堅信號上海生煎皇 (花園街) (已結業)

本人並非第一次光顧外外自取的「甜酸上海排骨菜飯」，每次都能保持水準，但今次真係非常失望，排骨又燶又酸，不知是否廚房換了人，還是請了假，我和同事都覺得口感不像以前，希望堅信號有睇此食評，可以作出改善。

由於餐廳前藝人✨蕭潤邦開設，主打賣特色地道上海菜🥢，係香港都好多分店，所以都幾岀名。開業咁耐，終於同幾個朋友仔係放飯時間去try try啦～🙈剛好時間可以點下午茶套餐，配送一杯飲品，追加優惠都勁抵，加$12就有2️⃣隻生煎包‼️📝今次我地5個人點左：- 四川擔擔麵（$36）- 灌湯小籠包（$30）- 上海排骨菜飯（$46）- 經典上海粗炒($38)- 麻辣青瓜（$22）- 招牌生煎包（追加優惠 $12/2隻）擔擔麵湯底不算太辣🌶，都幾開胃；小籠包入口爆汁💦，好juicy，肉餡鮮味十足；排骨煎得都好香口，但整體略嫌有d乾身，若然配上醬汁：蔥油/豉油，就perfect啦💯至於餐廳主角——生煎包，包皮香脆，肉香多汁。最好上菜後等一等再吃，避免燙嘴♨️另外，每張枱面貼有吃生煎包教學三步曲😂，畫風都幾Funny最後，OpenRice有餐廳ecoupon，$45當$50用，而且每次消費無上限使用‼️CP值超高，抵上加抵！

星期日同朋友係旺角行街，行到3點先想食午餐，去到堅信號吃上海菜，原來可以叫下午茶。下午茶共有9款，包括灌湯小籠包、香煎鍋貼、四川擔擔麵、韭菜豬肉水餃、沙嗲牛肉麵、雪菜肉絲麵、古法豬手、上海排骨和上海粗炒，款式多樣化，價錢最貴46元，好抵！加10元有酸辣湯，再加12元有小食，再加2-5元有野飲。我叫左上海粗炒，加酸辣湯、生煎包和豆漿。另1個叫左上海排骨飯，加酸辣湯、韭菜豬肉水餃和凍奶茶。上海粗炒不錯，有鍋氣，乾身彈牙，好食。酸辣湯不酸不辣。生煎包夠脆，略為细隻。豆漿有豆味。上海排骨鬆軟度適中，有肉，不錯。韭菜豬肉水餃略為淡味，吃不出豬肉味。總體覺得不錯，可以再食。

我以前愛吃上海的小楊生煎包 可是2019年再吃時感覺退步了 朋友介紹説這店的生煎包不錯 曾試過在官塘店外賣 感覺良好 今次再來旺角店堂食 店的面積不大 掃描二維碼下單 1個人點了4件生煎包 2件蟹粉小籠包雖然是同一集團 但很明顯旺角店的出品比觀塘店稍遜一籌 今次在旺角店的皮略厚 湯汁少 肉有點實 不夠熱 幸好底部煎得仍香蟹粉小寵包 頂部有少許金泊 但外形有點怪 份量較細 皮的厚度正常 只是蟹粉有腥味 相比之下 都是生煎包好吃 而我會選擇官塘店的出品呢

一直都好喜歡正宗上海生煎包，在香港食到根本兩碼子的事。上海的皮是用小籠包皮；在香港的皮是中式麵包皮。第一次在香港食到正宗的生煎包，竟然是在堅信號食到。🤚🏻不過今次要介紹的是他們推出的下午茶，真係超抵食，好貼地！$36有一個酸辣湯+4件香煎窩貼+凍零茶。我本人不想吃太多，減肥。😑如果食量大當然亦到有炒麵，好似都係$40幾。另外加$12可以加皇牌生煎包。🤤又撞啱當日還有限定蟹粉系列，難得黎到要緊係試下，我叫左2粒蟹粉小籠包$29。其實都好味，皮夠薄。但當日太肚餓，所以唔記得影響。基本上下午茶時間都不斷有客，所以食完就走。祝生意興隆！

