四川風味

营业中

休息中

平時好鍾意去葵芳掃街，同埋he 我係一個好鍾意食辣同四川食物嘅人，呢間涼皮我已經食過幾次幾，喺葵芳入邊我係比較推薦嘅一間，不過好多人話呢間嘅姐姐態度唔係咁好呢間涼皮嘅醬汁，我覺得比較正宗。有涼皮涼麵酸辣粉選擇，我就一定係揀涼皮比較有口感，特別係夏天又酸又開胃。今次揀咗蓮藕，魚皮多酸中辣，我個人認為酸少少比較好食。不過呢間既辣度好難控制，有時叫小辣都覺得好辣，但有時要小辣又唔夠辣，所以可能要同姐姐溝通吓。配搭方面，我推薦蓮藕魚皮，萵筍白肉，特別係魚柳好爽口，汁掛晒喺表面非常正。

見佢冇人排隊，諗住快快手買完走人我讚佢足料 ,佢同我唔好講廢話啦 勁嬲 ,黑口黑面都算 ,出聲同我講唔好咁多廢話 都冇得罪佢唔知點解要咁樣做 ,我都好少出post咁樣講 無啦啦比佢鬧 ,勁無奈

之前買開個短頭髮黑衫姨姨態度都算ok嘅 今日冇帶cash就問咗一句有冇得俾Alipay啦 個姨姨就即刻話「你想俾咩咪比咩囉 冇得比又要投訴㗎啦」當時我都冇理佢睇埋要食咩 佢又黎一句「依家冇人得閒我咪收你支付寶囉」 我心諗投訴你嘅又唔系我 咁嘅語氣咪唔好做咯 買完翻黎打開睇到俾我嘅份量仲要少咗好多… 之前買係滿到個蓋冚住都脹起同埋啲餸食唔晒 結果今次俾海帶得幾條 豬肚應該都係夾咗一下多啲囉🙄

通常幫襯1樓的店，貪佢無人排隊，唔洗等，味道還可，但1樓個位亞姐態度一直都唔好，平時都唔多人買，今日去倒都無人，我叫了涼麵，但都叫我要等，咁我等咗陣，見佢整緊另一碗，唔知道佢已整緊我個碗，剩係問我要餸就而家講埋，態度差，再問要唔要芫茜，要咩辣，整好我就比20蚊，點知佢話25蚊，我話涼麵唔係20咩，佢竟然話“我唔知”，我當時好嬲地放多5蚊，我話你痴線，明明講了要涼麵，你夾硬比涼粉，如果你態度好d講聽唔倒，我都無所謂，我後悔無堅持唔要，衣個服務態度完全倒米，永遠都不會再幫襯這店

一樓分店個阿姐 短頭髮大陸口音態度勁差 就算你好食到癲都唔會再幫襯啦 俾錢買難受做咩要受你氣？我叫兩碗涼皮 第一碗嗌小辣 諗住嗌埋第二碗 即刻俾佢鬧，叫我一碗一碗嚟 咁好啦，我即刻收聲啦 到佢整完第一碗 即刻態度勁差問我點啊？你第二碗要咩啊？ 我第二碗都係要小辣，然後加一個餸。 整嘅期間不停喺度鬧。 話女人真係特別麻煩。 咁多要求。我嗌餸有幾多要求啊？咁你唔好俾人加送啦。 話我多多嘢。 成個過程我淨係落單講咗兩句說話。 都要俾佢不停辱罵。 最後我勁嬲同佢理論。 話我叫兩碗涼皮有咩問題啊？你叫我一碗一碗嚟我即刻唔叫啦？跟住佢都冇嘢好辯駁，因為佢都覺得冇問題。 然後就轉移話女人好麻煩 咁多嘢講我見到你喺度講嘢啦 期間我只係同我朋友傾緊偈問佢想食乜 實在覺得好受侮辱 做咩我俾錢買面正正常常都要咁樣俾你係咁鬧係咁 ？然後我馬上走，佢仲要大聲指住我叫我pk!麻煩老闆睇到呢個留言快啲炒咗你一樓個阿姐啦，根本幫你倒米！幾好食都冇用啦，如果仲係嗰個女人 我會周圍同人講唔好幫襯

