四眼仔腸粉

营业中

休息中

今日，我和男友到了粉嶺的流水響水塘行山後，便上網看看粉嶺附近有沒有什麼好吃的。發現了這間四眼仔腸粉原來是一間懷舊小食店，我本人10分支持本地小店，尤其是有我最喜愛吃的腸粉，魚蛋，當然要來支持一下！來到門口，發現原來有很多人在排隊，證明10分得到街坊和遊客的支持！我上前看看原來他的魚蛋是陳皮魚蛋，而且還有咖喱汁難怪吸引街坊們來支持。而且看看餐牌價錢，其實還是10分相宜在香港這個地租昂貴的地方，實在要支持小店呢！

日日都有人排隊買，7點前去到，都有人排隊...用牛油紙包既腸粉已經好少見，陳皮魚蛋更加少之又少，少少苦既陳皮味＋上彈牙結實既口感。15蚊一包，有燒賣魚蛋腸粉，當然唔會有超卓越既享受，但絕對物有所值。

住聯和墟嘅人一定識四眼仔腸粉，我就由細食到大，前兩日經過又忍唔住叫咗一碟堂食。佢嘅堂食即係企喺街邊食，好有風味架！睇張相就feel到腸粉好滑🤣，我都好鍾意食佢嘅粉果，雖然唔係自家制，但唔知點解蒸得唔錯😂 我每次都仲落好多麻醬，再叫老闆加芝麻，香味升級！

^<四眼仔腸粉>^ 💋 美味四式: 好味😋😋.工作關係，去咗粉嶺。聽住粉嶺嘅朋友介紹有一檔腸粉幾好食，所以放工去試下。.4點幾去到都有幾個人排隊。 我叫左魚蛋，燒賣，豬皮，腸粉。 咁多樣嘢加埋都係19蚊， 幾抵食。腸粉7蚊4條，魚蛋4蚊7粒，燒賣4蚊4粒。.我覺得最好味喺個腸粉，都幾薄幾滑， 唔似平時街邊嗰啲咁厚同硬。 其他魚蛋燒賣豬皮就不過不失啦。.📢 提提你:. 佢嗰度寫明如果要加咖啡或者加芝麻要提早講㗎

四眼仔腸粉不嬲出曬名，今次叫左腸粉、燒賣同魚蛋。魚蛋彈牙，唔係平時好淋，咬落會散個種，燒賣係魚肉燒賣，好食！ 腸粉又滑。 落醬叫左混醬，花生醬好香啊。 咁樣叫都係$15。

四眼仔出名平靚正，由舊鋪搬到新鋪，品質都一樣咁好，平靚正，超抵食！無論咩日子咩時間，四眼仔門口都打蛇餅，做街坊同學生嘅生意！每次黎都要排10-20分鐘！啲腸粉咁多年都係咁細滑，仲要咁多年都冇咩點加價！好難得好少見！鋪位細所以冇堂食服務，立食都會有啲逼，所以我多數都係外賣返屋企慢慢食！每次都會食腸粉辣魚旦加燒賣！7蚊腸粉4蚊魚旦4蚊燒賣！魚旦燒賣各有7粒！咁平嘅價出面邊會仲有？支持小店，希望長做長有！

早前途經，見好多人買嘢食，但冇得坐，不以為意。再次經過時，又見好多人買嘢食，於是望清楚啲賣乜，原來豬皮，腸粉，魚蛋，燒賣…等，咁嗰次又食咗嘢冇試。今個星期，又嚟呢頭，決心試吓!舖頭細細，大半都係廚部，餘下一條大概2人濶的路，靠牆有張窄身牆枱。去到時已有人排隊，雖然得幾款食物，都心大心細要唔要全試，最後點了$7腸粉，$4燒賣同$3墨丸。店少東好細心提示"小心(竹)籤吉手"行咗大概15分鐘去到朋友家開餐，食物仲熱熱的。腸粉軟滑，甜麻醬不多不少，豉油仍在，沒有被食物索晒。燒賣並唔係粉團嗰種。墨丸…大大粒，最重要裡面真係有墨魚肉。初時冇乜期望，因為以前喺粉麵店食過有肥膏嘅，所以甚少食，見$3有2粒，咪試吓，竟然呢度唔係嗰款，喜出望外。

