坤記腸粉

营业中

休息中

不嬲都係個麻醬L，其實都食過坤記好幾次。次次想落多啲麻醬都勁唔情願，今次最差。1.  買完即刻見到大曱甴，但都明白佢哋位置係咁，無辦法2. 佢哋唔會比客自己加醬，落麻醬既時候隻湯殼fing兩下先落，隻殼得返勁少醬3. 食到一半我覺得唔夠，要求再落，個阿姐一手搶碟腸粉走，用支竹籤係咁撩啲腸粉，然後話「咁多麻醬仲唔夠？！」，如是者佢又fing兩下先落4. 我話你覺得夠唔代表我夠，要求落第四次5. 而且佢哋啲魚蛋勁腍，都幾難食大家可以睇下圖片，到底佢啲醬幾稀（其實四次我都仲係覺得未夠），平時我食其他腸粉店，嗌一次多醬就夠

無乜幾何到大圍😝朋友帶路搵食😎招牌腸粉😎$12/6條真係幾滑😇不過麻醬俾得唔多🙄但食落真係唔錯😋金牌碗仔翅😋$18味道唔錯，幾足料😛真係幾好食👍不過無粉絲響𥚃面🙄無左翅既感覺，有啲失色🙈自製鮮豆漿😏$6/杯普普通通，味道偏甜😬

由細到大，呢家店都一直係到。中學時lunch就成日過黎食炒麵腸粉，又平又好食，直到今時今日，當所有野都不停加價，呢間店都仲係保持到，無乜點加，又平又抵食！不過呢到環境就有改善左，換左枱，椅子，但位就差唔多，始終位置有限。我一般都係外賣拎走。街坊生意，要多d支持！

喺大圍住咗十幾年，幫襯過坤記唔少次。食物雖然不是特別好吃，環境亦很平民化，但勝在選擇多，價錢平，停車亦方便，所以常常幫襯。但最近呢兩年，成日買到啲腸粉都係凍嘅，真的令人失望！其實剪腸粉嗰阿姐，一攞起啲腸粉就應該知道客人冇可能會接受腸粉嘅溫度，但佢真係睬你都傻，照剪可也！ 今日又再食了一次坤記特色”凍” 嘅豬腸粉，相信以後唔會再幫襯了！其實坤記生意幾好，價錢又實惠，只要用心將食物做好，淨係做街坊生意都夠做。香港個人經營小店越來越少，我也希望不要有天全部變成大集團連鎖店！

今天和堂妹約好去探公公，公公住係大圍近火車站，等左一陣見到堂妹行過來，她一見我就說知不知道附近有間坤記腸粉好好食，我當然知啦！我咁仲意食嘢。佢叫我帶她去吃，但是我不太肚餓，所以只有陪她佢吃，去到見到很多人正在排隊中，嗯！每次都是很多人的，我只有座在椅上等她買腸粉，她買回來時見到只有咖哩魚旦$8、燒買$8、白蘿蔔$6。覺得奇怪就問她你不是吃腸粉咩，她說:見到前面的人買魚旦和燒買好似好好味，所以就買來試下，反正你吃過腸粉就不如一齊試下這三款得唔得，我多數吃腸粉，記憶中好像是未吃過直得試下。好啦～就試一試，魚旦都爽口但咖哩味就欠奉，沒有咖哩椰香和辣味，蘿蔔都煮得夠腍無苦味，如果吃慣重口味道既人就唔太適合，燒買都幾好食，總之一句話，都是腸粉合我味道多些，因腸粉落齊所有醬料必食，我都是叫堂妹下次再來吃腸粉，不要再跟人買啦！😛😛

行去租單車時，見到有坤記腸粉，就已經計劃踩完去食。去到時，漸見人龍。阿姐唔係爽手type，每次拎腸粉，都要客人再三確認腸粉數目，夠均真。要左四條腸粉加燒賣。上碟後，阿姐話兩個人，兩支竹韱就得，要支持環保選擇左自己加醬。腸粉係夠滑既，都夠軟，夠熱。同行朋友表示食開canteen 既腸粉再食佢，簡直係天堂同地獄嘅分別。而辣醬亦夠辣。燒賣就正常啦。魚味一般，亦偏林，唔係彈牙嗰種。臨走時，見到呢個強記腸粉，原來腸粉唔係自己做，係攞貨，再整熱。睇嚟佢地要加返個credit to 強記！

經過大圍，就諗起上次朋友帶我地去坤記食腸粉，所以今日經過附近又去買。本來擔心今日年初六吾知開工未。點知排長龍，要排差不多十分鐘先買到。之前食高魚蛋同燒賣都一般，所以排左咁耐，都係買買二十蚊有十條腸粉。我地買左並吾係坐低堂食，而係外賣揸車去獅子亭食。山頂上景緻開揚，再加上今日風和日麗，腸粉即刻升價十陪到二百蚊啦！😜😜😜打開包腸粉，有D失望，首先汁吾夠，有好多都白曬曬，腸粉有D厚，又吾夠滑。😒

