影片
港铁深水埗站 C2 出口, 步行约1分钟
继续阅读
电话号码
93229008
营业时间
星期一至日
10:30 - 04:00
公众假期
10:30 - 04:00
公众假期前夕
10:30 - 04:00
以上资料只供参考，请与餐厅确认详情
【深水埗區】【New Istanbul Kebab】有一排真係唔知食乜好，大家都被逼食咗好多外賣，我都唔例外。有時我都盡量唔想喺啲明明有得堂食嘅地方都叫外賣返去食，因為可以將食物嘅美味程度最大化吖嘛，我都唔想啲明明唔錯嘅食物會變普通。只可惜嘅就係，一直想等到有得堂食就食返佢堂食嘢嘅餐廳通常都等唔到呢一日。就好似呢次我真係諗唔到食乜，走咗去深水埗搵靈感，見到呢間土耳其快餐店，就試吓佢啦。本身對土耳其菜唔反感，只係貴過茶記所以少食。入去叫嘢食啦，我攞到食物之後都用咗二十分鐘先可以開始食，搵地方嘛。首先食個「Köfte」，即係肉丸，以土耳其菜裡面都係我幾中意食嘅嘢嚟。今次我叫「特色免治牛肉球」配「薯條」，$93 嚟講算唔錯架喇，幾好食。本身係想叫以土耳其式轉轉燒牛肉片，配新鮮生菜同埋蕃茄，用香熱面餅包卷嘅「轉轉燒牛肉卷」，不過因為溝通問題，變咗門口推廣 $60 嘅「牛肉卡巴卷」。唔知係咪同一樣嘢啦，不過食落呢款都幾好食，口感、味道都夠。講起溝通問題，本身想叫塊 naan 食吓，但係落單嗰時應該係搞錯咗，叫到嚟變咗「土耳其式薄餅」，$8 嘅價錢，佢 exactly 就係包 kebab 嗰款皮，比較鞋口，但係清清哋就算啦，我都未試過咁樣食，當試款新嘢啦。嘢飲方面我叫咗兩杯，都係我自己飲，一杯係「Iced Apple Tea」，另一杯係「Mango Ayran」，兩杯都係 $25，都係幾好飲嘅，後者係 mango lassi 嘅感覺，芒果同乳酪飲品係真係夾。總共食咗 $211，特色嘢嚟，算係咁。。。（地址：深水埗桂林街129-131號桂林大廈地下A2號舖）
继续阅读
突然想吃土耳其菜就來了深水埗唯一一間土耳其餐廳外賣回家，一打開真的被嚇到88蚊的羊肉咖哩，是這個樣子兩塊羊肉（帶骨）加半碗油試了一口，只有臭油味沒有咖哩味，非常嘔心吃了一口即棄78蚊牛肉卷味道尚可，就是份量比較少兼皮太厚牛肉卷不踩不讚，但羊肉咖哩實在令人很憤怒，簡直垃圾也不如餐廳環境亦很差，檯凳餐牌都是油立立的，不明白為何會有review說環境乾淨明白現在經濟環境艱難，但既然是開了門做生意，就至少表現出一點誠意吧🙇🏻♂️
继续阅读
很久以前曾到過土耳其，實在有很多美食，一直都很想再嘗，最近就以外賣速遞試試這閒：1. 食物 - 混合牛雞卷，內裡有很多蔬菜如蕃茄青瓜菜絲，牛雞都很惹味，再加上醬汁，再以錫紙包裹，確實好味。另外有一客羊肉餐，配薯條及蔬菜絲蕃茄青瓜及醬汁，單吃羊肉會較咸，而羊肉味亦不夠，但連配料一起吃剛剛好，美味。食物沒有過多油脂，肉汁保存得好，而且很青新。再來芒果masala, 香濃味美，實在回味。2. 包裝 - 整體都很簡單整潔。3. 價錢 - 雖然美味，但卻稍貴。點解不能成功上載相片。
继续阅读
依間店開張有大半年，一直都想試下。今日終於搵到機會食。入座後發覺環境非常乾淨，打破自己對中東餐廳嘅印象。 小店得3張枱，最多坐6個人，建議人多都係外賣啦。店主話佢地招牌菜係轉轉燒肉，有燒羊肉，牛肉同雞肉選擇。可配白飯或各種餅皮成卷餅。店內仲有各種pizza和咖喱。店舖標榜賣清食品，pizza皮無用雞蛋製造。以小店嚟講，食物種類非常多元。最後叫左個燒羊肉卷餅，燒雞肉配特色燒餅和土耳其乳酪。食物味道令人耳目一新，燒羊肉非常嫩口多汁，羊騷味清淡，生菜洋蔥非常新鮮，配上特色醬汁十分滋味。雞肉有好濃郁嘅煙燻味，細塊易入口，份量十足，如果配餅皮，推薦加上店舖醬汁。喜歡清淡的朋友，可選擇配乳酪，淡淡酸味組合更加清新。未試過土耳其乳酪，發覺質地偏稀，味道淡，不算甜，應該沒有加糖。店舖還提供洗手盤，徒手食卷餅亦無須擔心衛生，十分抵讚。
继续阅读