影片
食家推介
好喇，我决定同大家介绍下 #四川辣妹子 耀哥嘅隐世美食 （殊 🤫，餐牌冇架！）。由于本人好鬼麻烦，钟意食鱼但又怕食鱼皮，净系鳝嘅皮先会食。所以，就谂到胆粗粗问下耀哥可唔可以整到水煮白鳝。其实呢道水煮白鳝，系我旧年已经试过同耀哥落柯打，今次系第二次食。呢度一煲大约有一斤白鳝左右，件件粗身厚切，鱼肉新鲜弹牙结实，鲜味十足，非常好食。配料有黑木耳、豆卜、秀珍菇、灵芝菇、洋葱、芽菜，而香辛料就有辣椒、芫荽、芹菜同蒜头，非常丰富，净系食哂呢煲嘢，一个人已经饱到上心口！记得喇，想试嘅朋友一定一定一定要预早几日前向耀哥落订，否则系一定冇得食架！
继续阅读
咁难食仲要收呢个价钱， 浪费人生，浪费金钱 情愿返屋企自己煮饭食， 都唔会再帮衬，亦都会提醒身边朋友唔会帮衬，伏伏伏， 大家千祈唔好嚟， 唔好食，同埋，唔好食 唔好食， 好难食
继续阅读
我本身好钟意食川菜，成日行过都想试下，终于第一次去食四川辣妹子，order左水煮鱼，炒鹅肠，辣子鸡，川北良粉，除左辣，就系劲咸，水煮鱼d 鱼系千年雪柜鱼，我好钟意食水煮鱼都只系夹左2件食，鸡同鹅肠亦唔系新鲜嘅，难食之外就劲贵，200几蚊个菜，叫左4样野700几埋单，好失望，真系请都唔会再去
继续阅读
转咗新舖之后嚟过三次，地方比之前嘅舒适好多，离地铁站一段距离但都ok！始终舖租系一大问题。我经已一共六次帮衬烤鱼，太太赞啲鱼烤得外皮脆肉嫩，啲白肉同牛骨髓好正！鸡煲都 ok！但真心觉得啲肥牛唔吸引，相信要再买其他好料，因为香港人真系钟意食靓牛，呢个要扣少少分。如果真心可以食得好辣嘅朋友，可以试下佢哋嘅中辣、或者中大辣，但我个人只顶到小中辣，都经已食到一头汗。如果系钟意食川菜麻辣嘅朋友，就一定要试下呢度嘅辣汤，系我食过最好食头三位！试过佢嘅𫠐鱼、鲩鱼，唔腥，好大条，够晒食！鱼唔会好似有啲舖头咁，仲有啲鱼鳞留喺上面！试过食佢嘅麻辣猪耳、口水鸡，佢哋嘅麻辣汁系好食嘅！不过有样𩠌就麻麻地，就系莴芛丝，食唔惯就觉好硬同埋唔习惯𠮶阵味，但我屋企人就好钟意叫嚟食！服务小哥仔虽然唔钟意多讲野，但仍觉得服务贴心，包装细心又唔黑面，服务系几好嘅。依家1800后无堂食，所以佢地就全部转晒做外卖，外卖包装质料好，拎到去港岛区都无问题！赞！
继续阅读
天气开始凉，上星期想食鸡煲，打电话去新南苑一品点知全部爆晒，上Openrice search 到呢间，又有位，就试吓啦！一上到去，以为去咗深圳啲十九夜场，啲vip房传出阵阵强国歌声，又嘈又有人猜枚！讲返食物，我哋叫咗个鸡煲，加打边炉肥牛，菜，鸭血，粉肠⋯⋯个肥牛衰过x宝啲过期牛肉，有黑点同瘀血嘅！鸡煲又唔惹味，得层油，唉！我唔写咁多啦，费事一阵俾人block我唔俾出呢个post呀，大家唔信嘅，就即管去试吓啦
继续阅读