星期六去葵涌廣場掃街，第二站四川風味。聽聞呢檔長期出現人龍，可見其受歡迎程度。💜手工涼皮$25（⭐️⭐️⭐️⭐️⭐️/5）四川手工涼皮絕對是一道令人難以忘懷的美味。這道涼皮以其獨特的口感和豐富的配料俘獲了我的味蕾。豆腐乾的嫩滑與脆豆的酥脆形成完美的對比，增加了整體口感的層次。青瓜的清脆爽口更為涼爽宜人。手工製作的涼皮厚實飽滿，質感十足，搭配特製辣汁，風味獨特醇厚。這款涼皮不僅滿足了夏日清爽的需求，更展現了四川獨有的美食藝術。總的來說，四川手工涼皮以其口感豐富、清新美味的特色，絕對是一道值得品味的美食之選。

食咗幾年一向都係食開呢間分店，質素一直都冇問題。但係換咗新樓面d姐姐後，服務態度同埋出品就不斷下降。剛剛見條隊唔係太長，打算買唔辣嘅2碗涼麵食返屋企同細路一齊食。點知嗰位「鄉」音嚴重姐姐，完全唔聽指示係咁放辣菜甫落攪伴碗內（我係叫唔辣），跟本就係你有你講，但佢完全唔聽指示自顧自執料攪伴撈麵，睬你都傻嘅態度。咁我當然出聲，佢仲挑釁態度及語氣叫我等佢出舖再閙過！之後佢另一個同事叫鄉音姐姐走開，同事幫我再做過⋯⋯⋯⋯嗰位阿姐嘅服務態度，以後都唔再幫襯呢間分店！

見成日咁多人排隊就諗住試下呢間一開始我地就嗌要涼皮可能太噪啦姐姐聽錯就撈咗涼麵咁我地見整錯咗唔係涼皮就同姐姐講落手整嗰個姐姐都只係好錯愕咁話聽到係涼麵先問我地走唔走蔥我地唔係成日食呢啲所以唔知涼麵先有得揀(? 點知隔離個同鋪唔關事嘅姐姐即刻衝出黎話：啊靚女我地打工架咋 唔會做錯 你嗌咩就整咩 你唔要都係揼架咋 照收佢錢我真係一頭霧水首先唔關呢個姐姐事第二打工同你做唔做錯野有咩關係？第三我明明嗌涼皮你自己聽錯口同鼻拗仲話自己一定冇錯黎屈係我錯？點解我捭錢買想食嘅野買唔到仲要聽你廢噏😅其實本身整錯咗你講句唔好意思米算 我都會照食依家我錢又照捭咗仲要捭你得你有咩問題😅碗野我真係嬲到食咗兩啖就揼咗 個人覺得有啲偏鹹

I recently tried a Sichuan takeaway shop, and it was a delightful experience! The standout dish was the spicy and sour potato noodles, perfectly balanced with just the right amount of spice and tanginess. Adding a touch of water can help adjust the flavor to your liking. The thinly sliced pork ear and seaweed toppings added a delightful texture. This Sichuan takeaway shop is perfect for quick and satisfying meals, catering to spicy food enthusiasts. I highly recommend it for a delicious and hass

以前去親都大排長龍，今次星期日晚飯時段去竟然得小貓三四隻排隊，然後見到樓面姐姐唔同左人。其中一個姐姐我向佢落單果陣佢掛住同隔離傾計，正眼都無望我，我講左兩次次要麻辣燙同一個涼拌薯粉，佢淨係識係度撈薯粉，完全聽唔到我要麻辣燙，慢慢撈完仲問我係咪無野要加，我第三次同佢講一次要麻辣燙既土豆同牛柏葉，佢先施施然叫廚房拎出黎開始煮。我同佢投訴話你一開始聽清楚我講咩就唔洗搞錯曬要我係度乾等，佢仲係度笑，同細細聲用國語講「就只有你一個不高興」，真係以為我唔識聽架喎，最後佢個麻辣燙仲比錯左豆干，無左牛柏葉！但我已經離開左葵廣都無辦法返去換！經過今次之後真係唔建議香港人幫襯啦，依間鋪咁既質素都係做返國內同胞生意啦，以後都唔會再幫襯。

