四國壽司爐端燒手打烏冬 (已結業)

果日Weekend，本身就唔係想食呢間，原本想食果間餐廳無位就喺附近行,門口見呢度Menu不錯就入去喇！ 成個樓面得一個男人Serve,飲食業艱難 人手不足都會體諒下。有時倒轉諗, 好感恩佢地仲有開門比我地有得食添！ 我嗌左3道壽司+炭燒雞扒湯烏冬。整體味道唔錯，正正常常，份量絕對夠一個女仔食。烏冬只係普通烏冬，雞扒都幾好食，略嫌醬汁過多。另外，3道壽司都意外地好食。 星期日 Lunch Set $68 又飽肚 性價比算高了。朋友嗌左鰻魚飯，他評價也是挺高 抵食！打呢篇野之前，才得知過往不少評價談及一名餐廳女職員服務態度。就我當日所見同所聽, 果個女職員已沒再出現。而當日果個男人雖然忙，態度仍然好好,好落力服務客人, 所以是次體驗好好,一定會再黎幫襯

店內有位較年輕的女店員，樣貌端好，但人品很差，基本上她由起初在四國上班，已經是非常沒有禮貌，以今天為例，我叫咗個壽司餐，但係食物嚟到嘅時候，不是冷烏冬，而是熱烏冬，她便說我沒有指明是冷烏冬，我就正努力回想，我是不是沒有叫呢？佢就開始態度惡劣起來，不斷細聲挑釁，其實如果我係冇叫嘅，咪我問題，我又唔會為難妳，亦沒有為難妳，她又何必先發制人，態度咁差，又何必不斷挑釁我呢？到我叫我老公叫他攞杯冰水嚟，佢又要扮睇唔到，咪要我大聲叫唔該囉！之後佢每次過嚟，態度都非常差，我臨離開店舖前，我把紙巾清理好，放在碗內，待她一併收拾，她就非常之無禮貌，掉開我張紙巾散到枱上，算吧啦！食物性價比高又如何吖！食到背脊骨落，唔消化，又影響心情，真心覺得身體唔好嘅，真係唔好去呀！佐敦仲有好多好嘢食嘅地方，食其他好過！

今日朋友生日，早一個星期訂定枱，我哋行完街，準時6點去到，唔使等位，安排左張4人枱，2個人坐得舒舒服服店內裝修簡簡單單，但又不失和式的感覺！！唔好講咁多，好肚餓，要快啲叫野食！其實係我地入門口之前已經比呢個餐牌的壽司定食晚餐吸引左，一於叫嚟試吓🤤🤤🤤呢碟係定食晚餐的鵝肝卷入面配蟹子牛油果沙律醬無行輸，唔會覺油膩，反而覺得好清新定食壽司晚餐有8件壽司，件件都大大件，上面的魚生又新鮮又肥美，正定食入面仲有個叉燒烏冬，烏冬彈牙無酸味，叉燒又夠淋，入口都唔使點咬，而個湯成好清甜，飲完一啖追一啖！章紅魚簿切，師傅刀工好勁，塊塊都切到咁簿，仲可以透到碟底，但唔好以為咁簿入口會無野𡁻，咁就錯啦，塊魚肉入口滑滑地，咬落爽爽脆脆，再配埋個醬汁，簡直一流！牡丹蝦兩食——刺身，鮮甜多内個牡丹蝦的蝦頭用嚟煮麵豉湯，真係好飲到無朋友黑松路鵝肝壽司——塊鵝肝有半隻手掌咁大，而且個壽司飯唔係普通的壽司飯，係撈過黑松路，真係好好味，下次嚟一定要再叫！帶子鵝肝卷，十分足料，而且唔會太大件，剛好一口一啖，正到爆！最後，當然唔小得串燒啦，我地叫左3款，分別係（左起）免治雞肉串、凡立貝串、雞翼串！免治雞肉咬落多汁又有啲軟骨，

