囍麵 (已結業)

已經轉換咗另外一個老闆繼續經營, 所以已經完全變質, 現在難吃多了, 整個餐館班底及餐牌已轉變咗了！改變後再去食過一次, 難食所以不會再去幫襯消費, 待它們自然死亡後期待另一家新店開幕代替吧！

超高性價比之選。想食一個簡單又平平地既飯, 基本上唔洗用腦直接去囍麵就可以 今日去左食個炸醬麵，先30蚊炸(≧ω≦)/另外加左杯熱柚子蜜($5) 除左有個炸醬面，佢仲會比幾條菜同一碗湯有時出街食冇飯冇咩菜食呢度叫個30蚊既面，除左有菜食竟然仲有一大碗准山椰子豬骨雞湯飲落幾清甜，啊姐話係佢地自己煲既 講真個面冇咩特別食落味道甜甜地幾開胃但有面有菜有湯我覺得已經好抵食ヾ(@^▽^@)ノ 下次野飲都唔洗叫飲湯都ok了🤭🤭

13-8-2023 (Sun)晏晝,老公話去食少少嘢,行呀行, 行呀行,冇乜idea,咁我去悅和買個醬先啦,咁記得我哋喺呢喥食過水餃(上次食評係2023年4月24日刊登嘅呢篇: https://www.openrice.com/zh/hongkong/review/%E9%9D%9E%E4%B8%80%E8%88%AC%E6%B9%AF%E5%BA%95-e4796703),咁就嚟呢間啦,我哋睇完menu,老公決定要$32.00嘅4隻芫茜馬蹄豬肉餃米線,加$5.00要凍好立克.我要$38.00有8隻嘅淨水餃,要韭菜豬肉同粟米冬菇豬肉,同$10.00一支嘅豆漿.所有嘢好快嚟齊,我同老公交換兩粒水餃就食得,點解老公嗰碗多咗一隻水餃嘅?原來有一粒爆咗,佢哋就補返俾佢.我食第一粒,見到有黃色嘅食材喺入面,就知道係粟米冬菇豬肉,食落,味道有少少怪但唔係難食,或者係粟米同冬菇唔係好夾啩.味道:3分第二粒係唔知咩味,佢口感有啲爽脆,啊,呢個係芫茜馬蹄豬肉餃,佢嘅芫茜味又啱啱好,幾好食喎,原來上次爸爸就係食呢隻餃.味道:5分最後嗰粒就係韭菜豬肉餃,呢個正常冇問題.味道:3分而我食晒成碗水餃,發覺粟米冬

噚日(22-4-2023 Sat) 同老公,爸爸探完亞叔後返荃灣食晚飯,老公話爸爸好似想食餃子,於是查吓荃灣邊喥有餃子,我就唔想食北方餃子,就搵有水餃嘅,我睇到呢喥有水餃又有啱老公嘅酸辣粉,就決定食呢間.我哋嚟到坐低,睇完menu,就要$32.00有4隻餃子嘅湯米粉,爸爸揀芫茜馬蹄豬肉餃;$10.00嘅腐乳通菜;我要$30.00嘅淨鳳城水餃,加$5.00要凍柚子蜜;老公要$39.00嘅三餸酸辣粉,要豬膶,豬大腸,粟米冬菇豬肉餃紅薯粉,要小辣,加$10.00要豆漿.凍柚子蜜唔太甜亦唔凍.淨鳳城水餃一碗有5粒,都幾大粒嘅,湯底係淮山椰子豬骨雞湯,係飲到椰子味,唔太鹹.鳳城水餃有木耳絲,蝦同豬肉,味道都幾清.腐乳通菜,通菜幼嫩,腐乳又甜又鹹,爸爸接受唔到.老公嘅豬膶,豬大腸,粟米冬菇豬肉餃紅薯粉呢?佢話水餃一般,食到最後佢話有麻嘅感覺,我睇返張單,落咗麻酸湯底嘅?印象中佢係冇揀過呢隻湯底.其他:呢喥冇咗人哋寫嘅食評中提到嘅青瓜木耳豬肉餃.

有日放工見到有一間新店開張，原來是我喜歡的餃子，在門外看看Menu後，就決定入去一試，我點選了芫荽馬蹄豬肉餃米粉，食粉麵優惠加配了一碟油菜-腐乳通菜，再加一杯熱檸茶。餃子不算大隻，但肯定沒有加味精（本人覺得），因為食完唔會口喝，又唔咸。店舖餃子嘅種類幾多，有幾種我都想試，例如青瓜木耳豬肉餃，我覺得用青瓜配搭很特別，外面店舖沒有見過的。另外，亦有酸辣粉，可以配搭唔同嘅餸，唔同嘅湯底，唔同嘅麵底，價錢亦合理。當日食完仲買咗生餃返去（白菜木耳豬肉餃）。