堅信號上海生煎皇 (將軍澳廣場)

营业中

休息中

放工返到將軍澳好鬼死肚餓 好多鋪頭都排長龍買外賣 喺呢度唔使等 冇人排隊 就貪快試下 怪自己攞咗外賣冇檢查 就返咗屋企 點知真係中伏呢盒睇落好似醫院餐嘅飯盒 盛惠70蚊首先一打開見到已經唔開胃 本人食嘢冇乜要求 食得飽就算 都可以激鬼氣到開個account嚟畀評語我明明要糖醋排骨 畀錯咗一盒唔知乜嘢魚都算啦返咗屋企費事煩 一餐半餐冇所謂啦點知一入口 啲魚食落一陣腥味 食咗兩啖放棄個生煎包硬過石頭 啲肉鞋颯颯中伏首選 唔會再嚟 想試下伏味就去啦

今日學識咗咩人唔可以相信？堅信號嘅人唔可以相信…今日去咗堅信號度食下午茶，睇餐牌都好似幾抵食，所以揀佢嚟食，我揀咗個A1下午茶餐$43 (招牌生煎包兩隻+灌湯小籠包四隻）然後加咗$2轉飲凍豆漿，再加$16追加一碟雞絲粉皮。招牌生煎包 - 話得係招牌都唔會差，爆汁有，底部脆。味道OK，不過有時就嫌佢太大個好似有啲飽😅 灌湯小籠包 - 我唔鍾意食，因為佢好似有浸怪味，我本身好鍾意食小籠包，唯獨是今次我覺得唔好食，同埋有一個行為好戇居，佢擺咗一執薑絲係中間，但係佢又唔比隻碟我，唔通佢叫我將啲醋直接落啲小籠包度？！唔係好明佢想點？！問啲服務員，先至識得拎隻碗俾我，真係唔該晒。凍豆漿 - 我叫嘅係凍豆漿，所以一大啖就飲落去，點知係熱豆漿！ 我同服務員講我頭先係咪落單嘅時候係唔係落凍豆漿，佢答我係，我話但係呢杯熱㗎熱死我，跟住佢幫我換過杯凍豆漿，無論係凍豆漿定熱豆漿，原來都係用同一款杯…😑雞絲粉皮 - 首先佢用嘅係和風芝麻醬，呢隻芝麻醬基本上你點咩都好食，同埋佢用咗呢種醬係咪應該改名叫和風雞絲粉皮呢？因為我覺得似食緊和風沙律！

第一，出面show出黎餐牌有套餐，點知入到去無得叫，問完先知公眾假期無得叫，ok!就當我無睇清楚第二，出餐好慢….，員工就多，但企哂係度，因為無餐出，廚房好似無人做野咁係坐低叫做有杯熱水放係枱洗筷子同放低d碗仔比你無下次！！！！

🥟堅信號上海生煎皇係將軍澳行來行去都諗唔到食咩，就是旦入一間到食啦🥲蟹粉小籠包 $29湯汁冇生煎包咁多，皮厚薄適中，蟹粉多，正常發揮上海粗炒 $59炒麵夠惹味，但啲麵有咬口到似未煮熟😅外婆紅燒肉菜飯 $68個汁惹味，肉入味，但徧鞋，菜飯得麻油味😵‍💫生煎包 2個 $10 跟餐 招牌菜都幾好，好多肉汁，一咬爆汁，底夠脆雞絲粉皮 $10 跟餐粉皮好厚，啲雞應該叫雞肉唔係雞絲，粗得呢好鞋淨係食到日式芝麻醬，難食😵麻辣海帶絲拼蓮藕片:正常發揮，惹味上海醬蘿蔔:酸酸甜甜，幾開胃豆漿 $5 跟餐茉香綠茶 $0跟餐2個人埋單 $181 ，平均一個人都唔洗$100岀去食上海菜都唔會平，呢到叫做有套餐嗌但係食物質素真係麻麻，淨係生煎包算ok如果你真係諗唔到食咩，可以去試下嘅😱ps:食生煎包好啦。。。。

