四季湯館

营业中

休息中

一直都有幫親開呢間小店.  感覺都唔錯. 不過最近每次食親都見到外賣比較多, 堂食唔洗等好奈就可以入座. 當日同朋友叫同一個餐. [ 花膠濃湯雞煲 ] 之前都有試過. 真係好濃既湯. 因為真係膠質好重. 今次擺上台,,,,即時 [ 0 ] 左咀. 係因為1豌係好滿既湯.......1 碗係得半碗份量.  我地有問姐姐點解GUM大分別GE.  姐姐問都冇問,  直接拿走半碗份量個份. 走到廚房同個廚講加返D 湯. 因為個客話少得濟.... 另一份你備太多啦.個廚好大聲講...吓...邊有湯加.......見佢就GUM 係出熱水位直接加入去........[ 咩料ar]]]之後個姐姐拿返嚟放低.....咩都冇講. 當唔知GUM.... 當然我地最後冇飲........ 都廢事吵......... 因為一次唔好之後都唔會再去.  由良心變成冇本心...... 其實GUM 就唔好大大寫住. 日日新鮮煮靚湯. 不如寫日日新鮮煲滖水啦. 加水當湯. gum其他湯唔夠都唔知道係5係就gum加滾水囉...... 都幾貴既滾水湯wow.....茶記都係10-20碗....呢度要60幾蚊碗........

1. 蒜蓉銀絲蝦腰蒸茄子 配 菜飯 ($48)以蒜蓉同芫荽鋪面，茄子偏淋身，蝦肉爽口，配粉絲好match！好多粉絲墊底，本人好鍾意！(˶‾᷄ ⁻̫ ‾᷅˵) 略嫌偏油2. 蟲草花雲耳蒸雞飯 ($40)熱辣辣，份量足，雞件好入味，食完好有滿足感呀！(嗝～～3. 蟲草花赤肉燉海參 (套餐價$58)第一個反應係：好足料呀！！！海參數舊，肉排數舊(唔會好韌)，蟲草花數十條，仲有雞腳同紅棗，唔怪得咁甜啦(⁎⁍̴̛ᴗ⁍̴̛⁎) 一大盅，兩個人分啱啱好～～總結！CP值絕對高呀，晚餐都可以食到$50內一個飯，就算加埋靚湯滋潤身心靈都完全唔貴，仲好夠飽添！另外，一入座會有店員斟茶，杯茶清清地，都唔錯㗎～ 地方好企理乾淨，店員都有禮貌，所以我會不斷再嚟食呀！♪♪♪

呢間係朋友介紹俾我食，蟲草花雲耳蒸雞籠仔飯的飯大大粒，像極了珍珠米，飯粒極香。有些油於飯粒上，一陣香氣撲鼻，流曬口水，正爆！朋友和我都覺得很好吃😋那些雞件也是份量合適，不會過肥，還有蟲草、雲耳，極好味，蟲草份量多！朋友叫了個海鮮泡飯，馬上比下去，明顯不及籠仔飯，淡而無味，份量一般。另外，我叫了一個湯，像極了肉骨茶，很濃藥材味，有助失眠人士，很正呀！我一定會再黎，佢仲好抵食，$50-$60元，落足料🙂🙂🙂

幾日冇返屋企食飯又想飲下湯唯有搵間湯品店試吓螺頭老雞燉花膠，好足料！滿滿的😍應該真係燉左好耐好入味，螺頭好有咬口唔算大粒，雞味都好夠不過唔係呢個湯既重點，至於花膠夠大塊好味，仲要唔止一塊。睇到鋪面張貼左呢一個濃蝦湯蝦球泡飯嘅相，覺得好吸引所以就叫黎試下。蝦球夠晒大粒又夠多應該係有七粒！至於龍蝦湯雖然係濃味嘅蝦湯但都覺得有龍蝦味，可能先入為主左佢真係龍蝦湯😂翠玉瓜粒好多而且個菜飯都夠大碗一定夠男士食。鮮蝦海鮮冬瓜粒泡飯轉米線，因為有菜飯嘅關係所以呢一款轉咗做米線，相信大家睇相都覺得啲餸已經佔咗成個碗面，冇錯真係好多餸啲帶子仔有十幾二十粒，啲蜆冇乜沙，鮮蝦如果可以去埋腳會好啲因為唔太方便食，冬瓜粒都係一樣有好多粒。覺得好抵食。米線韌度啱啱好都唔錯，唔係粗嘅米線。兩個人食而且有燉湯呢個價錢都好合理，抵食又好食！

是日午餐吃得太飽，J先生就提議去荃灣吃晚飯 - 四季湯館因第一次光顧後對此店燉湯很滿意！再訪了…餐單湯底好清甜而不油膩；螺頭、雞肉丶花膠燉得剛好，質感軟硬適中分量偏多J先生話：濃郁湯底，好好味竟然吃掉了全部材料…還説：連肉排肉質也不乾身原本打算食荷香籠仔；但因份量太多！我重申一次我還很飽因此只吃了兩塊試味，粟米汁略為稀而炸魚柳味道就一般，菜飯又軟綿又腍J先生話：扣肉咸度剛好帶香濃；肉質軟腍而不膩四季湯館 總結：值得一試！

