壹碗車仔麵

营业中

休息中

一入到鋪見有兩個應該係操歐洲語言嘅外國人食，後生女店員好禮貌安排入座，隔離枱幾個女人食完碗麵再加單嗌淨餸再食，我就嗌咗淨餸，有豬軟骨，豬皮，牛筋，韮菜餃，腩汁中辣多蔥，全部都好味，係多蔥唔夠多，會再幫襯，加油！

馬鞍山小區唯一一間車仔麵麵檔2名女員工態度及語氣十分差兼歧視呼喝客人必須坐指定位買事發中午午餐時段我們2人去該店午膳入店見有4人空位，本想坐下點餐當場給一名女員呼喝「不能坐，必須同人撘枱」本人十分理解香港租金昂貴，生存不易我都接受撘枱並下單但後來又有2人進場就可以立即坐到4人空位然後1人進場又可以安排2人空位這是妥妥的歧視我就與女員工當場理論2名女員工語氣10分差及態度惡劣「我們先進場，就得聽他們安排」但學劉德華話齋，今時今日呢個服務態度點得後來有一位男職員看似話事人跟我說不好意思不過我都不想和他們理論了現在很多人北上消費都不是沒有原因的有時候不是老闆不想做好，而且給員工拖累

馬鞍山的優質車仔麵店👍久違了的出色小店，舖面舖內乾淨企理，感受到師傅用心去做，看得出店家在選材和烹調方面花了不少心思，麵質煮得軟硬剛好，鍾意辣的朋友記得在點單紙上打圈，大中少辣任君選擇，點了豬紅（有口感）魚旦（好彈牙）牛筋（夠入味）瑞士雞翼（夠嫩滑）味道很不錯…韮菜餃特別出色（皮薄喊靚）👍雖然位於地舖，但定價很親民，平民價錢！優質出品！👍這天9:15pm才到店堂食，店舖已接近收工了，員工仍好好招待，值得讚揚👍香港美食天堂仍然存在👍

第一次試叫左豬腸、魷魚頭、通菜米，少辣。基本上味道好好，都好座，環境乾淨！份量我叫左扣底都仲好大碗，餸量唔算多，款式就好多，而且都算貴價野嘅！特別想讚個魷魚頭，雖然係寫頭，其實係鬚，但好好味

基本上 一星期起碼食兩三次 唔喺堂食都會外賣返屋企 屋企人都好鍾意食呢間車仔麵 有時買幾碗返屋企 又一餐 性價比真喺高 推介香茅豬頸肉、蘿蔔同冬菇 都喺平時嗌開 今次堂食一於試下其他餸秘制豬軟骨 非常入味火候岩岩好 唔太淋唔太硬 食豬軟骨最理想喺啲軟骨煮到仲係爽口 咬落去先過癮 呢度絕對符合我所諗嘅 份量仲好足 大大舊 😋瑞士雞中翼有兩隻 肉質都幾滑 同埋好入味 甜甜地 唔錯 豬皮都可以話喺車仔麵餸必食之一 呢度做得都算唔錯 咖喱味好出 質地又夠爽口 今日第一次叫左河粉 質地軟滑 我見呢度仲有車仔麵少見嘅瀨粉 下次試下先 湯底方面 圈左 腩汁加小辣 呢個組合加埋蔥 冇得輸 🤪支持小店系列 一定會繼續幫襯🤤試晒咁多款車仔麵餸😎

平時都喺買開外賣 第一次入嚟堂食 原來堂食喺仲好味😋 8點零鐘黎到 堂食都仲有好多位 沙發位 車仔麵舖嚟講 算坐得舒服 一口氣嗌咗5個餸 蘿蔔：又冧又甜 支竹：夠索湯 我覺得呢到嘅支竹喺好食過譚仔嗰隻 呢兩樣都喺每次買外賣都會嗌 試吓新嘢😎土匪豬扒：嗰陣孜然味真喺好香 炸完都喺咁多汁 下次再嚟會直頭嗌一份小食先得 牛肚：平時食開柱候牛腩 今次轉食牛肚 炆得夠冧身 但仲保持到爽口 難得 呢嗰有驚喜 麻辣火雞腎：分開裝比嗰讚先 啲火雞腎夠入味 如果可以再麻辣啲就仲正 仲有一樣喺麵底 第一次堂食 試吓唔喺平時食開嘅麵先 最後嗌咗河粉 又一驚喜 喺幼身嗰隻 滑得嚟爽口 加咗腩汁同辣汁 正 堂食比起外賣喺真喺另一種體驗 食完好飽肚 成碗清乾淨 呢嗰價位 喺譚仔食應該唔止呢嗰價錢 堂食又多嗰選擇 性價比好高 下次同朋友嚟 多啲人 試埋佢啲小食先得😋😋😋

