夏捌月 (已結業)

之前睇過啲comment同朋友都話唔錯，所以試吓去食晚餐。全部staff服務態度都好好，好有禮貌。環境唔算寬敞，但可接受，燈光偏暗。賣嘅屬於偏港式西餐，份量比正常多。食物質素好一般，所以都好疑惑好多人話「好食」。扒無乜肉味。兩個pasta d粉煮得麻麻又無咬口，而且味道配搭一般。小食比較正常，最好食係個薯條，夠熱。埋單約$220-230個頭，唔貴，不過唔值呢個價。個人覺得連鎖快餐店啲扒同pasta好食啲，試一次就夠。提一提，唔收卡，訂位嗰陣無講。

自己喺元朗大，佢哋舖果個位真係好少去，主要原因喺對面有間辦白事舖頭，由細到大啲老人家都話少啲經過呢啲地方，所以一直都唔會主動落天橋底搵食。好多年無返元朗周圍行，今日去元朗做嘢，順帶去試吓呢間好評餐廳。專門夾好時間去食第一輪，入去唔洗等位，坐低先問要紅湯定白湯，跟住湯到再點餐，叫咗個L1牛扒餐，要意粉同黑椒汁。湯...唔記得影相，意粉軟硬度正常，最少唔會好似茶餐廳咁...啉到都唔想食，牛扒份量真係抵食，最適合無肉不歡啲人但有少少奇怪牛扒外層好似有層脆漿。牛扒對得住餐牌價，比起連鎖快餐店啲鐵板餐抵食；薯塊乾爽脆，其他伴菜都用心擺盤。自己唔飲凍嘢，見到好多人都叫樽仔奶茶，估計應該都幾好飲。下次再嚟試吓佢哋啲豬扒👍生意興隆

元朗國真係好多好西食架🤤雖然平日去但lunch都full house，好好彩咁岩有最後2個人👏🏼·西餐既Lunch黎講1d都唔算貴！5,6十蚊已經包埋餐湯同餐飲！•紐約客蒜泥牛扒。其實都幾大份，仲有兜仔長通粉，男仔都好夠飽•日式茄子牛柳粒炒飯。炒得好鬼香，牛柳粒原來係晒d飯下面，都好大粒下，又淋又好味🤤•餐湯都好足料👍🏼•加咗$3轉樽仔奶茶。好鍾意飲樽仔奶茶，加$3其實好抵☺️·💛有良心d野又好食，一定要支持💪🏼

裝修好得意喎，入來食個午餐先！成個感覺都唔錯，最緊要唔貴。$100左右，小店午餐，誠意十足，值得推介。白汁焗豬長通扒唔干身，個兜又得意，$50來說，好抵。雞扒意成個碟擺滿，有炸薯，沙律菜，汁另上好出色，$50好飽

估計係一間幾受街坊歡迎嘅餐廳，12點幾已經排緊隊，仲好多人要「照舊」🤣價錢相宜，但坦白講質素都只係街坊餐廳質素🙈板燒鑊仔牛柳$64 有三塊幾抵，但有啲位好多筋，有啲就腍到唔覺得係肉，牛味欠奉。配菜方面，薯蓉同薯角都幾好，但啲菜就真係可以做好少少😕好凍同埋好淋奶茶都係正常，但+$3 就有出面十幾蚊嘅樽仔奶茶都幾抵🤣🙈

雖然時不時都會經過呢條街，但一直都冇留意呢度有間夏捌月💛門口已經放咗呢個餐牌喺等位時可以順便睇下有咩食一入去冇耐店員已經俾湯我哋當日時間有啲晏，所以得番紅湯正是我心頭好！酸酸地，好開胃好要好足料都有頗多洋蔥本身想叫佢個紫薯雞髀菇燴飯但因為賣哂所以叫咗素人炒飯本來都冇乜期望，覺得只係炒飯一碟因為太肚餓，又樣又吸引，食咗幾啖先記得影相炒飯配料有蛋、粟米、素雞同香菜聽落就係屋企炒飯嘅料但佢炒到好乾身啲飯近乎粒粒分明調味又剛剛好，令我好意外！不過如果加啲黑椒，應該會更惹味！男朋友叫咗板燒鑊仔牛柳（5成熟）配薯菜佢個薯角！係即時炸！食入口就熱辣辣而且好脆皮勁好味😋仲有個黑椒汁另上，份量都好夠，有啲俾我拎咗嚟撈飯😂臨尾想叫奶茶不過冇哂唯有叫熱朱古力外表平平無奇但唔知點解好滑好好味令一個月只入一次朱古力嘅我都忍唔住加完一$128好ok會再幫襯😋

朋友介紹嚟元朗食西餐可以試試夏捌月，味道OK得黎價錢都好抵食，一去到已經好多人排隊啦！《牛扒》厚切牛扒肉質正常，只有好少筋位。而且欣賞好多配菜，包括薯角、瓜類、紫薯泥。黑椒汁就可以自己按喜好加上，唔驚一嚟到就咁重味呢👍🏻《樽仔奶茶》💰$24《樽仔朱古力》💰$24樽仔設計好有港式風味，奶茶同朱古力嘅奶味份量較多，味道都稍甜👀另外好多人話Lunch都抵食，下次去記得book位先～環境：⭐⭐⭐味道：⭐⭐⭐打卡：⭐⭐服務：⭐⭐⭐回頭率：⭐⭐⭐

