聖安娜餅屋 (太子大樓)

营业中

休息中

情人節一個充滿浪漫既節日，浪漫既晚餐, 精緻既蛋糕/香噴噴既花/甜絲絲既朱古力? 實在有太多太多選擇... 往年都買一整個既情人節蛋糕，但今年腸胃不適食唔哂成個蛋糕，剛剛好見到聖安娜出左情人節雲朵熊仔甜品，個樣好CUTE, 份量剛剛好。飯後甜品，加上用黎打卡一流。總共有兩款口味，除左啡色朱古力味，仲有粉紅色既紅桑子味。朱古力味仲有隻粉紅色既朱古力熊仔 ，味道略為偏甜，蛋糕體就唔算甜，係慕士，入面仲有少少CREAM 同JELLY。

現在的西餅蛋糕都很貴，動輒都要廿十幾三十元才一件，今次試了聖安娜西餅的切餅及戚風卷。現在有買兩件，第2件半價，平均每件$17.25-19.5，性價比唔錯。🍰戚風卷系列有5款，標明用3.7北海道牛乳，戚風蛋糕鬆軟，忌廉香滑，配上新鮮水果，內餡豐富。🍫焦糖朱古力戚風卷🍓草莓戚風卷🍒雜果戚風卷芒果戚風卷芒果斑蘭戚風卷🍰切餅系列有6款，切餅每款各有特式，迎合每人不同的喜好，有海綿蛋糕，芝士蛋糕，慕絲蛋糕，總有一款岩你的口味。🍫特濃朱古力切餅🍪Oreo朱古力切餅🌰法國粟子蛋糕切餅☕港式奶茶切餅🇩🇪德國式芝士切餅芒果慕絲切餅

之前幫襯過買聖安娜的 tiramisu長形盒裝覺得好 creamy好好食，不過依家甜品份量好似改變左，蛋糕多，cream cheese少，食落變得好乾，似係食緊普通朱古力海棉蛋糕，好失落，會員價減$5都要$32,變得唔太抵

COVID-19全球大流行香港，７月爆發第３波疫情，非常嚴峻！政府實施嚴厲措施，包括全港食肆禁堂食，是開埠以來首次！餐飲業雪上加霜，大大小小的餐廳、食肆紛紛推優惠自救！下班經過聖安娜餅店，發現戚風卷第２件半價，就買了２件回家，當飯後甜品：#草莓戚風卷，18元/件 好大粒士多啤梨，忌廉不會太甜，扣分項是蛋糕質感不夠鬆軟；#雜果戚風卷，17元/件 有士多啤梨和桃，感覺豐富！若２件單價不同，較平宜的１件享半價。

Daddy真係咁鍾意食紫薯, 甜薯類嘅食物, 還是去覺得健康而成日食?!但係佢喺我嘅心目中就係一個不折不扣紫薯控.當我喺度搜羅買邊間蛋糕店好， 竟然畀我搵到聖安娜有依個雙薯蛋糕,  佢呢度有個買寫住紫薯係用沖繩直送嘅, 覺得佢係特別甜, 而且好足夠香味, 佢嘅紫薯用一啲都唔揀身材實料, 但係就有少少dry... 中間嗰個甜薯味道都好strong, 可能佢個蛋糕都唔係偏濕嗰隻, 連埋上邊嗰兩隻薯蓉食,不得不會一杯嘢飲去中和一下, daddy表示滿意, 但我同媽咪就....

新年試新野, 第一次買黃金糕,  原價$128, 店員給了優惠$108, 也許是要清貨吧^^煎了吃, 雖有椰香, 可是味道單一, 而且口感偏實, 放涼後有點乾和粉粉的之後試過沾上雞蛋再煎, 味道較之前好, 但亦算不上出色呢以$108這個價錢計, 失望~~

話說朋友生日，臨急臨忙要訂蛋糕，屋企附近又有聖安娜喎，一於去聖安娜問下有冇啲新款蛋糕🎂最後我見到自訂蛋糕都有好多款式，所以就訂左呢款芒果脆脆底嘅蛋糕🍰因為我係屋企附近訂蛋糕，但係拎蛋糕就想去第二間分店度拎，但到咗第二日因為轉左食飯地點，所以我又想係第二間分店度拎，於是硬着頭皮去咗太子近花園街嗰間聖安娜分店度問下啦，希望可以轉到拎蛋糕嘅分店，有個店長叫”啊碧”，佢真係服務態度好好，不單止好有禮貌咁同我安排，仲叫我download 聖安娜嘅Apps，仲有優惠最後成功拎到個蛋糕🍰個蛋糕又出奇地好味

家姐生日，指明要食聖安娜的屎屎emoji蛋糕，我又唔記得左訂，走左幾間聖安娜，最終在太子依一間找到。依個蛋糕全名叫「微笑便便」，爸爸見到依個蛋糕果陣仲問我係未「搞屎棍」添，哈哈。蛋糕好細個，每人分到少少試下味，但異口同聲都話好好食，面果層係香濃的比利時朱古力慕絲，慕絲比忌廉更能形合大眾口味，最重要係朱古力味唔會太甜，仲有D可可粉。內餡配上香蕉及薄脆，係好特別的，本身香蕉係有果肉的「真味道」，而薄脆係增加口感，有別傳統的生日蛋糕~

