地地道

营业中

休息中

人手不足，想幫消費都冇辦法放工時段，見到佢間鋪（疑似飯堂）。冒個險走過去睇下係咪食野的地方。點知真係有野食。再睇佢玻璃上的餐單，下午茶時間去到1830。我1810入去餐廳，職員表示收工了，個收銀都走左。完...

观塘的食市多競爭大，价格不便宜，食市之間要爭客，廚子手艺十分重要。這家屬大廈為內部員工提供的飯堂，門牌是很難看到找到的（因為他屬不公開對戶的餐廳），要品嘗便宜又味道的，真不容易。下午茶在2点鐘開始，炒飯炒面、各種各樣的三文治，甚至小吃配飲品都给你選擇。如果你還未吃午餐的話，這是比較實恵的選擇，不過份量肯定沒有午餐的大。這蕃茄雞柳炒意大利面，蕃茄和雞肉鮮嫩美味，醬汁蓋上意大利面，鑊氣超正！再配一杯港式奶茶，下午茶絕對滿足了。

这可不是我说的啊，真的就是他们家店名就叫地地道啊🤪冬阴功海鲜汤饭🦐冬阴功的味道很纯正🥘，里面的虾仁和瑶柱口感意外的软嫩q弹，米饭吸饱了汤汁后变得格外的饱满软韧🍚，还带上了点冬阴功的鲜香浓郁酸菜鱼就大差不差是酸菜鱼那味儿吧🐟，但又感觉稍微差点子味道…不过鱼肉还是蛮嫩的📌感觉店里很多都是在附近上班的人，只收现金或者八达通，记得带上钱！

今日做咗孤獨的美食家。 同客開完會，一出大廈，頂！ 落狗屎！ 唔通個天都唔仲意我？ 唯有去大廈旁邊茶仔坐一坐蛇一蛇啦。 嘩！ 我終於知道「柳暗花明又一村」的真諦。 我問問樓面ee有咩推介啦。 佢就話我知今日剛推出期間限定$49XO醬鮑魚雞撈排刀削麵。 我梗係問下「仿鮑？ 」。 佢話無花無假。 梗係試一試，五草嘢，唔正咪下次black list 囉。 麵嚟到我只好無言，餐廳餐牌啲相唔系只供參考架咩？ 淨係見到實物已經好有驚奇。 單身掛仔，我知幸運儀一定唔會係我。 試完碗麵終於明白點解咁多人仲意支持小店。 我仲影埋Before 同 After 相。 又有鮑魚，又有雞排，又有刀削麵，又有XO醬。 飲埋特飲都係$54。 最誇張係樓面ee仲開開心心嚟問我食物後感。 最有一次有人問我時候感已經系同客系平日中環某餐廳食晚餐。 後來排係我前面埋緊單嘅紋身大哥，話日日嚟見到你地個個都咁開心。！睇一睇又係喔。 其實我住寶琳。 我已經答應樓面ee呢個星期六我會請我啲波友嚟食鮑魚下午茶。ee仲話等我。

自從亞仔參加咗某知名足球會，我每周就要帶亞仔嚟觀塘上堂。 成個鍾，更係搵落腳點啦。呢間茶餐廳并唔係連鎖，啲樓面姨姨好親切。加上種滿植物，令我me time得好chill。大概一個月前樓面姨姨介紹咗個下午茶。我承認已經上癮。每星期嚟打躉我必叫炸髀冷烏冬。食嘢咪食嘢囉寫乜食評呀。其實我只想表揚貼心姨姨。今日紅雨，接到個仔咪落嚟食嘢囉。個仔比較活躍，打寫咗杯嘢。姨姨不厭奇煩幫我們清潔仲補返杯嘢比亞仔。真心表揚呢間有人情味又有CP值的良心小店。我哋會繼續默默支持。

最近要過觀塘做project。天時暑熱， 行過鴻圖道一間茶仔有人開門，我就比啲冷氣拉咗入去。 我從來都無比食後感。哇。。 見到個價錢同分量已經好滿足。33蚊一個炸比沙律，隻比唔係乾柴烈火，皮脆裡面仲有汁好有驚喜。個沙律夠凍，仲係健康蘋果沙律同睇得出唔係雪藏甘筍。46蚊又有個時菜椒鹽豬扒拼炒飯。味道真心唔錯。加埋凍朱飲同凍薑蜜都係$88。平時外面茶仔咁食無一百都落唔到樓啦。心絲絲，下次試午市自取外賣(好似見到只係$45)，加埋5點半自取下午茶(咁樣連晚飯都唔洗煮,簡直係平、靚、正、快、準)。茶仔咁嘅價錢，有咁嘅水準同份量。一個字“得”加油!

Lunch買咗湯飯回Office食, 結果發現有成隻甲甴全屍係到, 非常嘔心… 收工落到去揾店員, 仲要咁叫我等, 跟住同我講話間間餐廳都係咁, 姐係有甲甴無問題?我知茶餐廳會有甲甴無可厚非, 但唔應該係成隻出現係面前果兜湯飯入面係咪?落到去一句唔好意思都無, 好似廚房有小強係再正常唔過嘅一件事, 唔該你地衛生環境都要好小小啦, 態度好小小啦~~ 唯一值得讚嘅係價錢抵食, 不過我都係會blasklist呢間餐廳~

酸菜魚酸菜魚即叫即做，我完全感受到，酸菜，豆腐，魚，三個嘅味道，非常的獨立，完美的個性各自展現，但魚係滑嘅，酸菜係強酸的，豆卜係得湯的味道，即係水同生滾魚，最重要係成個餐，只係賣緊$58，$58有個即煮嘅比你，仲想點焗飯無影相，係傳統茶餐廳的焗白汁味道，由面撈加牛奶整成配以罐頭吞拿魚拼落意粉當中龍鳳檸樂呢個係好飲，$5有一大杯冰底，兩片檸檬，半舊鹹檸檬，加多一罐可樂，一個字平呀紅豆冰紅豆冰，用咗好重嘅淡奶完成，唔甜，但鍾意食甜嘅，但係又唔鍾意太甜嘅人