四眼仔腸粉搬左新鋪後，品質都keep到一樣咁好，仲係平靚正，超抵食！無咩日子咩時間，四眼仔門口都排住長龍，做街坊同學生嘅生意！閒閒地排20分鐘都唔出奇！啲腸粉咁多年都係咁細滑，仲要咁多年都冇咩點加價！支持！雖然個鋪位想立食都有啲逼，不過快快手食完都ok ge!每次都會食腸粉辣魚旦加燒賣！7蚊腸粉（四條），4蚊魚旦（七粒），4蚊燒賣（七粒），咁平嘅價出面邊會搵到咁抵食！再落大量甜醬同豉油！好好味！食咁多年都唔會厭！

好耐無食過腸粉啦，聽到同事話去買，即刻又撘單買一份先。四眼仔腸粉都差不多平通全港，所以長時間都人氣高企，人龍係任何時段去都會出現，lunch time呢啲高峰期閒閒地要等上20分鐘+㗎買左七蚊腸粉（四條），四蚊魚蛋（七粒）同四蚊燒賣（四粒），落齊甜醬辣醬花生醬，正呀～腸粉滑溜溜的，賣得快唔會蒸到爛哂，魚蛋要左普通魚蛋非咖哩味，硬實實不彈牙，但呢個價錢無投訴，仲有燒賣軟綿綿，都ok啦。十五蚊食飽飽，抵啦。

成日收工行過都關左門，今日放假終於有時間去試下依間傳說中的四眼仔腸粉雖然鋪面望落好耐好舊式，但真係好多人排隊買，感覺唔會差得去邊。排左大約5-7分鐘，叫左燒賣 3蚊3粒，(店名都叫四眼腸粉，一定要叫）腸粉6蚊4條，魚蛋3蚊6粒佢地d魚蛋仲要係細細粒個種，比較彈牙，仲有豬皮佢地店鋪既豬皮同出面唔同，無咩毛毛 食落爽口彈牙叫完野食，仲有位置比你係到食不過我選擇買完返屋企慢慢食，依間小食鋪關門都幾早，所以最好早d去

細細個成日食嘅腸粉店-四眼仔，至從搬離粉嶺就冇再食過，今日咁岩經過，梗係要幫襯下啦！年代久遠啦，原來已經搬左去隔黎街，舖位細左啲。價錢依舊抵食，必食嘅除左腸粉（廢話），仲有燒賣、陳皮魚蛋、粉果。粉果記得要落啲辣油，份外惹味嫁！

平時出面食腸粉燒賣都唔止呢個價錢，今次見到咁抵，眼都凸埋出黎，唔好以為平野就無好野，原來平野都有好食既野架腸粉好滑，加上混醬，令腸粉增添色彩魚蛋好彈牙，豬皮都幾好味

之前經常聽到人講抵食，位置喺聯和墟入面，嚮上水廣場或粉嶺火車站都有車可以直達聯和墟，去到舖頭都幾多人排隊，條隊都去得好快！價錢真係ok，腸粉都滑 又唔會粘埋一團，燒賣魚蛋就一般，都有其他選擇嘅，我試左少少，同平時啲舖頭差不多，唔會難食！環境方面，呢間係一間地舖，地方唔大，位於馬路旁邊，通常都係做外賣，即使要堂食都要企嚮度，加上多人排隊，街坊小食店，唔好期望環境太多，但衛生情況都好嘅，唔會話太差太難受！各種因素加埋，整體黎講都合理，行經可以去試下🙂

這家的腸粉名氣很大，只要你在Google搜尋「聯和墟美食」，便必定會看到介紹這店的文章。星期六下午17:00到達，門口有不少人在排隊。-點了腸粉$7/4條、燒賣$4/4粒，共$11，大大碟😍。-如要堂食、要芝麻、走醬，要早揚聲。-每次最低消費$7。-腸粉很滑、爽口、便宜，但不至於驚為天人。-燒賣沒有特別。-在巿區，這個份量的腸粉加燒賣至少要$20🤑，這麼便宜的腸粉，在那麼找？•回頭指數：7/10 （價廉物美，但不至於驚為天人）

喺粉嶺好出名嘅四眼仔腸粉，價錢係幾抵，味道都唔差，但唔係話特別好食，我諗主要因為平先咁多人買。魚蛋$3有六粒，幾有咬口。腸粉原本叫佢淨係要甜醬同麻醬，點知佢落咗豉油，外賣拎到返屋企，已經吸晒支豉油，所以冇咁好食