圍屋和食料理

营业中

休息中

我和另一半的食量不是太大 點了鰻魚炒飯 三色魚生飯和海鮮燒餅 三樣賣相都不錯 鰻魚炒飯味道不錯 份量適中 鰻魚粒數量亦多 但略為過鹹 魚生飯中的三文魚似香口膠 咬唔爛 吞拿魚和油甘魚亦無味道 當中的日式蛋是鹹的 同時份量亦較少 而海鮮燒餅的份量不足 候時許久 燒餅內不見餡料 只有麵粉和菜 味道亦只靠蛋黃醬帶出 不過餐廳環境良好 眼見乾淨衛生 但仍有小瑕疵 同事服務員的服務不算太足夠 整體而言餐廳水準中下

第一次黎，因為另一間想食ge排哂長龍。入到黎d裝修已經覺得好港式，環境有d過暗。服務 - 都唔緊要，由入門口到坐低，個姐姐問左我4次幾多位，佢狀態好似去左外太空。野食 - 正常，唔特別驚喜，亦唔難食，不圍拉麵係d即食煮落去嘅。吞左一隻苦嘅甜蝦🤮🤮🤮衛生 - 居然見到肺炎肆虐下，個侍應姐姐將抹完枱嘅布又抹落啲凳到🤢🤢🤢🤢總結 HEA⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

話說有位好特別既朋友，唔知點解對呢間餐廳情有獨鐘，成日都要拉我過黎食。。。今日又陪左佢黎食dinner。平時佢好鐘意叫個三文魚頭煲食既。。。今日就話想試下二人餐，所以就放棄左個煲。另外我仲加左我最愛既海膽壽司。蟹籽沙律份量多，青瓜爽口，尚算濕潤同新鮮。鰻魚同玉子壽司都係正常發揮，無乜特別。三文魚同油甘魚刺身新鮮，都幾有鮮味。牛肉飯睇個樣就大啦，不過牛肉其實唔多，好多都係洋蔥黎。雖然佢倨醬汁係好好食，不過牛肉都未免太少啦。天婦羅方面，蝦既粉漿太厚，我同朋友都無食到層粉。。。蔬菜類既天婦羅正常啲，不過番薯一啲都唔林。鯖魚燒得香，鹽都落得夠，豐盈既魚油好好食！而且都算肉厚，唔錯！最後係我心目中既主角，海膽壽司～～～個面稍為燒過下，而且海膽濃味，甘香，咁既價錢黎講好高質呢！雖然牛肉飯同天婦羅失色左啲，但海膽壽司同鯖魚挽回分數！！同埋佢既海膽壽司竟然係32蚊兩件。。。cp值太高了

之前堂食啲野食都覺得幾好食又平。。。。。。。。。。。。刺身都叫ok。。。。。。。。。。。。。。。叫左個外賣。。。。。。。。。雖然60蚊，但呢位師父刀工真心吾話得👍🏻其實可以正係各比一塊我。。。。。。。。。。厚度有呢到1倍我都開心d。。。。。。。。。。肉，薄如紙。。。。。。。。。。。。。。。。湯，水般清。。。。。。。。。。。。。。。。衰過爭鮮真係接受吾到。。。。。。。。。都係堂食先食啦💀。。。。。。。。。。。。

天水圍既日式餐廳不多，圍屋都算其中一間幾大既食物款式都算多，價錢好親民一般拉麵、飯五六十蚊就有交易招牌咖哩牛堡奄列飯不論是飯還是咖哩汁，佢地既奄列飯份量是超級多一般女生應該都吃不完吧咖哩汁是不辣的，牛堡比想像中淋，感覺是自家制的！！三色魚生飯魚生飯好新鮮，以＄５９來說是非常不錯炸雞軟骨熱辣辣、脆卜卜～正煎三文魚超香的三文魚，魚皮有煎到脆魚肉有汁又不會乾！！２款小食比主菜更出色呢～～想近近地係天水圍食日本野，圍屋也算不錯喔！！

原本見到相片的食物好似唔錯咁.但去到食物一上.就大為失望完全係圖文不符叫了加州卷，但好似偷工減料咁怪不得入席人數咁少講真環境算還算不錯但食物真係麻麻如果大家想食日本野.suggest不要黎這一間

今日入左天水圍探親戚，佢帶左我地去呢間日本餐廳～本身期望唔大但食落好有驚喜～刺身壽司，石鍋飯，所有味道賣相都唔錯～大概10個大人～埋單2000蚊有找都好抵食～係坐位如果可以鬆動d就好啦

等位等得耐，我地5個人，我地等左好耐，個職員話俾住張4人枱我地，因為有兩個人霸左張6人枱，話等佢地走左就俾我地，點知入嚟坐左5分鐘，兩個人就走，我地想轉番嗰張6人枱，領枱職員話人一早訂左，冇得我地坐。服務質素差，不過食物質量幾好

