四季‧悅 日本餐廳 (遠東金融中心)

营业中

休息中

【香港搵食🍴】四季・悅 同事升咗職 誠邀我哋幾位同事去食呢間四季・悅揭menu好多嘢都想食 所以決定幾個share食每個set都會包前菜3點 海鮮三文魚籽茶碗蒸同埋大蜆麵豉湯前茶有蟹籽沙律 枝豆 麻醬豆腐 味道無乜特別海鮮三文魚籽茶碗蒸 個面頭鋪咗大粒三文魚籽 蛋蒸得好滑 有隻蝦喺最底 幾好味大蜆麵豉湯 一碗有3至4隻蜆 唔會咸 🔹️龍蝦天婦羅配御飯龍蝦有五件 但炸得有啲乾身 不過就啖啖肉🔹️照燒無激素雞腿配御飯叫呢個餐等最耐 差唔多20分鐘先有雞肉嫩滑 個醬汁連埋雞一齊食好好味🔹️吉列豬扒配御飯首先會送上一個盅連埋芝麻 俾我哋整碎再倒落個醬度炸得好脆 炸粉唔算厚 仲有少少肉汁 portion都算正常🔹️吞拿魚刺身 魚蓉卷配天婦羅虎蝦烏冬吞拿魚好新鮮 虎蝦都算大隻呢個餐男仔食都飽 又飯又烏冬 🤣

睇門面以為係貴，再睇posters 原來午市套餐幾底，大多數是$100有找。走廊入去，大廳很闊落，貼住窗有4張6人枱。非繁忙日子去，冇6個人都可以照坐。叫咗3個午市套餐，其實冇餐飲亦都冇甜品，除主菜外只有漬物。黃金蟹籽角切魚生丼$118大蝦天婦羅配蕎麥麵$96熱浪炸蝦卷配迷你烏冬$92睇餐牌諗緊熱浪炸蝦卷會係乜嘢，腦裏面估吓會唔會係同熱浪薯片有關，點知真係！有熱浪薯片啐喺卷物上面，又幾有特色😄，但唔係太食到卷裏面嘅蝦。掃code 落單，埋單喺出面機埋，冇乜service 可言，有加一，勝在食物都ok，有view，又坐得舒服(此非繁忙日子的體驗可能與繁忙日子的體驗很不同)。

以上是午餐menu 通常旁邊的餐廳太多人排隊才會來這家這家總會有位置用QR code下單連茶水都是自助的，基本上沒服務可言Menu就如餐廳名字：「四季」都一樣都不會換新的熱浪炸蝦卷配迷你烏冬$92首先卷物是吃不到也感覺不到有炸蝦 哈哈哈跟熱浪薯片也不搭 很亂來 味道真的很一般我和朋友兩個都吃剩了一半（她點的是叉燒豬骨湯拉麵）以上解說了為什麼午市總是不用排隊😂我還好奇晚市到底是怎樣撐得住看過食評後發現晚上是搞放題就是以量取勝、非質素難怪有人欣賞（？）

店內限時進食2小時，食物款式不多，而且第二輪下單的刺身到離場時半小時才到，令進食未完已到限定離埸時間，職員準時前來提供醒我們要離位，於是，我們只好狠狽地快吞，然而，十分鐘後，2位職員到來，異話不說，極速收拾所有碗筷，連食物也一並收起，令我們十分無奈，不但浪費食物，而且態度極度惡劣，一邊收拾食物和碗筷，一邊以仇視的眼神對待，所以這次是不愉快的經歷，下次不會再來。

大xx放題食咗好多次，搵新意，又要港島區，搵到呢間。放題限時兩小時，但人未齊都可以先入座，等人齊先俾QR code開始點菜開始計時，好人道。點菜系統有少少伏，佢要人再確認先至真係落單，但呢步好易誤會，跟住無確認就無落到單。食物選擇正常，刺身、壽司🍣、炸物、燒物、天婦羅、鍋物、甜品，樣樣齊，只係無手卷。放題包飲品，有四洲的飲品，汽水，又清酒🍶和梅酒。唔計以為落咗單原來未落嘅，啲嘢食嚟得都幾快。大部分落單無耐就送嚟。質素大致上都ok吾錯，唯獨係拉麵🍜就麻麻，天婦羅🍤的外層略為過硬。星期日晚飯金鐘吾算多人，但剛好鄰枱好大班人，有啲嘈，如果唔係餐廳環境都ok，唔係好迫。整體嚟講，我哋係滿意嘅，大家都覺得可以再嚟。

餐廳位置係金鍾，商業區地方 假日來食自然清閒感比較重，好適合一班人傾計之余至少唔會比隔離枱嘈到聽唔到大家講咩而且枱都幾大，黎齊食物放野都還好。講起食物就一般般啦，以餐廳位置黎講價錢自然有d mark up, 整體食物不算驚艷，普普通通不過不失啦，但有梅酒任飲，同埋好多四洲既飲品，出面比較少見的

在这个价位中环金钟附近，这个质量的食物是很好的，环境也很好，非常适合商务人士。如果想吃肉可以点烧烤拼盘。和牛寿司都很好。分量给的很足，甜点也很有诚意，服务态度也很好。