利申：上海人，呢個sem係exchange嚟香港㗎其實我自己來講，喺香港生活嘅感覺同喺上海嗰陣冇太大分別，主要就係食唔到正宗嘅上海菜，會有d掛住🥲冚唪唥喺香港生活四個月，而家住緊紅磡三個月先搵到呢家餐廳……好遲😭從第一次外賣落單覺得質素ok開始我就一直有幫襯啦，佢嘅粗炒我真係好鍾意💛💛💛💛💛生煎也好好味wor🥰🥰🥰🥰🥰（生煎嘅「底」其實同我喺上海食嘅仲有d唔同啦…不過唔緊要😆）

首次光顧此餐廳外賣自取，外賣了甜酸上海排骨菜飯套餐，配菜涼拌青瓜拼醬蘿蔔及熱檸水，排骨很夠味及有碎上，方便女士伐，分量不太多，剛好女士食量，不會浪費，配菜亦好好吃，下次一定會再光顧。

辛苦左一個禮拜之後, 朋友突然帶住嘢食嚟探班, 心情瞬間好咗好多大食妹就係咁容易俾嘢食收買㗎啦<堅信號秘製豬扒粗炒>堅信號秘製豬扒粗炒非常入味, 粗炒嘅麵底好有咬口, 裏面嘅配菜都好豐盛秘製豬扒味道甜甜地, 軟硬適中裏面仲有好多椰菜同冬菇, 好香<堅信號生煎包>堅信號最出名其實係佢嘅生煎包生煎包有啲細粒, 平均每粒要成10蚊, 有啲貴生煎包外皮好薄, 包底煎得金黃金黃, 裏面係紮實嘅豬肉同肉汁, 的確唔錯<京汁茄子>朋友知道大食妹鍾意食茄子, 順便嗌多份茄子水份飽滿, 可惜唔太入味, 有啲汁還汁茄子還茄子嘅感覺<酸辣湯>酸辣湯一打開蓋嘅時候有少少失望, 以為好少料, 原來沉晒喺底雖然唔夠辣, 但豆腐、木耳絲、豬肉絲同筍絲都比得好足, 加分

突然間同老公想食上海野咁啱我喺街度所以我就做咗步兵然後發現原來嗰一條街都好多上海嘢食嘅舖頭咁我行咗幾間之後就決定嗌呢間堅信號見到佢嗰個一人萬事套餐都好似好抵食首先係一個主菜然後一個前菜再加嘢飲你仲可以追加小食我同老公就揀咗佢寫住推介嘅兩款一個係招牌豬扒一個係上海粗炒然後前菜要蘿蔔同青瓜仲可以加$10有酸辣湯嗱嗱聲加兩碗我再加多個雞絲粉皮仲加埋嘢飲都只係$189😱都唔錯啊最重要係佢兩個推介嘅一人晚餐都非常好食個秘製招牌豬扒果然唔錯有夠淋，又入味又惹味唔似平時上海舖嗰啲豬扒上海粗炒都非常不錯呢間野可以encore👍🏻👍🏻👍🏻

👫行行下街有啲餓😅食返個生煎包先🤤🐽雞絲粉皮🐔粉皮做到好薄好滑，雞絲唔會鞋口，配上日式芝麻醬，好香🌟🐽生煎包咬落去會爆汁💥食既時間要小心D唔係會辣親條脷👅包底脆口，唔會太厚底🌟🐽小籠包同生煎包一樣，裡面充滿湯汁☺️皮薄餡靚👍🏻🌟

