城大中菜廳

营业中

休息中

今晚同朋友們食開年飯, 為左就住港島東的她和新界東的另一個她,朋友建議到這間大學中菜廳, 呢到不但就腳又好抵食！4個中女食5餸1湯都係4百幾😱呢個價錢宜家大排檔都食唔到呢😆碟碟餸既份量都大, 味道亦不俗, 大圍人聚舊呢間中菜廳絕對諗得過！我地7點到, 門口有廿零人等緊位, 由於這裡不設訂坐, 只可以walkin等, 而教職員是會優先安排的, 好彩我地都係等左30分鐘就有位😃；另外登記時, 職員會問是否學校學生、教職員或持左大學信用卡, 如果是全單九折😊

今天中午不知道吃什麼好，因為順路，臨時決定了去城大飲茶。由於假期關係，今天的城大特別寧靜，但是於城大飲茶的食客卻沒有減少。今次排隊約5分鐘已有座位，比平時快呢點了好幾款點心，平均每人都只是$42，好抵食。點心熱辣辣，柱侯蒸鳳爪軟身，味濃。黑椒金錢肚比想像中的多，夠爽，汁多。四寶滑雞扎的雞塊大大件，不算十分油膩。蜜汁叉燒腸有三條，醬油另上。椰撻是自取的，但亦是熱的，有三個迷你的，不算太甜。餐廳座位相對一般酒樓寬敞，不算十分吵，可以很悠閒地喝喝茶，吃吃點心。

城大你以為專FOR大學生我不是大學生但我都可以約埋家人去食下環境都坐得舒服叫左十個菜.....想主要講係呢個豬手第一次叫佢豬手，食開既一定話係德國豬手.來到中菜餐廳點會有外國野呢SO今次呢款皮脆脆的，內就唔係多~但都算肉嫩嫩的，想食鹹D既人可以問佢拎野點,不過我就中意原汁原味但如果唔中意食熱氣野,應該唔中意食呢個菜始終佢都係有炸的。所以部分位置係有些少燶,什至食落去沒有肉,只是脆位,所以我自己都盡量沒食呢個位置~呢個菜我真係好想同一大班朋友來再飲啤酒食豬手，應該會好正呀。但唔好以為大學地方就唔比飲酒.眼見汁邊幾台都有人飲緊酒~

同媽咪兩個人諗咗好耐就決定試下呢間，事關好似學生仲免茶錢！上網同朋友都介紹話呢度嘅豬手係好出名必食嘅！但我今日去到豬手好賣都冇晒，咁两個人就試下其實啦。嗌咗個「惹味通菜煲」同埋「帶子流沙賽螃蟹」。「惹味通菜煲」入面有乾蝦，肉絲，辣椒一齊炒。香味十足，又唔會好鹹！！！「帶子流沙賽螃蟹」同我之前食過嘅有啲分別，睇見有啲嚇親同擔心。試咗上面係係蛋黃醬，而唔係我平時食開得一個原隻蛋黃係上面。入面有原隻新鮮蝦都好足料，同埋啲蟹柳都幾大舊而唔係蟹柳絲，正整嚟講都好好食！

假期正煩惱喺又一城去邊度食lunch ，唸起可以去城大中菜廳飲茶，即刻打去，侍應話已經派緊籌。12點鬆啲去到已經好多人等緊位，結果等咗10分鐘就入座。叫咗幾款點心，仲要多數係頂點蝦餃同蝦腸- 皮夠滑，蝦腸幾新鮮炸蝦筒有啲似鮮竹卷，好香脆雞扎- 魚肚幾爽，雞件亦夠滑薄撐 - 煎得唔夠脆 ，普通芝麻糕 - 夠芝麻香，推介馬拉糕 - 唔夠香， 味道偏淡油菜同鳳爪亦唔錯，菜唔會多油仲叫咗豉椒排骨炒米 ，勁多排骨，排骨夠淋，豉椒香，米煎得香脆，只係約$50一碟見到隔離叫咕嚕肉炒麵，勁多咕嚕肉，抵食，下次會試四個人埋單每人$60幾，可能平過好多茶餐廰

