囍運冰室 (通菜街)

营业中

休息中

大家好，今天我來到了旺角花園街的喜運冰室享用午餐，今天餐廳內人數不多，不用跟別人拼座，環境屬偏舊茶餐廳叫了一個午餐A洋蔥鴛鴦扒飯，凍奶茶跟忌廉湯，上餐時間很快，五分鐘內到齊鴛鴦扒是豬跟牛，豬扒有點乾肉汁不夠，牛扒也偏乾，牛味不足，配上洋蔥汁還可以，洋蔥汁是偏甜那種傳統港式忌廉湯配味還可以，只有罐頭磨菇在內，況可入口，凍奶茶偏甜，八分奶兩分茶味，冰很多，建議可以叫少甜少冰價錢方面在旺角午餐算是中低價，份量十足，如果想滿足飽肚是一個不錯的選擇，味道只能說是還可以

今日去咗一間想試好耐既餐廳！沙爹牛肉面真係好正！牛肉煮得剛好，咬落去好嫩，味道濃厚，沙爹醬又香又入味，整個面碗都散發住香味，吃完真係好滿足。丹麥多士，外脆內軟，咬落去有種幸福感！再加上炒蛋，真係香滑得來又creamy，搭配多士一齊食，簡直係完美。再講講餐肉，煎得香，食落去既有咸味又有香味，配搭埋其他嘢食，真係一流！最後，飲品方面我選咗熱咖啡，咖啡香味濃郁，仲帶有少許酸味，飲落去唔會過於苦，反而好提神。

其實又唔算第一次嚟呢間茶餐廳食嘢，早午晚下午茶都試過。食物質素正常！點知今晚就遇着鐵桶！一個冇禮貌嘅樓面！今日星期日，7:30pm 黃金時間，一個人去食個晚餐。見成個場只坐得一半人。大量卡座吉咗喺度！咁正常都搵個卡位坐定定！點知我連續坐低兩次，都俾個阿姐大大聲叫我起返身！一個人唔可以坐呢度～～既然你咁堅持唔准單拖坐卡位！咁咪唔坐，起身走人！！旺角大把茶記，去第二間！如果你坐咗右七八成，我接受ar!! 但一半都無！老闆請著呢啲伙記，除咗倒米之外，真係影響其他員工！

得套餐有野飲，單叫野食冇野飲包都算，仲要比個阿姐態度差話：你哋叫一杯野飲咋？野飲價錢又唔係平仲要迫人加，叫佢拎杯水都黑晒面唔想做咁，呢間野咁既服務態度真係提早執笠。

早上7點幾叫外賣時餐廳做留了我的單，然後打去餐廳這個收銀阿姐聽電話時，淨係會說「無你張單然後cut線」，就只有通菜街呢間分店才會這樣，跟住差不多45分鐘後外賣又送到我屋企，問題是不只一次，起碼最少3次以上

夜晚做完gym同朋友黎呢度食飯，見到個叉燒炒蛋飯好似幾吸引👀👀就叫黎食！一上枱，見到個炒蛋色澤好靚！完全冇用水溝稀！食落好有蛋香🤤叉燒都幾大塊，好滿足！唯獨覺得略為鹹咗啲，但整體都好滿意！👍🏻

放lunch求其喺附近搵間茶餐廳食下～^_^哎呀俾你知道我喺旺角工作啦🤭講到茶餐廳，真係唔少得咖喱飯➕凍檸茶或者凍奶茶呢一個配搭。咁就即刻整碟咖喱雞飯試下先啦！咖喱雞要整到好食，啲雞肉一定要入晒味，而且要夠嫩滑，薯仔要腍，但係唔可以爛晒，都真係幾考功夫。講到我好似識煮嘢食咁添。你見到其實飯係夠食嘅，但係肉同薯仔就真係少咗啲，唔係好夠食。整體味道係正常嘅。連埋凍飲$68 ，性價比嚟講，我覺得係一般，唔係特別好食，如果要揀一個優點，請睇返標題。