平時黎呢度都見到呢間餐廳門口有好多人排隊。今日難得見到無咩人~即刻黎試下佢啦~嗌左個吉列豬扒定食同洋蔥牛肉飯吉列豬扒定食,$68一個set,有三舊至四舊,有中華沙律,一碗白飯,一碗麵鼓湯, 吉列豬扒都有五六舊，都幾香脆可口,唔錯牛肉飯,$58一碗, 牛肉汁和洋蔥炒得好香,包住飯粒，很簡單很平凡，但卻又很美味，在這物價高漲的年代，的確是物有所值。最後加3蚊有杯凍飲,要左凍華田同凍0荼,都係港式茶餐廳味道啦,不過不失$120左右都唔錯啦~~

天水圍嘅一間平價日本餐廳，環境同裝修都唔係好似日本餐廳嫁啦，不過食物幾好食同埋幾抵食嘅。晏晝去食就最鐘意食佢個牛肉鍋啦，唔好睇佢個鍋細細咁，其實份量都多嫁，對於午餐黎講好飽嫁啦。講下入面有咩先，有牛肉，菜，豆腐，豆卜，粉絲等等，雖然牛肉就唔係啲靚牛肉，但幾十蚊嘅價錢就冇咁高要求嫁啦，牛都唔差嫁，而且都有成5 6塊，👍

天水圍嘅日式料理比較多，但係好似為屋咁大間嘅就比較少啦。咁佢咁大間，款式都比較多嘅，壽司刺身天婦羅日式小食飯裏同拉麵烏冬都有，總有一樣啱你食嘅，都好適合一家大細嚟食。次次黎都會帶呢個火炙壽司拼盤。只係需要$68 ，就有八舊壽司食，仲要舊舊嘅質素都唔差，燒得啱啱好，最矜貴嘅帶子都好鮮甜，抵食。如果你食午餐，都可以試吓嗌便當，$68一set，有三舊至四舊刺身，有中華沙律，一碗白飯，一碗麵鼓湯，海鮮天婦羅都有五六舊，都幾香脆仲有小朋友好鍾意食嘅拉麵，佢個豬骨湯底唔算太龍，好啱小朋友食，仲有雞扒煎得會好燶，係比較清淡嘅選擇。大家住係附近想食日本野都可以一試！

今次既用餐經歷真係非常之差一入座即刻落單叫野食 ，等左成30分鐘問佢係咪溜單，點知後尾幾個員工閃閃縮縮最後有個高高大大既4眼經理同我講話冇落過單簡直激死人 有冇搞錯點解我坐左咁耐完全意識唔到個客冇野食呢 上次去又係咁既情況 夠竟點做生意等左成半個鐘結果走左落去食魚蛋粉 E間餐廳真係永世black list佢地咁既服務真係令人非常之失望我好希望貴公司見到e段文字會好好反省一下因為同樣經歷我已經係到試過兩次 所以我唔會再去光顧

平時黎呢度都見到呢間餐廳門口有好多人排隊。今日難得見到無咩人~黎試下佢啦~坐低睇menu都見到佢有好多款式~最後我地嗌左個拉麵，炸薯餅，餃子同兩款壽司~小食:日本紫薯餅呢個紫薯餅好好食，外脆內軟，d料好足。入面既栗子好大粒，紫薯好甜，夾埋一齊好食！炸日式餃子呢個餃子無咩特別，但佢炸得好脆好香口。壽司:壽司我地嗌左火炙帶子壽司同埋蟹籽沙律腐皮軍艦。個帶子好大粒仲好鮮甜，好好食。而個蟹籽沙律腐皮軍艦又係好滿好大隻，正。日式豚肉拉麵拉麵相對上無噤特別，有d普通。覺得麵底有d淋，而塊叉燒唔太香，有d油。不過碗麵都幾大碗，噤既價錢算抵食。另外，覺得呢度既店員都好nice~加上價錢又唔貴，總括黎講，下次仲會再黎。

好耐冇入過天水圍，今日要去做嘢，就喺附近搵嘢食。見到圍屋呢間居酒屋嘅午餐$48-$68就有，好抵，即刻入去食。點左個金菇牛肉卷便當，等咗唔使10分鐘就有，便當份量好大，金菇牛肉卷有八舊，味道唔錯，食完好飽。

昨晚慶祝結婚週年之前星期日經過圍屋見到好多人門口等位。💜想就平日抱住一試的💜態試試 原本打算order 二人餐的。但我又想食松葉蟹肉炒。所以决定散叫 汁燒帆立貝串(推介) 燒汁好味，日本紫薯餅(夠熱辣辣) 最驚喜(2人前)刺身拼盤 刺身夠厚又新鲜 但七味鸡軟骨就一般了，松葉蟹肉炒真係見到蟹肉架總括，會再食第二次的