剛剛星期日同左K先生去九龍塘城大練英文，我就帶佢去城大中菜廰醫肚，試吓佢哋嘅點心，以前聽同學講佢哋點心平，但質素一般般。今次我都係第一次食，雖然唔係即叫即整，但勝在價錢便宜，還可接受。我哋叫咗五六碟點心食到好飽，有啲點心就不太熱，春卷麻麻哋，個炸奶皇包好難食，只係暖䁔，不過佢哋個蝦餃同燒賣都唔錯。

今日真係好大怒氣。母親節，同朋友去呢間餐廳食飯，之前其實週末都會去幫襯，食完飯都會有糖水。點知道今日食完飯，同一個三十至四十歲左右戴眼鏡、頭髮梳埋右手邊的男waitor講，埋單上糖水，佢竟然騙我地話：「今日母親節，要食1000幾蚊套餐先至有糖水，所以無糖水。」食左咁多次，過年都有糖水嘅啦，一聽就係騙人，轉頭問第個中年女waitress, 即刻幫我地上左糖水。其實朋友都話糖水啊算啦，但我真係估唔到宜家香港餐廳服務質素會差到咁嘍。竟然為左自己偷懶，連兩碗糖水都不肯幫客攞，竟然為左咁小嘅事，就可以唔要信用，選擇欺騙消費者，真係覺得有小小失落，點該會變成咁？

食物款式多，價格便宜，環境清潔，地點方便，很適合聚餐。侍應生態度良好，唯獨一位短髮女部長（冬菇頭，沒有帶眼鏡）態度惡劣。對熟客笑容滿臉，又送糖水，但對非熟客愛理不理。入座時已向門口說明有城大信用卡，只是門口的支客沒有寫在點心卡，埋單時侍應又沒有向我們拿信用卡，所以最後計多了錢。當發現後馬上跟短髮女部長說，但女部長推卸責任，只免回加一，沒有算回正確茶錢，還說是我不對，說我們沒有向門口交接，所以沒有辦法。身為部長，做錯事不認錯，還說成客人的錯，免回加一還像皇恩浩蕩般對客人說，實在要不得。

因為有朋友喺城大到讀書，而又一城又冇乜好特別嘢食，所以朋友就帶咗我哋去城大嘅中菜廳食嘢啦！呢度都幾深入校園，仲要係8樓，真係唔係朋友帶都未必識黎啊！睇到餐牌，呢度嘅嘢食其實同出面食中餐嘅菜式差唔多，但係見到周圍幾枱都有嗌椒鹽豬手，雖然唔知係咪招牌菜，但我哋亦都叫咗一客！點知呢個椒鹽豬手真係幾有驚喜！！份量大之餘，仲要炸得好脆、好香口！！調味都做得好唔錯，我哋都食唔停口！另外就嗌左海鮮炒烏冬麻婆豆腐京都骨呢幾款嘢食就普普通通，冇咩特別。係一般茶餐廳或者酒樓食到嘅水準，所以就唔特別介紹啦！但係如果有機會嚟到，一定要試吓個椒鹽豬手真係值得推介！

本來唸住喺又一城食飯，點知要早交枱，有個朋友又未知幾點到，同行個朋友係城大舊生，佢提議去個度，唔會趕客又實惠，於是一行三人轉場。去到即刻有位，menu 唔多選擇，但款款都想食，見到隔離枱啲嘢食個賣相ok好想叫由於有個朋友遲來，侍應提議叫個煎釀三寶食住先，本身唔鍾意食鯪魚肉，但原來係蝦膠，勁弾牙，我哋幾個食到唔停口。之後叫咗燒腩仔，幾脆，但呼籲留肚叫我其它好野食再叫咗個海皇羮都唔錯然後叫咗馳名豬手，好脆，但稍乾，大碟到食唔哂最正係個燒鱔，色香味恰到好處，大力推1斤加埋個菜同芝麻糕，每人$140，有時食午飯都要呢個價，仲要送紅豆沙，城大信用卡可免加一其實個場最後都9成滿，建議大家訂位

以前係city 讀書 留得不少腳毛朋友話想番city 所以就黎城軒食3個人 叫左4樣野燒汁雜菌牛仔骨牛仔骨好入味 不過個燒汁有d咸粉絲蝦煲有好多蝦 不過唔係隻隻都新鮮有幾隻係霉既但係個湯同粉絲好好食粉鮮吸晒上湯同d蝦味又無煮到一patpat 夠爽口蛋白瑤柱海鮮炒飯呢個會推介好大碟 料足 炒得夠獲氣 亦夠乾身重有個金銀蛋時菜落單係叫波菜 唔知點解黎到變左白菜不過太餓就由佢呢樣正常 d菜吸哂上湯d味 好食ps city 如果學生證，職員證或者city 信用卡會免茶介