本來想去前幾個舖果間食日本野，不過因為冇訂位，所以冇得食。見到隔離有呢間茶記～都有啲空位，就入去試吓。感覺唔錯喎，觀塘區嘅茶記來講佢算係幾舒服。同埋啲阿姐都幾有禮貌呀！茶記食品其實唔需要介紹，我揀咗芝士肉醬意粉，凍檸茶少冰少甜。朋友揀咗廈門炒米，嘩，超大碟！女仔食唔晒，要打包攞走～入邊卡位環境都幾舒適。

相信各位打工仔都有感受過係觀塘返工，放lunch 1至2嘅煎熬今次同同事黎到地地道，算係多位多枱嘅一間茶餐廳，可惜入面有1／3位係收唔到訊號，所以建議大家最好坐出面，近門口或者近收銀嘅位置每日都會有5至6款午餐，價格正路，46至50幾不等，包熱飲，凍飲就加3好似。今日我叫左個焗芥茉茄汁煙鴨胸意粉48，同事就叫左呢到嘅招牌飲，藥膳醉雞湯飯53，兩個都幾好喎，佢嗰個一上枱就聞到好香嘅藥材味，而且係用雞脾肉，夠滑個焗意粉都好多汁好惹味

遊走觀塘一帶真的令人好疲累，今天買了行山鞋，買了波鞋，又去取訂了的衣服…，很高興。又係時間要坐下，雙腳休息吓，行到附近見到有間「地地道」茶餐廳便入去坐坐。叫了下午茶 蛋牛治烘底及奶茶，蛋牛治值得讚，餡料juicy，麵包脆卜卜，非常有水準，其實這是茶餐廳一項簡單的食物，但係要做得好都係要俾心機的。奶茶顏色已經非常靚，飲落有茶香，柔順滑口，奶的份量剛剛好，好平衡，有回甘，驚喜之作。美式熱狗 好大隻，脆卜卜的熱狗🌭️腸好味，配上少量生菜及蕃茄片，醬汁微酸惹味，用心之作。熱檸檬茶也是因為茶底好，不會過濃更聞到茶香，加上檸檬香味(不加糖) 是我喜愛的。

今天又到地地道吃午餐， 一個星期差不多來五次，叫了一碟雙臘腸炒飯$40和麻婆雞粒豆腐飯$32， 凍啡加$3。雙臘腸炒飯好惹味，臘腸和潤腸味道好香，炒飯夠乾身，唔會濕立立。 麻婆雞粒豆腐飯 味道有少少辣， 夠曬開胃，但豆腐有點兒鞋口， 雞肉入口嫩滑。地地道的價錢經濟實惠， 差不多是觀塘區比較平的茶餐廳， 而這裏的菜式種類比較多， 炒粉麵飯，湯飯， 粉麵米線，下午茶餐， 非常多選擇， 店舖入面坐位舒適， 店員們很有禮貌， 是一間性價比高的茶餐廳。

差不多每天都會到地地道吃午餐， 價錢平民食物質素幾好， 無論碟頭飯， 炒粉麵飯， 熱狗小食都不錯， 如果下午茶時間仲可以平啲添， 啱曬觀塘和牛頭角的打工仔。 這裏的店員們親切友善， 每日午餐時段， 這裏都會逼爆客人， 所以我多數都會很早落嚟霸位。近期食咗這裏的熱狗覺得很好吃， 份量多，熱狗腸啖啖肉好好味， 還有惹味的芥末千島醬，正！這裏的餐茶味道也不錯，尤其是咖啡或奶茶。大家如果經過附近都可以嚟試下， 不過星期日是休息的。

剛到這邊和客戶開會，推薦我要來這裡吃，平均飯麵價錢是40-50元一份，我叫了三色椒肉絲炒麵$48，麵餅有驚喜脆卜卜🤩好香口，除左有三色椒，仲有洋蔥、芽菜……配料好豐富！加埋個汁可以撈埋個脆麵食朋友仔叫左咖哩牛腩飯$49 對男生來說飯的份量少了一點，個咖哩汁好香口撈飯一流，牛腩腍淋好入味，連薯仔都好入味；總括黎講食物味道不錯種類繁多，份量可以多番小小，價錢同區差不多，贏左坐位都幾多，門口位置仲有免費電話充電

吃了數次，連侍應姐姐也認得我們幾個，可能每趟我們坐得耐，皆因餐廳六時半落閘下班，而我們公餘課是七時半開始，差不多每次是最後結帳，坐位寬闊故坐耐了。之前經常吃炸雞脾配新鮮蔬菜沙律，的確抵吃，但這次轉了口味。涼拌酸辣烏冬拼炸雞髀 $38炸雞脾是這店水準之作，外皮香脆，肉腍有汁有味， 酸辣汁在底部，撈混烏冬吃，酸酸少辣，夾青瓜及香菜，芽菜，味道也可以。XO醬乾炒三鮮烏冬 $34雖是冷藏海鮮，勝在用料多，配料也多，XO 醬微辣野味，端上枱陣陣香味，烏冬夠味，惟油略多。印尼香茅豬扒米粉 $27豬扒腍，花生沙爹醬汁美味，米粉正常，湯底少鹹少味精。奶醬多士(跟餐)加$6厚身多士，奶與花生醬充裕，六元感覺便宜。熱奶茶，咖啡，檸水正常。