坪洲知味手工水餃

营业中

休息中

2017年後每年都會到一到坪洲走個圈的小編，終於今年試下體驗幾日坪洲生活。算係冒水餃之名而來，才發現已停賣3年印象中以前檔側邊有賣雞蛋仔，以前成日聽人講柴魚花生粥好食，以前好多時只係經過無乜坐低食嘢，一年作一次半日遊客邊有咁多時候坐低食嘢呢？轉左車仔麵的歷程由來，老闆娘細心講說，人情味這樣來😊 小店故事、變化，坪洲生態、情懷，隨時代轉變，因疫情改變，也因年輕一代、街坊子女成長而變動。看似簡單的一碗麵，卻是濃濃情，辣腩汁湯底真係好好味，我呢位喜歡食車仔麵既人，不禁要大讚一下，甜美、辣度適中，有餡的魚丸、豬肉丸都好夠味，白蘿蔔夠淋又清甜，大腸爽嫩，係有75分以上既簡單美食。呢份美味對比市區嘅名牌車仔麵，其實更勝一籌，有一種家的溫情，其實坪洲好多小店都係街坊生意，營業時間相對收得早，暫時未被開發為旅遊勝地尚有生活風味。平衡式的港人生活，可能買少見少，仍然專注係家人、個人成長的心意，係快速嘅城市越見迷失，唯有稍為不變的鄉郊、島嶼，才可能找回活著有意義的真諦。唔知下次再嚟，老闆娘又轉左咩新搞作呢？聽講車仔麵之前既紅燒牛肉麵都好深得民心，好多讚好😊 希望 呢份美味、人情，無論世界怎麼改變，都可以繼

最近很喜歡入坪洲，大大小小的餐廳都嘗試過。今次很想入來吃粉面，但是當地人也說，原來坪洲一般的粉麵店都已經關閉。後來發現這間粉麵店，餐牌很少選擇，主要是牛肉麵或魚丸麵。另外也有一些小食如粢飯等。今次叫你一碗魚丸面，是福州魚丸的那一種。魚肉彈牙、裏面有餡。加上了紫菜味道很鮮甜，麵條也是我喜歡的那種是近乎上海麵，粉粉的質感。總括而言，想來坪洲吃一碗粉面的話，這家是不錯的選擇。但很多食評也提到的餃子，這次就沒有在餐牌上看見。

聖誕連假帶埋狗狗入坪洲玩，應該無10年都有8年無入過嚟。本身一落船稔住跟住啲人去食傳說中嘅蝦多士，點知我地行得慢，經過嘅時候已經大排長龍，而且間舖好似好細咁應該帶唔到狗狗入唔到去🥲之後行多幾個圈搵到啲間小茶室，可以坐外面同狗狗一齊坐。簡簡單單叫左個魚蛋魚片上海麵加紫菜，同埋一個牛肉麵再加枝洛神花茶。魚蛋魚片上海麵本身味道偏淡，加左紫菜有啲鮮味搭夠啱啱好😋牛肉麵就比我想像中好食，味道唔會濃到好似台灣果種牛肉麵咁，有少少酸辣，加埋偏甜嘅洛神花茶簡簡單單咁啱曬長假期最後一日🫣

唔打唔撞入到去，推介自家製洛神花菜，小甜微酸，有少許涼茶甘味，飲得出係媽媽手作。推介大家介可以加soda，自製新飲品🤤順帶一提，店外係家庭式經營，值得大家去試試幫襯下☺️

入來坪州 hea 遊，不能不推介這間手工餃子小店，真係超好食！任何味道都好👍🏼如果係「餃子控」🥟，一定會encore ! 湯和煎都好食 ！還有推介炸韭菜餅，不過要假日老闆度先至會有。

坪洲呢個地方想去多一次好耐😤😤，咁岩見到有片推介粢飯🙈 我鐘意食，爬文又見到啲人話即叫即包好正咁🤤🤤🤤🤤。.所以入坪洲目標就係食粢飯！點知就因為咁，搞到我好失望🥹🥹😞.1. 太鬆軟唔夠實 食落口感唔好👎🏻2. 好大油益味 呢樣真係頂唔順 食到好辛苦🤮3. 肉鬆 比例少🤑4. 榨菜定酸菜 過多🤧.$20蚊一個，性價比真係太低，無下次，一人食半個，我都有少少格硬食落去，真係好鬼失望😤，唉。