突然想生煎包，就去樓下堅信號食個晚餐生煎包 ～ 熱辣辣好多肉汁雪菜黃魚濃湯拉麵 ～ 呢個係舖頭推介嘅, 黃與炸到脆卜卜，又冇骨好香口，拉麵好爽滑雞絲粉皮 ～ 略嫌雞肉同粉皮比較鞋，芝麻醬份量亦偏少麻辣無骨鳳爪 ～ 鍾意食辣一流，麻辣感覺好正

尋晚臨瞓前，突然心心念念好想食小籠包🤤🤤🤤，結果瞓著之後，發夢發咗一晚，夢嘅內容全部都係食、食同食🙈🙈🙈左手一啖小籠包，右手一口山煎包作為一個專業的吃貨，相信大家都會明白呢啲事成日都發生喺水晶嘅身上😂😂😂好不容易捱到醒，一起身已經搞到勁餓餓到想食埋山煎包，於是就openrice搜尋吓屋企附近邊到有得食呢兩樣嘢啦，原來都唔係好多間有齊，最後比我搵到堅信號原來喺將軍澳開咗分店，讀書的時候，曾經有朋友專程帶我去過佢旺角的第一間分店㗎，朋友話係前歌手Oscar開，所以果時排咗大半個鐘先朝聖成功🙈🙈🙈好彩今次將軍澳呢間分店唔係等咗好耐就可以入座了，入座見到枱面上有紙袋比你放口罩，亦都有放定熱水比客人洗餐具，疫情下覺得呢間餐廳都幾貼心，不過第一次去呢間舖話要自己掃二維碼落單有啲寧亂，而啲員工好多都係姐姐來，店內人手唔係好夠，想搵人幫自己點餐都有啲難度好彩最後都比我成功研究到點用個點餐系統，可以叫我心心念念的山煎包同小籠包山煎包山煎包係先上的，真係熱辣辣，一咬落去仲爆汁添，真心幾正依然維持到當年旺角總店令我留下深刻印象的感覺，不過當年旺角店的山煎包好似再大個啲啲，而家好似縮咗水咁小籠包小籠包反而等咗

點左下午茶招牌生煎包同涼拌蓮藕，食物係正常的，唔好有特別太大期望。涼拌蓮藕冰凍爽脆，醬汁味道係唔錯的。生煎包個包皮食落粉左啲，口感好削。至於個餡調味正常，豬肉都有啲鮮味，肉汁多👍🏻 豬肉質感一般，不過都明白食肆啲肉都好難做到彈牙嘅口感。服務方面，個別侍應成日黑口黑面，又唔出聲又唔俾反應🤷🏻‍♀️ 但明明我見啲客人都幾有禮貌問佢哋野。遇到客人嘅一啲特別要求亦欠缺處理嘅反應。樓面嘅環境衛生幾好👌🏻

之前係其他地方食過ok，諗住屋企附近開就試下。7點左右去到，拎飛等5張2人檯，點知見到有人直接行入去講幾多位就入得，結果我同職員講2位都係入得，咁拎飛黎有咩意義？叫左擔擔麵、小籠包同豬扒菜飯，小籠包個皮好厚，完全唔知咩味，豬扒菜飯個飯d味好奇怪、豬扒叫好食少少，擔擔麵算係叫做ok。成間舖頭既職員講野好大聲好亂，有檯無人抹，個個都好似扮到好忙咁，收銀一個根本做唔切，又要處理外賣自取，又要收堂食既錢，其他職員係哂入面唔知做乜。

我係openrice外賣自取兩隻生煎包+一份雞絲涼皮，番到屋企打開外賣盒⋯⋯竟然發現雞絲涼皮完全冇醬冇汁俾我！！！搵勻外賣袋都冇另外包裝嘅醬汁！！！痴線！！！無諗過外賣竟然可以咁過份！咁重要嘅涼拌醬汁都唔記得落！！涼皮一d味道都冇！！完全食唔落！！！番到屋企先發現外賣係咁，真係把幾火！！！即時打電話返店鋪，電話冇人聽！！！服務質素點解可以差到咁？！遇過最差嘅外賣！！！！！！！blacklisted

