影片
港铁香港大学站 B2 出口, 步行约4分钟
继续阅读
电话号码
25032888
营业时间
今日营业
11:00 - 15:00
17:30 - 23:00
星期一至日
11:00 - 15:00
17:30 - 23:00
以上资料只供参考，请与餐厅确认详情
店名：塘西丰味馆私房菜地点：石塘咀德辅道西434号均益大厦一期地下4号舖今日黎开西环拍拖，以前小学读书个时，成日系石塘咀嘅创业中心留下不少脚毛，望住电车，望住西环海皮，肚饿时见到一间私房菜-塘西丰味馆，价钱又亲民，一于试试佢1.脆皮荔枝球 $218摆盘极度有心思，荔枝球炸起后吊在架上，真的好像荔枝一样，旁边再放一只招财猫，好得意，打卡一流；荔枝球其实系墨鱼肉，入口弹牙，老细话可以先食原味，再点酱试下，但个酱系荔枝汁黎，甜甜地好特别👍👍2.冰镇咕噜肉 $188第一次食用冰覆盖嘅咕噜肉，外皮冻入面热，好有冰火嘅感觉，咕噜肉大旧，肉质嫩滑，正；冰面上重有菠萝可以食，但切记要快食，因咕噜肉热，放喺冰上面，冰会融化，会浸淋咕噜肉表皮嘅脆身🤤3.冰川柚子鲍鱼 $62店家好有心思，用宝箱嘅方法上菜，入面放上干冰，打开时好像雾气涌出，超有惊喜，好特别；冰镇鲍鱼肉质弹牙，配上柚子汁，好好食🫣4.脆皮茶熏鸡（半鸡）$168茶熏鸡正，做法跟炸子鸡类近，肉质嫩滑，表皮酥化，加上使用茶叶熏制，入口有淡淡嘅茶叶香味，令人回味5.上汤虫草花浸时蔬 $88虫草花肥美，配上上汤烹调，加上白菜仔清清地食完之后，仲有糖水送添，当日送嘅系椰汁雪耳炖桃胶，椰汁味超重，雪耳谂身，桃胶有多，冇得弹🤗🤗
继续阅读
朋友生日饭，去咗一间相信系2025年度食过最好嘅餐厅，可以话系平！靓！正！作为私房菜，摆盘精致不在话下，味道非常出色。虽然叫私房菜，价钱只系屋村价。餐厅位于西环嘅塘西丰味馆私房菜，香港大学站行几分钟就到，店内外装修好有特色，8-90年代戏院风格，亦陈列唔少绝版嘅黑胶唱片。除咗食物值得打咭外，店内嘅陈设都值得去打咭。我哋点咗下面嘅菜式，除咗有啲我唔食嘅食物外，每食一啖双眼都比心😍，绝对唔系夸张。小食：麻辣青瓜/话梅花雕猪手青瓜我冇食到，因为我唔食青瓜。猪手我试左，虽然我都唔食猪手，估唔到系咁出色，味道够，亦带好香嘅醋味同花雕酒味。由呢两道出色嘅小食作出序幕；椒盐豆腐相信系我食过最出色嘅椒盐豆腐，金黄色嘅外皮，外脆肉软，亦唔会太咸，完全唔需要加任何嘅调味；惹味厚切茄子同样我唔食茄子，我唔知咩味，但纯粹观赏，我都觉得整得好靓，相信味道都好出色；汤水：杏汁菜胆炖猪肺汤奶白嘅汤汁，杏汁带清爽，加上鸡同猪一齐煲，够浓郁而唔会咸，猪肺洗得好干净，大部分嘅猪肺都比我食哂咁济。以我系汤控嚟讲，呢个汤真系令人惊叹，点解可以煲到咁好味；主菜：冰凉柚子冻鲍鱼非常靓嘅摆盘，鲍鱼煮到刚好，够弹性，柚子汁藏响鲍鱼下，运送期间漏咗啲出嚟，感觉蚀咗。特制嘅柚子汁配冰凉嘅鲍鱼，感觉好清新，估唔到柚子汁加鲍鱼可以咁夹；荔枝墨鱼丸一道好可爱嘅菜式，我好钟意招财猫，净视觉上已经感觉到丰盛。我初时唔知系墨鱼丸，因为做得太似荔枝，估唔到系墨鱼丸，仲要系食过最出色嘅墨鱼丸，外脆金黄嘅外壳，内心竟然系咁柔软，好似一条新鲜嘅鱿鱼响口入面游走；上汤虾球伴脆面一道好精彩嘅菜式，面够脆，尤其佢个汁够出色，到上佢特制嘅汁，味道刚好，我系怕食芡汁嘅人，但我敢讲，对佢呢个汁绝对唔会反感；蜜汁金薯花尾龙趸球我初时以为系又咸又甜嘅菜式，佢个味道系刚好，唔会过甜或过咸。鱼有鱼本身嘅香味，并唔系坊间食到嘅雪味；炸子鸡呢个同我响海悠食过嘅真系有比较，我唔敢讲佢系最出色，但都数一数二，外脆肉嫩，味道偏淡，就系为咗要点上淮盐去提升味道，呢一方面大厨谂得好周到；糖水椰汁炖糖胶好香椰子味，虽然已经好饱，但都成碗食哂佢。塘西丰味馆私房菜不论食物质素、装修、卫生及服务等，都值得比5星⭐️⭐️⭐️⭐️⭐️。塘西丰味馆私房菜 (西环)西环石塘咀德辅道西434号均益大厦一期地下4号舖
继续阅读
这家小店的食物质素非常高，令人惊喜！今天，我们五人首次光顾这家小店，食物的质素让我们感到惊喜。服务员端上「脆皮荔枝墨鱼丸」时，乍看之下还以为是真荔枝，原来是巧妙仿制的墨鱼丸，外观相当别致。这道菜还搭配了荔枝打成的汁，增添了清新可口的风味。平民小店，价钱实惠，但真有高级中菜的水准！
继续阅读
支持本地高汁小店 ，黎左五六次 ，都要真系比返个超赞呢间隐世小炒店。高汁菜 平民价，好过长途跋涉去深圳食元素周期表落肚啦。服务又好，仲惊喜送超好甜品，唔够喉可以去埋七分钟距离既滔滔甜品。强推足料黑䒬汤 ，烟熏鸡👍👍👍👍👍⋯⋯ 仲有荔枝角球，全名唔记得。老板仲free 开瓶费一支，同埋几好 无限时无赶客，星期六都可以无限时坐，唔赶客（好感动🥲） 不过小菜太多食过都好高汁，最好四五个字来先可以叫多啲食 ，唔写个好评对唔住个厨🤣🤣
继续阅读
Lunch谂唔到食乜，行过见到呢间就入左去，都抱住就试下心态。 入座/等位：三个人将近一点，好左都有位。 入面其实都满满地。环境：估唔到入面系港式旧电影风，你会见到好多港星（例如：张国荣）嘅大型海报/相。空间都唔算迫。 食物：一坐底未落单，佢就上左汤。应该系午餐送/跟嘅，系蕃茄薯仔汤，系唔错的！无味精感！ 我叫左午市套餐嘅干炒猪颈肉，$66。 佢河炒得有镬气，唔会太咸太油。只系份量唔算超大份，真系一人份差唔多。 朋友就叫左果肉饼饭，$60。偷吃左一啖，啲肉饼系扎实有汁，不错不错。 总结：佢午市套餐算抵又好食，但就唔系share份量又，预一人食就啱啱好。
继续阅读
您可能会有兴趣的...