影片
营业时间
今日营业
10:30 - 22:00
星期一至日
10:30 - 22:00
以上资料只供参考，请与餐厅确认详情
影片
相片
+197
壽司郎📍新蒲崗太子道東638號Mikiki 1樓110號舖諗起想吃壽司郎想到必定係要排隊，今次嚟到mikiki嘅壽司郎，下午茶時間，唔需要等位，就可以直入用餐啦。今次嚟嘅目的呢係衝住‘’我推的孩子”聯乘。食咗$40超值下午茶外，另點$34最閃亮的白桃偶像芭菲😋，抽了其中一款立牌🤩下午茶越出的款式越多，最新有4款不同的壽司，配搭烏冬或拉麵。#香港 #美食 #壽司 #サインはB #mikiki #foodie
继续阅读
作為壽司郎嘅忠實粉絲，每次有新嘅menu 都會嚟試。六月份嘅時候，壽司郎就出咗以「初夏祭り」 為主題，推出多款蟹肉商品同埋多款快閃限定商品。今次嚟到新蒲崗嘅壽司郎食嘢，因為遇著晚市，所以好多人排隊。拎完飛，等咗40分鐘先有得入座。好彩等嘅期間可以喺商場行吓街，涼下冷氣消磨時間。除咗主推商品之外，壽司郎喇沙拌麵最吸引到我。對上一次試過海膽拌麵覺得好出色，今次都一併嗌咗嚟試。可惜今次食嘅海膽拌麵唔係好新鮮，冇第一次食咁好食。另外喇沙拌麵算係幾特別，配料有啲香菜同埋兩粒雲吞。個汁好香，有少少椰奶味，但係就偏辣，算幾惹味。結論係可以一試，但唔會encore。
继续阅读
壽司郞又岀新野喇！Lunch Time 大約13:15左右黎到新蒲崗分店，等左大約10-15分鐘左右就輪到我喇！如果怕壽司郎排哂長龍，大家可以去壽司郞app提早一日book位！最好係提早一日！無錯係提早一日book 位唷！因為即日book嘅話可能就已經full 哂book唔到唷！大吞拿魚腩配智利海膽$22（期間限定）- 吞拿魚腩有優質的油脂，係好嘅脂肪唷，智利海膽就唔算好甜，但好怕海膽腥味嘅我，呢件CP值高的壽司算係不俗。醬漬松烏賊鰭$12（期間限定） - 我覺得烏賊鰭味道同平時食嘅魷魚壽司味道非常相似，但係烏賊鰭比較爽口，十分鮮甜，醬漬味道剛好，加適量wasabi 就十分好味。魷魚秋葵和布蕪軍艦$12（期間限定） - 健康、美顏、修身人士必吃之選，和布蕪係營養豐富且低卡路里的海帶根部，口感較爽脆，而秋葵可抗氧化、預防多種癌症。成個組合非常創新而又夾味道，可以一試。茶碗蒸 - 每次來到我都一定會食茶碗蒸，鮮菇、雞肉、鮮蝦、仲有帶子！成個茶碗蒸非常鮮甜又高蛋白質，cp值非常高👍🏻👍🏻👍🏻。半熟宇治抹茶蛋糕 - 估唔到壽司郎呢款蛋糕抹茶味比預期嘅濃，加上半熟口感會無咁乾，整體不俗。
继续阅读
壽司飯鬆散，未夾就碎。碟碟壽司嘅壽司飯 魚生 配料完全分離，唔講以為要自己砌返嚿壽司出嚟，迴轉帶上果啲仲出色，好似輪迴左十個鐘經歷過大風大浪咁（雖然應該從來都冇人會食迴轉帶上嘅壽司）。嗌左有兩碟火灸壽司冇燒過咁，一啲燒嘅痕跡都冇。食過咁多次壽司郎，雖然都覺得平均每間分店嘅質素都每況愈下，但從來都未至於差到完全唔想再去。哩間真係比其他平價壽司店嘅質素仲衰好多。唯一比較好啲嘅係燒芝士八爪魚壽司，其他真係不了。環境方面，坐個位咁啱冇冷氣咁，食到出汗，唯一冇問題嘅係服務質素（因為除左帶位同賣單都冇咩需要服務）。
继续阅读
壽司朗門外總是站滿等候的人群，所以店舖準備了好大的等候位置，讓客人邊坐邊等。蝦三件在一碟之中有三件不同的壽司，適合獨食者。貝三件充滿海水味，好似在海邊新鮮打撈。士多啤梨芝士蛋糕分了上下兩層，上層為士多啤梨醬，下層為芝士蛋糕，配搭得宜。
继续阅读