長期幫襯客顧😔不過近排好失望，四眼吧頭哥哥唔見咗之後😭早餐完全唔好食，質素差哂，希望老闆見字馬上檢討。沙爹牛以前好吸引⋯⋯而家真係放唔入口😭😭😭⋯⋯牛肉冇味，湯底冇味D麵淋又發脹🤮🤮我仲要落鹽😭先叫食到，啲腸仔又係唔好食，講真成日浪費咗好多食物，而家咁樣落去真係以後都唔會再去食😪,咖啡有奶味冇啡味，救命啊🆘

2:07落單..期間不斷催單到最後2:40先同我地講冇曬農父包..臨走仲聽到個阿姐係到同另一阿姐講‘佢地個包都唔會食得曬架啦’顧客食唔食得曬唔需要由你去評論.你咁鐘意評論 試下同你老闆講 唔好賣尼款野食橫掂d客都唔會食得曬

去開旺角shopping, 見呢間幾多人食，諗住試吓，叫左個麵包焗飯， 粟米魚柳飯，份量大，味道都唔錯，好抵食，見隔離枱食緊一粒粒的朱古力西多士， 好似好正，我都叫左一份，有驚喜。 價錢又唔貴。

落座十几分钟，不是繁忙时段，服务员跑来跑去几趟都不给点单（举手且喊人，没人搭理甚至还被翻白眼）。而且前面一个人吃完东西也没有收拾。落座15分钟后终于找到个服务员，上来语气就特别冲“食乜野？！”，（在桌子都没擦的情况下）。然后我们火了，也比较冲的点单（但没有骂人），结果服务员就开始骂人。实名投诉，短发黄毛的那个女服务员！东西味道非常一般，特别不值得来一趟。服务态度超级恶劣，还爱骂人翻白眼，来消费不是来受气包的。

明白周六中午人多人手唔夠，但要menu睇下食咩想快食快走，都唔願意比，仲要勁差語氣叫我等搭枱食客睇完你再睇！落單想揾個人都冇。不過食物味道質素都不錯。但不會再次光顧！

本人於 17/12 中午到煙廠街分店購買葡撻、首先第一我排隊已排了很久，然後有同事招待我就說要付八達通保讓他們方便一點、怎料那同事不懂怎樣使用服務也很慢、然後他叫了另一位同事過嚟幫忙、我就問他八達通還是現金方便一點，因為我等了很久有點趕時間、然後他按八達通又收不了、我便付他現金，怎料店員跟我說你咁多嘢講唔好買啦走啦、佢竟然用錢掉返俾我，叫我唔好阻住佢做生意、我問佢咁點可以咁樣服務態度㗎請問你有經理或者老細在嗎？、他跟我說我就最大你喜歡投訴就投訴。、我從來未試過受到這種待遇，我拿起相機拍照準備投訴他。他竟動粗跑過來拉住我說要報警我說沒關係可以報警的。、他說要拍回我的照片，我也說沒關係因為我沒有做錯、最後我刪除照片是沒有問題的，但你怎可以用錢掉給客人叫客人離開同客人講阻住你做生意？這是什麼服務呀？、就算是茶餐廳都唔應該咁樣，如果你還想你們店舖有人幫襯就顧及吓你們的服務

服務態度極差 落咗單有一杯嘢$12唔清楚系米跟餐，叫服務員過嚟問吓佢跟著兩個行過嚟 口氣差 好似食野欠佢錢咁，面黑又大聲講嘢，呢杯唔使錢啊呢杯唔使錢咁 咁嘅垃圾服務態度，咕嚕肉好似個石頭咁 叫服務員攞嘢就話等一陣 個碗污糟邋遢碗屁股全部係油冇洗乾淨整到我成隻手都係啲油，唔會有下次

旺角凌晨搵食有唔少選擇 但係茶餐廳都係嗰幾間 好多地方都有🍞多士餐 奶醬 油醬 沾醬 鮮牛油多🧈一般都只可以單拼 等呢度可以加$2 鮮牛油雙拼今次揀咗鮮牛油+煉奶😌多士 佢嘅多士係連邊 小編食嘅時候自己個切開左🤣 唔知下次可唔可以叫走邊 多士外表烘得比較濃 所以比較香口同少少乾身 入邊嘅主角鮮牛油 基本上同包差唔多大快 如果飛埋邊基本一樣 亦都有一定嘅厚度 呢個值得讚 另外煉奶正常發揮啦 凌晨宵夜食 都算係有啲份量🤣 題外話 就算接近閂門1:00 last order 都幾滿人