部長服務態度極差，冇禮貌！唔明點解可做到部長！身為服務業，一啲都唔專業！（*註：短髮、冬菇頭、冇戴眼鏡）同佢講完野冇回應！話遲啲先上菜，仲反問我地 '未人齊咩？' 唔專業！

喜歡吃片皮鴨的我，自從2個多月前於城大中菜廳吃過水準極之出色的片皮鴨後，這酒家已成為我想再訪的名單之內. 與家人到長洲半日遊後，就來到位於城大內的酒家用餐. 特意提早數天訂枱，以及預留片皮鴨兩食，為吃片皮鴨做足準備呢!這次並非walk-in，店員安排我們坐酒樓內部大廳的位置，圓餐桌寬敞舒適，幾適合多人聚餐. 雖然只是6時多，也有不少食客隨後到來，相信是因為這中菜廳定價相宜，味道亦不錯的原因呢!由於我們於長洲已吃到半飽，所以這次到來，也如上次一樣，點選一款小菜，再另加片皮鴨兩食，已足夠我們3人享用，以避免浪費. 2個多月沒來，酒家也推出了不少新菜式，但上次吃過水準嫩滑的雜菌燒豆腐，所以又再次點來一吃!雜菌燒豆腐 ($55)豆腐很嫩滑，再加上不少菇菌，以及小棠菜作點綴，最重要的是獻汁薄薄的，整道菜是清新又健康. 片皮鴨兩食 ($128)片皮鴨賣相比上次更為出色，片皮鴨外皮香脆，而且是熱烘烘的，內裡肥脂極少，再伴上少許鴨肉，青瓜以及甜醬，最後以熱烘烘的薄餅皮包着來吃，相當滋味. 3人行的我們，每人可分到6-7件，令到超愛吃片皮鴨的我相當滿足. 想起上次朋友請客，於北京人家享用只有微暖的片皮鴨

城大中菜廳 大學飯堂 環境清優唔嘈 坐得舒服食飽無頸渴 餸菜扁淡無乜味 個人就唔多慣 6點半晚飯 叫“片皮鴨“ 双併 已經無鴨（食片皮鴨要預早頂）涼瓜帶子炒疍白~ 疍白滑 帶子細粒白白 拌咗西蘭花 但有啲硬無調味竹笙冬菇麒麟豆腐 ~係齋餸 豆腐滑 但味很淡 干燒伊麵~ 酒樓飲宴水準 楊洲窩麵~ 虾仔 尤魚 牛肉 豬干 餸算多 但麵重皂水味最正泊車20元4個鐘 

收到Open Rice 寄來的優先場戲票，來到人來人往的又一城，靈機一觸之下，決定到隔鄰的城大找吃的. 最近吃得太多西餐，很想吃中菜，於是就決定來城大康樂樓8樓的城大中菜廳試試. 由於看畢電影已經5時多，餐廳晚市則由5:30pm開始，所以就來吃早飯.甫到達餐廳，雖然時間尚早，但已經有一枱食客，再過一段時間，不少食客都來到，更有不少是一大顆兒的家庭客，相信餐廳的小菜定價相宜，吸引不少客人專程到來用餐.餐廳內部裝修簡約，如同普通酒樓一樣，不過靠窗的一面，可以外望泳池景及翠綠的樹木，景觀都不俗.菜牌比較簡單，只是過膠的餐牌，都有數十款小菜，款式都相當足夠，最重要價錢只是由$55-$88不等，茶位是$6/位，相當便宜.見到餐牌當中的片皮鴨兩食才$128，由於很久沒有吃過，即使只有2人用餐，也決定點來一試. 再加多一個小菜，雜菌燒豆腐($55)，已經相當豐富.雜菌燒豆腐($55)先送上的是雜菌燒豆腐，份量相當之多. 有堆如一座小山的豆腐，加上大量的菇菌，健康的一道小菜. 燒豆腐獻汁薄薄的，豆腐相當嫩滑，整道小菜味道清清淡淡的，個人幾喜歡.片皮鴨兩食 ($128)片皮鴨已從廚房片好，再送出來. 包