呢碗皮蛋瘦肉粥成碗就係得呢一粒皮蛋咁大把！肉絲又得雞碎咁多！料又無，成碗粥就得個咸字！食完係咁飲水，到而家仲口渴緊（已經兩個鐘）！可以煮到個粥咁難食真係好難，咁都俾你做到，好野！

平時一直覺得坤記好早就關門，但琴日4點幾經過竟然仲有條長龍排緊隊，就跟住排luu...講記坤記應該都好多沙田/大團人知呢間出名嘅腸粉，之前都食過幾次，腸粉係滑嘅！但有啲失望係琴日再食，啲腸粉變左好散，一舊舊，無左以前好滑個種感覺🥴個sauce都仲係出色嘅，但個質地都好重要！！！同場嘅燒賣都一般，麻麻地反而生菜魚肉湯有啲驚喜，幾入味，同咁岩凍凍地食熱野就暖啲！另外叫左個炒面，$12好大碟都抵食嘅～

本約了朋友在同區另一間餐廳食lunch點知間餐廳仲未開 朋友太肚餓 只好先在附件食D野頂頂肚已經係下午12:30坤記腸粉都大排長龍 招牌腸粉 $10 @4條魚蓉燒賣 $8 @6粒招牌腸粉係幾滑 但因為都薄所以好易散開醬汁唔死咸 再撈醬食係唔錯的 另外再飲左個豆漿 但完全唔似豆漿無豆味 反而似腐竹糖水的味 淡如無味 完全唔ok 堂食夠快同埋真係幾地道的相信平時係街邊食都係咁上下質素街坊街里平時食開都算唔錯 不過如果特登入黎食就唔好喇

晚上約左朋友飯聚，晚飯前同老公拍拖，步行到大圍搵食!老公要跑馬拉松，所以要啲有澱粉質的食物，決定食坤記腸粉!之前每次經過都俾長龍嚇親，今日都唔例外，不過今日有時間就排下隊!人多到無位坐諗住企係度食!不過條龍好長，排排下都有位坐了!今日食左腸粉、燒賣同碗仔翅!排隊時有位小姐同我講呢間啲腸粉豉油出名提我叫多豉，但係一試，有點失望，老實說味道咸道同家中生抽無任何分別，有時係小食店食的豉油都似用糖另外煮過，但呢間，可能煮左都係一般!而腸粉同燒賣口感同其他店差不多!不過碗仔翅就幾好食!但整體來講，唔值得排長隊而且有點貴，可一不可再!今日食左$38!

病咗想搵吓粥食，原來依間小店除咗賣腸粉碗仔翅，佢仲有埋白粥，皮蛋瘦肉粥。新年期間佢鋪頭好多人幫襯，值得一讚係佢哋服務態度好好，比起好多連鎖店更有人情味👍🏻雖然份量唔算好大，但有種好懷舊風味諗返起以前住村嗰時篤魚蛋豬皮。

經過大圍，就諗起上次朋友帶我地去坤記食腸粉，所以今日經過附近又去買。本來擔心今日年初六吾知開工未。點知排長龍，要排差不多十分鐘先買到。之前食過魚蛋同燒賣都一般，所以排左咁耐，都係只買二十蚊10條腸粉。我地買左並吾係坐低堂食，而係外賣揸車去獅子亭食。山頂上景緻開揚，再加上今日風和日麗，腸粉即刻升價十倍到二百蚊啦！😜😜😜​​​打開包腸粉，有D失望，首先汁吾夠，有好多都白曬曬，腸粉有D厚，又吾夠滑。😒 同上次差好遠。靚景都補吾返。

平靚正😍不過係勁多人🧐想坐喺度食就難啲買咗會方便啲呢度都只係$19🤓值得一試👍👍#坤記腸粉 #大圍 #eatwithyuenkei #hkfoodie #foodie #food #foodlover #foodporn #foodblogger #youtuber #youtube #hongkong #hk #wheelchairvseatinginhk #wheelchairfriendly #共融 #無障礙 #相機食先

以前係街坊曾經食過嗰時覺得冇乜特別今次因為實在太肚餓，搵啲嘢頂肚，算啦就食腸粉，見到有生菜魚肉，都試吓啦點知有驚喜，腸粉同深水埗合益泰一樣咁滑、咁薄，當然要多麻醬，適量嘅豉油，炒香嘅芝麻， 再加一點點甜醬，就冇得頂估唔到生菜魚肉都好食，魚肉打得出色，冇 腥味，有咬口，又係要多胡椒粉同麻油，熱到辣嘴咁先最好食