四寶食堂 (兆安廣場)

营业中

休息中

Lunch經過時都有人龍排隊，本地人都食既餐廳一定有原因，放工去食晚餐情況好啲，唔使排隊但都滿座，於是乎揀2人晚餐set，$198包括沙律、湯、意粉、扒類主食、雪山西多士，再跟2杯飲品，根本食唔晒🫡香煎西冷牛扒🥩套餐加$38物超所值，叫左3成熟，牛味出，即使有黑椒汁都無蓋住牛味，牛亦嫩口，仲有香脆薯條伴碟，牛扒大份夾抵食！意式蕃茄肉醬意粉🍝 好食，唔係求其意粉醬包溝出黎，有新鮮蕃茄，十分清新好味，仲有香菇🍄‍🟫牛肉粒，比較港式的意粉🍝材料上絕不馬虎，又有鑊氣！雪山西多士香港人永遠愛西多士，熱辣辣西多士包住花生醬好滋味，面仲有雪糕，冰火兩重奏，咪話唔驚喜，相信外地人會更中意呢個版本既西多士，可以推廣俾更多人喜愛☺️

📍 銅鑼灣行街唔知食咩好？試下呢間【四寶食堂】啦！🫶🏼🍽️ 呢度真係茶餐廳界嘅小確幸，除咗有港式小食，仲有西式意粉同扒餐，選擇多到眼花！餐廳環境闊落，座位舒適，喺銅鑼灣真係難得！😌🥩 今晚試咗個【板燒美國頂級封門牛柳】，牛柳有6件，份量非常夠。煎到表面香脆，肉質鮮嫩多汁，五成熟啱啱好，仲配埋蘑菇汁，真係一流！配菜夾咗薯條同沙律，夠哂滿足～😋🍖 仲有呢個【BBQ醬燒豬肋骨】都唔錯，豬肋骨燒得剛剛好，肉質軟嫩附有焦香，BBQ醬酸甜適中，好好味！配埋清爽嘅西蘭花同牛油粟米，絕對唔會膩！👌🏼💰 價錢親民，$98起，入面仲有唔同Dinner Set揀，靈活又抵食！📸 #四寶食堂 #銅鑼灣美食 #茶餐廳 #封門牛柳 #BBQ豬肋骨 #食到暈下次嚟銅鑼灣，記得唔好錯過呀～❤

呢間茶餐廳的晚餐份量不錯～Dinner set 包餐湯、兩款伴菜、主食、飲品板燒美國頂級封門牛柳 $188份量不錯 醬汁好味同搭配牛油粟米，而香烤蘭花苔恰到好處地平衡了牛肉～紅酒野菜燴羊膝 $148羊膝的肉質緊實，超多肉 會超飽！主要配搭蕃茄醬 簡左原個燒蒜，好入味！同炸薯條～蘆薈西柚梳打 +$8飲品清新爽口，蘆薈與西柚的解膩選擇～柑桔檸蜜係好多養生的選擇！四寶食堂 (銅鑼灣)銅鑼灣謝斐道482號兆安廣場地下1-3號舖

勃根地紅酒野菜燴羊膝套餐包括左餐湯同野飲可以揀2款配菜，我地揀左牛油粟米+炸薯條羊膝超腍，一切就骨肉分離，非常入味，紅酒的香氣與羊肉淡淡的羶味完美結合。橄欖油辣蜆肉意大利粉一上枱就香氣撲鼻，賣相亦好吸引。食落橄欖油味好香濃，而且夠晒辣好惹味。菠蘿油茶餐廳經典-熱辣辣嘅菠蘿包外皮酥脆，內裏鬆軟。蘆薈西柚梳打清新解膩。朱古力雪山超多忌廉，朱古力味非常香濃，唔會太甜，非常完滿。上菜速度好似茶餐廳咁快，但食物的質素係西餐廳的水準，絕對係性價比之選。

