影片
以上资料只供参考，请与餐厅确认详情
有关奖赏计划
又发现咗一间性价比超高嘅餐厅 价钱抵食之余而且味道都非常之好！🥢椒盐鱿鱼须 $58鱿鱼须炸得香脆 唔会多炸粉 有调味🥢烧澳洲羊架 $42🥢炭烧厚切牛舌 $28🥢烧鸡肾串 $14🥢王牌烧菠萝 $24串烧都系即叫即烧热辣辣 羊架好嫩滑唔会太骚菠萝好甜好正 我全部都叫咗唔辣 有需要台上亦有辣粉可以自行选择🥢鳕鱼波波 呢个望落以为好热气 但咬落好似麻薯波波咁 系款几香口嘅小食🥢古法烧鲗鱼 $118呢个绝对要推介！条黑鲗好大条 鱼肉非常嫩滑 平时蒸都蒸唔到咁滑我同我家姐2个人可以KO成条 而且鱼肚有藏香茅调味 亦有配泰式酱汁但我觉得原汁原味已经非常好味 咁大条咁好味先系$118炸❗🥤咸柠七 $10呢个都值得推介 个咸柠佢哋系成粒打碎埋可以食埋 所以饮嘅时候除咗有咸宁之外 仲会觉得有少少甘甘哋嘅味道 🥢爆汁糍粑老板最后仲送咗个甜品比我哋试下 正常一份系5件 $18呢个都好好味 岩炸起要摊阵先 里面系黑糖糖浆 整体价钱都非常抵食 串烧十几蚊起 饮品都系10蚊呢一餐先系$300左右 再问之下攞埋个LUNCH TIME MENU午餐都系$48蚊起 隔日已经即刻介绍同事试下 试咗个醉鸡同酸菜鱼外卖返公司食2个都好好味 唔记得咗影相 会KEEP住帮衬啊！
继续阅读
观塘工厂大厦食肆林立，今晚我们就到新开的坚丰厨房吃晚餐。一出电梯，门外一幅：串烧「精神」尽兴，三国英雄齐聚聪明烧的「易拉架」十分吸睛。一进入内更有一幅大大的壁画：「吕布战三英，不如串烧啤酒更尽兴」。非常醒神，可见老板的心思和幽默，他应该十分喜欢三国的英雄故事吧！椒盐鸡泡鱼干配沙律酱鱼干炸得酥脆带嚼劲，椒盐香气扑鼻，搭配微甜的沙律酱，层次丰富。沙律酱的香甜配上鱼干的咸香，十分惹味。王牌烧菠萝菠萝表面焦糖化后充满诱人炭香，菠萝十分鲜甜，咬下时菠萝汁爆发，酸甜浓郁。泰式生菜包新鲜猪肉猪肉碎炒得镬气十足，咸香中带鱼露的鲜，配脆嫩新鲜生菜，口感清爽。泰式酱汁是灵魂——酸辣醒胃。 炭烧猪颈肉外皮焦脆，内里肉质弹牙多汁。蘸上经典泰式辣汁更升华，干葱头、香茅、芫荽十分香，完美展现泰式烧烤的细致。 古法烧鲗鱼鱼皮烤至金黄酥脆，肉质却保持雪白嫩滑，古法腌制的咸香渗入鱼肉，简单却考验功夫。鲫鱼的骨很大条，没有太多碎骨，非常多肉。蘸上酱汁更提鲜，原汁原味很好吃。 蒜蓉烧生蚝生蚝肥美饱满，蒜蓉铺满，烤后香脆不呛，与蚝肉的海洋鲜甜形成绝配。蒜香浓郁却不掩蚝味，尺寸霸气，满足感爆棚。 咸柠七打碎的咸柠檬与七喜气泡完美融合，咸甜交织又带柑橘清香，消暑解腻神饮。咸柠檬的颗粒有口感 。这家小店将泰式的酸辣炭烤与中式细腻调味结合，食材新鲜、酱汁功不可没。尤其推荐「蒜蓉烧生蚝」与「古法烧鲗鱼」，酱汁的复杂度让人回味。虽然食物的种类选择不是太多，但是食品是非常美味的，也可见到老板的用心。
继续阅读