堅信號生煎皇 生煎包 小籠包專門店 新鮮的豬肉餡料製作 皮身夠薄,輕輕一切就爆汁,吃時要小心肉汁豐富鮮甜 麻辣無骨鳳爪 HK$35保留鳳爪既爽脆感,麻辣調味令食起來更美味辣度輕微,大人細路都可以試試將軍澳唐德街1號將軍澳廣場1樓126-129號舖Shop 126-129, 1/F, TKO Plaza, 1 Tong Tak Street, Tseung Kwan O消費$100評分8/10

疫情下少咗堂食，喺呢度嗌過幾次外賣，每次嘅包裝都十分之結實，唔會出現漏汁嘅情況。擔擔面嘅外賣係麵同湯分開，分量充足，啲花生配料都俾得幾足料下，撈左落個湯底之後，湯底變得非常濃郁、結身，再配埋掛汁嘅面，真係一流。呢度話明係生煎皇，就梗係一定要食生煎包。呢度嘅生煎包真係會爆汁㗎，但提提大家一定要趁熱食，林晒就唔好食㗎啦。外賣需要時間，所以每次返到屋企都會再用氣炸鍋整返熱佢。總括而言，真係又抵又好食，有機會嘅話大家可以趁住午市食，套餐嘅配搭係實惠、好味而且飽肚的。

過了正常午餐時間，只係點了細酸辣湯，兩只小籠包+兩只生煎包，果然只有招牌生煎包比較出色。脆皮底＋熱湯汁餡😋食物完全無問題，但樓面及廚房出食物比較混亂，美中不足之處⋯

之前聽人介紹過呢間生煎包好好味，嗰日經過就捉埋男朋友入去試下⋯叫咗堅信號生煎包(4個$36 /2個$20)、上海粗炒($59)、流心芝士龍蝦小籠包(4個/2個)、豆漿($12)。生煎包果然係招牌菜，好juicy好多汁，咬嘅時候真係會噴汁🤣🤣由於食哂先發現到《食生煎包教學》，結果就係⋯燙親條脷🤦🏼‍♀️🤦🏼‍♀️不過生煎包真係好好味，必試😋😋但其他嘢就真係麻麻地啦⋯⋯上海粗炒最差，淋得嚟仲要無乜味😖😖而本身好期待嘅流心芝士龍蝦小籠包，除咗有淡淡嘅芝士味之外就無乜特別lu，亦唔覺有龍蝦或者龍蝦嘅味道，總之就係失望啦，好彩叫咗兩隻試下咋😅😅

堅信號上海生煎皇是生煎包王子蕭唯展Oscar 開的，同時他也是歌手江若琳(改名:江伊睛)的老公，一直想試，終於有機會了，經過將軍澳廣場就試下。幸好，又碰上下午茶優惠時段，有下午茶套餐。我點了兩個餐。一個餐只需$53-$68！❤️首先點了芝麻醬五彩拌冷麵 $53，顧名思義，冷麵有芝麻醬汁拌住，非常涼浸浸，適合炎熱的夏天食用。上面有火腿絲，青瓜絲，蘿蔔絲和雞絲，色彩繽紛之餘，營養價值相當高。這些食材亦提高了口感。旁邊那碟是醉雞翼一碟兩件，完全吸收了花雕酒的味道，相當入味，配合杞子中和味道，完美。另一套餐同樣點了配一碟醉雞翼。主食點了堅信號豬扒菜飯$62，豬扒煎得很香脆，牢牢鎖住肉汁。配合埋菜飯，非常美味。堅信號上海生煎皇 地址：將軍澳唐德街1號將軍澳廣場1樓126-129號舖

路過將軍澳，見到呢間鋪頭，因為我好中意食生煎包，決定入去一試。下午茶餐好抵食，$30就有得食生煎包了！味道不錯，但皮有d厚，但這個價錢還是很值的😊下次可以再利過😊