銅鑼灣地道有質素的茶餐廳，食物賣相和味道也相當有水準！👏🏻👍🏻😍🥰🦥💕晚餐時段光顧更有dinner set選擇，相當抵吃，有餐湯、主菜和飲品，另外更可追加小食。香煎加拿大豬柳拼板燒紐約雞扒，只需$88，性價比極高，超級抵吃！可以揀兩款配菜，配炸薯條和香烤蘭花苔。大大份，豬柳和雞扒也相當大塊！賣相又靚！👍🏻另外追加了小食秘製麻辣公仔麵，只需加$15。板燒美國頂級封門柳，$188，性價比極高！豐滿樓的肉質非常嫩，五成熟呈現粉紅色的肉質，露出美味的肉汁，牛扒的香味鮮味也相當豐富！配菜選擇了雜菌和牛油粟米芯，賣相非常美麗，味道非常有水準！另外追加了奶醬，只需$15。當然晚餐套餐有餐湯忌廉湯和飲品。相當有質素的茶餐廳，去開銅鑼灣都可以去食啦

四寶食堂性價比好高，呢日晏咗少少食飯，咁啱仲見到有下午茶時間好掋食！牛肉丼 $52食肉獸嘅我梗係要嗌牛肉丼！睇圖已經覺得好吸引，飯面鋪滿牛肉仲有隻半熟蛋，整穿佢蛋汁流落嚟撈埋米飯一齊食夠晒入味，牛肉味亦濃香煎厚切牛脷配意式蕃茄牛肉醬飯 $68呢個真係好癲，一上枱已經忍唔住要食！個牛脷超厚切同埋好大塊，足足4塊！蕃茄肉醬好好味，撈飯食一流！牛脷好爽口，口感味道都good good😆*下午茶餐都有跟餐飲就嗌咗杯凍檸茶同熱檸水🥰🥰

蘭王蛋羅勒番茄肉醬意粉，期待已久的美食終於上桌。 這道意粉的賣點在於其新鮮的食材和獨特的調味。蘭王蛋的蛋黃濃郁，與羅勒和番茄肉醬完美融合，口感豐富。意粉煮得恰到好處，彈牙而不過硬，每一口都能感受到食材的鮮美。番茄肉醬酸甜適中，羅勒的香氣更是為整道菜增色不少。 除了美味的意粉，四寶食堂的環境也值得一提。店內的燈光柔和，音樂輕鬆愉快，讓人可以在這裡放鬆心情，享受美食。價格方面也非常合理，性價比高，是朋友聚會或家庭聚餐的好去處。

這間位於銅鑼灣的【四寶食堂】，主打港式茶餐廳，有多款港式風味小食，亦有西式意粉及扒餐等，款式甚多。店員先送上餐湯。香煎三文魚配香草麵包粒田園沙律沙律菜淋上芝麻醬，新鮮爽脆，配上煎至皮脆肉嫩的三文魚，健康又好味。板燒美國頂級封門牛柳配炒雜菌及原個燒蒜七成熟的封門柳表面燒至焦香，中間呈粉紅色，肉味濃郁且嫩腍，而且肉汁豐富。大蝦球彩椒車厘茄蕃茄意大利粉意粉色彩繽紛，非常吸收，即叫即煮所以新鮮熱辣，意粉酸甜開胃又爽口，蝦仁爽彈。鳳梨百香果冷高山烏龍加$8就有特飲，冷泡茶味道清新有果香，十分解渴。