观塘嘅打工仔有福喇～ 呢度不嬲超多嘢食，最近我就试咗间工厦入面嘅串烧餐厅，几推荐😋！🐮 烧安格斯牛小排（$128）牛小排切成一块块，我哋叫嘅medium rare烧得粉嫩，好靓仔🤤 食落又香又嫩😋🍢各种串烧串烧猪牛鸡各两串（$98）烧鸡肝（$20）烧鸡心（$20）烧鸡软骨串（$14）烧鸡肾串（$14）烧鸡皮串（$12）鸡皮夹大叶鸡肉串（$24）横膈膜（$20）呢度嘅串烧用无烟碳热住啲串烧，又唔会有烟，食完都唔会全身好大阵味，食得干净又有气氛🥳 串烧选择超多，我就钟意食串烧鸡肉，又嫩滑又香～鸡皮都烧得好香脆、横膈膜油香丰富😍🍛 蟹肉蟹子鳗鱼炒饭（$128）除咗串烧肉类🍖，呢度嘅炒饭同样惹味！而且呢个炒饭超足料，炒得咸香得宜，yum yum 😋 🥤罗汉果水（$20）🥤自家制樽仔薏米水（$20）坚丰厨房 * 聪明烧📍观塘成业街19-21号成业工业大厦1楼06室
继续阅读
🍢 **坚丰厨房X聪明烧｜工厦藏住呢串烧惊喜！** 喂！同你哋分享间隐世串烧店，喺观塘工厦上到去一开门就香到癫！唔系得串烧出色，连小食同大菜都坚有料到，今晚食完即刻想book下次～ 🌟 **咸柠七｜灵魂救星！** 第一啖就知系老手冲嘅！咸柠檬腌到啱啱好，唔会死咸又带回甘，七喜气泡劲足，啪落去「唰」一声解晒腻，同串烧系绝配！ 🍆 **蒜蓉烧原味茄子｜跪低级蒜香！** 成条茄子烧到外皮微焦，一𢳂开啲蒜蓉多到泻出嚟！秘制蒜油超惹味，茄子肉吸尽精华，软糯带甜味，食到唔舍得放筷～ 🌶️ **经典酸菜鱼｜酸辣暴击！** 惊喜！估唔到串烧店嘅酸菜鱼咁高质！鱼片嫩滑到冇朋友，酸菜脆卜卜仲带天然发酵香。汤底酸辣平衡，偷偷哋饮咗半碗... 加埋粉丝索汁，真系忍唔住「umm」出声！ 呢餐完全颠覆我对串烧店嘅印象，由饮品到主菜全部有心思。最抵赞系食材原味够突出，调味唔会死咸，食完喉咙完全冇负担。工厦果然永远有惊喜！ #观塘美食 #工厦隐世店 #串烧控必收 #酸菜鱼上头 #蒜蓉邪恶度爆灯 #香港扫食 #抵食不分享对唔住自己 #坚丰厨房 #聪明烧 #foodie双重享受
继续阅读
估唔到呢间观塘工厦入面嘅串烧店有咁多选择👏🏻而且食材用料讲究，价钱都好合理👍🏻其实每串串烧都已经调好味😋但如果系重口味同钟意食辣嘅人士，呢度仲有唔同程度嘅辣椒粉可以加，好窝心呀！ 串烧：- 鸡横膈膜：$20呢个部位唔系好多串烧店有卖，肉质好有咬口，而且又有油香👍🏻 - 串烧日式烧豆卜：$18好难得豆卜都可以烧得咁脆，而且完全无㶶，劲👍🏻 - 鸡皮夹大叶鸡肉串：$24好特别，因为有鸡皮，所以啖啖肉嘅同时又满口油香 - 烧鸡皮串：$24超级脆！好似食紧薯片咁，大推！ - 日式烧鲜白鳝：$48用左日本嚟嘅白鳝，肉质好弹牙！ - 烧鱿鱼串：$22- 王牌烧菠萝：$24 小食：- 泰式生菜包新鲜猪肉：$78猪肉调味已惹味，酸酸辣辣咁，好开胃 - 蒜蓉烧原条茄子：$32海量嘅蒜蓉，而且茄子烧到软身，唔会干 主菜：- 蟹肉蟹子鳗鱼炒饭：$128个饭炒得劲香，但唔会油，而且好多料，啖啖都食到鳗鱼同洋葱粒，正👍🏻 饮品：- 鲜爱文芒果沙冰：$38用左真嘅台湾爱文芒果打成冰，好甜好香☺️ - 咸柠七：$20好refreshing! 而且用料无手软，咸柑橘味道好出，钟意咸柠七嘅人唔好错过！ 味道：🤤🤤🤤🤤🤤/5性价比：🤤🤤🤤🤤🤤/5
继续阅读
您可能会有兴趣的...