今日嚟到旺角食上海野，晏晝有lunch set，一個飯就包埋小食同野飲，仲可以追加多款小食🤤🤩🤩咁多樣野加埋都係大約$70！好抵食😋我叫左個豬扒菜飯，而朋友就叫左個炸排骨菜飯，兩個set啲肉嘅份量都好多😍同埋啲肉好淋，我哋仲追加咗小籠包同埋生煎包，因為都係啲招牌小食🤤兩款小食都好多汁，好好食👍🏻同埋食嘅時候要小心啲汁彈到周圍都係🤣🤣

老公好鐘意食擔擔麵所以佢去好多上海菜舖頭都係食擔擔麵，相反我就麻麻哋，我會揀其他麵食，今日嚟呢間，聲稱係老闆以前特地飛去外地學師嘅餐廳之前食過上海粗炒、小籠包，雞絲粉皮講真就不過不失，不算特別。我個人比較喜歡濃湯雪菜炸魚麫，因我一向鐘意食魚，又麻麻哋食飯，所以呢個好啱我，雪菜惹味，炸魚實無得頂啦對我嚟講，好多時都食得晒全部👍🏻次次都有食生煎包，入面真係好多汁，每次食都要小心熱同爆汁！呢個的確係呢到最出色的item，每次都必食！$10/2粒今次仲加咗$10/2隻花淍醉雞翼，略嫌唔夠濃味，有改進空間擔擔麵由於我冇食，老公意見係都十分唔錯嘅最好係食呢間，download嗰app就可以草分，分數可以再換嘢食，都幾好，感覺上抵返啲！

超級揾笨既餐館，叫了一個下午茶餐:經典上海粗炒 $52，等候上菜時，再睇下其他野食時，發覺原來午餐的上海粗炒餐都係$52，還送多2隻餃子,份量仲大碟過茶餐，午餐和茶餐一樣價錢的話，好心吾好學人做下午茶餐呢！！超級吾抵食既下午茶餐，仲好揾笨呢

這間上海生煎包相信大家都不會陌生，近期他們推出了一個龍蝦系列，所以就來試試!流心芝士龍蝦小籠包，小籠包皮薄，入面有龍蝦肉和芝士湯汁，食落有芝士的咸香，味道好特別！龍蝦熱溶芝士醬海鮮湯麵，湯底有濃濃的龍蝦湯味，有蟹柳、青口、龍蝦肉和露筍作配料，熱溶芝士醬是分開上的，食的時候再倒入湯麵裡面，味道豐富！招牌生煎包，生煎包外皮煎到脆口，而且外皮不會好厚身，咬一口熱辣辣的湯汁已經流出，餡料亦好鮮甜！酸辣湯，酸辣度剛剛好，用上木耳絲、筍絲等製成，口感豐富，飲得過癮！

想嚟一場龍蝦宴，但出身又貧寒，荷包極之乾，蝦米都未必有得食啦但估唔到左近有一間嘅堅信號會出一系列龍蝦菜式，終於可以平民地食龍蝦喇喂小籠包通常都係豬肉餡，龍蝦餡真係唔試唔得一咬落去，裡面啲汁一嘢唔知咇咗去邊（估計咇咗去對面老友碗麵度），真係好多芝士同好香龍蝦味，搞到小籠包心中團火要爆喇龍蝦湯麵要趁熱淋上熱辣辣嘅芝士汁，未淋色水已經好濃淋咗更加芝味，夾起麵上嚟黐晒啲湯汁啖啖龍蝦味好滿足除咗湯食，龍蝦仲可以涼拌咁食，陽春麵撈埋蘆筍、蘿蔔絲、青瓜絲、蟹柳，加入柚子汁，酸酸地爽爽地嘅口感，加上龍蝦肉，係夏日嘅頂級享受唔夠喉嗌埋份雞絲粉皮，同龍蝦撈麵感覺唔同，麻醬嘅稠結香口，係好濃味煙韌跟餐可以半價嗌佢地嘅特飲，仲以為係普通杯仔size點知份量真係好夏日，勁高勁大杯囉