金鐘週末人唔多，等待到六點入座，座位最好為窗邊的卡位，旁邊是落地玻璃，我們坐在單邊四人位置，兩個人坐四個人位置比較寬闊，有茶水部，簡單，有熱茶熱水凍茶，及清酒梅酒各一款，梅酒真的比較甜，需要加清酒一起，清酒還可以正，因為係凍飲，要求不高可接受，另外包藍冰啤酒任飲，最繁忙的時候也只是八成人，即叫即做，沒有漏单，服務有禮，上菜速度快，質素全部也比較好，不能說是卓越，絕對對得住價錢，第二位六折，兩人$800買單，開心，會encore！

原價$388+10%的放題的確過份，$258既價值都要諗吓會唔會再嚟！天婦羅炸漿好差，唔係即叫即整魚生只有油金魚比較好成間店得油甘魚刺身同埋三文魚子軍艦好食三文魚/八爪魚/帶子正常水準玻璃蝦/立魚/吞拿魚全部唔掂特別要提到牛仔骨醃到啲牛肉質地超難食燒大蝦肉質好霉其他嘢真係唔識欣賞呢個價錢一啲都唔值！有樣嘢值得讚嘅～如果你係梅酒愛好者，你可能會覺得值！Choya 梅酒任飲， 鐘意又岩飲既，俾呢個價錢又唔覺得貴，嚟試吓都無妨.🙈🙄

book左晏晝同同事一齊去食飯，有幾個餐就少咗麵豉湯。及後睇返職員whatsapp我哋個menu之後懷疑收貴咗幾十蚊，所以就打返去問，職員聲稱某個餐加咗價，佢whatsapp send畀我哋個menu唔係最update，態度 / service非常麻麻並不符合其高級餐廳定位。其實個餐就冇乜問題嘅啲食物，但係食完之後就一肚氣囉，如果唔係我都唔會上嚟留負評。希望餐廳會改善佢既customer service。

這次送和牛すし，可惜價錢又沒有之前吸引，食物款式沒大變，只是更改了甜品，四人平均每人$426，不再吸引了，以前性價比時，會差不多隔月去就一次($300多時)，現在也不會再如此隔月去了!蝦刺身是熟蝦雪凍，不是真正的刺身，甜品這次的好味，因為有我最爱的抹茶!

呢間放題係朋友介紹，佢係金鐘遠東金融中心同九龍灣宏泰道23號都有分店。價錢每位338，我上次食因為兩位，送一個和牛盛，價值328，都幾抵，食完仲會每人送一張梅酒券。佢啲野食係幾高質素嘅，賣相都幾靚，又多選擇，所以如果再食放題我都會嚟呢間。

喺附近返工日日都會出去買外賣呢間四季悅唔係第一次幫襯之前食過幾次都好正常滿意（唯一比較唔啱心水係隨餐附送嘅紙包飲品檸檬茶唔好飲，不過都無乜所謂）但今次真心離譜希望只係廚師今日Blue Monday心情唔靚啦鐵板蘆筍和牛炒飯蘆筍係正常嘅但和牛真係睇匀都只見肥肉碎大佬唔好咁痴線啦啲飯係比較濕/痴埋嘅好多痴住個盒🫠粟米粒就好油同之前食嗰幾次嘅水準相差離天萬丈遠希望餐廳認真考慮一係俾返正常嘅質素如果唔係就唔好出呢款餐

約了很久沒見的舊同事聚舊，去這間金鐘上班族首選的🎌料，點了兩個套餐：海膽盛宴和龍蝦泡飯。一上來前菜的海膽帶子沙律，已經很鮮甜，沒想到接下來的刺身海膽接近👊🏻一樣大，一口一片巨滿足，還有吞拿魚腩刺身入口即化，再來一個岩鹽板A4薩摩和牛（厚燒），燒得剛剛好啲禾牛放在一塊岩鹽板上，挺特別的，但必須盡快吃，不然會有點咸，禾牛入口軟腍，油脂化在口中，滿口禾牛香味，巨下飯。另外龍蝦泡飯即場倒入龍蝦湯，裡面有很多龍蝦肉，還有南瓜，冬菇和蘿蔔，把湯的精華吸收，非常入味。最後吃一個菠蘿雪葩，第一次這樣整個菠蘿吃，冰冰甜甜的菠蘿香味，本人秒殺🤣🤣🤣。這家🎌料真的挺大家的，兩個區域非常寬敞，沒想到中午一點的時間坐滿了人，大都是金鐘上班族，又或是過來會見客人的商務午餐。它家還有放題，下次時間充足來試試。

見3月份openrice呢間放題有優惠，每兩個人就送110g海膽，而且每位$388（未加一），又近公司，所以放工一於約附近做嘢既朋友一齊黎試本身對所贈送既海膽沒抱太大期望，畢竟係送既，估計應該質數可能係一般，或者帶腥😆點知，黎架刺身船既時候，餐廳順便上埋贈送既海膽，竟然有驚喜，而且一絲不苟，有連埋紫菜俾我地包住食，海膽望落已經覺得新鮮，而且好rich,食落更加讚嘆，一啲都無腥臭👍🏽當晚可能係平日，全場得我地呢檯同後面嗰檯叫算係大檯，再加2-3檯係2-3人檯，坐得好舒服，差不多包場咁濟😆其實放題款式算中規中矩，如果可以有埋海膽手卷揀就更好，我的至❤️刺身都👌🏾，特別係三文魚算肥美，但油甘魚同吞拿魚就一般，食到有筋，其他刺身就正常炸物、鍋物、卷物都正常，所以唔多講了另外一提就係，個芝麻機翼真係要試，炸得好香口