壹茶

营业中

休息中

由初開張已經 keep 住幫襯，好鐘意飲佢個「夏日火龍果」同埋「西柚沙沙」，介紹咗俾啲同事，同事每日都會一齊叫外賣，但自從有幾次不愉快嘅經驗之後，已經小咗好多叫依間，叫其他果幾間。主要都係某位送外賣嘅姐姐每次嘅態度都好差，每次來到都講唔好聽嘅說話，次次都由得佢，但噚日又嚟料，話唔見人去拎... 而事實上無人會企係門口等人送貨，未見到人已經收到鋪頭發短訊過來！出到去又俾說話我聽... 😑... ... 想飲杯嘢啫... 唔駛下下都西口西臉話人阻住你返鋪頭呀？送貨果位態度勁差！（係高大果位小姐態度差，其他果啲都好有禮貌）

今日 (20-7-2018 Fri),女同事CY突然話想飲珍珠奶茶,我就同佢lunch時一齊出去買,佢話好多時聽到啲人話呢間o既珍珠奶茶好飲,咁就試吓啦.搵到喇,我o地要好普通正常o既珍珠奶茶,size係中(只有中同大),一杯賣$20.00,因為收錢o個位問我o地使唔使減甜,我答唔使.買完飛等叫No.,但螢幕係漆黑一片,冇o野睇,等o左約4分鐘都冇人叫我o地No.,CY話應該唔使等咁耐o架?於是走去睇,原來已經出o左,完全聽唔到有人叫.=.=”拎到手睇,顏色唔深,而味道,唔太甜但完全冇茶味,只係淡淡o既奶味;,珍珠似係黑糖,唔夠煙韌,開始變得好腍.唉!CY誤信流言啦.味道係0.1分

石門開了很多餐廳就同朋友過嚟行吓，呢排天氣好熱，行行下俾我哋發現左呢間一壹茶。呢度太多選擇啦，但係店員好耐心介紹比我哋聽，最後我哋選擇咗水果茶系列。全部有新鮮水果製作，啱晒我同啲姊妹，好清新好好味，下次會再嚟幫襯。

第一次光顧，今天試了夏日火龍果 (凍），真係好靚，但一開始無影相，補張醜ge...唔好介意🙈。茶底好味，不太甜，底下有嚿類似橙ge柑桔類水果，好fresh，上面用紅肉火龍果，好靚，不過冰就多咗少少。$25，值！