今晚約左幾位朋友到佐敦”四國”吹水聚舊，好彩我哋預先book 左位，因為7點左右差不多滿座1. 燒河豚乾($52)，上枱時有陣陣香烤氣味，因河豚乾烤過變軟，入口易咬，送酒一流之作2. 吉列蝦青瓜小卷($62)，吉列蝦入口香脆及熱，外皮脆漿唔厚，入口唔油膩。3. 黑松露鵝肝帶子沙律卷($)，帶子肉夠厚，中間加上鵝肝，配上黑松露獨有香味，幾樣食材配合得非常好4. 火炙三文魚及帶子壽司(三文魚$40/2件、帶子$38/2件)，三文魚夠肚美，經火炙後入口好香魚油新味，入口即溶的感覺，正！帶子肉厚，入口十分鮮甜5. 章紅魚薄切魚生($128)，魚生由日本空運到港，師夫刀功了得，魚生薄切可見到碟上花紋，魚生十分鮮甜，又一推介之食物6. 牡丹蝦刺身(兩食) ($90/2隻)。牡丹蝦刺身大件夾新鮮，而蝦頭仲可以選擇做埋麵豉湯，確係好嘢7. 鹽燒開邊雞中翼($55/2串)，所有串雞即叫即燒，入口熱辣辣，外皮燒得香脆，真正外脆內熱。8. 汁燒帆立貝($65/2串)，帆立貝好大嘢，男士差D 一口都放唔晒入口9. 串燒牛舌($65/2串)，同樣燒得外脆，內裡保持juicy，用來送酒確係一流10. 生蠔北寄燒(

食左三次有兩次都係覺得佢啲態度好似唔憂做咁決定之後都會再黎 我唔知佢純粹係職員之一定老闆娘不過如果係職員既 老闆就要諗下呢個職員係咪幫你倒緊米 如果係老闆娘就恭喜你啦 自己倒自己米大家如果真係要去既 就諗下想唔想食到背脊骨落啦

平民價勁抵食，lunch簡直抵食到不得了，如果喺附近返工就可以日日去食因為午市套餐真係好多選擇～而晚市嗰個二人套餐又係抵食到食唔哂要打包，另外仲有店員推介每日新鮮空運到港活魚刺身，正

今晚係貴店堂食經歷非常難過，食完肚痛！胃痛！唔敢推薦人黎食。唔知貴店請咩廚師，成餐飯有個鵝肝炒飯用劣食形容都不為過，寫係鐵板炒飯，但炒出黎連香味都無，鵝肝無鵝肝味，飯無飯味，蛋炒得又老又無蛋香，蔥花作為裝飾都可以咁唔夾... 而且價錢不值，感覺很差勁，有種說不出的被騙了。強烈建議要檢測員工廚藝，唔係難食到等於拆自己招牌！另外，上菜極慢，叫左5樣菜品成2個鐘先上完！重點係知道後面張檯係熟客，因為 serve得太明顯！入席比我地慢，但野食不停上，睇到背脊骨落！而且我地叫既同一種菜品，份量有差別。叫左幾個餸等左兩個鐘，望住另枱一熟客啲菜係咁上，我地就一直等，感覺似去左孤兒院多過去餐廳。 綜觀以上，食物水準參差，貨不對辦，真心覺得間店對不起“四國”這牌頭。希望呢個訊息貴店負責人睇到！！！

唔係太肚餓，所以冇叫二人餐，就咁散叫。😌免治雞骹肉棒因為係免治，所以比平時食開嘅較軟身。佢混有粒粒軟骨，好有咬口。燒得啱啱好，而且啲伴汁唔濃，小小哋‘釣’下味仲好。🙂一口炸雞即叫即炸，好熱㗎！千祈唔好一上枱就食呀！一口一件，大細啱啱好。層炸漿好薄，唔會啖啖油。😟牛油果軟殼蟹手卷有啲失望。兩件中有一件嘅紫菜係淋咗，而份量軟少。雖然佢嘅軟殼蟹炸得唔錯，但整體有進步空間㗎🙂吉列豬扒手打烏冬烏冬滑而又帶少少煙韌。豬扒都係即叫即炸而厚薄適中，炸漿同樣好薄，不過就比較乾身。埋單共$260，還可以吧。

