四季煲仔飯

营业中

休息中

細細個成日食，以前真係高質煲仔飯。咁岩經過廟街，想懷念兒時味道，點知中曬大伏，伏伏伏伏伏。等勁耐，又貴，都算啦。蠔餅無左以前種蛋香味，得油味。鳳爪排骨煲仔飯打開個蓋，入面水汪汪，仲濕過屋企電飯煲煮出黎既飯。焗完10分鐘，都係好多水，入面都係濕嘅。無飯焦。鳳爪排骨仲差過酒樓既，排骨得骨，無肉。鳳爪無味。蠔餅夾硬食曬，飯食左1/3，就無食。搞左成個半鐘，食唔飽，最後出去食M記，M記都好食過佢。真心失望，食唔返以前既兒時回憶。

多年無食過四季煲仔飯，出發前睇到啲食評都覺得伏伏地，但話哂都充滿回憶，一於畀次機會佢。我地7點半入座，朋友排隊排左半個鐘，去到啱啱好有得食。環境就如咁多年一樣，唔舒服，又拿渣，但黎得喱度食，預左。無得投訴嚟到就梗係叫佢個煲仔飯，叫左個排骨滑雞飯。肉少飯唔香要飯焦無飯焦要香味無香味個豉油仲要死鹹個蠔餅粉多油膩，出面無好多間做得好食，唔多作批評腐乳通菜，就係普通白灼通菜加pat腐乳。自己整都整到。老老實實 出面事但一間都好食過佢唔明點解咁多人排隊仲要賣得咁貴一句講哂，都係食回憶建議大家唔好試評分：0.5/5

Should let the english speakers know as well:Ignore the queue. Highly NOT recommend. 1) NO Scorched Rice (飯焦) at the bottom. NONE. So technically, why would it called a pot rice and charging $90? It’s much like the Tong Kee steam rice which worth $30 tbh.2) Food poisoning after having the oyster fried cake. The oyster fried cake tastes nice but both of us had stomachache afterwards.So overall— the “signature” tastes bad, and the food tastes good turned bad. I regret went here. Should have waited

今日放工特登同老公坐車去食，點知中大伏！浪費錢又浪費時間！七點幾去到排隊半個鐘，期待值拉滿。入到去環境舊，髒碗隨意擺，空間細。叫左個臘腸排骨飯，北菇滑雞飯，細蠔餅，兩支可樂，277蚊。心諗 咁貴又排隊，一定好食。點知！又等左二十分鐘，蠔餅油，飯係無味又淋，完全無飯焦， 送極少， 兩啖就得曬飯。最後好似食醬油撈飯咁。沒有香味，得個咸。食到一半已經想放棄，隔離左右都係遊客唔知佢地食到呢d內心係咩感覺。真系一肚氣，成餐最好食係可樂。絕無下次！

人生未食過咁難食既煲仔飯：啲飯淋既/無飯焦👆tbh呢啲我仲可以接受（不能接受中既接受xyz，燶架呢煲野，成煲係燶架openrice話佢閂12點半，我地十點左右到，佢地話閂十一點唔知係趕收工定點，everyone都係西口西面，食食下仲要人立即比錢fine 呢啲我都理解，但煲仔飯燶既我真係接受唔到，我真係唔知講乜去表達我既傷心，因為專登黎食anyway公平啲講句，佢個蠔餅係相對地好食，個兩分味道我比佢既

天氣凍左，當然想去食煲仔飯，去到廟街，見四季出面排隊嘅人比往年少，以為仲早啫，排隊時有個姐姐已經幫人落定單，坐低左都仲要等好耐，其間有個阿姐多次攞起我地張單再掉低(係多次，係掉)之後自言自語，我地兩個人，叫左兩個飯，1個細蠔餅，1碟通菜，兩支飲品，好正常啫，唔明佢咩事。到蠔餅黎到，味道普普通通啦，腐乳通菜就似粉麵舖嘅油菜，兩個飯等得最耐，終於到，1個田雞排骨飯，另1個牛肉排骨飯，伙記放低前教落豉油再等10分鐘，但食嘅時間完全冇飯焦，同豉油撈飯冇分別，重點d牛肉同排骨肉係梅架，超勁難食，埋單$317, 勁唔抵，冇下次

同男朋友去叫左一個炸蠔餅，中規中距，淋身d，可食可唔食問題大的係出於煲仔飯個度，無諗過一間專門食煲仔飯ge地方可以差到敢，我地叫左一個牛肉煲仔飯同一個臘腸排骨煲仔飯，飯到左，等左一陣先開，其中一個仲係生米，一個就好少少，岩岩熟無咁生，飯完全無香味，臘味嘅通常都會有油香，呢個飯香油香咩都無，重點係原全無飯蕉，好似一般蒸飯咁，臘腸干硬，排骨無肉，難食過屋企普通煲飯，價錢貴又難食，唔會再去下次，呃遊客嘅餐廳。

今晚食左，十分難食，煲仔飯無飯焦，服務員態度好差！問個阿姐點解煲仔飯無飯焦 佢竟然話有就有，無就無，食飯都要睇運氣，應該要換過個師傅啦，叫四季煲仔飯主打煲仔飯，但煲仔飯咁難食，隔離幾枱客都話煲仔飯無飯焦又難食，另一枱係旅客話等左成個鐘但食呢啲咁難食既野好失望，其實都好影響旅行食野體驗！其實四季煲仔飯個老闆有無去睇過佢既煲仔飯搞到咁難食ga，唔怪之得隔離果幾間食煲仔飯小菜既排長龍，因為人地既煲仔飯真係有飯焦又好食，以後都唔會再食四季煲仔飯！