行山前去咗一間好黃嘅西餐廳食Lunch,好食嘅嘢當然要等下ga la! 而且呢度啲Lunch Set的確非常之抵食，仲有好多選擇，除主菜之外有湯同埋餐飲，平均都係六十幾蚊，質素都唔差的開動紐約客蒜泥牛扒$61朋友叫既，塊扒嘅肉質都好嫩，仲大大塊添車打芝士焗五寶$54我呢個芝士焗飯都話好好食⋯濃濃芝士撈飯，超正，仲有好多餸，腸仔、煙肉、蟹柳、雜菌同火腿有加一收費，但性價比都幾高的店外keep住有人排隊等緊

朗屏西鐵站下有間人氣西餐廳餐廳擺滿Avengers figure如果係Avengers迷應該會好鐘意.環境： 小店空間有限 坐位與坐位之間比較狹窄如果約朋友聚會想坐耐少少 可能相對就無咁舒服.食物：不過佢既食物真係幾好食😆推薦double蟹肉蟹膏意粉 意粉係al dente口感 入口有嚼勁 而且個汁超creamy 蟹味又出撈埋意粉一齊食超好食👍👍.安格斯肉眼牛扒牛扒脂肪分佈均勻瘦入口肉質鮮嫩多汁最驚喜係用左紫薯蓉做配菜相比煎炸薯條 更有營健康而且紫薯香甜軟滑 不錯

約定好朋友前往香港大棠郊遊，順路欣賞一年一度嘅楓葉🍁！先在朗屏站出口，找到這間親民小店，吃個簡單早餐，特別係羅宋湯螺絲粉好好味，早餐選擇多，價錢抵食，值得經開一試，朋友點牛扒，味道唔錯

平日接近兩點先黎到食lunch有唔少款都賣哂，連樽仔奶茶都無左三點落場，所以要食都要趁早一坐底就問飲咩湯，我地揀左羅宋我個碗勁多牛，好足料一人叫左一個lunch set先上漢堡，入面塊雞完全無炸既感覺，係普通煎甘但個包有輕輕烘左入面，外面就唔算脆薯魚好外脆內軟，有薯味，唔錯四蔬係西蘭花，素雞，菇同蕃茄蕃茄味好夠，下面d 意粉口感都唔錯，溝埋d 汁一齊食，食食下都食左好多餐飲無奶茶轉叫朱古力朱古力味好濃又夠滑，係偏甜左dd, 但都可接 受千色果間食過幾次，朗屏依間第一次，店舖比較細，但店員d 野都跟得幾足係小店感覺

兩個人黎食呢度嘅午餐，分別點左雞扒德國腸配長通粉同雙重芝士焗厚豬扒，配餐湯同餐飲價錢都係平均50頭左右，呢個價錢嘅食物質素算係幾好！最出色嘅係佢啲嘢擺盤擺得幾靚（尤其是凍奶茶呢個樽）服務態度亦都唔錯！裝飾得幾有心思，主題係avengers ，掛咗好多相同埋擺咗好多fingers出嚟！！難怪都好多人嚟幫襯，但係因為始終舖頭地方唔係特別大，我哋一路食都見到唔少人上嚟食嘢但係因為要等位嘅原因，最後都係放棄咗！ good luck!

《平價鋸排小店🥩》———————————————-#夏捌月 💛-難得有機會入到元朗，就嚟試咗呢間本地西餐黃店，鋸個平價高質牛扒😋-我哋最推薦牛排同牛柳，牛味好香濃，油脂感十足。五成熟嘅牛扒好容易切開嚟食，肉質有咬口，肉味濃郁，配搭薯菜簡單一流。份量都唔錯，呢個價錢嘅性價比好高，抵讚😚-順帶一題，小店都幾熱門，我哋好彩早去，一到午飯時間無論堂食定外賣都好爆，店員忙個不停。可能人手唔太夠，提提大家要比啲耐性呀～💓-⭐ 參考價錢︰紐約客蒜泥牛排：$61板燒鑊仔牛柳：$64雙層芝士焗豬扒飯：$56🍌 抵deal 指數：8/10💰 人均消費：$60

終於有機會食到夏捌月嘅晚餐~冇事先book位，好彩早到就算係walk in都有位~兩個人叫咗3個餐🤣，因為淨係食咗早餐所以好肚餓! 叫左個M5和牛、豬同埋蟹肉蟹膏意粉~另外仲叫咗酥皮湯！全部野食都係熱辣辣即叫即整，小店嘅優勢~3款主食都好出色，份量亦都幾足料~不過餐廳環境就扣分，因為實在太多蚊螆仔係度飛來飛去，頭頂同枱底都有好多🙉而且冷氣吾係好夠，希望餐廳可以諗諗啲方法改善一下呢個問題，咁就完美perfect啦👍

《大雞扒德國腸》佢塊雞扒真係好大塊，新鮮熱辣啱啱煎好就上枱，嫩滑有口感，有兩件薯角都香脆可口，至於個黑椒汁就正正常常咁啦，意粉方面，少啲啲油就perfect啦！有少少沙律菜半碟冇咁dry👍🏻 《養顏玫瑰花果茶》茶方面，清清地，玫瑰味唔算太重。啱啲唔想飲甜，想飲熱飲嘅朋友，呢個會係一個唔錯嘅選擇！《芝士焗肉醬牛柳粒》有好多肉醬，都係有小小油膩，牛柳粒都唔算少，肉質就正正常常咁啦，整體來講幾好味😋環境方便就一間普通地區西餐廳，服務質素同衛生方面就一般。總括嚟講都係一間抵食嘅餐廳👍🏻💕