晚餐一人定食只限星期日至四，所以同友人散叫，雖然黎食日本料理，但朋友擔心衛生問題，近排戒食刺身，所以就點了幾款燒物加烏冬😁🥑牛油果軟殼蟹手卷：點了2件，唔知點解其中一件d紫菜淋左軟身左😞牛油果好甜，軟殼蟹好香脆，不過細份左dd 🍡免治雞骹肉捧：一碟有2串，燒得唔會太燶太乾身，用料十足，整條都係雞同軟骨小粒，脆脆的，由於係免治雞，肉棒既質地較軟身，加埋甜甜地既燒汁，不錯喲👍🍖一口炸雞：一客有5小件，即叫即炸，小心食哦會燙咀😉炸粉唔厚，雞肉仍保持嫩滑，配埋沙律醬就無咁膩。🐷吉列豬扒手打烏冬：烏冬份量正常，帶有些少煙韌口感，豬扒size都算合理，同樣係即叫即炸的，不過稍嫌乾身左少少，cp值還算可接受。

I guess it would still be a while before we can travel again without worrying too much about COVID-19, so it would be nice to visit 四國日本料理 for some authentic Japanese food, especially udon, to ease the travel bug.The lunch set came with three pieces of sushi — crab stick, salmon and tofu skin. I liked them dearly, as the rice was bite size which was not too much; the crab stick, salmon and tofu skin were all very fresh and delicious.The pork cutlet was freshly fried, which gave it a crunchy skin

本人兩星期前見經濟咁差，所以諗住幫襯一下本地餐廳，因此在app 訂了6:00，兩位，亦出了訂座編號，6:00準時到達，但老闆通知我已經full了，話常試通知我，但聯絡不上，但當時見到餐廳只有一枱客，個人估計我在app 訂位時是有折扣的，但之後可能他們才接到其他人訂（但沒有折扣）所以常試取消已確認的客人，最後本人當然被趕走了，個人對他們所做出的行為極度不滿，如果不想給app客人折扣，可以不參與它的推廣，因此本人同時會在app 投訴他們和告知所有人幫襯呢間餐廳要小心🤬🤬🤬

話說公司同事介紹黎食lunch, 一行7人黎食，上菜算快，但其中一個同事既飯一直未到，到大家食到一半有多時，果位同事既餐就到！我食既豬軟骨拉麵一般般，無乜特別，豬軟骨5算入味！反而跟餐既3件壽司中既加州卷既好食！ 問題黎喇，當我地得反一位同事仲食緊既時候(即係最遲黎野食果位)，侍應已經俾單我地話可唔可以埋左張單先，甘我地當然覺得無問題啦，咪埋左先，埋完無耐，我果位同事仲飲緊個餐送既湯時，佢就叫我地交枱，話岀面有人等緊！ 我地咪話係你地啲野遲黎，我同事先仲食緊！ 但佢都無話5好意思果啲！邊有理由見其他人食完就叫我地交枱，唔通我地漏底果位同事走先咩，我地一行7人落單到埋單先30分鐘左右，又唔係坐左你一個鐘都唔走！你甘樣做生意真係byebye啦！永遠black list依間野！ 如果你鍾意趕頭趕命，食完會俾人趕你走的話，都可以唔洗幫襯呢到，因為啲野食真係一般般！

好抵食的一人前套餐可以任選三款，是任選所以3個飯都可以帶子刺身有4大粒，也很新鮮的.雜錦壽司好足料，魚生是厚切的.角切魚生飯也多魚生的，正每個set送麵豉湯及雪糕.$120好抵食

第一次過黎四國食野～主要都係因為朋友介紹。。。佢地話呢間食店環境都幾好，食得舒服而且味道亦唔差！講真，多人就真係難搵位，因為食店地方唔大，好多時都已經有客響到，建議大家都係四個人或以下先過黎食會比較好！去到叫左個set lunch，壽司組合+個細既稻庭烏冬，可能期望太大，烏冬同街買自己煮差唔多，壽司亦無好大驚喜！相反，我覺得咁既價錢食呢個set lunch又唔係話真係超抵，如果附近有德美，我可以已經去左食德美😅

工作附近嘅日本🇯🇵料理 ，店細細，但服務都OK，LUNCH SET 有平有貴。但都選擇多，味道唔錯😋今日叫左鹽燒三文魚扒定食 ，58蚊，好味又飽肚👍🏻之前叫過魚生飯，太細啦完全唔夠飽。今次呢個就性價比高啦！仲可以預早打電話卜位添。