呢間鋪我食左幾次了每次都是點蝦仁炒蛋，因為真的好食😋佢選用既飯有點似珍珠米不過今日轉轉口味，點左籠仔飯~土魷蓮藕蒸肉餅我見隔離枱有點,看落大份又賣相不差,的確沒有失望係真的好食。下次再試其他先

呢個月差不多8成時間都叫外賣，有時真係唔知食咩好食外賣食到口淡淡，又開始有D作病，唔想米線唔想炒粉麵飯咁HEAVY咁就搵下有無蒸飯嗰D啦。咁啱碌到呢間湯館，有燉湯飲潤一潤都好喎叫左2個籠仔飯一個燉湯，兩公婆SHARE食，份量都好多呀蒜香龍躉蒸飯蒜香味好夠﹗連飯都有味証明真係一齊蒸，龍躉都有好多件，D肉好嫩好鮮味，飯硬左少少，如果軟身D嘅話就好了蝦乾銀魚蒸豬頸肉蒸飯相對蒜香龍躉蒸飯失色少少，蝦乾好似未浸透仲係硬左D，銀魚無預期中咸香味，豬頸肉醃得夠入味嘅，不過整體嚟講可以唔使ENCORE螺頭老雞燉花膠首先，我好鍾意個樽﹗勁厚身唔怕漏可以翻用湯料超勁多，花膠有三大片，螺頭就得一細粒好搞笑。味道OK架，不過略嫌水左D，花膠燉湯通常杰身少少

逛完 The Mills， 食個 early dinner， 今天想簡簡單單食d有住家feel的菜式，走到附近的四季湯館， 之前已黎過幾次，味道都合我心意。可能時間尚早，5:00左右到達，不用等位，我們二人被安排坐4人枱，正！這裡舖面較细，如果坐滿都有些迫。一坐底，即刻睇下有咩燉湯, 近期腰骨有些痛，點了 “壯腰強筋補腎湯”，  一盅的份量不少，  又有湯料，我跟肥先生每人飲少少share 一盅都夠飲; 有時，如果那天很想飲湯，就一人叫一盅, 滿足d。肥先生喜歡吃肉，點了“蝦乾銀魚仔蒸豬頸肉飯”， 蝦乾及銀魚仔很香，我喜歡吃魚，點了“豉蒜蒸魚雲菜飯”，魚頭份量不少，吃得出沒有味精。之前幫襯都無試過甜品，今天就點了“焦糖燉蛋” ，  估吾到除了中式菜式外，甜品都不錯呢，面層的焦糖燒得脆卜卜，帶少少苦味，幾好吃。

荃灣好野食推介👍🏻👍🏻天氣涼返少少 就會想食熱野 ~ 蒸飯係一個好吸引既選擇😍今日介紹呢間蒸飯, 除咗熱辣辣一定好好食之外, 仲要係份量勁足！ 飯量多不特止, 連餸都好多個籠仔大過我塊面呀 佢既荷香籠仔蒸飯 好出色💖蒜香龍躉蒸飯龍躉都係大大舊, 仲幾多下一拎出黎, 勁香 令原本食蟲草花雲耳蒸雞飯既我都流晒口水😂雖然係咁 , 我個飯都唔弱架！我好鐘意食蟲草花/ 雲耳～ 呢間真係比好多, 多到瀉呀！再多我都食晒蒸雞唔洗講啦~ 好滑好入味 🤤除左蒸飯、佢地既燉湯都好出色 但之前成日唔記得影， 下之再去要影下 紀錄一下 去開荃灣真係必食

呢排天氣凍, 真係好想飲返個熱湯暖暖身。好彩公司附近有呢間四季湯館, 仲可以以WHATSAPP 落定單, 然後自取時先俾錢。今次我大約17:30 落左單, 話大約18:45 去拎, 食店好快就應機CONFIRM 左ORDER。我準時去到, 見面口冇人等。諗住一如以往咁一入去俾錢就拎外賣, 可能果日突然好多外賣, 入到去我張ORDER 仲未READY, 店員見到我黎到, 已經第一時間去處理。等左大約5-10 分鐘就有。拎到返屋企, 一打開2 盒飯, 咦, 明明走青架, 點解會有青既? 我仲懷疑緊係咪自己唔記得講, 定佢地唔記得落之時, 睇返張單, 有打免蒽喎!咦! 睇黎廚房真係好忙, 漏左蕉。唔緊要啦, 忙中有錯, 我自己夾走D 青, 好EASY! 土魷蓮藕蒸肉餅飯同蟲草花雲耳蒸雞飯都好好味! 份量夠大。到個湯, 我本身叫左螺頭老雞燉花膠。一打開個湯, 有花膠, 但點解陣味咁陌生? 係椰子味?唔, 撈下個螺頭食先, 點解冇? 飲落個湯好清甜, 好暖身! 出於好奇心, 我WHATSAPP 食店問點解個湯冇螺頭, 食店即刻回覆原來係廚房果邊出錯左湯俾我地。原來出左五指毛桃湯俾我地。食店快速回

