回味車仔麵

营业中

休息中

🍜 呢間車仔麵嘅味道真係正！油麵Q彈得嚟唔會過於黏牙，生菜爽口得嚟清脆得嚟翠綠，好似送入口嘅小春天咁，食落去心情都爽！😌 牛腩同大腸好夠味，肉質嫩滑仲有啲融化喺口裡的感覺，每一啖都好似在講述「我係點樣用心煮好嘅」，真係得意！粟米蝦條就更加出彩，口感外酥內軟，又帶少少甜，跌入嗰碗麻辣醬，仲有效提升哂整體嘅辣勁，正！🌶而家嘅食世界好易變得好commercial，不過遇到咁嘅一間有心煮嘅店，令人覺得好貼地，好有家嘅感覺。無論幾多新潮嘢湧入市場，我諗我都會不時探望呢一碗記載住好多本土風情嘅美味。响繁華都市嘅一角落，發現咗這種樸素又真心嘅味道，真係賞心悅目！👍

叫左個外賣：河粉有d就好碎，有d就痴住一舊舊，d湯淡而無味，炸蘿蔔絲丸食落好粉又凍既，炭燒雞肉串又係凍既，係得漢堡扒叫正常，整體係唔好食…..唔會再幫襯..🫠🫠

今次黎到呢間地道小店，一試係令人激讚嘅好地方。坐低未幾耐，已經有一碗熱辣辣嘅車仔麵端上嚟。揀咗個豬皮、牛雜同滑雞，真係每樣都有驚喜！豬皮彈牙得嚟又唔會太韌，爽口過癮！牛雜咬落爽彈，加咗少少花生醬係間中飄出嚟嘅花生香，啱晒愛嘢味啲嘅我。滑雞真係滑到化，仲有點香滑，好下飯。湯底選咗麻辣，夠哂kick，飲一口暖笠笠，暖胃又提神。啱晒冬天要搵啲暖胃好嘢！如果你似我噉鍾意食車仔麵，呢度絕對係你嘅食堂。食完喺呢度，你一定會同我諗法一樣，下次仲要再嚟幾碟添！🍜🌶️😋

味道不夠以前的好，怪不得接近午市，人龍也不長，我相隔疫情后幫襯，才知轉了手，問聲是否轉了手，知吾以對，態度也不好。叫了碗麵，品質与品道不像以前好吃，粗麵頗硬，豬腸不及前好味，尚算可以。见她們手法，學足上手做法，但没有一点親切感，每位都没笑容。

呢間嘢食咗好多年，轉手之後第一次食，味道的確唔同咗，主要係淡咗！ 以前嘅原班人馬全部唔見曬。今次依然叫返三寶，牛腩，冬菇，炸肉丸。牛腩味道其實冇變，冬菇淡咗，冇以前咁厚身，炸肉丸細舊咗，但未到都差。咁嘅價錢咁嘅味道，同附近嘅幾間比，依然係首選。

十月嗰陣外國返嚟已經覺得奇怪，點解冇咗條長龍喺門口 ⋯ 入到去雖然格局一樣但係班人完全生面口、冇咗以前一家人同你有傾有講嗰種感覺。——————嗰日買左碗三餸銀針粉、D staff 夾餸好似機械人咁完全冇靈魂 ⋯ 牛腩我覺得同以前差唔多、冬菇蝦條亦都冇乜分別，有落唔辣嘅沙嗲醬同蔥花。都算對得住$42三個餸連埋凍飲！——————今日 11 月 23 號中午12點去、員工仲多過客。堂食得兩個人 ⋯ D 餸 presentation 好似差過 10月嗰陣時而且個醬唔湯唔水咁有啲怪！食落去其實唔差但碗車仔麵好似冇咗靈魂咁，的確係冇以前咁「回味」

