影片
付款方式
以上资料只供参考，请与餐厅确认详情
【深水埗區】【四季冰室】深夜時份一個人喺深水埗搵嘢食，平時諗起可能會食嘢嘅地方都閂咗門。而喺嗰個時間，直頭係連西九龍中心都已經十室九閂，因此個選擇都係得返「見到嗰啲」，見邊間仲著住燈就係嗰間，咁就嚟咗汝州街呢邊望吓。呢頭仲有幾間嘢未收，最企理嘅就係眼前嘅呢間四季冰室，所以就走咗入去。入到去見到啲宵夜餐唔太吸引，於是就叫返「招牌特餐」算喇。而侍應見我要特餐，都好心提醒我當刻已經冇晒沙嗲牛肉，不過就有鮮牛肉嘅。咁就嚟個 $48 嘅「忌廉雞湯鮮牛肉米粉」，清清哋幾好，感覺夠健康。個「北海道3.6牛乳炒滑蛋」略嫌唔夠滑，有啲麥當勞 feel，塊「火腿」正常。加 $3 要「香脆奶油豬」，係好食嘅，加埋杯「熱奶茶」成件事係幾完整嘅。就咁就梗係唔夠喉，叫多份 $40 嘅「粒粒金磚西多士」配「脆香惡魔炸雞髀」，都係飲「熱奶茶」。初初同阿姐溝通有誤會，佢以為我外賣，所以收我外賣錢同 pack 好畀我，好彩我發現得早，即刻叫佢改返，先有得上碟咋。佢唔記得畀糖漿我，不過個西多有夾花生醬，我就咁食都覺得 okay。而隻雞髀就好似炸得多咗，大家睇圖都見到佢係比較深色嘅，之但係咁嘅組合又絕對係對得住個價錢。食咗兩個餐，夾埋 $91，要諗返其實我係食咗二人份量。。。（地址：深水埗汝州街243號地舖）
继续阅读
今日去開深水埗，經過汝州街見佢裝修幾靚，就入去試吓個午餐，叫咗個蔥蓉豬扒飯，做得唔錯幾有誠意，首先塊豬扒煎得幾香脆裏面仲有少少Juice嘅感覺，白飯面加隻半山熟蛋再加一匙羹蔥蓉食完真係精神爽利😆，今晚又要跑多兩個圈，杯奶茶屬於中等質素，平衡到唔錯係茶味有少少不足，會再幫襯👍
继续阅读
深水埗舊居租客退租，提前去看看舊房子，以節省月底交收的時間。天氣炎熱乾燥，要找個地方歇歇，深水埗汝州街食肆很多(我小時候不是，記憶中只有2、3家)，有些還是網紅店，人氣旺！Walk in 回味冰室(門口招牌寫着：四季冰室)，給媽媽點了午市套餐，包括以下的：#青紅蘿蔔瘦肉湯：很家常的湯水，稍稍偏鹹，可以接受。#叉燒油雞飯：份量足，叉燒和豉油雞都好味！#熱檸檬茶：媽媽說味道不錯。我早餐吃得豐富，不餓，點了杯凍檸樂，消暑佳品 😍性價高的午餐選擇。
继续阅读
今日喺深水埗附近返工朝早去咗呢間食早餐一大早個人流好多😄叫咗個A餐😆沙嗲牛肉公仔麵 配火腿炒滑蛋几加$3要咗個奶油豬滑蛋係用3.6牛乳炒所以真係有返咁上下好食🤣下單冇耐就到 唔駛等好耐💗沙嗲牛肉啲牛肉嘅份量勁多！又大大塊～平時好少食淨啲牛肉 今次竟然我食唔晒啲牛肉🥹重點推介過奶油豬 煉奶同糖好夾個包烘得啱啱好！🫣咬落去外脆內軟 大家一定要試吓～勁多嘢食埋單都只係$39～真係幾抵食 下次嚟都會再食🤫
继续阅读
您可能会有兴趣的...