四季‧悅 日本餐廳 (遠東金融中心)

营业中

休息中

大xx放题食咗好多次，揾新意，又要港岛区，揾到呢间。放题限时两小时，但人未齐都可以先入座，等人齐先俾QR code开始点菜开始计时，好人道。点菜系统有少少伏，佢要人再确认先至真系落单，但呢步好易误会，跟住无确认就无落到单。食物选择正常，刺身、寿司🍣、炸物、烧物、天妇罗、锅物、甜品，样样齐，只系无手卷。放题包饮品，有四洲的饮品，汽水，又清酒🍶和梅酒。唔计以为落咗单原来未落嘅，啲嘢食嚟得都几快。大部分落单无耐就送嚟。质素大致上都ok吾错，唯独系拉面🍜就麻麻，天妇罗🍤的外层略为过硬。星期日晚饭金钟吾算多人，但刚好邻枱好大班人，有啲嘈，如果唔系餐厅环境都ok，唔系好迫。整体嚟讲，我哋系满意嘅，大家都觉得可以再嚟。