住喺附近久唔久會食佢，做乜鬼今日去食完全唔係果回事！淥麵手腳慢，出嚟嘅麵淋晒但又有一執未開，湯淡到一個點，有啲似豉油加水。牛腩又淡哂好彩都仲夠大夠淋。豬腸豬紅又係淡，我要食淡口嘢就唔嚟食車仔麵啦大佬！點解佢搞成咁？其實黃大仙，新蒲崗係車仔麵集中地，佢咁樣點賣得$42碗？都唔明佢哋究竟有冇自己食番碗自己檢討吓。相都費事影，真係嘥咗個lunch 見到有人話佢轉咗手唔通係真嘅？往事只能回味，食麵不堪回頭。以後又少一間選擇。

轉手後所有餸都冇味，點回味呢？？肉丸變咗粉球……😨🤮入去員工都唔同晒，之前夾餸既係老闆，好嚴謹，枱面所有餸/碗都一定要放整齊，但而家就亂晒咁，埋單收錢既姐姐，一嚿雲咁，噏乜都聴唔到，又唔知幾錢………冇下次了

九月下旬頂左手，好明顯唔同左，以方便開檔為主，功夫野無野，丸就大把，魚蛋都朋埋白魚蛋算數，豬皮豬腸車老抽都小落，機乎白色既。。無話難食，總有人喜歡，不過唔係我，應該唔再去了

久仰回味車仔麵大名，0負評，但夜晚唔開，一試嘅機會難度增加。終於有機會，午飯時間，去到一條長長人龍，都十多人排隊，大概排了十五分鐘。首先，價錢係非常相宜，$42三餸一麵包飲品，現今物價難似找到媲美。一場黎到，梗係食得落嘅盡試，五餸，豬紅豬腸蘿白豬肉丸蝦條米線，凍檸茶，腩汁加辣汁，埋單$5x。名物豬肉丸，內裡滿滿的蘿蔔絲，新鮮炸起，但後來回想，又唔係好食到有豬肉碎，其實係咪只係蘿蔔絲餅？無豬肉？再對比以前啲相，似乎而家配方係無乜（定無？）豬肉。但點都好，係好好食，出色。蝦卷，就係普通腐皮粟米蝦卷，okay，但唔覺有咩特別。豬紅，質地好，唔係一咬就碎係完整又少少煙靭咁，雖然無處理唔好嘅味，但調味偏淡，真係無乜味。豬腸，唔靭，無怪味，調味偏淡，唔香。蘿蔔，天然清甜味，食得出無話落重糖水去忟，所後勁係清水味浮現，質地軟淋但無過爛。湯底已加腩汁，亦加左兩大匙辣汁，不過食落偏淡唔太夠味，唔香味好寡。睇返餸同湯汁調味，好家常味道，係無落味精，但我重口味，所以成碗麵係唔算惹味，好似媽媽煮俾你食咁。呢間車仔麵價錢取勝，唔係難食，除左粒好似唔係豬肉丸係蘿蔔絲餅嘅野，無乜令我回頭嘅意欲。

回味無窮車仔麵🤤有日經過見到係超多人排隊，原來係排緊車仔麵，今日我都嚟試吓，間舖頭癲到未開門已經有10幾人喺度排隊，非常多街坊支持，呢度嘅嘢大件夾抵食👍🏻車仔麵🍜 ($42/3餸）呢度係流水作業式，排着隊先揀面底，再揀餸，再嗌嘢飲，井然有序，最正嘅係呢度啲叔叔都好有友善，舖頭乾淨企理，揀餸嗰陣時仲可以睇到有啲乜嘢，超地道🤩面底要左油麵，揀咗牛腩、蝦卷、豬皮。d餸出面大，女仔嗌3餸已經好飽，蝦卷有質感彈牙🍤，中間仲有d粟米粒🌽，牛腩都幾大件🐮重點係入哂味煮得又淋，肥瘦適宜，脂香四溢，豬皮🐷爽口而且可以吸哂晒湯底嘅精華。終於明點解未開門已經咁多人排隊👫🧍🏻‍♂️🧍凍奶茶☕️仲要包埋餐飲，真係超值，質素都唔錯📍 回味車仔麵 (新蒲崗)新蒲崗康強街32-34號康強洋樓9號地下

