壽司郎 (黃埔天地)

营业中

休息中

一路都覺得要2個月前book位食迴轉壽司真係好誇張，但係食完之後真係覺得幾抵食，個新鮮程度、味道同質素都對得住呢個價錢啊！🤩可能當日座位嘅位置係迴轉帶嘅後段，所以迴轉帶上面嘅壽司款式唔太多，我哋食嘅壽司大部分都係用tablet落單，火車送黎～價錢一樣係按碟嘅顏色黎分，最平$12，最貴都只係$27👍🏼順帶一提，壽司飯份量適中，而且飯醋味啱啱好😋•🥢雪花和牛雙味 $17呢個真係完全被驚艷到！雙味即係辣味噌同酸蘿蔔蓉，兩款都各有特色😋重點係牛味好濃，肉質完全唔韌，估唔到生牛肉薄片係咁好食🤩•🥢 北海道產海膽 $27味道鮮甜唔腥，而且口感creamy🤤•🥢特選大吞拿魚腩 $27大拖羅嘅脂肪分佈好靚，好似雪花肥牛咁～油香幾重，有少少筋但可接受～•🥢 特盛甜蝦 $12有最少6隻甜蝦唔同方向咁疊埋一齊，食嘅時候有啲唔知點落手🙈整體都鮮甜的～•🥢 炸蝦天婦羅拼盤 $27呢個拼盤有2隻蝦、2片南瓜、2粒菇同埋1塊葉(🧐)，炸皮算薄但有啲油，蝦生熟啱啱好，咬落彈牙，幾有驚喜🤩 粒菇咬落仲爆汁，好juicy😋•🥢 炸帆立貝芝士可樂餅 $17炸皮好薄，可樂餅內餡超creamy，芝士味好濃，得少少帆立貝喺入面，

壽司郎排隊攻略就係揀一間偏僻啲嘅分店😅同下午茶時間食 ～甘次係黃埔分店4:30拎飛，5:10入座 都算快 （好多人棄飛😛）總算嚟朝聖了 壽司價錢平，質素一般，甜品吾錯可以再黎😌 -好食度：🌕🌕🌕🌑🌑Cp值：🌕🌕🌕🌕🌑回頭率：70%

平時去日本旅行都會一定要食壽司郎，而家開左黎香港，仲要開左咁多分店，終於可以黎試下啦係佢個apps book位book唔到，唯有同朋友去walk in拎飛，5點幾去拎飛，大概等幾個字就可以入座估唔到咁快就可以入座黎壽司郎緊係要食拖羅啦！叫左中拖羅同大拖羅，呢個價錢食到拖羅已經好抵食落雖然唔係入口即溶，但都好有魚味另外再叫左池魚壽司，食落都唔係好腥，可能加左薑，郁算唔錯

以前喺日本成日都食嘅100yen cheap cheap sushiro, 黎到香港就即刻上咗神枱好受歡迎😳 排隊排左成個鐘先入到，咁梗係要試吓香港sushiro睇吓同日本有咩分別la!揀咗黃埔分店諗住少啲人點知排lunch都要成個鐘唔係叫咗好多嘢食，覺得啲店員都好似唔係好知做緊咩咁，叫左個あぶりえんがわ叫佢幫我燒熟啲佢話佢哋賣晒然後嗰個芋頭真係好唔掂，從來冇食過啲咁難食嘅嘢最後食淨左大半碟我啲朋友都唔肯幫手食🤮凍冰冰成舊粉咁樣個樣望落去仲以為好好食.. sigh然後我喺個迴轉壽司度見到佢係咁轉啲新嘅出嚟🤯再落單佢真係嚟咗然後再叫佢燒熟啲佢都係ignore左我不過$20一舊咁平爭鮮咁既餐廳冇辦法啦同埋覺得幫我哋收錢嗰個阿姐冇咩禮貌😕