秋風起, 天氣變得好乾, 想飲個燉湯滋潤下! 咁啱喺荃灣廣場附近, 咁就去四季湯館食啦! 反正外賣就買過好多次, 堂食就未試過。入到去有2 枱客, 我哋揀咗中間位坐低咗, 地方乾淨, 不過枱就排得有D 密。餐廳主打燉湯、飯同米線, 飯O既選擇有湯飯、籠仔飯同客飯, 客飯O既餸有素食揀, 客飯可以揀白飯/菜飯, 我覺得算多元化。普通燉湯價錢由$58 - $68, 唔算太貴, 另外如果想食貴D, 都有佛跳牆同鮑魚雞燉翅, 價錢 $168。另外餐廳亦有小食同甜品。川貝百合海底椰燉鱷魚肉燉湯 - 嘩! 呢排咁乾就真心要清潤下! 呢款湯佢介絕係滋補肺腎, 化痰止咳。呢排確實有幾聲咳, 加上疫情關係, 都要潤下肺既。個湯係原盅上, 我哋2 個人SHARE, 每人都有一碗半, 份量好足! 湯色澤好清, 但味道濃郁, 好足料。見到湯入面好多材料, 好明顯係真係用咗好多料同時間去煲O既! 蒜香龍躉蒸荷香籠仔飯 - 呢個有D 失望呀, 因為魚係骨腩, 冇乜肉, 好多骨。不過個豉油係香既, 配埋個菜飯都好好味! 只係, 我期望O既係魚片, 而唔係骨腩。土魷蓮藕肉餅蒸荷香籠仔飯 - 都係菜飯底, 肉餅好結實,

呢間之前同老豆食過好食所以再嚟今次同朋友嚟 大家都細食所以叫左一個籠仔飯一個燉湯同一份炸雞翼豉汁白鱔籠仔飯$58 真係抵到爛 飯係珍珠米同平時食開嘅籠仔飯有啲唔同白鱔新鮮爽口唔會「梅」 珍珠米煙韌👍🏿👍🏿食完先醒起無影相🤦🏽‍♀️湯就叫左個川貝鱷魚肉湯 $52 好足料佢個menu好仔細 每個湯都有介紹用咩料煲燉湯一盅盅咁上 唔會油無味精連個排骨都係靚肉 真係渣都食埋其實原本無諗住打食評但嘢食足料味道又好 店主仲要好好人落左單之後我地轉左一次枱比佢入另一枱客其實都好小事 點知食到七七八八嘅時候店主送左個焦糖燉蛋俾我地初時仲以為佢送錯 佢話要我地轉枱唔好意思所以請我地食我無諗過一間食燉湯嘅餐廳個甜品竟然咁好食😋😋😋😋原本我地已經食飽 但個燉蛋。真。係。好。好。食食左兩啖佢又送多碗桑寄生嚟 話我地兩個人一人一個桑寄生都好食 兩樣嘢都係menu有嘅下次我唔叫小食都要留肚食佢個焦糖燉蛋😋😋

這間湯館同事說很足料，今天來試下。12:00多已經幾多人，店子不大。十張枱內。選擇也不少呀，有藥膳湯水，四季湯水，荷葉籠仔飯，客飯，仲有素食客飯魚湯，糖水同小食我叫左滑蛋炒蝦仁跟菜飯，份量也幾多，菜飯就不是我想像中咁多菜，滑蛋不是滑蛋的，熟蛋，不過好想的，蝦也好大隻好爽的，味道感覺健康唔咸的。蒜蓉銀絲蝦腰蒸茄子，這個蝦也大隻的，咪道係健康的，茄子是一塊塊的，有d粉絲舖底。另外叫左螺頭老雞燉花膠，都幾有份量，好足料。花膠好大片，也有好幾片呀，仲有螺頭，雞肉，蜜棗，好清甜的。好味道呀。

下午兩點半想食個飯飲個湯，相信係荃灣呢間絕對係不錯之選。有多款湯可選擇！蒜香龍躉蒸飯一上碟已經有香濃既蒜蓉味，飯粒吸收晒魚香同蒜油，不過食落就略嫌油咗少少，不過都算接受到。龍躉魚塊份量都不孤寒，每塊都啖啖肉，魚皮亦都好有咬口跟飯加多個湯仲可以有減10蚊優惠，個湯就畀咗我朋友飲，見到熱到十足朋友都讚味道不錯。

政府立例不可以堂食晚餐，同老公揸車四圍搵嘢食見到黑蚊蚊享和街有一間新開的蒸飯， 想清清地試吓，入去睇吓個餐牌， 見到有老公最鍾意食嘅龍躉腩蒸飯， 我就揀咗蒸鱔飯， 跟住見佢介紹燉湯清甜，買飯仲可以減$10， 跟住門口仲可以泊車等外賣， 估唔到等咗幾分鐘就有得攞啦。返到屋企話一打開有驚喜呀！ 好足料， 好好食， 蒸飯啲汁唔係咁簡單珍珠米又比我平時食開嗰啲更加好味喎整體來講呢兩個人晚餐食咗接近$170唔算係平但一定好滿足！