今日去到新蒲崗食超人氣車仔麵，無論咩時候嚟到都見到大排長龍，今日有啲時間就排下隊，試吓係咪真係咁正咁好食。呢度外賣同堂食，都係排同一條隊，大概排咗10幾分鐘，就買得，都可以接受嘅時間。••••••••••••••••••••••••••••••餸菜選擇多，花多眼亂，我就揀左豬大腸，冬菇，炸肉丸，每樣餸份量超多，豬大腸好香腸味，冬菇超厚肉，又入味，炸肉丸入面有豬肉同蘿蔔絲，好新奇好好食嘅一個肉丸。最重要係價錢唔貴， $42三個餸，連埋嘢飲，終於明白點解呢間店舖長期大排長龍，我一定會再幫襯。••••••••••••••••••••••••••••••

仲有一個星期左右，就離開SPK呢個我覺得lunch幾多選擇嘅地方，回味一下呢間CP值高嘅車仔麵店，每逢午市都出現人龍，舖位細細，所以我每次都係外賣，$42有個三餸麵仲包埋冷/熱飲品，今時今日確實難得。是日點咗豬紅、蝦卷、牛腩、銀針粉，加腩汁同辣汁非常惹味，蝦卷彈牙，不過牛腩嫌肥，但勝在炆得夠淋，豬紅份量都幾多，係SPK打工族午市嘅首選。

每次午餐時間經過，必見人龍！為了吃到一碗回味車仔麵，刻意抵著肚餓，過了午餐時間，來碰運氣。哈✌🏻遠遠看見只有一人在等店主淥麵；立即加快步伐，排在她身後。店主動作快，一看便知是實幹型👏🏻👏🏻👏🏻吃車仔麵至高無上的享受一定是看著林林種種的餸呈現眼前，盤算著選什麼😋😋到我喇😁✌🏻～～～～～～～～～～～～～～～～～～～🥕🍲🍜蘿蔔豬腸豬紅粗麵 $40⭐️⭐️⭐️⭐️⭐️喜歡這種扁的粗麵😁湯底濃郁惹味，這次沒有加辣汁，如果加了，肯定更滋味！因外賣緣故，開蓋後見到麵已吸去部分湯，但麵並沒有因此而變腍👍🏻云云餸菜之中必點蘿蔔，清甜冇渣又夠腍👍🏻豬腸洗得乾浄，中間的肥膏亦去清，沒有臭臊味；咬落軟糯，吸盡湯汁精華，得呀！N年沒有吃過豬紅，不知何故，這天突然想吃。大大粒，不腥，不會過腍，咬落有質感，掂！這碗車仔麵，麵如店名，令人回味😋😋😋😋😋😋不時想去encore😄～～～～～～～～～～～～～～～～～～～份量非常多，三餸麵只賣$40，可選麵、米粉、米線、油麵、銀針粉等，還包熱飲一杯，凍飲加$2。做出好味抵食的地道小店，要診惜😍😍🤗

今日受朋友邀請去佢公司幫下手，順便當探下好耐無見既佢，黎左個平時好少去既地區，就係新蒲崗啦，估唔到放lunch時間咁多人，今日佢帶左我黎尼間叫回味車仔麵，見有好多人排隊，所以就跟住人群一齊排🤣🤣我叫左個三餸車仔麵，分別係炸肉丸，冬菇同鹵水雞翼再配以牛腩汁同辣汁。飲埋個凍檸茶，個湯底好濃郁配埋辣汁非常開胃，炸肉丸唔係到到有，處理得好好，冬菇夠淋又入味，但個鹵水雞翼就差啲，比較細隻同少少嚡，整體係幾好食，又抵食三餸一凍飲只係$42👍🏻👍🏻