跟朋友逛完銅鑼灣，想簡單吃完晚飯就回去，茶餐廳似乎是不錯的選擇，剛好看到這家粉藍色調的茶餐廳好像不錯。餐廳座位寬敞，樓底高，所以坐得好舒適。這在銅鑼灣算異類吧，因為一般食肆都用盡每一吋地方去騰出更多座位。看餐牌，Dinner Set選擇蠻多的，價格也豐儉由人，除了有湯／伴菜／主食／飲品，還可以追加不同的食物。我們點了兩份Dinner Set，其中一個就追加了食物。✴️BBQ醬燒豬肋骨（伴 香烤蘭花苔／田園沙律）$98豬肋骨燒得不會太淋，其他地方好多時都烹調到骨肉分離，這裏還保留了肉的質感，BBQ醬酸甜酸甜，惹味。自選伴菜清爽解膩。✴️紐西蘭西冷牛扒 （伴 炸薯條／炒雜菌）$148好巨大的一片西冷扒，聽建議要了5成熟，下次還是3成熟可以了，因為吃着吃着就差不多全熟，不過幸好牛扒肉算嫩滑，吃到最後還是不難切開。雜菌清甜，厚切薯條脆脆的。✴️黑蒜麻油撈公仔麵 （追加+$15）好香好香，還有大量的蔥花是我最愛，記得上桌就要趁熱吃，太絕了。✴️🍸鳳梨百香果冷高山烏龍 （餐+$8）大大的一杯，份量多到茶包也放不進去，味道非常香，不搞到底，就純純茶底，搞均底部的鳳梨醬，就清甜清甜的。✴️🍹蘆薈西柚梳打（餐+$

板燒美國頂級封門牛柳牛肉肉質好軟熟，牛味好重，冇諗過一碟嘅份量有成七至八舊，一咬落去啲肉汁咇曬出嚟😙， set食完好有滿足感，我哋嗌咗沙律配菜同埋牛油炒雜菇，沙律配菜加咗醋令到成個菜好清爽，牛油炒雜菇都有香濃嘅牛油味，好好食！😆粟米濃湯今日嘅餐湯係粟米湯，粟米忌廉湯有完整嘅粟米粒，所以飲落唔會好悶好有咬口，湯底係記憶中嗰隻忌廉湯嘅味道，我自己就好鍾意食😋黑蒜蔥油撈公仔麵我自己平時就鍾意食一啲比較甜嘅蔥油，呢個黑蒜蔥油撈公仔麵完全夾到我嘅口味👏🏻，蔥油味一想到嚟就已經好香，麵條都好彈牙唔會淋晒，難得嘅係上到嚟仲係根根分明，喺茶餐廳嚟講真係好難得！😄香蒜欖油辣椒蜆肉意大利粉超多野菌同埋蘆筍，擔擔都係蜆肉，每一啖都好滿足再加上微微嘅黑椒味鍾意食黑椒嘅人一定唔可以錯過！🤣雪山紅豆冰一上到嚟就見到好似成座山咁高嘅忌廉🤩，見到個底都有滿滿嘅紅豆，成個紅豆冰奶味比較突出，的紅豆亦唔會太甜，總體都唔錯😋！檸檬桂花蜜糖冰茶唔知係咪呢杯係冰茶嘅原因，所以上到嚟都真係見到滿滿嘅冰，不過佢個杯好大，所以份量都好充足，檸檬配桂花呢個組合真係好清新😄，淡淡嘅桂花味配上檸檬嘅香味，令到成個冰茶感覺都好清爽，解油膩一

每次去四寶食堂都係為左食佢地招牌推薦嘅—滑蛋飯!!滑蛋多到好似唔洗錢咁，覺得有唔只3粒蛋咁多呀🥚😱啲蛋多到連下面嘅飯都見唔到⭐️黑蒜油香蔥叉燒滑蛋飯 ($65)：一碟飯有唔只10舊叉燒，而且切得大件又不會乾柴，配上黑蒜油，令叉燒的味道更加提升！簡直就好味又抵過出面嘅叉燒燒味飯呀！🌟XO醬滑蛋蝦球飯 ($78)：XO醬好惹味，蝦球亦有10件左右，大大粒炒得好爽口！👑個人鍾意叉燒飯多啲！價錢平啲，而且覺得配搭滑蛋更加之perfect🤩餸+滑蛋份量都非常充足，每次食晒啲飯都未食完啲叉燒🤭