天氣咁好, 正好去個離島行下, 坪洲都好多年無去, 去睇下有冇咩變化, 順便食下當地好野.落船已經過左食晏時間, 但出名既餐廳都好多人排緊隊, 行行下發現一間隱藏係後街既手工餃子, 正好仲有位, 一於試下.天氣咁熱, 先唔好諗, 整返支洛神花茶飲下先, 佢比一般既無咁甜, 多一分酸味, 令胃口更開. 餐廳只有3個店員做野, 不過可能逢假日先比較多人用餐, 所以執枱同出餐都要D時間. 通常餐廳有賣韭菜餃, 應該都係主打招牌菜, 韭菜係多既, 而且唔會太重味, 不過肉就偏少. 上海麵就比較軟淋淋, 近似麵粉既煙靭感, 中規中舉啦.但原來白菜餃先係最好味, 唔知係咪有機菜黎, 因為白菜味好濃烈, 未試過咁重既白菜味道, 非常FRESH. 而福州魚丸咬落去好軟淋, 唔係彈牙既個款, 不過原來入面有饀既, 感覺有少少似咖喱咁, 令人喜出望外.出名既野食好似都仲有幾款既, 不過我諗要下次黎先可以再試喇. 

香煎餃孑、上湯餃子（韮菜餃、白菜餃及素菜餃）配自家特製醬汁超好味😋豆漿凍、熱都非常香濃好味😋羅漢果、洛神花茶都非常好欽酸辣湯底材料十足好味😋可以用酸辣湯底配搭上餃子，新口味紅燒牛肉麵及炸醬拌麵都非常好味😋韮菜盒特別，可口美味好味😋每日糖水款式不同，試過栗子椰汁西米露、白果腐竹薏米蛋糖水材料十足、甜度剛剛好、香滑而濃郁超鍾意、超級好味😋總結：店舖雖小，家庭形式、店員服務態度親切、用心製作、價錢合理、材料新鮮、有素食選擇，很合適我和家人的口味，值得與大家分享及推介一下！👍👍👍

行到邊食到邊～坪洲。-坪洲內有許多小店，冰室比較多，只做餃子及湯麵只有坪洲知味手工餃子。-HK$39紅燒牛肉麵～因兩公婆經營，做的份量不是太多。我曾經試過好幾次太晚來吃已經售罄了。湯頭濃郁不太膩，白蘿蔔不老且吸滿湯好美味。不喜歡吃蘿蔔的我絕不抗拒。牛肉軟嫩又入味。加上蔥花及酸菜點綴，立馬加❤️-HK$33韮菜豬肉水餃（8隻）～餃子內是採用新鮮豬肉製造，肉汁特別鮮甜。蒸餃子非常清淡嗎？！咬一口濃郁的韮菜湧上舌尖上再蘸著店家自家製蒜蓉醬，簡直一流🤤-HK$16羅漢果茶～原汁原味！每次喉嚨乾，喝完一整支。喉嚨好舒服😌-如果大家星期六來坪洲，也可以來吃😃🥟：坪洲.知味手工餃子📮：坪洲永安街1K號地下（坪洲戲院旁）⏰：星期二至五-18:30-22:30，星期六-10:00-21:00

久違了的坪洲約一年, 這趟約友人同遊, 上岸先來一個午餐, 而上次來時未能吃到的手工餃子, 這次終於如願, 店內把關的應該是兩夫婦, 離島食餃子好像有點格格不入但實在又好少喺離島會諗住食餃子, 價格比市區平易1/4 , 湯餃約$30(8只), 煎餃則$37 (8只), 每隻摺痕整不過餡料可能稍稍未算豐滿,  不過吃得出餡料的菜類係手切, 煎餃亦是煎得有心機, 可能你叫佢快亦快不來, 酸辣湯比較平時吃到的清淡, 辣差不多是完全沒有, 酸亦只是好輕微, 褔洲魚丸魚腐反而是高潮所在, 小小嘅魚丸魚味十足,推介呢個魚丸!而自己實在羡慕這店主能夠在這島上經營小店, 併棄物質生活, 一定程度在島上生活, 某程度上是實踐着"斷捨離",  維持到基本生活已經是好幸福的士事, 更諻論賺什麼大錢, 能夠拒絕物慾對城市人來說已經是種修行, 希望她們可以堅守小店, 在小島上為遊人服務