四季餐廳

营业中

休息中

由開張開始食 一開始食物質素不俗 而且梨木樹選擇小 所以經常食 外賣要60先送 都明白 每次就算自己食都會嗌夠 今日再打去叫外賣 問飲品要加幾錢 問多一條問題已經唔耐煩 直接態度差到爆咁講 小姐你快小小 我都唔想阻住你 所以以後都唔會選擇你 咁既事勢仲有呢啲庸員 餐廳真係要只求多福食物味道仍都每況月下 加上商場入面開左新舖 有台灣嘢 韓國嘢 味道不錯

梨木樹四季餐廳 食物質素ok環境ok但樓面超乎非常失望 這餐廳很奇怪大部分員工 也是在逃避顧客這點從開業我幫襯到現在一年有多了 舉例一午市晚市時間非常旺場 兩三個樓面在門口問枱 但客人坐低之後， 你就會發覺很困難才找到人落單 當然 飯市時間 店內員工忙碌是正常 ， 看到員工在店內 急步的走來走去， 但當你再留心細看 很多都是裝作忙碌 一看見門口有客人兩三個 樓面員工 馬上衝出去問枱 主因是逃避落單 執枱 特別是假旺場的時候很明顯看到 8個樓面工作 有一半是在做戲執枱比較污糟及麻煩 大部分員工也是逃避 在此必須要 稱讚 一個 後生仔 樓面 經常看到只有他拚命地工作難得的員工看到其他同事再逃避他從不介意 還努力的工作！ 本人也經營三間茶餐廳看到這樣的情景心裏感覺很失望！

每次堂食進入店內，都無人招呼，要自己搵位，叫食物時，舉手多次叫多次，都無人理會，同收銀講，佢只顧玩手機，浪費了3分鐘叫單，然後每次都是等了10多分鐘食物才到，隔2分鐘才來一次食物、飲品，收銀、侍應生態度極之不禮貌，每次比錢走，收銀只顧低頭玩手機，態度極之惡劣，俾錢時單手玩手機，十分不禮貌。叫外賣時，收銀態度一樣差，收說話冇尾音，差兩蚊都話唔送外賣，我話照俾佢都話唔得，根本就唔想做生意，以後都不會再光顧

下午茶 不嬲離唔開 炸脾 炸雞翼 沙律 薯條經過幾間餐廳 睇左下個餐牌就俾呢間既芝士蘑菇雞翼呢幾隻字吸引左咁就轉下款 雖然要加錢本身諗住外賣拎走食 但見堂食都有好多位於是就直接係鋪頭食埋如果下午茶中意攞走慢慢嘆就要留意下 佢既外賣收費係每個盒另加收一蚊 芝士蘑菇雞翼 配薯條一切開就有陣咸香味飄左出黎一入口啖啖肉、蘑菇同芝士 岩哂覺得食雞翼唔方便既朋友仔味道比想像中好唔會覺得芝士好溜 絕對可以食得哂三件埋尾當然唔少得杯野飲喇

依間野既前鋪係食日本野但執左粒但估唔到太耐冇黎 一黎到 係門口望望menu 決定入去坐啦叫左個紅豆抹茶冰 少甜圖係雞公杯 但黎既杯係普通凍飲杯唔緊要啦 杯野味道都 好飲😁之後叫左3個茶餐 粒粒西多士配雞肶個西多趁熱食頭果幾啖都覺得ok而且佢中間有夾醬 但味道我都唔知係花生定蓮容了 個醬有點干干的感覺 而且有少少蓮容味另一碗係和風雞扒丼配3隻餃子佢個餃整果時應該有落到黑醋 👍👍👍食落去幾香黑醋味而個雞扒都好好食 好食過雞脾唯一不足係飯既汁唔太夠仲有碟蒜香豬扒配薯條但個豬扒感覺唔太多蒜香味係到😔好普通埋單 $122係食野中途有幾隻小蚊仔飛呀飛

父親節快到，我和妹子剛好一起放假，便與爸媽提早慶祝一下。於是4人行便選擇了附近的餐廳食個下午茶罷了⋯可能平日又不是假期所以人流較少，沒有排隊人潮出現，所以不用等已有很多位置提供。我們選擇了瑞士汁乾炒牛河/輕型早餐/菠蘿包/蛋撻⋯飲品就奶茶/咖啡☕️味道方面覺得瑞士汁乾炒牛河色澤炒得幾好、平均四散每條河粉上、炒得很乾爽、牛肉也很嫩滑容易入口，味道不錯👍菠蘿包都幾大個、口感外脆內軟😋值得一試！蛋撻新鮮好吃、充滿濃烈的蛋香味、酥皮層次分明令人感覺酥脆可口！值得一讚👍奶茶口感非常順滑、濃郁茶香味、令人齒夾留香😍不錯！

兩點落單，等左半個鐘先出單個落單時間寫半個鐘後搵經理去理論，佢堅持話d單出唔切明明同一時間入黎，第二枱食完走埋食飯食到成肚火叫d姐姐催單，一係應完走左去做其他野一係應都唔應你垃圾

食物就真的要認真注意一下了 由你們開業到現在幫襯了幾個月 開頭食物味道ok水吧也覺得出色． 但不知為何對上呢個多月 味道開始改變了 如本人冇估錯 好大機會轉了廚房師傅因味道差距太大．水吧的 凍奶茶和凍檸茶味道也改變了 兩者經常出現苦澀的味道茶胆放得太耐了(天氣熱了)！ 麵包部門出品正常ok 希望會作出改善一路會支持的

午市套餐的水準唔得,有時飯唔夠熱,食材份量也太少,有時咖哩牛腩肉未煮透，極難食新開張初時還好，但現在有點令人失望.反而，我試過晚市中式菜還好一點.水準可接受.可能午市與晚市不同廚師，水準不一.

今天在附近上班，到梨木樹商場找餐廳食午餐，見到這間「四季」門外排了5,6人等位，店內非常光猛，對比起商場內的其他餐廳，這間的環境十分好，湊巧聽到旁邊的師奶們話這店是新開幾個月，決定一試。看到餐牌有很多選擇，有常餐、精選午餐、滑蛋飯系列、炒粉麵，好多都想試，最後我選了精選午餐D，咖喱薯仔雞扒飯配流心蛋$48，等了5分鐘已經有得食，我本身好鐘意食流心蛋，咖哩有少少辣好惹味，加上好肚餓食哂一整碟飯。整體而言很好，選擇多份量足夠價錢合理。

本人上星期放假到貴店買外賣，蛋白炒飯份量小，但價錢58元，是不合理味道未如理想，安棑座位冇人派位招呼人客，排隊買外賣，個收銀又叫埋單上前面優先處理，又冇多1個人做收銀，毫冇管理可言，放嗅皮，不知所謂

等了三個幾月，終於係15/5開張了，本來任何新餐廳，第一個星期內都不應該冒險，但從門外見到人頭湧湧，員工足夠，眼見運作算暢順（利申：我本人都是飲食業管理層），就決定入去試試。早餐餐牌價錢，以現時物價來講，已經算合理，點個最基本的早餐選擇：沙爹牛肉麵配餐肉炒蛋，出爐麵包，配凍奶茶。（這些簡單餐單是最考驗茶餐廳功力）。份量，賣相和味道都算唔錯，以茶餐廳環境來講，很乾淨企理，員工手腳亦快，能與街坊談天說地，氣氛融洽。走時見到收銀有出爐麵包賣，賣相唔錯，價錢合理，下次再去買來試試。