壽司郎 (無限極廣場)

营业中

休息中

⭐️ 壽司郎 (上環)📍上環德輔道中199號無限極廣場2樓201號舖紅日的晚上五點攞飛都係等到八點先有得食🌃 人潮比起啱啱開無減少到😅 但係可能因為新鮮感少左😅硬係覺得質素無以前咁穩定🌝 Nevertheless以CP值來計算 壽司款式好壞各一半 還是可以來試試💰⭐️ 特大虎蝦天婦羅卷 🍤每次必點😋 大大塊炸蝦啖啖肉😍⭐️ 三文魚 🍣Size 比較薄 但比起其他舖頭相對無腥味🌊⭐️ 蔥花吞拿魚軍艦 🌱蔥花點綴左欠缺的魚油香 整體都夠鮮味💚⭐️ 日本產帆立貝 🐚同樣唔夠鮮味 但口感合格👍🏻⭐️ 蝦三味 🦐另一款必點推薦‼️勝在一碟試曬唔同口感既蝦 ⭐️ 天然藍鰭大吞拿魚腩 🐟發生了小插曲😅 原本果舊拖羅超瘦 🌝叫佢換完果然唔同了👍🏻 果然有半溶在口中既感覺💕⭐️ 玉子燒 🍳甜甜地既玉子好難會唔好食🤣⭐️ 壽喜燒牛排 🥩肥肉份量比較多 唔係好試到肉既口感⭐️ 炙燒吞拿魚扒 🔥完全不推薦🌚 切得太薄口感奇怪⭐️ 宇治抹茶味卡達娜拉 🍵也是每次必點的甜品🍮甜度適中好Creamy🎂 抹茶味特別能中和甜度

壽司郎好出名，如果好掛住日本嘅壽司，可以試下食呢一間，高品質。但因為好多人食，需要預早時間拎籌，而且APP不接受網上拎籌，必須親身去。我們是早上去拎籌，中午就有得食。價錢中規中矩，但質素真係冇得輸

𝕊𝕦𝕤𝕙𝕚𝕣𝕠🍣🍣相信壽司郎都唔需要多介紹一間性價比高嘅壽司鋪只可惜 港島只有上環一間分店Lunch hour 12點前過嚟都要排一個鐘侍應為每枱客人帶位後都會問一次有冇食過壽司郎如果無就會仔細講解點餐 結帳等流程👍🏻之後仲會為你推介時令小食😋特別推介下拖羅同鰻魚😍😍😍油份足夠 入口細膩的感覺反而甜品嘅焦糖蕃薯🍠同埋日式蒸蛋有少少失望🙍🏻焦糖蕃薯🍠外表ok 但係入面好「林」好似放咗好耐咁🥴日式蒸蛋就唔夠滑😞但配料搭夠👌🏻Overall黎講質素都唔錯👏🏻

喺朋友嘅鼓勵下終於的起心肝 去朝聖啦朋友幫手等咗好耐點知我去到都係要再等來來回回應該有成三個鐘 等到人都癲心情極差 其實佢係有位俾人邊等邊坐嘅但係真係full到一個點之前我已經發現佢係有個app嘅 入面可以預先訂位 但最伏嘅係個app會顯示幾個月之後都依然係可以全部full Booking 我真係心諗有冇咁多人想食架 仲要間間分店都咁誇張喎 不過好啦而家直程連嗰個遙距取票嘅function都冇埋🤩點菜系統都User friendly 容易上手嘅的而且確佢嘅嘢食係幾新鮮嘅尤其係魚生 上菜速度咁多客人來講都算係好快 價錢上面其實算係中等合理但係絕對唔係去到好抵嘅程度自己印象比較深刻嘅係佢嘅海曼壽司真係好多鰻魚汁同埋條海鰻真係超長 蟹膏蟹肉壽司係唔腥嘅 另外都幾出色嘅係佢嘅拖羅同埋後設吞拿魚個脂肪分佈好均勻食落幾有滿足感 帶子嘅口感都係幾爽嘅 其他壽司其實同其他壽司店差唔多水準

自從壽司郎開咗之後好耐就冇去過另外一間連鎖壽司店！因為壽司郎確實平啲仲要新鮮好味啲 😹 上環呢間嚟過好多次、平均要等一個鐘左右 🤪 今次再嚟係為咗佢呢個海膽拌麵雖然新鮮海膽份量唔多、但係加埋佢嘅海膽醬連埋啲冷麵食落去真係好鮮味好正！值得encore 😘