話說前幾日買完個祼麥包見到隔離有個新出朱古力蛋糕心思思想食 過左幾日就走左去買係脆脆底 層次幾分明朱古力味唔算濃 較淡口Cream 唔算滑 呢個有少少失望但佢都唔係漏口 食完唔會好濟

面包控又出動今次又去食健康d ge包聖安娜我一直都有食開感覺上比起其他連所店足料 價錢又相對冇咁高今次揀左合桃亞麻籽祼麥包（$17）一上手就係好聚手唔係輕飄飄果隻仲有面包面勁多芝麻一咬落去係好札札實實ge面包 唔係空了了仲有好多合桃 加強左口感祼麥食落去係比較有咬口 比較鞋少少 所以飽肚感都會較強 仲食到少少麥香味呢個包唔甜 仲要冇好重牛油香 非常好食完罪惡感都冇咁重題外話 呢間分店ge店員服務態度好好 會同你介紹d包

是日無無聊聊有d 口痕, 想搵d 甜0野食, 但星期日周街都咁多人, d 糖水店又越來越貴突然醒起前排收到友人的炸彈, 內附一張聖安娜餅卡, 哈!!好啦!!一於去換件cake 食下先其實都好少收到聖安娜餅卡 (通常都係收到美心最多), 問下d 呀姐, 確認可以redeem 的價錢有50蚊, 就去揀cake了!!!老老實實.. 因為d 款式都唔多吸引... 同埋都幾貴下, 閒閒地一件都20幾蚊仲要個賣相又唔係非常吸引如果唔係有餅卡, 我一定唔會幫襯的 哈哈!左揀右揀, 最後揀左一個阿華田朱古力慕絲杯, 另一個就朱古力卷蛋加埋都成60蚊架, 即係要補返大約10蚊~阿華田杯普通到不行, 係面頭塊餅幾好食囉...哈.. 唔會翻兜個朱古力卷蛋都係好普通, 不過勝在夠大件, 一家人分來當早餐食岩哂~~

一向對萬聖節這西方鬼節與趣不大，但這夜經過太子道的這間「聖安娜餅屋」，見店外的廣告牌上有各款萬聖節蛋糕的宣傳，想起自己口袋裡剛好有兩張二十元紙幣，正好可以買到原價 $22一件，但買兩件便可以特價 $40買到的兩款為慶祝萬聖節而推出的小蛋糕「嘩鬼蝙幅墳墓」和「鬼怪眼睛」，一時興起，便買來這兩件蛋糕作為宵夜，預祝萬聖節的來臨。這兩款以精美萬聖節餅盒盛載的蛋糕造型突出，絕對能夠配合萬聖節嘩鬼出籠的詭異氣氛，當中白色的「鬼怪眼睛」外層的白色椰子忌廉餡內藏著的，是芒果夾心、椰子慕思和軟熟的蛋糕，芒果味雖不太多，椰子味可還是吃得出來的，至於蛋糕上面猶如鬼太郎爸爸一般的鬼怪眼睛，其實只不過是棉花糖與朱古力而已，不過造型還算酷似便是了。咖啡色的「嘩鬼蝙幅墳墓」的外層其實是朱古力慕思，朱古力慕思下面則是朱古力蛋糕。較為特別的，是在朱古力慕思裡面，夾雜著一些細小的迷你麥提莎脆朱古力粒，為這口感柔軟滑溜的朱古力慕思蛋糕增添一點卜卜脆的口感。這蛋糕外層的白色網狀物裝飾、上面的十字架和兩隻黑色的蝙幅，與「鬼怪眼睛」的紅色蝙幅一樣，都是用朱古力製成的。在這兩款萬聖節小蛋糕中，我較為喜歡的是「嘩鬼蝙幅墳墓」，喜歡它

在聖安娜，只吃過西餅蛋糕，卻真的沒有吃過麵包今天不去山崎，來了這兒店員非常熱心，即使我問了很多問題，依然有笑容！很好！我買的是“什麼什麼”肉腸芝士潛艇，什麼什麼是一個國家名這個包是法式軟包包很大個，有如一個400－500ml的水樽起初怕放涼了會變硬，誰知吃的時候依然軟熟好開心見到個包入面唔係一個個氣孔，好實在，完全無呃錢！麵包身甜咸適中，入口後不會黏稠！ 好吃芝士出奇地軟熟，真的想不到，不知是什麼芝士呢？肉腸不會太咸，亦不會無味，好吃！我想說，這包我吃完一個，仍想多吃一個始終＄7.5的價錢買這包，非常化算！

臨回家前買個麵包~無意中發現呢道開左1間聖安娜,入去望望,見到一款鮮茄牛肉燒餅好像不錯~所以買了1個~ 鮮茄牛肉燒餅$6.5呢款日式燒餅幾厚身,很特別的賣相!幾有日本風情的感覺~原來燒餅餡料的牛肉有點像肉醬意粉的牛肉碎~帶少許鮮茄味,但完全無鮮茄粒可言...口感還不錯的~