壽司郎已經開左四間分店了，但仍冇阻大家對佢既熱愛💕雖然可以用app預約定先，但都最起碼要一至兩個月後先有得食，不過重點係用app都好難拎到飛🥺所以今次咁岩去開黃埔，就決定walkin排隊😌等左一個多小時後終於有得食了🤩-🎈特選大吞拿魚腩 $27簡直是我既最愛啊❤️性價比超高的，而且咬落去滿滿油脂感😳肥肥的🐷-🎈雪花和牛 $27男朋友仔一見到就好想食了🤤但唔算好驚喜不過不失咁～-🎈醬烤日本產帆立貝 $22真心推薦﹗粒帆立貝真係超厚身超好味，食落啖啖肉咁，超有口感🤩-🎈炙燒芝士三文魚 $12本身我已經好鐘意食呢款壽司了😚熱溶了的芝士配上沙律醬同三文魚完全係絕配啊🥳平時出去食手卷都好鐘意叫的-🎈日本產帆立貝 $17感覺上冇醬烤日本產帆立貝咁好食，但都好鮮甜，食得出個種鮮味😌-🎈三文魚腩配三文魚子 $17故名思義就係在三文魚腩上加了三文魚子～好豐富可以同時食到三文魚子同三文魚腩，都幾有層次😎-🎈茶碗蒸 $19個蛋蒸得好滑🥰仲好足料啊，有大大粒帶子係裡面😋😯-整體既水準真心高😊今次係第二次黎食，但食完都仲好想再去，回頭率100%，仲要係性價比高，好抵食😍-🔸壽司郎📍紅磡黃埔天地享膳坊(第4期)地下

為左食壽司郎，你可以去到幾盡？我就book左兩個月台先有得食，等到頸長🤤食壽司可以用平板落單，非常方便。平板一次最多可以叫4碟野食，落完單好快就有野食，所以唔使一次過落曬單，食到第三碟左右再落就差唔多👍雖然限時1個鐘，但絕對唔會唔夠時間食。壽司方面我最鐘意蝦三味同海膽紫菜包。蝦三味有赤蝦，甜蝦同熟蝦，蝦肉一d都唔腥，好味！海膽紫菜包嘅海膽大大舊，好鮮甜！呢度嘅茶碗蒸都好好味，茶碗蒸除左有海鮮配料之外，仲有我好鐘意食嘅白果😋雖然等到頸長，但我都會繼續等😍兩個月後再戰😋

呢間壽司店由日本食到返香港，今日終於有時間排隊等食，因為之前睇過食評已經話要排隊排到甩轆，心想隔一段時間去應該會好D，点之...都係一樣11：30去攞飛，等到2：15先有得食。入座後二話不說落單，因為店員話用餐時間得60分鐘勁点勁食，好滿足啊～款式多價錢有的平有的正常薑汁燒肉野:天婦羅都炸得好，，中吞拿魚一般有根，大吞拿魚還可以，所有蝦類壽司都好正，和牛壽司牛味濃正，特大炸蝦:蟹膏軍艦好鮮味，帶子好巨大:唯一係三文魚差D:

家人早早個幾月前預約了壽司郎，預約常常爆滿，必須提早安排預。當日到達現場仍是人山人海，非常火熱的餐廳。店內位置都是迴轉壽司的格局，一行六位成人被安排到只適合四人的卡位再額外加椅子，這安排確實不太滿意，因很窄也坐得不舒服，但無奈店子太滿，要再安排確實無辦法，只好怱怱點餐。食物選擇很多，加上季節性的特選壽司，真是花多眼亂。狂點一輪後每款壽司也不錯，說真的，質素比其他本地迴轉壽司出色，價錢也夠親民。以下是個人覺得出色的壽司及小吃，推推推- 赤蝦壽- 油甘魚壽司- 極上大吞拿魚腩壽司- 天婦羅蝦- 蟹腳蟹膏壽司（季節性）- 池魚壽司

星期六早上十一點半去到黃埔 大約等了一小時30分鐘 就有位 真係好好彩呀，門口係超多人等位 三文魚同吞拿魚腩 都好新鮮 好味海膽 還可以青瓜卷係for小朋友的 生蝦壽司 好甜好彈牙 好味 到甜品 一般都以為食迴轉壽司 d甜品都會唔多掂 ，但今次改變咗我嘅睇法 首先甜蕃薯 妹妹點嘅，外面脆又小小點 阿妹好鍾意 我叫咗一個士多啤梨芭菲 價錢平 三十幾蚊 味道唔錯 😋😋其實食咗好多嘢 但因為掛住食 唔記得影相埋單四個人 六百幾蚊 抵食啦 兩個小朋友話以後食壽司 只去依間 一定會再幫襯

第一次黃大仙食壽司郎留咗好形象，好大件，好靚靚。今次去左紅磡黃埔呢間，感覺冇咁吸引。2個人咁就食左500幾蚊，而每次都只用電腦叫。必叫組合包括肥鰻魚$22、肥拖羅$27、鰻魚三寶$27，羅勒三文魚$12，蝦孖寶$12，油甘魚$17！真係幾正！可以係無限loop！不過不失組合有吞拿魚類別、蟹肉蟹膏$17、魷魚。野飲啤酒not bad⋯平平凡凡組合有魚卵$12、帆立貝$22，厚切三文魚$17、三文魚腩$12、芥末章魚$12，覺得一般，好多好食過佢。