平時食車仔麵 都要特登走出去 榮記ah永年個啲 終於比我搵到一間係附近 唔使周圍走 問落先知 原來都開左一段時間 第一次食 試下啲基本野先 蘿蔔豬皮豬紅 加多個牛筋 出乎意料地 樣樣都好正 估佢唔到🤣 蘿蔔煮得夠冧 豬皮啲咖喱味又夠頂癮🤤 呢個質地嘅牛筋係最愛 炆得夠身 但都仲保留咬口 食開車仔麵都係嗌油麵 今次就試試米粉 又好爽口喎 餸埋啲車仔麵餸原來都幾正 又一新發現😆 食車仔麵 一定一定要加嘅係腩汁 同辣汁 好彩 佢都冇令我失望 個湯底唔錯 下次再黎都一定都會嗌辣 食完好開胃🤣 食完呢個四餸麵真係好滿足 一定有下次！仲有好多餸想試🤤🤤🤤多謝你開係MOS🥰

附近開左間車仔麵一直唔得閒買黎試 ，今日終於可以買個外賣返屋企試試佢 嗌左個四餸麵好少可車仔麵有瀨粉揀，見到呢到有，即刻嗌左，呢到嘅瀨粉唔會碎濕濕，口感幾彈牙香茅豬頸肉-香茅味幾出，好厚肉，口感都唔錯☺️甜酸齋-一直覺得車仔麵唔夾甜酸齋，但係有次同fd食，試完一次返唔到轉頭，食親車仔都要嗌，呢到嘅甜酸齋個味都唔錯，浸落湯度索晒d汁幾正🤤蠔油冬菇-大大隻好厚肉，咬落好滿足😍 唐生菜-諗住健康少少加個菜，同埋用黎索湯汁一流揀左加腩汁同辣汁，唔係好食得辣，揀左小辣，對我黎講都辣辣地🤣 不過撈埋個湯底 個味好有層次😆 p.s. 原來夜晚送野飲 即刻覺得勁抵 仲要咁近 翻食指數好高 😍😍😍

喺馬鞍山搵到入到口嘅嘢係好難得，本身去咗馬鞍山嗰間Cafe食咗個好難食嘅飯，完全唔夠飽因為冇食晒，之後走咗去附近行吓睇吓有咩食，之後發現有間車仔麵就入咗去，叫咗碗三餸麵。份量大小啱啱好，叫咗豬腸，雞翼，麻辣腎片。豬腸好入味，完全冇異味，好好食。麻辣腎片好開胃，下次會再嗌雞翼正常，都幾大隻。油麵唔會太淋，岩岩好。我覺得辣汁可以再辣啲同濃味d腐乳通菜都好爽口好好食，腐乳唔會過鹹整體來講，價錢合理，味道可以，食完唔會狂飲水，會再去幫襯

Lunch試食呢間新開嘅車仔麵，叫左三餸一麵$43，熱飲加$6，外賣加$1，共$50。餸叫左土匪豬扒、紅腸、甜酸齋粉麵叫左瀨粉湯底叫左腩汁、小辣、多蔥土匪豬扒好香土匪味紅腸居然係厚切，甜酸齋都大大舊，甜酸齋個人覺得好好食好夠淋，出面有啲質地太結實同酸甜度唔夠balance，呢間嘅甜酸齋所有野都好平均，食開米線但呢間無米線供應就叫左瀨粉，瀨粉份量足，湯底幾濃味，整體覺得好味，對得住個價錢，會再幫襯。

喺馬鞍山終於揾到好食嘅車仔麵，以前去開富輝天河食，可惜執咗，之後都唔知喺馬鞍山邊度食車仔麵好⋯⋯手痕喺OpenRice search一下發現呢間車仔麵鋪，叫咗個三餸麵，湯底要辣汁小辣加$2蚊沙嗲汁，再叫多個沙爹三寶，個湯底冇得輸，豬紅 豬腸好好味，食得出唔係用cheap料，個沙嗲三寶都唔錯，牛栢葉爽口、魷魚夠新鮮👍由於我對食車仔麵比較腌尖，就膽粗粗同老闆(應該係，除非唔係🤣)畀少少意見，就係午餐肉如果炸一炸或兩面煎一煎會更佳，佢冇嫌我麻煩仲好好禮貌咁認同我，車仔麵檔做到好食兼有服務真係少之又少，所以我一定會經常幫襯，等我呀老闆👍👍😂