65蚊走人，便靚正#焗葡汁雞扒飯 雞扒有醃過，無雪味，炒飯底，好味🤤#焗鮮茄厚豬扒意粉 唔夠sauce, 意粉又太腍，搞到好淡味，豬扒略嫌有鬆肉粉味，不過芝士可以拉芝，算佢啦😂餐湯係#南瓜忌廉湯 一般，好多味精，唔忌廉🤣#熱奶茶 正，完👍味道: 7/10味精: 7/10價錢: 7/10環境: 7/10服務: 7/10

食物種類唔算太多，叫咗一個特餐，有一個烏冬㗎呢一個類似all day breakfast嘅餐。食物份量都幾大，但所有嘢都一般般，茶記質素。個丹麥多士都幾出色，不過今次冇試佢啲包，正常經過想食茶記可以試吓，價錢都正常。

滿心歡喜諗住去對面食沙嗲濃湯麵，點不知到最後落單時間都未有位。喺旺角行左成兩個圈，都睇唔中，唔知食咩好，唯有去對面呢間食茶餐廳😆椒鹽炸豬扒（是日晚餐）$71椒鹽味係有的，但係啲豬扒好濕，食落似有汁😆瑞士乾炒牛河 $60雖然有鑊氣，但係味道唔岩，食落有蝦醬味，加上河粉好糊，食咗兩啖已經冇食，老公勉強地食咗一半🙈樽仔奶茶 跟餐加$18好在支奶茶夠凍😆😆😆不過太細支，性價比唔高總括嚟講，到此一遊就算喇😆😆😆

今日同屋企人去食囍運 叫咗個鰻魚飯 同吉烈魚柳粟米飯 落單之後5分鐘個鰻魚飯即刻到咗，食咗一啖，啲鰻魚係生同凍嘅，同嗰個人講，佢話煎完係凍嘅，咁嘅一間服務態度又差，又貴嘅餐廳，唔建議去食。

同朋友睇完戲，因為而家疫情嘅關係好多地方10:00都閂咗門，咁啱行過見到呢一間仲開緊門可以入去食啲嘢。入到去人都幾多下，可能因為得呢一間餐廳比較開得夜，我諗餐廳坐滿都有8成嘅食客。同朋友坐低睇吓有啲乜嘢食可以叫，見到都有啲宵夜嘅餐，有飯面亦有麵包，價錢大概$50至$60左右麵包就比較平啲$40左右就食到。我最後揀咗一份全日特餐，佢有羅宋湯烏冬，炸魚柳香腸炒蛋，茄汁焗豆。呢個餐都唔算好貴，大約$70左右。我朋友就揀咗一個豬潤麵，味道方便普普通通嘅，魚柳都脆既，唔算差唔算特別好食，只係環境比較擠迫。

本来是想在店外买几个面包外卖，但看看时间，还有30分钟就没堂食，看到这家茶餐厅便走了进去。加上店外照片也很有吸引力，决定坐下来吃顿晚饭算了。其实他们的餐牌很精致，图文并茂，而且款式不少，我也要考虑了一下才点菜。点了一份咖喱牛肋条焗饭，放在方包内焗。上桌时有点燶，卖相一般。上面有几件牛腩，里面是蛋饭满满的，饭量不少。由于填满了面包，吃时有小许狼狈。包内是配上蛋饭，整体味道还是不错的。吃完加上咖喱汁，可吃到内壁的面包。第一次这样吃焗饭，感觉不俗。

同朋友食晚飯，叫左滑蛋叉燒飯，生滾枸杞豬潤麵，配黑松露3.6牛乳炒蛋加丹麥多士，葡撻。食完第2日，朋友發冷+手軟腳軟，第3日仲發埋燒同肚痾。而我第2日就發高燒39度，同埋肚痾，係痾水！！！痾到今日星期日都仲係痾緊水！！！（我地有睇醫生的）究竟間餐廳可以幾污糟先會食到人又發燒又肚痾，睇完醫生，食曬3日藥都殺唔死啲菌，都仲係痾？聽日星期一又要再睇醫生，真係貼錢買難受。唔會再去！唔會再去！唔會再去！！！

第一次試咗下午茶，好深刻印象佢個招牌雞蛋叉燒炒飯。下午茶時段招牌雞蛋叉燒炒飯50幾蚊大大碟，午餐份量一樣，賣相好唔錯，食落同賣相一樣咁正。佢稱係用日本醬油，甜甜地又濃，唔會太咸。炒滑蛋半生熟，撈埋啲豉油，叉燒又夠嫩口，正。😆今次晚餐時間食羊扒，又係大大碟驚的唔飽咁。薯角鋪滿晒隻碟，味道可以。主角羊扒肉質鮮嫩juicy ，一啲都唔肥瘦剛好。👍🏻🥰講吓個樽仔奶茶🧋，的確好滑好好飲，比一般凍奶茶正。係貴D，跟餐都要加$18。

建議：想叫厚多士，記得要拎主餐牌 出開旺角想搵下野食，行左去廣華個邊。比囍運冰室個餐牌吸引左，佢地門口張厚多士相超吸引 🤣 曾幾何時，好多餐廳都會有農夫包，不過依家好似已經無咩。所以見到又想食就走左去排隊等位🤩今次試左：▫️奶油芝心西多 (下午茶餐 HK$37 連熱飲)估唔到一啲都唔Hea，份量仲幾大😆 切落去見住啲牛油＋芝士流心超肥仔🧀 食落好香芝士咸香味 加埋煉奶❤️ 好正▪️金磚焗紅酒牛柳 (主餐牌 HK$68)一開始睇枱面個餐牌，以為下午茶時段無得叫。問下店員，佢話可以叫，係主餐牌果度有寫。幾驚喜既係，發現最貴都只係 HK$68 勁抵😌👍🏻 仲有幾個款揀，可以睇下圖3張餐牌。等左大概10分鐘，上枱時好香面包味🍞❤️ 配埋細兜既紅酒牛汁。 #試伏專員 S君 表示麵包外皮比較硬，飯量會比碟頭飯較少，不過食曬個包好夠飽🤰🏻另外，如果啲汁比多啲更好，因為食到最後啲包好Dry🤣