同朋友食個快飯，見呢間都幾多人食就去試下。Dinner set有湯、主菜、自選2個配菜、飲品。有別於一般飯、意粉或薯菜嘅選擇，這裡可以選自己想食的配菜，7選2，選擇都幾多👍🏻🌟板燒美國頂級風門柳（$188）+炒雜菌+原個燒蒜 🧄 牛柳上枱時感覺好似好熟，但食落又唔係，仲好腍，好有牛香味😋😋🌟香煎加拿大豬扒拼板燒紐約雞扒（$88）+香烤蘭花苔+田園沙律🥗兩件扒都幾大塊，肉食配沙律平衡下👍🏻👍🏻🌟香草白酒比吉打魚柳（$88）+牛油粟米+田園沙律🥗魚柳有兩大塊，好有香草味，微辣😃😃跟餐+$8可轉特飲，轉了兩個：蘆薈西柚梳打、檸檬桂花蜜糖冰茶，都不太甜，很清爽～

銅鑼灣呢個地段要揾平靚正餐廳真係唔容易 但又真係比我揾到😎今晚係附近行完街 行行下就見到呢間四寶食堂見到menu有好多唔同既選擇 決定入去試下佢咩質素😛見佢啲晚餐有好多款式 今次嗌左二款晚餐試下😋分別係 板燒美國頂級封門牛柳 同埋 香煎加拿大豬柳拼板燒紐約雞扒呢個價錢有得食扒 仲要包埋餐湯飲品 真係幾抵食🤩🐮晚餐 板燒美國頂級封門牛柳封門牛柳好厚肉 肉質好有咬口 牛味亦都相當濃郁師傅控制牛肉既生熟度 控制得好好 唔會過分地熟😛晚餐除左主食之外 仲可以揀二款配菜☺️今次揀左原個燒蒜 同 炒什菌 蒜頭燒得好惹味 配搭埋牛柳一齊食 無得頂🥰另外仲加多左個 黑蒜麻油撈公仔麵 同 奶醬多黑蒜麻油撈公仔麵 好香黑蒜麻油味 一啖接一啖😋🐷晚餐 香煎加拿大豬柳拼板燒紐約雞扒豬柳同雞扒份量好足 二塊扒都好大塊🤩餐廳預設既醬汁 調味岩岩好 唔會過份鹹今次配菜揀左原個燒蒜 同 田園沙律田園沙律 用上黑醋汁配搭 非常清新解膩😋最後仲加多左件奶醬多 多士係厚身既多士脆卜卜既多士舖滿左好多既煉奶同花生醬每一啖都係充滿大量既煉奶同花生醬 好滿足🥰🍹凍奶茶呢到既奶茶 又比到驚喜我😌奶茶既茶味好足 有香濃既茶味得黎 唔會

泰式肉碎湯米配提子丹麥酥及炒蛋熱奶茶呢間係四寶食堂，食物味道不過不失。泰式肉醉湯米個湯抵有點酸辣惹味，米粉唔錯。個炒蛋好滑，個提子丹麥酥好酥脆，但油稍微有點太多。熱奶茶香濃幼滑，挺不錯的。#四寶食堂 #泰式肉碎湯米 #炒蛋 #提子丹麥酥 #早餐 #熱奶茶

同朋友喺銅鑼灣行街，估唔到餐廳都有得食封門牛，職員仲會問你要幾多成熟，而且份量都幾多，肉質鬆軟，而且牛肉味極為濃郁，晚餐嘅時段仲可以成為套餐，當中會有忌廉粟米湯，而且仲可以選擇兩款配菜，小編就揀咗西式嘅西蘭花加烤原個蒜蓉，其實都幾精緻另外我哋仲叫咗個佢哋好出名嘅雙腸熱狗，有陣時其實簡簡單單已經好好，麵包焗爐看過之後，再配上兩條香腸同經典嘅沙律醬，已經覺得好好味最後仲叫咗個卡邦尼意粉，份量都好大，而且卡邦尼醬汁做得好Creamy，配上半熟雞蛋+煙肉，撈埋意粉一齊食，將味道更加提升😋朱古力雪山，濃郁嘅朱古力奶，上面就配上厚厚嘅忌廉，好邪惡啊鳳梨百香果冷泡高山烏龍，淡淡的烏龍茶再配上百香果同菠蘿，會有好甜嘅感覺，而且好fresh添