突然興起想去食煲仔飯，去咗興記煲仔飯，點知太多人咁就求其搵間食啦，其實食咗30幾年煲仔飯，從來都唔會去呢個位呢間煲仔飯多數都係食興記嘅。入到餐廳其實正正常常都冇乜特別，但特別貴一個牛肉煲仔飯可以參考圖片再加埋臘腸要成90幾蚊，但重點係份量極少之餘仲係唔熟，我叫咗個阿姐佢話叫咗個老細過嚟我問佢「老細呢個份量係啱㗎啦嘛」佢話係㗎啦咁樣，使唔使再幫你焗煲過咁我話好。其實一如其他食客嘅睇法一樣，呢度嘅煲仔飯絕對唔係煲仔飯，其實同一個外賣$28嘅盅飯係冇分別嘅。我冇特別留意究竟佢係點樣用火去煲個煲仔飯，但係冇飯焦份量少就係事實。隔籬坐咗一對情侶內地遊客，佢哋順德嚟嘅，我問佢哋覺得個飯有冇問題啊佢話啲份量真係好少同埋好貴。我同佢哋講，如果你覺得啲品質唔好，一定要提出。香港呢啲劣食餐廳一定唔可以坐就佢哋香港從來都一個適者生存嘅地方，唔夠班一係就改一係被淘汰

昨日 2024年12月24日，下午6點已有人龍，排了大約20分鐘才有位。但各樣食物味道非常令人失望。蠔餅 - 炸得很脆，蠔仔亦幾大粒，但完全無味道，無蛋味，無蠔味。落魚露就太咸。上枱時，感覺到好熱，但等咗一陣就涷哂。唔通係炸定番炸？腐乳通菜 - 正常偏咸。白鱔雞煲仔飯 - 白鱔好幼，得五件，唔夠肥美，多骨。飯無乜飯焦，飯無香味，而且“巷”。膶腸排骨煲仔飯 - 膶腸唔靚，排骨無味。飯無飯焦，無飯香味，有“巷”味。食後口腔感覺好重味精，唔舒服。煲仔飯無飯焦係死罪！總之，唔會再幫襯！

以前永遠都要排隊，所以一直都無試過，昨晚經過見唔使排隊直入，即管入去試吓，點知中晒伏，食物質素簡直把鬼，煲仔飯專門店，可以做到d飯咁差，佢都算叻，叫咗一個潤腸排骨飯，一個白鱔飯，跟佢指示下，加豉油再蓋上焗十分鐘，開蓋，飯超淋，無飯焦，豉油無味，不在話下，仲要俾錢黎受氣，入去食野要俾人喝鬼咁喝，嗰個男人（唔知係老板定員工）好似所有客人都差佢錢咁，食食吓，呢d咁嘅名店，真心唔識欣賞，留番俾d同自己過唔去嘅人食😂

一間名過於實的完全唔掂的煲仔飯😡😡，食咗三個煲仔飯（潤腸排骨、牛肉臘腸、鹹魚滑雞）三個都完全冇飯焦，又完全冇飯香，配料又少，（似足煮熟後加工的飯）中教人落豉油後等10分鐘！！！似足酒樓蒸飯，是但一間唔係專門食煲仔飯的茶餐廳都好過佢，中有蠔仔煎又渣又多油，份量又少，得三、四粒蠔仔，完全唔掂，老細態度又差，同佢反映中費事睬你，完全冇反應，之後仲態度惡劣話 （唔係個個煲仔飯都會有飯焦）！! 唔值得再去😡😡

叫了一個梅菜滑雞+牛肉滑雞飯煲仔飯完全沒有飯焦 跟酒樓吃的排骨飯沒分別清潔姐姐不斷趕着收走你的碗筷 跟催你走沒什麼分別環境很熱 8x元一碗煲仔飯 不如我去唐記包點買還好食總結：專劏遊客地點 一定不會再來

一行三人原本打算到廟街吃廟街小廚吃煲仔飯，誰不知已經關門大吉。突然想起四季煲仔飯，便走過去看看有沒有排隊。因為以前路過常常見到排長龍，所以從來沒幫襯過。嘩，真係一試難忘😵‍💫！從來未吃過咁唔好食嘅煲仔飯😓啲煲仔飯, 米冇飯香，飯冇飯焦，豉油唔似煲仔飯用嘅豉油，唔知乜嘢味，落咗好多還是沒有味道的，真係令人振奮。但係啲餸還相比下還是可以的，排骨和雞都沒有雪味。還叫了一個豆腐湯，啲味道清淡如滾水，正呀🙄。總括來講成餐飯性價比超低，中伏！

今日行返完旺角，唔知諗食乜嘢。雖然天氣比較熱但突然間諗起煲仔飯。通常煲仔飯都會諗起油麻地四季煲仔飯，今次就叫左一個排骨臘腸煲仔飯，感覺無以前咁好食，以前好多飯焦，今次食好似無以前咁好味，唔知會唔會因為係少左飯焦原因。同埋排骨都比較淡。但都尚算多排骨，我仲叫多碟菜，味道正常天氣太熱忍唔住叫左支樽裝可口可樂希望下次唔會咁失望啦 。。