長期排長龍的壽司郎，平常都是前往佐敦分店，今天途經黃埔，看見時間尚早，特地拿了票早早排隊，來試試黃埔分店跟總店質素有沒有分別#北海道海膽海苔包 $27一看見了海膽是本日限定，便毫不猶豫地點了兩客，海膽很鮮甜，絕對不腥，而且紫菜新鮮脆口，配合起來不會搶了海膽的味道，$27吃到新鮮海膽壽司絕對超值！#吞拿魚蓉新香卷 $12壽司卷內滿滿的吞拿魚蓉，魚蓉切得很細不會有筋，原來新香卷即是醃蘿蔔，但配搭在壽司時不會影響到吞拿魚的味道，但爽脆的醃蘿蔔和軟淋的吞拿魚蓉配合起來，口感很特別，值得一試～#特盛天婦羅小帆立貝軍艦 $17一粒粒帆立貝放左最頂層，賣相很不錯。但是帆立貝已經炸了並放置了一段時間，而且紫菜較為軟身，吃下時只嚐到天婦羅和紫菜的味道，吃不到帆立貝的味道。#特盛炙燒千層伊比利豚肉 $12豬肉油脂分布平均，吃下去不會膩，而且有很重的燒烤味，應該是用火槍燒過一遍，配搭起壽司飯也挺配合的。#赤蝦二貫 $12厚身鮮味的赤蝦~小編每次的必點之選，新鮮的赤蝦很鮮甜，肉質厚實，不會軟淋。#炙燒芝士三文魚 $12小編另一個必點之選！由火槍燒過的芝士溶化在三文魚上，三文魚油同時與芝士混和在一起，還會伴有淡

個friend下晝5點半排隊攞飛，呢間算比較快， 7點3就可以食，因為間間都要排好耐，對佢嘅expectations都比較好。但係佢嘅質素真係唔值得排隊排咁耐，只係普通迴轉壽司嘅質素，唔明點解啲人要排咁耐。冇咩特別好食，但係佢個蛋壽司同豚肉壽司真係唔係好掂

是咁的，我唔鐘意排隊，如果唔係有朋友係附近做野，5點幾拎左飛，我唔會排2個幾鐘去食。同埋黃埔呢間最唔就腳，應該唔洗排咁耐，有人6點幾去已經派哂啲飛。我地有9個人，但冇9個人既飛，唯有分2枱。用餐時間只有60分鐘，真係唔好傾咁耐計，好快就夠鐘😂唔好意思，本人對腥味好敏感，所以覺得件大拖羅有啲腥。可能本身受網民影響，有好大expectation，所以反差有啲大。反而覺得$12 2件個個ok，有魚味，雖然個樣似生豬肉，但唔記得左影相🤭🤭性價比高海膽壽司，OK，甜既海膽。火炙左口魚，自己好鐘意食左口魚，唔錯。叉燒壽司，唔岩我口味。FYR，5人枱（4女1男），每人食左$2304人枱（4男），每人$300

係傳說中嘅壽司郎！我地平日下晝walk-in ，都等左個半鐘，不過好彩係某社交平台有直播叫飛，唔洗企定定等，行到咁上下再返去都得🤓—————————幾抵食，炙燒三文魚個d都係$12/2舊，2條友食到飽都唔洗$300！最有驚喜既係第一幅圖銀色碟個碟(唔記得咗咩黎lol)，食落真係好爽脆，點埋豉油真係perfect!—————————除左豉油好咸，其他都好滿意👍🏻👍🏻評分：🌕🌕🌕🌕🌗

2個月前用app book左父親節晚來試下壽司郎，比預訂時間等多左十分鐘就有卡位，都ok. 第一次食，發現一個鐘真係超級趕，睇下個落單程有咩食，已經用左十分鐘，再拎下醬料飲杯茶，已經得番半個鐘多d, 大家真係唔好掛住吹水，要係咁哎！最鍾意吞拿魚腩壽司，咁岩職員拎出來係特選推介，試左好新鮮！最平的$12壽司真係幾多選擇，整體都80分，想試麻辣赤蝦但今日得葱味，都幾正，好大隻！蟹膏軍艦都唔錯！鯛魚湯蜆肉拉麵都ok, 幾多蜆，但拉麵有d太咸。