不停補飛，根本預計唔到時間，以為多半個鐘一個鐘就得，就要多個半鐘以上。仲要為左一個話自己有12人嘅飛hold左勁耐枱，慢慢先儲夠三張枱比佢地。 之後過左張12人枱嘅飛，果班人係過左20幾分鐘後，但可補飛嘅30分鐘內到，之後d四人枱又要慢慢比佢地入。性價比高如果不計時間，但係無需再食。

上次試過葵芳的壽司郎令我不停的回味，所以今次行開上環，就試埋呢間，我下午16:30到取號，大約17:30到就到我啦，大約等左50張台到。上次的赤身令我回味，但今次的赤身就冇葵芳的禁新鮮厚度都較冇葵芳禁厚，顏色方面都冇禁鮮紅。我地又叫左個$27的吞拿魚腩，有少少根不過真係好味！好肥，成口魚油！正。呢個係1.5倍的鯛魚天婦羅壽司，好大的一條魚，不過大家要記得攞埋個天婦羅汁先好食，如果唔係會好乾，不過$12好抵好大條。我地重叫左呢個甜品，雪糕係牛奶味，其他配料就好普通，都係卡達拉娜好味d,不過我去個日沽清冇得食。

壽司郎出名壽司質素同日本一樣，好似去咗日本旅行咁，所以一直都好多支持者。早上11點半攞飛， 周圍行下街，行去信德中心，又行去ifc，等咗三個鐘，到2點半先有得食。魚生係幾新鮮，不過飯握得唔係好實，一夾就散。刺身幾抵食，有六款唔同口味， 都幾大塊。焦糖蕃薯條，原來係凍嘅，出面用焦糖包住番薯條，外面脆卜卜。最好味係甜品：卡達拉娜焦糖好脆口，下面嗰層有點似雪糕和軟綿的雲呢拿味嘅芝士蛋糕口感(沒有芝士味)，果然係壽司郎名物。😋不過要排三個鐘，值唔值真係見仁見智啦。

在下午茶時段比較少人，終於可以一試壽司郎。先點最受歡迎的大拖羅，顏色很美麗，吃下口都油潤，有魚香，但始終不是我心目中的大拖羅。之後點了秋刀魚，都幾有魚香，味道濃郁

壽司郎！😍食物水準和店內環境會讓人感覺去了次日本呢！幾乎每個月都會吃一次😋 雖然前陣子沒趕上吞拿魚祭的限定壽司，其他美食也同樣令人感動呀，尤其是仙仙的白桃芭菲🤤

無論壽司郎開左幾多間分店，都仲係咁多人去食，就知道d壽司質素幾咁高🤣11月主題係【大大大祭】，好多款食品都加量不加價，抵！ 特別推介🍴大切特選大吞拿魚腩🍴厚切中吞拿魚腩睇相都睇到有幾厚阿🤤完全遮住左下面舊飯，油脂分布係大拖羅靚d既，但其實2款都好肥美，新鮮。 🍴蟹膏軍艦蟹膏帶有鮮味同少少鹹香，最重要係唔會腥。 🍴厚切燒鯖魚壽司呢款魚又係好厚😆，醬汁既味道入晒鯖魚入面，仲有少少燒烤既香味添👍 🍴茶碗蒸蛋蒸得好滑溜，湯汁都非常鮮味，入面仲有一粒帶子。 🍴1.5倍份量卡達拉娜類似焦糖燉蛋+芝士蛋糕既質感，好creamy，好味。 仲有熱食都唔錯架，薯條係新鮮即炸，熱到辣口，香脆夠味😋 壽司郎真係性價比好高既一間壽司店，每人百幾蚊一定食得飽，仲要壽司質素高，只要預啱時間拎飛，真係冇咩野好挑剔。

