壽司仔

营业中

休息中

其實以往多數買大超巿的外賣壽司不過近來覺得細店更抵食慢慢多向細店買壽司今次路經這一間壽司仔第一次幫襯 感覺唔錯因為已七點多開始特價 $53買到一盒十二件的三文魚肥但不夠厚赤貝厚但不夠爽 甜海膽唔錯 甜而冇怪味 份量多d更好有個我以為係辣味三文魚的東西食完我唔知係乜但味道幾特別 因為好有薯片的味道最欣賞係d細節位個盒以有用保鮮紙包住 飯的水份唔會比雪櫃抽乾有時食依d細店不好的地方是自選壽司open 咁放起雪櫃 壽司飯一直比抽乾水份 食落差好遠此外這間用的豉油是比較甜 我鐘意會再幫襯

將近收工路經此店, 見到店鋪都算乾淨八卦走入去睇下有咩岩食, 最後就買左盒魚生飯回家作晚餐.雖然三文魚刺身唔係我喜歡既厚切而且帶點薄片, 但魚生更重要係夠新鮮與否此店既魚生都算合格起碼 夠新鮮三十元一盒魚生飯都算抵食, 下次有機會再來都試下佢地既多款不同既壽司.

估唔到呢間外賣壽司店可以食到一d新鮮既魚生..同埋佢唔算係好貴..價錢都好大眾化..除左壽司同刺身外..仲有生蠔食..呢度d珍珠蠔蠔味濃郁..帶點鮮甜..唔係太大隻可以一啖食哂同埋買火灸系列既壽司,d師傅係即叫即燒,如果即場食仲會仲好味d添係大埔黎講都幾難搵到..所以大家都值得去試一試

當晚order一set剌生和壽司各一盆在店內等候製作後取走,當時店內員工一邊製作壽司一邊製作剌生悶悶地便看看側邊的現成食品雪櫃有冇其他嘢想買,,後來我再買蟹子一盒才找數,但在牆上貼住一將通告話買滿指定金額便送清酒一支,於是便向員工索取,另一位員工很不滿地說PACKAGE冇得送,但通告是滿指定金額($400),我很不滿他們的態度和不誠實以後不會再去幫襯.

同媽咪早餐食到好飽, 午餐買個撈撈冷麵, 加幾件壽司就夠哂!呢間壽司仔係外賣店, 但店內都有張高枱比你响度食, 估唔到幾蚊件壽司都會有意外驚喜! 同市面上一般嘅機製壽司完全唔同, 呢個嘅壽司飯係手握嘅, 口感完全唔同, 價錢亦相當便宜, 好多款都係$3-$4一件, 帶子、劍魚腩或火炙系列都係$6一件, 連有三片三文魚嘅花之戀都只係$8, 就算每款都只係買一件都得, 真係好抵食!中華沙律($3) - 正常味道芥辣八爪魚($3) - 好鍾意個陣芥辣味, 剛好!螺肉($3) - 切得好碎, 無乜咬口三文魚($3) - 唔算`厚, 但都幾肥美鰻魚($3) - 慣咗成條鰻魚咁食, 咁樣切... 好似好薄劍魚腩($6) - 再肥美D會更好帶子($6) - 幾鮮甜喎~海膽($9) - 比想像中新鮮, 雖然海膽唔多, 但味道都唔錯!花之戀($8) - 有三片三文魚包住舊飯, 抵! 三文魚都幾新鮮, 但略嫌太多沙律醬, 多番D蟹籽會更好!!總括嚟講, 抵食得嚟, 真係有驚喜!