壹間

营业中

休息中

高CP 值既酸菜魚米線行過火炭，裝潢環境雖然一般，但酸菜魚米線，CP值都幾高 ，50幾蚊勁大碗，魚肉又滑又多，配料足：有萵筍，芽菜，木耳⋯ 仲送豆漿，唔知食咩都可以試下👍🏻

之前食過好幾次呢間嘅外賣食過酸菜魚米線、口水雞米線都試過佢嘅水煮魚覺得味道唔錯👍🏻·最近咁啱去火炭做嘢就諗住去試下佢嘅門市會唔會再好味啲結果搵左好耐搵唔到喺邊最後喺斜路搵到好細一間門店 同埋要落樓梯 行去地面以下先係鋪頭·店鋪好細第一下感覺都比較狹窄勉強擺到兩張細嘅四人檯旁邊有啲吧檯位貼墻衛生環境一般見到有客人食完之後都冇即刻執檯同埋有烏蠅小蚊飛來飛去𓆦不過嘢食真係唔錯嘅😍叫左酸菜魚米線分量超級大感覺兩個細食嘅女仔食一份都OK👌🏻味道好香👍🏻油潑辣子 芝麻同干辣椒味非常正宗碗面唔算好辣 個人覺得啱好口水雞同涼拌木耳就一般調味好好食不過涼拌木耳居然係熱嘅🫠小小唔知係點😂😅但都係分量好大 食得好飽·店員態度唔好好hea不過性價比好高咁大碗面竟然唔洗50蚊😧仲有一杯豆漿送CP值黎講 係非常抵嘅

今日叫左個 外賣 酸辣薯粉 中辣 加肥牛 豬耳 腩肉 再加底 睇呢個軟件 D賣相 和份量都唔差 點知中伏湯底 無咩酸辣味 好普通 又無炸花生 又無芫荽 、D餸份量都好少 肥牛2-3舊 豬耳4片 腩肉都有4舊 份量稍為正常 但都唔係好濃味 薯粉 真係份量好少 好彩我叫埋加底 埋單72$ 咁既價錢 份量少都算 仲要味道好普通 D豬耳切到好薄 成張紙咁薄 做工業區飲食 咁既價錢都唔捨得俾多少少暑粉和餸 好難做到熟客 去繼續光顧 可能佢D米線 會好少少 但我唔會再光顧 我都係第一次叫呢間 酸辣粉

甘岩係火炭續完護照，食晏時間又見肚餓就搵下有咩好食，見到呢間有米線食就試試佢，集下郵。鋪位就唔係好大，得少量坐位，應該都係做外賣為主。睇menu，見鹵豆腐係必食，所以點左個鹵豆腐同鴨血，本身我以為係鴨血係帶麻辣味，食辣bb既我就揀左番茄濃湯，就無再加辣。等緊既時候，聽到隔離d人係甘講好味過譚仔，又見到好多附近番工既人等外賣，我都滿心期待。首先講左鴨血，係無味🥲，原來係無用麻辣湯鹵過，成件事好raw。個鹵豆腐就比較油，但都幾吸湯，但就唔係好覺有鹵過既味道，至於湯底都重番茄味，但唔至於去到濃湯既層次，偏鹹。整體黎講，34蚊甘平我係無投訴，但就未必會再試。

話說我地係IVE讀書嘅學生Lunch time唸住叫外賣食見到尼間鋪頭嘅野食好吸引😍唸住叫外賣起初見到open rice有一個負評同中評🥶仲覺得自己係咪以身試伏。無乜點期待佢會好食外賣一度延遲左20min我地得翻半個鐘食跟住我聯繫送外賣嘅先生我話我地得半個鐘lunch唔好意思可唔可以快d🥲💔佢就話雨好大我趕快我回佢話小心d麻煩曬🥰我地攞外賣果陣佢仲好熱情話對唔住遲到左叫我地快d去食午餐拉無時間啦。行翻佢嘅途中先發現店家仲送左豆漿比我地😳💜ロ水雞酸辣米線酸辣湯底做得好正ロ水雞似係三哥嘅口水雞翼得好好食麻辣鴨血係真係正!!!😆係麻辣火鍋入面果d嘅味道新鮮好食！大家食麻辣米線同番茄米線嘅都覺得味道不錯唯一係紅燒牛腩飯嘅肉有少少酸希望店家可以改善〜整體黎講都好好食我係玻璃肚食完亦無任何不良反應！我地有機會會再幫襯❤

今日叫delivery app見到呢間未食過，仲有20% off，所以就試下。我們四個同事，一人叫一碗米線，再加一個口水雞。口水雞發揮正常。我們有三個同同事點了自選米線，三個都叫酸辣湯底🙈個湯底就出事了。完全沒有酸味，只有死咸味😭😭我地各自點不同的餸，蘿蔔完全無味，好似只係刨皮剝熟。牛腩大腸就無乜特別。所以最大問題就係個酸辣湯底。另外一人點蕃茄湯都偏咸。希望可以改善一下🙇🏻‍♀️因為外賣，所以無影到相。🙇🏻‍♀️🙇🏻‍♀️🙇🏻‍♀️

於foodpanda落單，等左一個鐘都無外賣到，之後打電話去餐廳問，第一次答我車手已取餐，已付款，第二次再打電話去問，又答我無收到呢張訂單，究竟邊個答案先岩？我地全部人等左足足90分鐘都無飯食，lunch time都過埋，究竟呢間餐廳點做野架？一時一樣連有無接單都唔知，我地淨係想食個午餐都咁簡單都答我唔到個餐去左邊，就白白等左90分鐘都無飯食，平時訂餐已經成日俾錯湯底，一時勁辣一時無味，今日直情唔知接左張單未，呢間餐廳我以後blacklist唔會再幫襯

每次叫這間餐廳的外賣都能維持高質素, 米線同湯分開上, 加上送免費飲品, 性價比十分高。 鹵豬大腸酸辣米線外賣包裝分湯和麵, 豬大腸舖滿了整個碟, 餸和米線的份量非常多, 大腸夠肥有咬口, 湯少辣, 有好多配料, 酸菜, 蔥花, 最欣賞是竟然有肉粒和半隻蛋, 湯底非常香口野味。 下次我會再試其他米線👍👍好味指數:😋😋😋😋打卡指數:😋😋😋😋大份指數:😋😋😋😋性價比:😋😋😋😋(5😋為最高分)

今日放咗工之後去咗火炭工廠大廈都好一段時間冇去練習教會嘅敬拜練習, 去辦公室之前當然要食個晚飯先, 佢芸芸嘅食街餐廳當中我選在一間食米線嘅.  米線當中我主要見到有兩款一款就係去預先安排好送嘅米線另一個就係自選嘅, 我就揀咗自選因為我次次食米線都係揀腐皮同埋雞絲, 但呢度竟然冇雞絲, 所以我諗極都諗唔掂點組合, 最後揀咗腐皮同埋午餐肉, 點咗小辣嘅酸辣. 呢個小辣一啲都唔辣, 所以唔食辣嘅朋友可以唔使驚, 酸菜嘅份量都不少. 每個餸係六蚊, 這一個午餐肉只有半片為一個餸, 自己覺得有少少貴, 但腐皮嘅份量多返啲心理都平衡啲, 呢間米線嘅湯底唔會好濃烈，可能我係一個重口味人士所以唔會好慣.可以一齊嘅係餐廳嘅裝修但係都有點小清新嘅裝飾, 店主亦好有禮貌, 喜愛支持小店嘅都不妨一試.