食過兩間分店 一間係黃大仙一間就係上環當你諗住平日嘅兩三點排隊少啲人完全係一個錯嘅概念ಥ_ಥ！無論係任何時段都咁多人除咗一早吧廢話少講先講一下壽司！當然我又係唔記得晒D名～但係唔緊要睇圖就會知道食梗咩😂！佢有個壽司好好食雖然油份重佢就係入邊有葉！係魚既邊位～我食左4舊😂真係好好食～至於拖羅同海膽都不錯已而個價錢～仲有蒸蛋都ok！但係就千祈唔好食佢期間限定嘅海膽烏冬真係非常之唔好食！！！仲有佢嘅甜品雪糕蜜桃🍑！5錯但係唔好蝕到底因為佢嘅蛋糕唔好食😂

一路想試，但實在頂唔順條隊。數個月前曾經平日五點幾攞飛，等到成八點都未入得。結果放棄咗。之後發現有朋友響附近返工，今次有得食因為佢5 點鼠落去攞飛，睇住個app，估唔到5點9後突然發癲叫得勁快，6點鬆啲就有叫我哋飛。好彩佢半粒鐘內可以補飛，結果7點半就有得食。Wasabi 係普通料，但好高興見到檯上除咗有日本豉油，仲有醋，食白魚點醋先係正。原來一次只可以響個pad 度最多叫4碟，連天婦羅啲汁，另外鹽都算一碟。好在啲嘢黎得超快。選擇比千兩多好多，有啲魚都未試過。魚生黎講份量有啲時大時細，拖羅好肥大但我鐘意食嘅秋刀魚就比較細，好在佢個飯偏細舊，食落都ok. 飯都唔錯，微暖，但有人可能會覺得唔夠醋味。大部分刺身都中等質素，都睇得出夠新鮮。有人介紹食鰈魚鰭邊，雖然幾特別但個紫蘇葉個味太勁，遮咗個魚味，我實在麻麻～估唔到佢啲炸嘢都算唔錯，係即叫即炸，不過天婦羅蝦隻蝦真係好細，但南瓜就大舊，仲有冬菇。我寧願佢俾我齋叫天婦羅蝦，我叫多幾碟唔洗俾逼食南瓜。炸章魚都幾好味。日本炸蕃薯係凍同淋嘅，唔好味。食咗N次嘅朋友表示食過幾個甜品都ok. 每食一次每人會有個印，但每個印會只會吸響一張卡度，大概6個印就

壽司郎🍣🍣🥸寿司🍣 寿司🍣我自細都鐘意食😍自從唔食元気之後係香港已經好耐無食過迴轉寿司啦估唔到壽司郎竟係香港開左咁多間分店實在係太好啦一入到去叫籌開始已經好有日本Feel好掛住日本呀呀呀服務態度超好真係好似去左日本咁食物質素就中上啦仲有得用個機叫壽司等個壽司坐自動車黎你張桌同時又可以係個迴轉壽司位拎自己想食既環境真係加晒分一句講晒 平靚正性價比高再戰寿司郎 😍不過就真係要早少少去排隊如果唔係都唔知要排幾耐

壽司郎紅到不得了，當初得佐敦一間分店，香港地幾乎所有人都湧去嗰度食，當初開咗三個月我一開門就去排都要排三個半鐘，過海食咗兩次之後懶得等得唔耐煩就去冇食，今年年頭係港島(屋企附近)開咗就心痕痕，而家基本上為咗限定Menu一個月都會食一兩次係上環開大半年左右食咗差唔多十五次左右，除咗有段時間怠倦期無人等之外(淨係試過兩次哈哈)，平日最快都要等半個鐘，最長等過三個半鐘差唔多四個鐘不過，品控&魚生水準同佐敦岩開嗰陣好大分別，肉眼睇得出hea好多，魚生切出黎一岩一忽明顯就唔係做開Japanese restaurant師傅切，懷疑開得太急請唔切師傅$12 蔥吞拿魚碎軍艦，平靚正$12 炙燒左口魚裙邊，油脂豐富嘅白身魚，飯同魚之間夾住半塊紫蘇(超愛紫蘇葉)，正到喊$12 長鰭吞拿魚，張圖嗰兩舊真係切得好樣衰，不過好嫩$22 兩舊鯛魚，都係切得樣衰，有三舊因為當時奧運贏獎牌搞special event加量唔加價送多一舊，鯛魚唔使多講，香港人摯愛嘅爽口白身魚$12 厚切長鰭吞拿魚腩，十月限定，又系切得好樣衰，而且食唔出同普通位嘅長鰭吞拿魚有咩分別$17 中拖 ，油脂豐富，但係一個月衰過一個月，越切越樣衰