堅信號上海生煎皇 (愛定商場(H.A.N.D.S) A區)

营业中

休息中

最近在屯門友愛商場開了兩間新店，一個是賣漢堡，另一個則是生煎皇開分店。由於是新開張的關係，人們都喜歡試新食物，兩間不論是外賣或堂食，都要排隊，其中漢堡更誇張，唯有遲些日子再吃。由於最近疫情相當嚴重，堂食都不是安全之舉，所以外賣回家，反正都很近。環境：其實只是在商場以往開放短期攤檔的位置變成了一間食店，分開兩個門口，一個是在電梯旁，就是堂食顧客等待的位置，另一個在食店中間，即是收銀處，亦是給點外賣的顧客等待的位置，安排上挺細心。店內呈長方形，簡單裝潢。 抵食精選午餐(只限平日供應)，可在七款主菜、六款小食和不同飲料選擇。蜜椒雞扒菜飯+茉香綠茶(熱)+上海生煎包2個=$58份量充足，雞扒已切成一塊塊，肉質嫩滑，表皮煎香，淋上黑椒醬油後更好吃。至於生煎包，吃的時候真是要小心，因為一咬就會爆出湯汁，當時令我挺狼狽！由於我外賣回家時已放涼了一會兒，就算整個放入口都不會燙，但即時熱辣辣地吃的話，就要小心了。生煎包內有豐富湯汁，豬肉味濃，好像吃湯汁小籠包。

見到新鋪開，又未試過，當然要試吓la買左外賣午餐，豬扒菜飯加2隻生煎飽，飲品係熱豆漿， 價錢係64蚊，首先2隻生煎飽，味道還可以，都多汁嘅，但size偏細，另外，個豬扒菜飯，就真係比教失色，唔係唔好食嘅，但味道真係麻麻地，成個餐，最好嘅反而係杯熱豆漿，係有少少失望，短期內唔會有下次

連續兩次買冷麵，都無畀醬！變左食白烚面！打返去問，叫我拎返去，個店員解釋唔到比另外一個講，電話後話我聽唔明佢講乜！買外賣已經唔夠時間食，仲要拎返去，無問題丫嘛！講返食物，所有酸的菜式都係一樣味，不好吃。招牌生煎包，唔明有乜咁特別。

而家因為住嘅問題，成日都要屯門紅磡兩邊走，早排又整親腰骨，又要返屯門針灸，又要照顧家人同狗狗。😍😍😍尋日開始放大假，就返去屯門針灸，順便同奶奶食返個下午茶，我奶奶好鐘意食上海嘢，而咁啱商場又開咗間新嘢，所以就同奶奶兩個撐吓枱腳啦！🥰🥰🥰T1 堅信號生煎包 （4個）$28其實坦白講，佢嘅款式唔算多，就算散叫都唔多，我開頭都唔知食乜好，但我見到枱面介紹呢個生煎包，講到好多湯汁，食嘅時間要好小心，講到咁吸引，梗係要試試佢啦，嚟到個樣好靚，唔係大大個果隻，就咁睇真係唔似會係咁多汁果隻，到我食時，嘩！真係好多汁，好大嚿肉餡，皮好薄，肉汁好鮮，大家有機會真係要去試吓。😋😋😋T4 古法扣豬手湯麵 $36呢個同個生煎包真係比下去，如果比我再叫，我一定會叫生煎包，大家唔好誤會，唔係佢呢個麵唔得，其實佢呢個麵都好食，豬手炆得啱啱好，唔會唔夠淋，又唔會太淋，而個汁好香濃，個麵唔會太硬同太淋，湯底夠味，其實整體都唔差嘅，但由於我食生煎包先，所以我比佢嘅味道吸引咗。😃😃😃麻辣青瓜 $8嚟到細細碟，但加$8都算係咁啦！但我開頭見到佢時，我心諗，會唔會好淋呢？食青瓜梗係要食爽口啦！點知食落超爽口喎，佢麻度同辣度配埋

新開張個零禮拜都好多人預早少少下晝5點幾就入去食野即刻入得, 但都已經7成滿位自己食擔擔麵同生煎包, 屋企人食上海粗炒異口同聲都係唔夠隔幾間鋪既同款菜式咁好食...啖茂茂竟然問左同一個女職員3次可唔可以比杯水先有一杯...話等等就行開左執野/落單, 完左佢就企左係度, 無左回事發緊夢咁真係食一次就夠...

呢間舖頭新開張梗係要即刻試吓啦佢就買$36四隻除翻開即係$9隻價錢合理一咬落去爆曬啲汁出嚟仲彈到周圍都係好彩又唔會話太熱辣親溫度就啱啱好仲係熱嘅味道就不過不失符合生煎包嘅預期不過唔知係咪外賣嘅關係出面層皮有啲局冧咗總括而言都可以試吓嘅