店名: 四川風味地址: 葵芳葵富路7號葵涌廣場3樓27號舖葵芳站E出口，行2分鐘環境: 外賣價錢:4/5味道: 4/5呢間四川小食店長期都有人龍，之前有北京填鴨賣，不過今次去就唔見有，於是就試下佢個薯粉涼拌薯粉+白肉+蓮藕片❤️❤️❤️❤️$25+15+10薯粉比較煙韌，要咬耐少少先吞到，但份量真係好多好大，大碗到叫一碗兩個人share黎食都好夠飽🙈蓮藕片好爽口，食落好清脆，白肉質素都好高，兩者都比足份量，好似唔洗錢咁😂唯一就係食落辣油比較多，食落有啲油膩🥲

葵坊廣場好多好食嘅選擇，呢間四川辣麵長期好多人排隊，真心食過一次，次次都返嚟encore😂🍴手工涼皮配白肉豬耳 小辣 $48 ($25+$15+$8) （9/10）涼拌涼皮$25 豬耳$8 白肉$15今次豬耳白肉個份量超級多！基本上涼皮豬耳白肉係一比一(多謝姐姐🥰 白肉好入味肥瘦適中，豬耳爽口，涼皮勁大塊超級掛汁，好軟滑！小辣真係幾辣，麻香辛辣，調味啱啱好，食到底真係爆汗！配料好多，有香蔥脆豆芫荽非常豐富，真心好好食！ 推薦指數: 9/10好食！真心推薦比大家，值得排隊，一食再食，食第4,5次？

原來呢度點酸辣粉和小食是不需要排隊，直接同店員落單就ok, 由其是紅油抄手，因為要等10分鐘，所以留返下次先食。今次點了酸辣粉加土豆絲。薯粉超煙韌，索滿湯超好食，湯底香濃，點了bb辣，怕辣都完全唔覺得辣，超惹味，很好食，除了要排隊等稍耐之外，必定會再食！

明明廣場入面勁多間店賣涼拌，偏呢間排左勁多人係門口，朋友話呢間好出名，難怪啲人排成10幾20分鐘都肯。阿姐算快手架啦，不停係到撈撈撈搞搞搞，但都係做唔切。而且又好多人排隊落單，現場又好嘈，你一句我一句甘完全聽唔到阿姐問咩，阿姐又聽唔到個要咩玻璃櫃入邊放滿晒唔同嘅配料，有好多配料嘅選擇，例如雞絲、木耳、蓮藕片、麻辣魚皮、夫妻肺片等等。味道可以揀辣唔辣，粉面都好多中選擇，仲可以揀涼拌或者有湯嘅酸辣粉。我叫咗兩碗外賣，盛惠$111。一碗係涼拌涼皮加木耳、雞絲同夫妻肺片；一碗係涼拌薯粉加枝竹、蓮藕片同麻辣魚皮；本身諗住揀夫妻肺片或者麻辣魚皮是其中一款，問吓阿姐推介邊款，點知佢同我講款款都好食，唔單一推介，於是就叫咗兩款！份量來講係幾足嘅，辣度小辣唔算好辣；夫妻肺片唔算好突出，同平時差唔多；不過麻辣魚皮都算特別，我冇喺出面食過，凍既都完全五腥。食完全部就有啲頸渴，要買杯嘢飲先得喇！

每次經過都見到佢大排長龍，葵涌廣場裏面每一層都起碼有一間或者兩間，心諗都唔知有咩好食🤔🤔，咁同🤴🏻就試吓佢究竟有咩吸引先🧐🧐～～～白肉+麻辣魚🐟皮手工涼皮～～～$55佢個碗都幾大個，有一半係涼皮，另一半係麻辣魚🐟皮，當中夾雜着幾塊白肉😛😛撈勻後其實唔係好食唔到白肉嘅原有味道，俾個醬汁掩蓋曬🤨🤨至於麻辣魚🐟皮份量都頗多，魚🐟皮有彈性每條都有手指嘅長度，唔會碎濕濕😚😚，冇魚🐟腥味😊😊其實同淘寶版嘅包裝麻辣涼皮差唔多味道，麻麻辣辣咁😋😋，不過真心佢用嘅材料的確新鮮😘😘，咁就已經好大分別☺️☺️但係食到最尾會覺得好鹹，建議可以去隔幾個鋪位嘅水果汁店買番杯西瓜🍉汁飲飲🥳🥳